Ɨ̀fàʼì 12:24 - Meta’

²⁴ Ɨŋgam Ŋwiə̀ wɨə nyaʼə jàŋə̀ wò ɨmbì. Bə̂d mɨ̀nɔnɔʼ nyaʼa zu benɨ.

Ikan feg

²⁴ Bəd Kristo ya chè imbìghè ni chètì Ìngam Ŋwiye. Bəd nɔʼ nɔʼ ya zug bə̀ bḛ.

Ɨ̀fàʼì 12:24 교차 참조

Matìyò 16:18

Əne mə ghà ɨ ne ni, àwɔ̀ yɨə Pità, mə bɨrɨ bɔm mɨ ɨfetɨ ɨgun ɨwɔ̌ wɔ̂, ɨchî nɨ ka àbei ɨvɨ, ka wɨ bɨrɨ nimnɨ i ɨfetɨ we.

Ɨ̀fàʼì 11:21

Ɨka Ə̀nùŋɨ̀sɨg wɨə nyaʼa ɨgwɨ mɨ̀mə̌d, əne wɨ̀ nyaʼa ghɨ̀ ni ɨnɔ̂n bə̂d, kwàʼ wɨ kyeŋ, ben ɨnû mbe nɨ mbɨ nyaʼə ghàə̀, əne zɨ̀ tə fîŋ ɨgwɨ Ə̀nùŋɨ̀sɨg.

Ɨ̀fàʼì 19:20

Əne ɨŋgam Ə̀nùŋɨ̀sɨg wɨə nyaʼə jàŋə̀ wò ɨmbì. Ɨ wɨə nyaʼə bə̀ bètɨ̀ə̀ fîŋ rɨ bə̂d mɨ̀nɔnɔʼ. Bə̂d mbe nɨ nyaʼa zu nyaʼa benɨ.

Ɨ̀fàʼì 5:39

Àyɨə ənû zɔ̂ ə mɨ nɔ̀ʼ rɨ əmbɨ ə Ŋwìə̀, njɨ chəi mbə̀ bɨrɨ berɨ ɨka nɨ baŋ mɨ̀mə̌d. Ɨghə̀m mbə bɨrɨ zə ni mbə mbɨə zɔŋə mbɨ ə Ŋwiə̀.”

Ɨ̀fàʼì 6:7

Ɨŋgam Ŋwiə̀ wɨə nyaʼə jàŋə̀ wò ɨmbì. Ɨnun bə̂d mbe nɨ nyaʼa ben ə Kristo ə Jèrusalèm wɨə nyaʼə bə̀ nɔʼrɨə wò ɨmbì ənɨ ə bid. Bə̂d mbàn Ŋwìə̀ nɔnɔʼ nyaʼa bə̀ ben ə Kristo.

Kòlosè 1:6

nɨ fə yeʼe ɨ nən. Ɨkə̂n chɔ̀m wɔ̂ wɨə kwiə bə̀ ghɨ̀ə̀ ni bə̂d mɨ̀jìm ɨŋga ɨsɨg ghɨ ɨnû mbe nɨ Ŋwiə̀ kəbɨ, àmei ɨchî nɨ mbə nyaʼa fə bə̀ fə kɔ ghɨ̌, kɔ rɨ əni ze nɨ mbə̀ nyaʼa zu bə̀ kyerɨ rəsìʼ ɨmbə̀ʼ ɨ̀chɔ̀m Ŋwiə̀.

2 Tès 3:1

Mba bɔŋgɔb, ɨ wo ɨmbì, mbə̀ kɔŋgɨ ə Ŋwiə̀ ɨgwɨ na ni ɨkə̂n chɔ̀m ɨmbə̀ʼ Ə̀nùŋɨ̀sɨg zambɨ kɨə jàŋə̀ wo ɨmbì, bə̂d zu benɨ bə̀ wumnɨ, àmei ɨchî nɨ mbə̀ nyaʼa zu benɨ bə̀ wumnɨ.