Ɨ̀fàʼì 12:19 - Meta’

¹⁹ Herɔ̀d nyaʼa chà bə̂d ni mbɨ kəb ə Pità, àyɨə chəi mbɨ nyaʼa zə əməd. Wɨ̀ nyaʼa nwèndɨ̀ mɨ̀sɔgyɨ̀ mbe, əne ghà ni mbɨ zwiirɨ mɨ̀mə̌d. Ənɨ mbɨ nyaʼa ghɨ̀ əne, wɨ̀ nyaʼa nɔ̀ʼ rɨ ə Jùdeyà swiʼi wò ə Kàisàriyà pè chub əŋgu ənɨ ɨkə nyumə̀.

Ikan feg

¹⁹ Anyumə̀ ne ifɔn Erɔ̀d ya ghi mbi kə̀b Pità tèkan, wi ya ghì mbi saʼ mə̀sogyì mbe bə̀ niŋ isɔbi anug ghì mbi zweti awɔb. Ifɔn Erɔ̀d ya si nɔ̀ʼ a Jùdeyà ghò chùghi yaʼ a Kàserìyà ane nyumə̀ mɔ̀ʼɔ.

Ɨ̀fàʼì 12:19 교차 참조

Matìyò 2:1

Mbɨ nyaʼa gywɨ ə Yeso ə Betlehem we rɨ ə Jùdeyà. Mbɨ nyaʼa gywɨ əməd ənɨ ə nyùmə̀ we nɨ Herɔ̀d nyaʼə ɨfɔ̂n. Ənɨ əgha ə nyaʼa tɔ sààrɨ̀, bə̂d mɔʼɔ nɨ nyaʼa kyerɨ ənû ɨmbə̀ʼ rɨtəmɨ nyaʼa nɔ̀ʼ rɨ əbà ze nɨ nyùmə̀ ə jwɨ̀ rəŋgu wò ə Jèrusalèm.

Matìyò 2:13

Ənɨ bə̂d mbe nɨ nyaʼa kyerɨ ənû ɨmbə̀ʼ rɨtəmɨ nyaʼa fə wò əwən, aŋgɨrə̀ Ə̀nùŋɨ̀sɨg nyaʼa wò əsɨ Jòsêf ə njə̀m pè ghà ni, “Nɔʼɔ nɨŋ wan wɔ̂ mbɨ ɨŋgɔb məd mbə̀ nòrə̀ wò ə Ijìpt. Mbə̀ chub əŋgu pè ənɨ mə̀ ghà ɨ nən ni mbə̀ wɨrɨ yeʼe, ɨmbə̀ʼ ɨghəm nɨ Herɔ̀d wɨə kə̀b zwiirɨ wan wɔ̂.”

Matìyò 2:16

Ənɨ Herɔ̀d nyaʼa zə ni bə̂d mbe nɨ nyaʼa kyerɨ ənû ɨmbə̀ʼ rɨtəmɨ nyaʼa fə tam əwi, wɨ̀ nyaʼa sə ɨtəm kwàʼ rɨŋgəʼ. Əne wɨ̀ nyaʼa chà mbi mɨ̀sɔgyɨ̀ ə Betlehem bə̀ fɔrɨ ɨŋga ɨsɨ mbe nɨ nyaʼa ɨban ɨban ni mbɨ zwiirɨ bɔn mbaŋə̀ bɔd mɨjìm mbe nɨ nyaʼa fə sɨ ɨghəm ɨwu be fɔrɨ mbe nɨ chəi mbɨ nyaʼa kɨrɨ pe ɨghəm ɨwu be. Wɨ̀ nyaʼa ghà əne beenɨ əbɔʼ nyùmə̀ we nɨ bə̂d mbe nɨ nyaʼa kyerɨ ənû ɨmbə̀ʼ rɨtəmɨ nyaʼa gha ɨ bɔ.

Ɨ̀fàʼì 12:18

Ənɨ ɨtuʼ nyaʼa chɨgɨ, ə̀bùùrɨ̀ ə kyeŋ ə nyaʼa jwɨ̀ əkaʼ mɨ̀sɔgyɨ̀ mbe. Chəi mbɨ nyaʼa kyerɨ ənû ze nɨ ghɨ ənɨ Pità.

Ɨ̀fàʼì 12:4

Ənɨ Herɔ̀d nyaʼa fə gywɨ ə Pità, wɨ̀ nyaʼa zɨ̀ əməd ə ndəŋ, əne nàʼ əməd əmbɨ ɨwaŋ mɨ̀sɔgyɨ̀ kwè, mbɨ mɨ̀sɔgyɨ̀ mɨ̀kwè ɨŋga ɨwaŋ fibɨ̀, ni mbɨ nəŋgɨ əməd. Herɔ̀d nyaʼa nùŋ əməd sɨə kɔndɨə ni mbɨ mɨ jɨg Əchwɨ̂ ə Che-ɨgun màànɨ̀, tə bɨrɨ nɨŋ əməd wò ni mbɨ saʼ əməd əsaŋ əsaŋ.

Ɨ̀fàʼì 12:6

À nyaʼa ɨzimɨ we nɨ ɨtuʼ bɨrɨ chɨg Herɔ̀d chɨ̀ ə Pità nàʼ ni mbɨ saʼ əməd əsaŋ əsaŋ, Pità wɨə nyaʼə gwen ɨŋga mɨgharə̀ mɨ̀sɔgyɨ̀ mɨ̀be. Mbɨ nyaʼa kod məd ənɨ mɨ̀kàrə̀ mɨ̀be. Mɨ̀sɔgyɨ̀ nyaʼa bə̀ chub ɨchû ɨkam ɨ nəŋgɨ ə nəb ndəŋ ze.

Ɨ̀fàʼì 16:27

Ənɨ mbaŋə̀ ze nɨ nyaʼə nəŋgɨ ə nəb ndəŋ ze nyaʼa nɔ̀ʼ rɨ əŋgwenɨ, wɨ̀ nyaʼa zə mɨchû nəb ndəŋ mbe əfìʼə. Wɨ̀ nyaʼa zə əne, chɔʼ fi ɨbi bid rɨ ə baʼ, kəb zwiirɨ i ɨnyod, ɨmbə̀ʼ ɨghəm nɨ wɨ̀ nyaʼa kɔndɨ ni bə̂d ndəŋ mbe fə jwɨ̀ nòd əwən.

Ɨ̀fàʼì 21:8

À nyaʼa əni ze nɨ beenɨ, tɨ̀ nyaʼa nɔ̀ʼ rəŋgu wò ə Kàisàriyà. Tɨ̀ nyaʼa pè chubɨ mbɨ Filip we nɨ nyaʼə ghà Ɨkə̂n chɔ̀m. Məd yɨə nyaʼə rəbɔʼ mbaŋə̀ te sambe nɨ Əzwî ə Zeŋɨ ə nyaʼa chɔʼ ni mbɨ ghapɨ ɨghɨjɨg.

Ɨ̀fàʼì 25:13

Ənɨ ɨni mɔʼɔ nyaʼa chě, ɨfɔ̂n Agripà mbɨ Benis nyaʼa wo chaʼrɨ ə Festùs ə Kàisàriyà.

Ɨ̀fàʼì 27:42

Mɨ̀sɔgyɨ̀ mbe nyaʼa taŋ ni mbə bɨrɨ zwiirɨ bə̂d ndəŋ mbe mɨjìm, ɨmbə̀ʼ tɨ wɨ mɔʼɔ zɔʼ i rɨ̀bàà we norə.

Ɨ̀fàʼì 8:40

Àyɨə mbɨ nyaʼa zə ə Filip ə Azotùs. Ɨ wɨə nyaʼə yènə̀ ghà ɨkə̂n chɔ̀m ɨŋga ɨsɨ jìm. Ɨ wɨə nyaʼə yènə̀ ghà əne wò pè ə Kàisàriyà.