Ɨ̀fàʼì 11:29 - Meta’

²⁹ Əne bə̂d Kristo mbe rɨ ə Antiɔ̀k nyaʼa ben ni wə̀d mɔʼ mɔʼ rəbɔʼ nən cha əghɨ ze nɨ tɨ̀ wɨ̀ chà, ɨmbə̀ʼ weerɨ bɔŋgɔb mbe nɨ nyaʼə chub ə Jèrusalèm.

Ikan feg

²⁹ Mə̀mə̀nənùg ya niŋ isɔbi anug ni nàʼ àwètì abə bəd mbe ne yaya chùghə a Jùdeyà ne ya nɔŋi ìwɔb ibḛfiŋ igun Yeso Kristo. Wə̀d imɔʼ imɔʼ ya nàʼ ighi icheg ne wì ya bèri.

Ɨ̀fàʼì 11:29 교차 참조

Matìyò 25:17

Əne bə̂, we nɨ nyaʼa nɨŋ ɨ̀bàm ɨkab gôl be, nyaʼa bə̀ jɨg njìm ɨ̀bàm cherə be.

Jn 2:2

Mbɨ nyaʼa bə̀ won ə Yeso mbɨ mə̀mə̀ə̀nɨ̀-ɨnû ɨməd ənɨ ɨnamɨ we.

Ɨ̀fàʼì 1:15

À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

Ɨ̀fàʼì 11:1

Bə̂d tom Kristo mbɨ ə bə̂d mbe rɨ ə Jùdeyà nɨ nyaʼa ben ə Kristo nyaʼa zu ni bə̂d mbe nɨ kaʼi mɨ̀Jû fə bə̀ ben ɨŋgam Ŋwiə̀.

Ɨ̀fàʼì 11:26

Ənɨ wɨ̀ nyaʼa zə əməd, wɨ̀ nyaʼa nɨŋ əməd mbɨ wò ə Antiɔ̀k. Ɨ mbɨə nyaʼə bòmnɨ̀ə̀ mbɨ ə bə̂d mbe nɨ nyaʼa ben ə Kristo. Ɨ mbɨə nyaʼə bòmnɨ̀ əne ənɨ əghəm əwu ə fibɨ̀. Mbɨ nyaʼə bòmnɨ̀ə̀ chwi ɨnû ɨmbə̀ʼ ə Yeso əmbɨ ə bə̂d mɨ̀nɔnɔʼ. À yɨ ə Antiɔ̀k nɨ mbɨ nyaʼa be kɔ tɔŋ bə̂d mbe nɨ nyaʼa ben ə Kristo ənɨ ə Bə̂d Kristo.

Ɨ̀fàʼì 13:52

Ɨghaʼi mbɨ Əzwî ə Zeŋɨ nyaʼa swi ɨŋga bə̂d mbe nɨ nyaʼa ben ə Kristo ə Antiɔ̀k.

Ɨ̀fàʼì 14:20

Àyɨə ənɨ bə̂d mbe nɨ nyaʼa ben ə Kristo nyaʼa wò kad əməd, wɨ̀ nyaʼa nɔ̀ʼ bə̀ndɨ̀ wò nyɨ ɨŋga Listrà. À nyaʼa əni ze nɨ beenɨ, wɨ̀ nyaʼa nɔ̀ʼ mbɨ Banabàs mbɨ wò ə Də̂be.

Ɨ̀fàʼì 14:22

Ɨ mbɨə nyaʼə yènə̀ tìmbɨ̀ ə bə̂d mbe nɨ nyaʼa ben ə Kristo, bə̀ yènə̀ ghàə̀ ni mbɨ yim ɨbenɨ wɨ kaanə wo ɨmbì. Mbɨ nyaʼa bə̀ ghà əmbɨ mɨ̀mə̌d ni, “Tɨ̀ berɨ zə ŋgəʼ nɔnɔʼ bɔŋ nyɨ ɨŋga ənû ɨfɔ̀n ə Ŋwiə̀.”

Ɨ̀fàʼì 24:17

“Ənɨ ɨghəm ɨwu nyaʼa fə chè nɔnɔʼ, mə nyaʼa wɨrɨ wò ə Jèrusalèm ɨmbə̀ʼ naʼ ɨkab əmbɨ ə bə̂d ɨkwaŋ mbe nɨ yeʼ ɨŋga mɨ əbeŋ bə̀ nàʼ ɨghɨ ə̀fà əmbɨ ə Ŋwiə̀.

Ɨ̀fàʼì 4:34

Chəi wɨ mɔʼɔ rəbɔʼ mɨ̀mə̌d nyaʼa kwaŋ əghɨ, ɨmbə̀ʼ ɨghəm nɨ bə̂d mɨjìm mbe nɨ nyaʼa berɨ ɨsɨ si kɨ̀ nəb nyaʼa fèndɨ̀ ɨghɨ mbe, nɨŋ ɨkab we nɨ mbɨ fendɨ əŋgu

Ɨ̀fàʼì 6:1

À nyaʼa ɨŋga ɨni mbe, ənɨ ɨnun bə̂d mbe nɨ nyaʼa ben ə Kristo nyaʼə sɨə nɔʼrɨə wò ɨmbì, mɨ̀Jû mbe nɨ nyaʼə ghàm ə Grik mbɨə nyaʼə ghàmbɨ̀ mbe nɨ nyaʼə ghàm ə Hibrù, ɨmbə̀ʼ ɨghəm nɨ ɨ mbɨə nyaʼə mèʼnɨ̀ mɨku əyi mɨ̀mə̌d ɨni jìm ənɨ mbɨ nyaʼə ghàpɨ̀ ɨghɨjɨg.

Ɨ̀fàʼì 9:19

Ənɨ wɨ̀ nyaʼa fə jɨgɨ, ɨnyod məd nyaʼa wɨrɨ kàànɨ̀. Sɔ̂l nyaʼa chub ɨni nɔnɔʼ ə Dàmaskɔ̀s. Ɨ wɨə nyaʼə chubə mbɨ ə bə̂d mbe nɨ nyaʼa ben ə Kristo.

Ɨ̀fàʼì 9:25

Àyɨə bə̂d mbe nɨ nyaʼə beenɨ əbɔʼ Sɔ̂l nyaʼa nɨŋ əməd ɨzimɨ, swi əməd ɨŋga rɨkaʼ ənɨ ɨbɨgɨ nɨ nyaʼa ə̀gùʼ ɨkam we nɨ nyaʼa kad əsɨ ze, ɨmbə̀ʼ wɨ̀ nod i.

1 Kɔrèn 13:5

Ka ɨghaʼi wɨə ghɨ̀ i ni wə̀d seenɨ, kɨ̀ ni wə̀d kəb əghɨ àmei əmbɨ i nyamnyod, kɨ̀ ni wə̀d kɨə sə ɨtəm, kɨ̀ ni wə̀d nuŋ ɨnû rɨbɔ̀ŋ jìm mbe nɨ mbɨ ghɨ ənɨ məd.

Gàlesìyà 2:10

Ənû nɨ mbɨ nyaʼa gha ɨ na àmei ni tɨ̀ kɔndɨ ənû nɨ weerɨ bə̂d ɨkwaŋ, nɨ yeʼ ənû nɨ mə̀ nyaʼa kəb nɨ ghɨ̀.