Ɨ̀fàʼì 11:26 - Meta’

²⁶ Ənɨ wɨ̀ nyaʼa zə əməd, wɨ̀ nyaʼa nɨŋ əməd mbɨ wò ə Antiɔ̀k. Ɨ mbɨə nyaʼə bòmnɨ̀ə̀ mbɨ ə bə̂d mbe nɨ nyaʼa ben ə Kristo. Ɨ mbɨə nyaʼə bòmnɨ̀ əne ənɨ əghəm əwu ə fibɨ̀. Mbɨ nyaʼə bòmnɨ̀ə̀ chwi ɨnû ɨmbə̀ʼ ə Yeso əmbɨ ə bə̂d mɨ̀nɔnɔʼ. À yɨ ə Antiɔ̀k nɨ mbɨ nyaʼa be kɔ tɔŋ bə̂d mbe nɨ nyaʼa ben ə Kristo ənɨ ə Bə̂d Kristo.

Ikan feg

²⁶ Anyumə̀ ne wì ya bàri aməd, wì ya niŋ aməd yèʼe a Antìyɔ̀g. Ane, Bànabàs tì Sɔl yaya nyìme ifeti tì inɔ̰ bəd Kristo we, chwìte inug inɔb anene fituʼ ifibì chuʼ. À ya a Antìyɔ̀g ne mbi ya ko ni kàrì mə̀mə̀nənùg ane bəd Kristo.

Ɨ̀fàʼì 11:26 교차 참조

Matìyò 28:19

Əne mbə̀ wo əmbɨ ə bə̂d mɨ̀jìm ɨŋga ɨbeŋ jìm, ghɨ̀ ni mbɨ yeʼ mbɨ mə̀mə̀ə̀nɨ̀-ɨnû. Mbə̀ nàʼ mɨnib əmbɨ mɨ̀mə̌d ənɨ ɨkum Mbǎʼ, ənɨ wɨ Wan bə̀ fɔrɨ ənɨ wɨ Əzwî ə Zeŋɨ.

Jn 2:2

Mbɨ nyaʼa bə̀ won ə Yeso mbɨ mə̀mə̀ə̀nɨ̀-ɨnû ɨməd ənɨ ɨnamɨ we.

Ɨ̀fàʼì 1:15

À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

Ɨ̀fàʼì 11:20

Àyɨə bə̂d cherə nɨ nyaʼa rɨ ə Saiprùs bə̀ fɔrɨ rɨ ə Sìrin, nyaʼa wò ə Antiɔ̀k kɔ ghà ɨkə̂n chɔ̀m ɨmbə̀ʼ Ə̀nùŋɨ̀sɨg Yeso əmbɨ ə bə̂d mbe nɨ kaʼi mɨ̀Jû.

Ɨ̀fàʼì 11:22

Ɨfetɨ bə̂d Kristo we rɨ ə Jèrusalèm nyaʼa zu ənû ze, əne mbɨ nyaʼa tom ə Banabàs ə Antiɔ̀k.

Ɨ̀fàʼì 11:27

À nyaʼa ənɨ ə nyùmə̀ we, bə̂d ɨ̀kə̀n Ŋwiə̀ mɔʼɔ nyaʼa nɔ̀ʼ rɨ ə Jèrusalèm swiʼi wò ə Antiɔ̀k.

Ɨ̀fàʼì 11:29

Əne bə̂d Kristo mbe rɨ ə Antiɔ̀k nyaʼa ben ni wə̀d mɔʼ mɔʼ rəbɔʼ nən cha əghɨ ze nɨ tɨ̀ wɨ̀ chà, ɨmbə̀ʼ weerɨ bɔŋgɔb mbe nɨ nyaʼə chub ə Jèrusalèm.

Ɨ̀fàʼì 14:20

Àyɨə ənɨ bə̂d mbe nɨ nyaʼa ben ə Kristo nyaʼa wò kad əməd, wɨ̀ nyaʼa nɔ̀ʼ bə̀ndɨ̀ wò nyɨ ɨŋga Listrà. À nyaʼa əni ze nɨ beenɨ, wɨ̀ nyaʼa nɔ̀ʼ mbɨ Banabàs mbɨ wò ə Də̂be.

Ɨ̀fàʼì 14:22

Ɨ mbɨə nyaʼə yènə̀ tìmbɨ̀ ə bə̂d mbe nɨ nyaʼa ben ə Kristo, bə̀ yènə̀ ghàə̀ ni mbɨ yim ɨbenɨ wɨ kaanə wo ɨmbì. Mbɨ nyaʼa bə̀ ghà əmbɨ mɨ̀mə̌d ni, “Tɨ̀ berɨ zə ŋgəʼ nɔnɔʼ bɔŋ nyɨ ɨŋga ənû ɨfɔ̀n ə Ŋwiə̀.”

Ɨ̀fàʼì 14:23

Ənɨ mbɨ nyaʼa fə chɔʼ bə̂d mbe nɨə chà tɨfetɨ bə̂d Kristo te ɨ mɔʼ mɔʼ, mbɨ nyaʼa kɔŋgɨ ə Ŋwiə̀, chub rɨ jɨg, zɨ̀ mɨ̀mə̌d ɨŋga tɨkyerɨ-ɨbɔ Ə̀nùŋɨ̀sɨg we nɨ mbɨ nuŋ tə fîŋ ɨgwɨ məd.

Ɨ̀fàʼì 14:27

Ənɨ mbɨ nyaʼa pe ə Antiɔ̀k, mbɨ nyaʼa fetɨ bə̂d Kristo mɨjìm, əne ghà ɨnû jìm mbe nɨ Ŋwìə̀ nyaʼa ghɨ ənɨ ə nən bə̀ ghà ɨchî nɨ wɨ̀ nyaʼa fiʼ ɨnə̂njɨ̀ əmbɨ ə bə̂d mbe nɨ kaʼi mɨ̀Jû ni mbɨ ben ə Kristo.

Ɨ̀fàʼì 14:28

Mbɨ nyaʼa chub əngu əgha ə se mbɨ ə bə̂d mbe nɨ nyaʼa ben ə Kristo.

Ɨ̀fàʼì 18:27

Ənɨ wɨ̀ nyaʼə kə̀b baanɨ wo ə Àkàiyà, bə̂d Kristo mbe rɨ ə Efesùs nyaʼa tìmbɨ̀ əməd, əne ŋwàʼnɨ̀ əmbɨ bə̂d Kristo mbe rɨ ə Àkàiyà ni mbɨ nɨŋ əməd. Ənɨ wɨ̀ nyaʼa pe əŋgu, wɨ̀ nyaʼa nàʼ ə̀wèèrɨ̀ ə kyeŋ əmbɨ ə bə̂d mbe nɨ Ŋwìə̀ nyaʼa ghɨ ɨ̀chɔ̀m ənɨ mɨ̀mə̌d mbɨ ben ə Kristo.

Ɨ̀fàʼì 19:9

Àyɨə mbɨ mɔʼɔ nyaʼa koorɨ mbə ɨ̀tǒŋ. Chəi mbɨ nyaʼa ben ənû ze nɨ Pɔ̂l nyaʼə ghàə̀. Mbɨ nyaʼa kɔ ghà ɨnû rɨbɔ̀ŋ ɨmbə̀ʼ Ɨnə̂njɨ̀ we nɨ Ə̀nùŋɨ̀sɨg nyaʼa chwiə. Əne Pɔ̂l nyaʼa jwɨ̀ i rəkaʼ mɨ̀mə̌d. Wɨ̀ nyaʼa nɨŋ bə̂d mbe nɨ nyaʼa ben ə Kristo mbɨ ni, mbɨ kɔ taŋ ɨni jìm ɨŋga ɨ̀chàm we nɨ Tìranùs nyaʼə chwi ɨnû ɨŋga.

Ɨ̀fàʼì 20:1

Ənɨ əchɔb ze ə nyaʼa fə mì i, Pɔ̂l nyaʼa chà bə̂d ni mbɨ tɔŋ bə̂d mbe nɨ nyaʼa ben ə Kristo. Ənɨ wɨ̀ nyaʼa fə timbɨ mɨ̀mə̌d bə̀ ndàʼnɨ̀ mbɨ mɨ̀mə̌d, wɨ̀ nyaʼa nɔ̀ʼ wò ə Màsèdonià.

Ɨ̀fàʼì 20:30

Bə̂d bɨrɨ jwɨ rəkaʼ nən nɨ bɨrɨ gha mɨghab ɨmbə̀ʼ suŋ bə̂d mbe nɨ ben ə Kristo ni mbɨ beenɨ əbɔʼ mɨ̀mə̌d.

Ɨ̀fàʼì 21:4

Tɨ̀ nyaʼa pè kə̀b bə̂d mbe nɨ nyaʼa ben ə Kristo chubɨ mbɨ mɨ̀mə̌d ɨni sambe. Əzwî ə Zeŋɨ ə nyaʼa ghɨ̀ ni bə̂d mbe ghà əmbɨ Pɔ̂l ni tɨ wɨ̀ wo əwi ə Jèrusalèm.

Ɨ̀fàʼì 26:28

Agripà nyaʼa biirɨ əmbɨ Pɔ̂l ni, “À kɔndɨ ni à we tɨ̀ à nɨŋ àmei ɨkə nyumə̀ bèŋ əmɨ ənɨ wə̀d Kristo ə?”

Ɨ̀fàʼì 6:1

À nyaʼa ɨŋga ɨni mbe, ənɨ ɨnun bə̂d mbe nɨ nyaʼa ben ə Kristo nyaʼə sɨə nɔʼrɨə wò ɨmbì, mɨ̀Jû mbe nɨ nyaʼə ghàm ə Grik mbɨə nyaʼə ghàmbɨ̀ mbe nɨ nyaʼə ghàm ə Hibrù, ɨmbə̀ʼ ɨghəm nɨ ɨ mbɨə nyaʼə mèʼnɨ̀ mɨku əyi mɨ̀mə̌d ɨni jìm ənɨ mbɨ nyaʼə ghàpɨ̀ ɨghɨjɨg.

Ɨ̀fàʼì 6:5

Ənû ze nɨ mbɨ nyaʼa ghǎ ə nyaʼa bɔ̀ŋ əmbɨ ɨnɔ̂n bə̂d we ɨjìm. Əne mbɨ nyaʼa chɔʼ ə Stɨfɨ̀n nɨ ɨbenɨ məd nyaʼa kaanɨ, Əzwî ə Zeŋɨ ə bə̀ swi ɨŋga məd. Mbɨ nyaʼa bə̀ chɔʼ ə Filip mbɨ Prokorùs mbɨ Nìkano mbɨ Timòn mbɨ Pàmenàs mbɨ Nikolaùs nɨ nyaʼə rɨ ə Antiɔ̀k, nɨ nyaʼa fə beŋ i fîŋ ben ənû ə Ŋwiə̀ mɨ̀Jû.

Ɨ̀fàʼì 9:19

Ənɨ wɨ̀ nyaʼa fə jɨgɨ, ɨnyod məd nyaʼa wɨrɨ kàànɨ̀. Sɔ̂l nyaʼa chub ɨni nɔnɔʼ ə Dàmaskɔ̀s. Ɨ wɨə nyaʼə chubə mbɨ ə bə̂d mbe nɨ nyaʼa ben ə Kristo.

Ɨ̀fàʼì 9:38

Lidà wɨə nyaʼa ɨban ə Jopà. Ənɨ bə̂d mbe nɨ nyaʼa ben ə Kristo nyaʼa zu ni Pità wɨ ə Lidà, mbɨ nyaʼa tom mbaŋə̀ rɨ̀be əsɨ məd ni mbɨ pe buʼ ɨbɔ ɨ bɔ ghà ni, “Aŋgɔb, zambɨ yeʼe əsɨ na ə Jopà.”

1 Kɔrèn 11:18

Ənû rɨtu yɨ ni, mə fə zu ni ənɨ mbə̀ fetɨ ɨghabɨ ə bə̂d Kristo, ə̀ghàbrɨ̀ ə zɨə jwɨ̀ əkaʼ nən. Mə we tɨ̀ mə ben ni à yɨ rəsìʼ.

1 Kɔrèn 12:12

Ɨchî nɨ nyamnyod mei mɔʼ mbɨ ɨsɨ ɨnyod nɔnɔʼ, əne ɨsɨ ɨnyod jìm, ka mbɨ bè nɔʼ i, yɨə nyamnyod mɔʼ. À yɨ ɨchî nɨ nyamnyod Kristo yeʼ we.

1 Kɔrèn 14:23

Ənɨ bə̂d mɨ̀jìm rɨŋga ɨfetɨ bə̂d Kristo yeʼe bòmnɨ̀, əne wə̀d jìm kɔ gham ɨŋgam rɨsɔ̀ʼɔ̀, ka bə̂d mbe nɨ chəi əbɔʼ ɨfetɨ we, kɨ̀ mbe nɨ chəi mbɨ ben ə Kristo nɨ yeʼe nyɨ, wa bɨrɨ gha ə ni mbə fə be ə?

1 Kɔrèn 4:17

Əzɔ̂ yɨ əton nɨ mɨə tom ə Timotì əsɨ nən. Məd yɨ mɨ wan nɨ mə̀ ghaʼi kwàʼ rɨŋgəʼ. Məd wɨə fàʼ əmbɨ Ə̀nùŋɨ̀sɨg ənɨ i fîŋ jìm. Məd bɨrɨ nɔɔrɨ mbə ɨtu ɨmbə̀ʼ ɨnû mbe nɨ mə̀ nyaʼə ghɨ̀ ənɨ mə̀ nyaʼa ben ə Kristo Yeso, nɨ yeʼ ɨnû mbe nɨ mɨə chwi ɨsɨ jìm ɨŋga rɨfetɨ bə̂d Kristo rɨjìm.

Efesùs 3:15

we nɨ ɨnəbɨ jìm we nɨ yeʼ ɨkaŋ mbɨ we nɨ yeʼ ɨgwɨ ə si nɨŋ ɨkum rɨ ɨbɔ.

Jems 2:7

Kaʼ à wa kɨ i mɨ̀mə̌d ə chə̀kɨ̀ ɨkum ɨwumnɨ we nɨ Ŋwìə̀ naʼ ɨ nən ə?

1 Pità 4:14

Bə̂d mɨ yeʼə zɔ̀m əwən ɨmbə̀ʼ ɨchî nɨ mbə̀ ben ə Kristo, Ŋwìə̀ bɨrɨ zɨ əbɔrəbɔd ɨgwɨ nən. Əne yɨ ni Əzwî ə Zeŋɨ ze nɨ yeʼ Əzwî ə Ŋwiə̀ ə fə sɨ i ɨgwɨ nən.

1 Pità 4:16

Àyɨə wə̀d mɔʼɔ rəbɔʼ nən mɨ yeʼə zəə ŋgəʼ ɨmbə̀ʼ ɨghəm nɨ məd yɨə wə̀d Kristo, tɨ ətu ə məd ə nid i. Wɨ̀ yiirɨ ə Ŋwiə̀ ɨmbə̀ʼ ɨghəm nɨ wɨ̀ ben ɨkum Kristo.

1 Jɔn 2:27

À yeʼ ɨmbə̀ʼ əwən, Əzwî ze nɨ Kristo nyaʼa cha ɨ nən ə fə ten i ɨŋga nən, əne chəi ənɨ tɨ̀ wə̀d mɔʼɔ wɨrɨ chwi ənû ɨ nən. Əzwî ə zɨə chwi ɨnû jìm ɨ nən. Ɨnû mbe nɨ zɨə chwiə yɨ ɨnû rəsìʼ, nɨ chəi mɨghab ɨŋga. Mbə̀ ghɨ ɨnû mbe əne chubɨ ənɨ ɨfɔtɨ mbɨ Kristo.

Ɨnû 3:18

Əne mə wɨə kəərɨ əwe ni à zon ə gôl rɨ num, nɨ yeʼ ə gôl we nɨ mbɨ tɔn ɨŋga ɨwid chiʼ kwàʼ ɨchî chɔ̀m. À mɨ ghɨ̀ əne à bɨrɨ berɨ mbɔ̂n. Bə zon ngywɨ̌ rɨ̀fɨ zɨ̀, ɨmbə̀ʼ chɨ tɨ̀nìd ətu we nɨ bə̂d ə zəə ni à wɨ rɨ̀sɔ̀ʼ ɨkyerɨ. Zon ɨfuʼ əghə zɨ̀ ɨŋga e əghə ɨmbə̀ʼ à wɨrɨ zə ɨsɨ.