Ɨ̀fàʼì 11:24 - Meta’

²⁴ Banabàs yɨə nyaʼə wə̀d chɔ̀m. Əzwî ə Zeŋɨ ə nyaʼa swi ɨŋga məd. Wɨ̀ nyaʼa bə̀ berɨ ɨbenɨ nɨ kaanɨ. Ɨchî nɨ wɨ̀ nyaʼə ghà ɨŋgam Ŋwiə̀ nyaʼa ghɨ̀ ni bə̂d mɨ̀nɔnɔʼ beŋ tə fîŋ ben Ə̀nùŋɨ̀sɨg.

Ikan feg

²⁴ Bànabàs yaya kwàʼ wə̀d chɔ̀m ne ya taŋ nɔ̀ŋì ibḛfiŋ igun Ŋwiye. Azwighi Ŋwiye ya bə̀ sweg inga məd. Ane, bəd nɔʼ nɔʼ ne ya zughi anug ne wì yaya ghà ya nɔ̀ŋì ìwɔb ibḛfiŋ igun Anɔŋisəg Yeso, ìwɔb inɔ̰ ywìrì taŋ yètè.

Ɨ̀fàʼì 11:24 교차 참조

Matìyò 12:35

Wə̀d chɔ̀m wɨə chɨ̀ ɨghɨ chɔ̀m rɨŋga ŋgə̌n chɔ̀m ze nɨ yeʼ ɨŋga məd. Wə̀d rɨ̀bɔ̀ŋ wɨə chɨ̀ ɨnû rɨbɔ̀ŋ rɨŋga ŋgə̌n rɨ̀bɔ̀ŋ ze nɨ yeʼ ɨŋga məd.

Matìyò 19:17

Yeso nyaʼa wììrɨ̀ ɨ bɔ ni, “À biirɨ ɨ num ɨmbə̀ʼ ənû ə chɔ̀m ɨmbə̀ʼ ə yè ə? Wə̀d nɨ bɔŋɨ mei we mɔʼ. Əne à mɨ kə̀b jɨg ɨ̀tènɨ̀, à berɨ nùŋ tɨkə rɨ Ŋwiə̀.”

Lk 23:50

Mbaŋə̀ mɔʼɔ zɨə nyaʼa əŋgu nɨ ɨkum məd nyaʼə Jòsêf. Wɨ̀ yɨə nyaʼa rɨŋga əsɨ ə mɔʼɔ ɨŋga Izre nɨ mbɨ nyaʼə tɔŋ ənɨ Àrimàtiyà. Məd yɨə nyaʼa wɨ mɔʼɔ rəbɔʼ bə̂d mbe nɨ nyaʼə saʼ əbeŋ ə Izre. Wɨ̀ yɨə nyaʼə wə̀d chɔ̀m nɨ nyaʼə bə̀ ghɨ̀ ɨnû nɨ kuʼnɨ.

Jn 7:12

Bə̂d mɨ̀nɔnɔʼ rɨŋga ɨnɔ̂n bə̂d we wɨə nyaʼə chùmbɨ̀ ɨmbə̀ʼ ə Yeso. Mbɨ mɔʼɔ mbɨə nyaʼə ghàə̀ ni, “Məd yɨə wə̀d chɔ̀m,” àyɨə mbɨ cherə mbɨə nyaʼə ghàə̀ ni, “Chə̂, məd wɨə fèbrɨ̀ ə bə̂d.”

Ɨ̀fàʼì 11:21

Ɨka Ə̀nùŋɨ̀sɨg wɨə nyaʼa ɨgwɨ mɨ̀mə̌d, əne wɨ̀ nyaʼa ghɨ̀ ni ɨnɔ̂n bə̂d, kwàʼ wɨ kyeŋ, ben ɨnû mbe nɨ mbɨ nyaʼə ghàə̀, əne zɨ̀ tə fîŋ ɨgwɨ Ə̀nùŋɨ̀sɨg.

Ɨ̀fàʼì 2:4

Əzwî ə Zeŋɨ ə nyaʼa swi ɨŋga mɨ̀mə̌d mɨjìm, əne mbɨ nyaʼa kɔ gham mɨŋgam ɨbeŋ cherə, ɨchî nɨ Əzwî ze ə nyaʼa naʼ ɨka əmbɨ mɨ̀mə̌d.

Ɨ̀fàʼì 2:47

Ɨ mbɨə nyaʼə bə̀ yiirɨ ə Ŋwiə̀ ɨnɔ̂n. Bə̂d mɨjìm nyaʼa bə̀ ghaʼ mɨ̀mə̌d. Ə̀nùŋɨ̀sɨg wɨə nyaʼə yìə̀ bə̂d mbe nɨ nyaʼə jwɨ̀ rəŋgəʼ əbɔʼ ɨnun mɨ̀mə̌d ɨni jìm.

Ɨ̀fàʼì 24:16

Əne mə wɨə kywɨ ənywɨ ɨ zə ni mɨ fîŋ zeŋ ɨfě Ŋwiə̀ bə̀ zeŋ ɨfě bə̂d.

Ɨ̀fàʼì 5:14

Mɨnɔ̂n mbaŋə̀ mbɨ məyi mbɨə nyaʼə fɔtɨ əbɔʼ bə̂d mbe nɨ nyaʼa ben Ə̀nùŋɨ̀sɨg, əne ɨnɔ̂n mɨ̀mə̌d wɨə nyaʼə sɨə nɔʼrɨə wò ɨmbì.

Ɨ̀fàʼì 6:3

Əne kyɨə bɔŋgɔb, mbə̀ chɔʼ mbaŋə̀ sambe rəkaʼ nən nɨ bə̂d ə ghà ɨnû chɔ̀m ɨmbə̀ʼ mɨ̀mə̌d, nɨ Əzwî ə Zeŋɨ ə swi ɨŋga mɨ̀mə̌d, mbɨ bə̀ berɨ ɨwe, ɨmbə̀ʼ tɨ̀ naʼ ənû nɨ ghapɨ rɨjɨg əmbɨ mɨ̀mə̌d.

Ɨ̀fàʼì 6:5

Ənû ze nɨ mbɨ nyaʼa ghǎ ə nyaʼa bɔ̀ŋ əmbɨ ɨnɔ̂n bə̂d we ɨjìm. Əne mbɨ nyaʼa chɔʼ ə Stɨfɨ̀n nɨ ɨbenɨ məd nyaʼa kaanɨ, Əzwî ə Zeŋɨ ə bə̀ swi ɨŋga məd. Mbɨ nyaʼa bə̀ chɔʼ ə Filip mbɨ Prokorùs mbɨ Nìkano mbɨ Timòn mbɨ Pàmenàs mbɨ Nikolaùs nɨ nyaʼə rɨ ə Antiɔ̀k, nɨ nyaʼa fə beŋ i fîŋ ben ənû ə Ŋwiə̀ mɨ̀Jû.

Ɨ̀fàʼì 6:8

Ŋwiə̀ nyaʼa ghɨ̀ ɨ̀chɔ̀m ənɨ ə Stɨfɨ̀n bə̀ naʼ ɨka ɨ bɔ. Əne wɨ̀ nyaʼa kɔ ghɨ̀ ɨnû yiirɨ bə̀ kɔ ghɨ̀ ɨnweenɨ-ɨnû ka ka əkaʼ ə bə̂d.

Ɨ̀fàʼì 9:31

À nyaʼa ənɨ ə nyùmə̀ we, tɨfetɨ bə̂d Kristo rɨjìm te nɨ nyaʼə Jùdeyà mbɨ te nɨ nyaʼə Galiliî fɔrɨ te nɨ nyaʼə Sàmàriyà nyaʼa chub ənɨ əbɔrəbɔd. Bə̂d mbe nɨ nyaʼa benɨ mbɨə nyaʼə wumnɨ Ə̀nùŋɨ̀sɨg. Əzwî ə Zeŋɨ ə nyaʼə wèèrɨ̀ə̀ bə̂d mbe nɨ nyaʼa ben ə Kristo. Ɨnun mɨ̀mə̌d wɨə nyaʼə bə̀ nɔʼrɨə wò ɨmbì.

Rm 15:15

Mə fə ŋwàʼnɨ̀ ɨnû mɔʼɔ ɨ nən mbɨ ɨka fîŋ ɨmbə̀ʼ nɔɔrɨ mbə ɨtu, ɨmbə̀ʼ ɨ̀chɔ̀m we nɨ Ŋwìə̀ naʼ ɨ num

Rm 5:7

Təsìʼ yɨ ni zɨə kàŋ se əmbɨ ə wə̀d ni wɨ̀ kwɨ ɨgwɨ ətu wə̀d nɨ təm kùʼnɨ̀, ka à be yeʼi ni wə̀d mɔʼɔ we tɨ̀ wɨ̀ yim fîŋ kwɨ ɨgwɨ ətu ə wə̀d chɔ̀m.