Ɨ̀fàʼì 11:22 - Meta’

²² Ɨfetɨ bə̂d Kristo we rɨ ə Jèrusalèm nyaʼa zu ənû ze, əne mbɨ nyaʼa tom ə Banabàs ə Antiɔ̀k.

Ikan feg

²² Bəd Kristo mbe a Jèrusalèm ya zug icheg ne bəd a Antìyɔ̀g fə bḛ ikən chɔm bə̀ nɔ̀ŋì fìŋ igun Anɔŋisəg. Ane, mbi ya chà Bànabàs a Antìyɔ̀g.

Ɨ̀fàʼì 11:22 교차 참조

Ɨ̀fàʼì 11:1

Bə̂d tom Kristo mbɨ ə bə̂d mbe rɨ ə Jùdeyà nɨ nyaʼa ben ə Kristo nyaʼa zu ni bə̂d mbe nɨ kaʼi mɨ̀Jû fə bə̀ ben ɨŋgam Ŋwiə̀.

Ɨ̀fàʼì 11:19

Mə̀saʼ əbeŋ nyaʼa zwiirɨ ə Stɨfɨ̀n, əne kɔ nwendɨ tɨkyerɨ-ɨwu bə̂d mbe nɨ nyaʼa ben ə Kristo. Bə̂d mbe nɨ nyaʼa ben ə Kristo nyaʼa jàŋ wò ə Fonesià, wò ə Saiprùs bə̀ wò ə Antiɔ̀k. Ənɨ mbɨ nyaʼə wòə̀, ɨ mbɨə nyaʼə yènə̀ ghà ɨŋgam Ŋwiə̀ àmei əmbɨ mɨ̀Jû.

Ɨ̀fàʼì 11:20

Àyɨə bə̂d cherə nɨ nyaʼa rɨ ə Saiprùs bə̀ fɔrɨ rɨ ə Sìrin, nyaʼa wò ə Antiɔ̀k kɔ ghà ɨkə̂n chɔ̀m ɨmbə̀ʼ Ə̀nùŋɨ̀sɨg Yeso əmbɨ ə bə̂d mbe nɨ kaʼi mɨ̀Jû.

Ɨ̀fàʼì 11:26

Ənɨ wɨ̀ nyaʼa zə əməd, wɨ̀ nyaʼa nɨŋ əməd mbɨ wò ə Antiɔ̀k. Ɨ mbɨə nyaʼə bòmnɨ̀ə̀ mbɨ ə bə̂d mbe nɨ nyaʼa ben ə Kristo. Ɨ mbɨə nyaʼə bòmnɨ̀ əne ənɨ əghəm əwu ə fibɨ̀. Mbɨ nyaʼə bòmnɨ̀ə̀ chwi ɨnû ɨmbə̀ʼ ə Yeso əmbɨ ə bə̂d mɨ̀nɔnɔʼ. À yɨ ə Antiɔ̀k nɨ mbɨ nyaʼa be kɔ tɔŋ bə̂d mbe nɨ nyaʼa ben ə Kristo ənɨ ə Bə̂d Kristo.

Ɨ̀fàʼì 11:27

À nyaʼa ənɨ ə nyùmə̀ we, bə̂d ɨ̀kə̀n Ŋwiə̀ mɔʼɔ nyaʼa nɔ̀ʼ rɨ ə Jèrusalèm swiʼi wò ə Antiɔ̀k.

Ɨ̀fàʼì 15:2

Pɔ̂l mbɨ Banabàs nyaʼa berɨ tàŋ kǎ kǎ mbɨ ə bə̂d mbe ɨmbə̀ʼ ənû ze. Əne mbɨ nyaʼa chɔʼ ə Pɔ̂l mbɨ Banabàs mbɨ ə bə̂d Kristo cherə, tom mɨ̀mə̌d ni mbɨ kɔʼ wò ə Jèrusalèm wò nweenɨ ənû ze mbɨ ə bə̂d tom fɔrɨ mbɨ ə bə̂d mbe nɨ nyaʼə chà ɨfetɨ bə̂d Kristo.

Ɨ̀fàʼì 15:22

Bə̂d tom Kristo mbɨ ə bə̂d mbe nɨ nyaʼə chà ɨfetɨ we rɨ ə Jèrusalèm mbɨ ə bə̂d Kristo mɨjìm nyaʼa chɔʼɔ mbaŋə̀ rɨ̀be rəkaʼ mɨ̀mə̌d, əne tom ni mbɨ wo ə Antiɔ̀k mbɨ Pɔ̂l fɔrɨ ə Banabàs. Mbɨ nyaʼa tom ə Judàs we nɨ mbɨ nyaʼə bə̀ tɔŋ ənɨ Bàsabàs mbɨ Sailàs. Mbɨ yɨə nyaʼə bə̂d kyeŋ əkaʼ bə̂d Kristo mbe ə Jèrusalèm.

Ɨ̀fàʼì 18:22

Ənɨ wɨ̀ nyaʼa pe ə Kàisàriyà, wɨ̀ nyaʼa jwɨ rɨŋga əbaŋ ɨgyɨ̀ ze, kɔ̀ʼ wò chàʼrɨ̀ bə̂d rɨŋga ɨfetɨ we rɨ ə Jèrusalèm. Wɨ̀ nyaʼa ghɨ əne, swiʼi wò ə Antiɔ̀k.

Ɨ̀fàʼì 6:5

Ənû ze nɨ mbɨ nyaʼa ghǎ ə nyaʼa bɔ̀ŋ əmbɨ ɨnɔ̂n bə̂d we ɨjìm. Əne mbɨ nyaʼa chɔʼ ə Stɨfɨ̀n nɨ ɨbenɨ məd nyaʼa kaanɨ, Əzwî ə Zeŋɨ ə bə̀ swi ɨŋga məd. Mbɨ nyaʼa bə̀ chɔʼ ə Filip mbɨ Prokorùs mbɨ Nìkano mbɨ Timòn mbɨ Pàmenàs mbɨ Nikolaùs nɨ nyaʼə rɨ ə Antiɔ̀k, nɨ nyaʼa fə beŋ i fîŋ ben ənû ə Ŋwiə̀ mɨ̀Jû.

Ɨ̀fàʼì 8:14

Ənɨ bə̂d tom mbe rɨ ə Jèrusalèm nyaʼa zu ni bə̂d mbe rɨ ə Sàmàriyà fə ben ɨŋgam Ŋwiə̀, mbɨ nyaʼa tom ə Pità mbɨ Jɔ̌n əsɨ mɨ̀mə̌d.

Ɨ̀fàʼì 9:27

Banabàs nyaʼa nɨŋ ə Sɔ̂l mbɨ wo əsɨ bə̂d tom mbe, pè tòʼrɨ̀ ɨchî nɨ Sɔ̂l nyaʼa zə Ə̀nùŋɨ̀sɨg ɨnə̂njɨ̀, Ə̀nùŋɨ̀sɨg gham ɨ bɔ. Wɨ̀ nyaʼa bə̀ tòʼrɨ̀ ɨchî nɨ Sɔ̂l nyaʼə ghà ɨŋgam Ŋwiə̀ ə Dàmaskɔ̀s ənɨ ɨkum Yeso ənɨ fîŋ nɨ kǎ.

Gàlesìyà 2:11

Ənɨ Pità nyaʼa yeʼe ə Antiɔ̀k, mə nyaʼa ghàm əbɔʼ əməd ɨfě bə̂d. Mə nyaʼa ghàm əbɔʼ əməd ɨmbə̀ʼ ɨghəm nɨ wɨ̀ nyaʼa ghɨ̀ ənû nɨ rɨ kuʼ i.

1 Tèsàlonikà 3:6

Tɨ̀nîn Timotì fə bə̀ndɨ̀ yeʼe əsɨ na mbɨ ɨkə̂n chɔ̀m ɨmbə̀ʼ ɨchî nɨ mbə̀ nuŋ fîŋ ɨgun ə Kristo fɔrɨ ɨmbə̀ʼ ɨchî ni mbə̀ ghaʼ mbə bɔŋgɔb. Wɨ̀ fə ghà ɨ na ni mbə mbɨə kɔndɨ əwa ɨghəm jìm ənɨ ə fîŋ chɔ̀m bə fɔrɨ ni mbə mbɨə kəb zə əwa àmei ɨchî nɨ tɨə bə̀ kəb zə əwən.