Ɨ̀fàʼì 11:19 - Meta’

¹⁹ Mə̀saʼ əbeŋ nyaʼa zwiirɨ ə Stɨfɨ̀n, əne kɔ nwendɨ tɨkyerɨ-ɨwu bə̂d mbe nɨ nyaʼa ben ə Kristo. Bə̂d mbe nɨ nyaʼa ben ə Kristo nyaʼa jàŋ wò ə Fonesià, wò ə Saiprùs bə̀ wò ə Antiɔ̀k. Ənɨ mbɨ nyaʼə wòə̀, ɨ mbɨə nyaʼə yènə̀ ghà ɨŋgam Ŋwiə̀ àmei əmbɨ mɨ̀Jû.

Ikan feg

¹⁹ Anyumə̀ ne mbi ya zweti Stifə̀n, bəd Kristo mbe ne ya sàka imbə̀ʼ icheg ne mbi yaya chɔ̀ʼɔ ìmbɔb ibɔʼì ighog ya nòrò anene mbi mɔ̀ʼɔ ghò pè a Fònisìyà. Mə̀mbin ya ghò pè a Sayiprùs. Mə̀mbin ghò pè a Antìyɔ̀g. Mbi yaya yḛ̀ nè chètè ikən chɔm we məyi abə mə̀Ju.

Ɨ̀fàʼì 11:19 교차 참조

Matìyò 10:6

Mbə̀ wo yeʼ əsɨ mɨ̀Izre. Mbɨ yɨ ɨghabɨ ə njɨ̀g te nɨ nimɨ.

Jn 7:35

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ghà mbənə mbənə ni, “Mbaŋə̀ zɔ̂ kɨə kə̀b wo ə yi nɨ chəi ənɨ tɨ̀ rɨ wɨrɨ zə əməd ə? Wɨ̀ wa kə̀b wo əsɨ mba bə̂d mbe nɨ jaŋ ɨŋga ɨbeŋ cherə ɨmbə̀ʼ chwi ɨnû əmbɨ mɨ̀mə̌d ə?

Ɨ̀fàʼì 11:20

Àyɨə bə̂d cherə nɨ nyaʼa rɨ ə Saiprùs bə̀ fɔrɨ rɨ ə Sìrin, nyaʼa wò ə Antiɔ̀k kɔ ghà ɨkə̂n chɔ̀m ɨmbə̀ʼ Ə̀nùŋɨ̀sɨg Yeso əmbɨ ə bə̂d mbe nɨ kaʼi mɨ̀Jû.

Ɨ̀fàʼì 11:22

Ɨfetɨ bə̂d Kristo we rɨ ə Jèrusalèm nyaʼa zu ənû ze, əne mbɨ nyaʼa tom ə Banabàs ə Antiɔ̀k.

Ɨ̀fàʼì 13:1

Bə̂d ɨ̀kə̀n Ŋwiə̀ mbɨ məchwiə̀-ɨnû nyaʼa ɨŋga ɨfetɨ bə̂d Kristo we rɨ ə Antiɔ̀k. Mbɨ yɨə nyaʼə Banabàs, mbɨ Simiòn nɨ mbɨ nyaʼə bə̀ tɔŋ ənɨ Naijà, mbɨ Lusiùs nɨ nyaʼa rɨ ə Sìrin, mbɨ Maniàn nɨ nyaʼa kwi mbɨ Herɔ̀d nɨ nyaʼə gɔmnà, mbɨ Sɔ̂l.

Ɨ̀fàʼì 13:4

Əzwî ə Zeŋɨ ə nyaʼa tom ə Banabàs mbɨ Sɔ̂l, əne mbɨ nyaʼa swiʼi wò ə Selusià. Mbɨ nyaʼa nɔ̀ʼ rəŋgu nyɨ əbaŋ ɨgyɨ̀ baanɨ wò əkəm əsɨ ze rɨŋga ɨgyɨ̀ nɨ mbɨ nyaʼə tɔŋ ənɨ Saiprùs.

Ɨ̀fàʼì 13:46

Ənɨ mbɨ nyaʼa gha əne, Pɔ̂l mbɨ Banabàs nyaʼa ghà mbɨ ə fîŋ nɨ kǎ ni, “Zɨə nyaʼa kùʼ ni tɨ̀ be ghà ɨŋgam Ŋwiə̀ ɨ nən. Àyɨə ɨchî nɨ mbə̀ ton ɨŋgam we, əne zə ni chəi mbə̀ kuʼ nɨ jɨg ɨ̀tènɨ̀ rɨ mì, tɨ̀ fə sàŋ əwən wò əbɔʼ bə̂d mbe nɨ kaʼi mɨ̀Jû,

Ɨ̀fàʼì 14:26

Mbɨ nyaʼa nɔ̀ʼ rəŋgu wò nyɨ əbaŋ ɨgyɨ̀ baanɨ bə̀ndɨ̀ wò ə Antiɔ̀k. Antiɔ̀k yɨ əsɨ ze nɨ mbɨ nyaʼa kɔŋgɨ ə Ŋwiə̀ ɨgwɨ mɨ̀mə̌d ni wɨ̀ ghɨ ɨ̀chɔ̀m mbɨ wò faʼ ə̀fàʼì ze nɨ mbɨ cherə nɔʼ rɨ màànɨ̀.

Ɨ̀fàʼì 15:22

Bə̂d tom Kristo mbɨ ə bə̂d mbe nɨ nyaʼə chà ɨfetɨ we rɨ ə Jèrusalèm mbɨ ə bə̂d Kristo mɨjìm nyaʼa chɔʼɔ mbaŋə̀ rɨ̀be rəkaʼ mɨ̀mə̌d, əne tom ni mbɨ wo ə Antiɔ̀k mbɨ Pɔ̂l fɔrɨ ə Banabàs. Mbɨ nyaʼa tom ə Judàs we nɨ mbɨ nyaʼə bə̀ tɔŋ ənɨ Bàsabàs mbɨ Sailàs. Mbɨ yɨə nyaʼə bə̂d kyeŋ əkaʼ bə̂d Kristo mbe ə Jèrusalèm.

Ɨ̀fàʼì 15:3

Ənɨ ɨfetɨ bə̂d Kristo nyaʼa tom mɨ̀mə̌d əne, mbɨ nyaʼa wò chè ə Fonesià fɔrɨ ə Sàmàriyà yènə̀ ghà ɨnû ɨmbə̀ʼ ɨchî nɨ bə̂d mbe nɨ kaʼi mɨ̀Jû fə ben ə Kristo. Əze ə nyaʼa ghɨ̀ ni ɨghaʼi swi ɨŋga fîŋ bə̂d Kristo mɨjìm.

Ɨ̀fàʼì 15:30

Mbɨ nyaʼa tom bə̂d mbe, mbɨ swiʼ wò ə Antiɔ̀k. Mbɨ nyaʼa pè əŋgu fetɨ bə̂d Kristo mɨ̀jìm əsɨ ə mɔʼ, nàʼ ə̀ŋwàʼnɨ̀ ze əmbɨ mɨ̀mə̌d.

Ɨ̀fàʼì 15:35

Pɔ̂l mbɨ Banabàs nyaʼa tèn ə Antiɔ̀k. Mɨ̀mə̌d mbɨ ə bə̂d mɨ̀nɔnɔʼ cherə nyaʼə chwi ɨnû bə̀ ghà ɨŋgam ɨmbə̀ʼ Ə̀nùŋɨ̀sɨg.

Ɨ̀fàʼì 15:39

Ənû ze ə nyaʼa ghɨ̀ mbɨ tàŋ kwàʼ rɨŋgəʼ. Əze ə nyaʼa ghɨ̀ mbɨ ghàbrə̀. Banabàs nyaʼa nɨŋ ə Mak mbɨ ni mbɨ nyɨ əbaŋ ɨgyɨ̀ wò ə Saiprùs.

Ɨ̀fàʼì 18:22

Ənɨ wɨ̀ nyaʼa pe ə Kàisàriyà, wɨ̀ nyaʼa jwɨ rɨŋga əbaŋ ɨgyɨ̀ ze, kɔ̀ʼ wò chàʼrɨ̀ bə̂d rɨŋga ɨfetɨ we rɨ ə Jèrusalèm. Wɨ̀ nyaʼa ghɨ əne, swiʼi wò ə Antiɔ̀k.

Ɨ̀fàʼì 21:16

Bə̂d mɔʼɔ rəbɔʼ mbe nɨ nyaʼa ben ə Kristo nɨ nyaʼa rɨ ə Kàisàriyà nyaʼa wò mbɨ na. Mbɨ nyaʼa nɨŋ əwa tɨ wò chub əkwɨ Mnasɨ̀n. Mnasɨ̀n yɨə nyaʼə rɨ ə Saiprùs. Məd yɨə nyaʼə wɨ mɔʼɔ rəbɔʼ bə̂d rɨtu mbe nɨ nyaʼa ben ə Kristo.

Ɨ̀fàʼì 21:2

Tɨ̀ nyaʼa pè zə əbaŋ ɨgyɨ̀ nɨ nyaʼə baanɨə wò ə Fonesià, əne tɨ̀ nyaʼa nyɨ əbaŋ ɨgyɨ̀ ze kɔ wǒ.

Ɨ̀fàʼì 3:26

Ŋwìə̀ nyaʼa chɔʼ i wə̀d ə̀fàʼì, bè chà əməd ɨ nən ni wɨ̀ zɨ əbɔrəbɔd ɨgwɨ nən ɨchî nɨ wɨə ghɨ ni wə̀d mɔʼ mɔʼ rəbɔʼ nən waʼ ɨnû ɨzɨg.”

Ɨ̀fàʼì 4:36

Zɨə nyaʼa chè ni Jòsêf, nɨ bə̂d tom nyaʼa chu əməd ənɨ ə Banabàs (əton ənɨ ɨkum we yɨ ni, Wan mbaŋə̀ nɨə tìmbɨ̀ ə bə̂d), nɨ nyaʼa rɨŋga ɨnəbɨ Levì, mbɨ gywɨ əməd ə Saiprùs,

Ɨ̀fàʼì 6:5

Ənû ze nɨ mbɨ nyaʼa ghǎ ə nyaʼa bɔ̀ŋ əmbɨ ɨnɔ̂n bə̂d we ɨjìm. Əne mbɨ nyaʼa chɔʼ ə Stɨfɨ̀n nɨ ɨbenɨ məd nyaʼa kaanɨ, Əzwî ə Zeŋɨ ə bə̀ swi ɨŋga məd. Mbɨ nyaʼa bə̀ chɔʼ ə Filip mbɨ Prokorùs mbɨ Nìkano mbɨ Timòn mbɨ Pàmenàs mbɨ Nikolaùs nɨ nyaʼə rɨ ə Antiɔ̀k, nɨ nyaʼa fə beŋ i fîŋ ben ənû ə Ŋwiə̀ mɨ̀Jû.

Gàlesìyà 2:11

Ənɨ Pità nyaʼa yeʼe ə Antiɔ̀k, mə nyaʼa ghàm əbɔʼ əməd ɨfě bə̂d. Mə nyaʼa ghàm əbɔʼ əməd ɨmbə̀ʼ ɨghəm nɨ wɨ̀ nyaʼa ghɨ̀ ənû nɨ rɨ kuʼ i.