Ɨ̀fàʼì 10:33 - Meta’

³³ Ənɨ mə̀ nyaʼa zu əne, mə nyaʼa tom bə̂d əsɨ ne əwu əwən ni mbɨ tɔŋ əwe. À fə kàŋ ghɨ̀ ənû ə chɔ̀m ɨchî nɨ à yeʼe. Tɨ̀nîn tɨ̀ wɨ əgha mbà mɨjìm ɨfě Ŋwiə̀ ɨ zu ɨnû mbe nɨ Ə̀nùŋɨ̀sɨg gha ɨ ne ni à gha ɨ na.”

Ikan feg

³³ Mə ya zug ane, tɔm bəd kwàʼ ati ati gha mbe yeʼe kàrì awe. Àghò fə ghì anug ne bɔŋi icheg ne àghò yèʼe. Tì ya anìŋ imbìghè abə Ŋwiye mba məjìm ni zug anug ze ne Anɔŋisəg gha ine gha àghò gha ina.”

Ɨ̀fàʼì 10:33 교차 참조

Matìyò 18:4

Wə̀d mɔʼɔ we nɨ swi i ɨnyod sɨ ɨghabɨ ə wan kwa wɔ̂, yɨ wɨ kyeŋ ɨŋga ənû ɨfɔ̀n rɨkaŋ.

Matìyò 19:30

Àyɨə bə̂d mɨ̀nɔnɔʼ mbe nɨ yeʼ mbɨ rɨmbì, bɨrɨ yeʼ mbe nɨ sɨ nwìə̀. Mbe nɨ sɨ nwìə̀ sɨ yeʼ mbɨ rɨmbì.”

Mk 10:15

Mə ghà rəsìʼ ɨ nən ni, ka wə̀d mɔʼɔ we nɨ chəi wɨ̀ ben ənû ɨfɔ̀n ə Ŋwiə̀ ɨghabɨ ə wan kwa bɨrɨ nɔ nyɨ i ɨŋga ənû ɨfɔ̀n ze.”

Ɨ̀fàʼì 10:32

Əne tom bə̂d ə Jopà ni mbɨ kəb ə Saimòn we nɨ mbɨə bə̀ tɔŋ ənɨ Pità. Məd wɨə chub ɨŋga nəb Saimòn we nɨə tekɨə gôb. Nəb məd zɨ əŋgo rɨ̀bàà.'

Ɨ̀fàʼì 10:34

Pità nyaʼa kɔ ghamɨ ghà ni, “Tɨ̀nîn mə kàŋ kyerɨ ənɨ rəsìʼ ni chəi Ŋwìə̀ ə ghɨ̀ ɨghə.

Ɨ̀fàʼì 28:28

“Əne mə wɨə kə̀bə̀ ni mbə̀ kyerɨ ni Ŋwìə̀ fə cha ɨkə̂n ɨmbə̀ʼ ɨchî nɨ wɨə chɨ̀ə̀ bə̂d rəŋgəʼ əmbɨ ə bə̂d mbe nɨ kaʼi mɨ̀Jû. Mbɨ bɨrɨ zwetɨ.” [

1 Kɔrèn 3:18

Tɨ wə̀d mɔʼɔ tambɨ i i ɨnyod. Wə̀d mɔʼɔ rəbɔʼ nən mɨ kɔndɨ ni tə yɨə wə̀d ɨwe, ɨchî nɨ bə̂d rɨŋga ɨsɨg kyerɨ bə̂d ɨwe, wɨ̀ beŋ ənɨ əneŋ ɨmbə̀ʼ wɨ̀ berɨ ɨwe we nɨ Ŋwìə̀ ə nàʼə̀,

Gàlesìyà 4:14

Ka à bè yeʼi ni mɨ əwɔn yɨə nyaʼa ə̀kwàʼnɨ̀ ɨ nən, chəi mbə̀ nyaʼa təənɨ əmɨ kɨ̀ bè ton əmɨ. Àyɨə mbə nyaʼa nɨŋ əmɨ ɨghabɨ ni mɔ̌ yɨə aŋgɨrə̀ Ŋwìə̀, kɨ̀ ɨghabɨ ni mɔ̌ yɨə Kristo Yeso ziə.

1 Tèsàlonikà 2:13

Tɨ̀ wɨə bə̀ nàʼə̀ məben-əwe əmbɨ ə Ŋwiə̀ ɨghəm jìm ɨmbə̀ʼ ənû zɔ̂ ni ənɨ tɨ̀ nyaʼa yeʼe mbɨ ɨŋgam Ŋwiə̀ ɨ nən, mbə nyaʼa zu benɨ, kaʼi ɨghabɨ ni à yɨ ɨŋgam bə̂d mɨ̀sɔŋɨchù. Mbə nyaʼa kàŋ ben ni à yɨ ɨŋgam Ŋwiə̀. Ɨŋgam we wɨə fàʼ ɨŋga mbə̀n mbe nɨ ben ə Kristo.

Jems 1:19

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kyerɨ ənû zɔ̂. Wə̀d jìm tɔ ɨ̀tǒŋ zu ənû. Tɨ wɨ̀ kɨə ghàm i. Tɨ wɨ̀ kɨə sə i ɨtəm,

Jems 1:21

Əne mbə̀ waʼ ɨzwɨ̂ ɨnû jìm bə̀ waʼ ɨnû ɨzɨg jìm mbe nɨ mbɨə ghɨ̀ə̀. Mbə swi ə ɨnyod, ben ɨŋgam Ŋwiə̀ we nɨ wɨ̀ zɨ ɨŋga tə fîŋ. Ɨŋgam we bɨrɨ ghɨ̀ ni mbə̀ jwɨ rəŋgəʼ.