Ɨ̀fàʼì 10:23 - Meta’

²³ Pità nyaʼa zu əne, tɔŋ mbaŋə̀ te ni mbɨ yeʼe ni mbɨ ni. À nyaʼa əni ze nɨ beenɨ, Pità nyaʼa nɔ̀ʼ wò mbɨ mɨ̀mə̌d. Bə̂d mɔʼɔ mbe nɨ nyaʼa ben ə Kristo ə Jopà nyaʼa bə̀ wò mbɨ məd.

Ikan feg

²³ Pità ya zug ane, niŋ mbaŋà te mbɔb fɔrɔ neg. Àsi isu abɔ̀ʼ, Pità ya nɔ̀ʼ ghò abɔ̀ʼ inɔb. Bəd mɔ̀ʼɔ abɔ̀ʼ bəd mbe ne ya bḛ Kristo a Jopà ya ghò tì Pità.

Ɨ̀fàʼì 10:23 교차 참조

Ɨ̀fàʼì 1:15

À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

Ɨ̀fàʼì 10:29

Əne ənɨ à kə̀ʼ tom bə̂d əsɨ num, chəi mə ton nɨ yeʼe. Mə sɨ biirɨ ni, à kə̀ʼ chà bə̂d ni mbɨ tɔŋ əmɨ ni yè ə?”

Ɨ̀fàʼì 10:33

Ənɨ mə̀ nyaʼa zu əne, mə nyaʼa tom bə̂d əsɨ ne əwu əwən ni mbɨ tɔŋ əwe. À fə kàŋ ghɨ̀ ənû ə chɔ̀m ɨchî nɨ à yeʼe. Tɨ̀nîn tɨ̀ wɨ əgha mbà mɨjìm ɨfě Ŋwiə̀ ɨ zu ɨnû mbe nɨ Ə̀nùŋɨ̀sɨg gha ɨ ne ni à gha ɨ na.”

Ɨ̀fàʼì 10:45

Ənû ze ə nyaʼa chè mɨ̀Jû mbe nɨ nyaʼa ben ə Kristo, əne yɨ mbe nɨ nyaʼa nɔʼ rɨ ə Jopà beenɨ əbɔʼ Pità. Mbɨ nyaʼa yiirɨ ɨmbə̀ʼ ɨghəm nɨ mbɨ nyaʼa zə ni Ŋwìə̀ fə bə̀ nàʼ i ɨneʼe we nɨ yeʼ Əzwî ə Zeŋɨ əmbɨ ə bə̂d mbe nɨ kaʼi mɨ̀Jû,

Ɨ̀fàʼì 11:12

Əzwî ə Zeŋɨ ə nyaʼa ghà ɨ num ni mə wo mbɨ mɨ̀mə̌d, zɨ rɨ nyiʼnɨ ɨnyod. Mbɨ bɔŋgɔb mbɔ̂ rɨ̀fuə nyaʼa bə̀ wò mbɨ num, əne tɨ̀ nyaʼa wò nyɨ ɨŋga nəb mbaŋə̀ ze.

Ɨ̀fàʼì 28:15

Ənɨ bə̂d mbe nɨ nyaʼa ben ə Kristo ə Rom nyaʼa zu ɨmbə̀ʼ əwa, mbɨ nyaʼa nɔ̀ʼ rɨ Ɨbeŋ Ɨwin Apiùs bə̀ nɔ̀ʼ rɨ ə Nəb Ni Rɨtad yeʼe kumnɨ əwa. Ənɨ Pɔ̂l nyaʼa zə mɨ̀mə̌d, wɨ̀ nyaʼa nàʼ məben-əwe əmbɨ ə Ŋwiə̀, əne fîŋ məd nyaʼa wɨrɨ kàànɨ̀.

Ɨ̀fàʼì 9:36

À nyaʼa ənɨ ə nyùmə̀ we, əyi mɔʼɔ nɨ nyaʼa ben ə Kristo wɨə nyaʼə chub ə Jopà. Ɨkum məd yɨə nyaʼə Tabità. Ɨkum məd ənɨ ɨŋgam Grik yɨə Dokàs. Ɨ wɨə nyaʼə ghɨ̀ ɨnû chɔ̀m. Ɨ wɨə nyaʼə bə̀ wèèrɨ̀ə̀ bə̂d ɨkwaŋ.

Ɨ̀fàʼì 9:38

Lidà wɨə nyaʼa ɨban ə Jopà. Ənɨ bə̂d mbe nɨ nyaʼa ben ə Kristo nyaʼa zu ni Pità wɨ ə Lidà, mbɨ nyaʼa tom mbaŋə̀ rɨ̀be əsɨ məd ni mbɨ pe buʼ ɨbɔ ɨ bɔ ghà ni, “Aŋgɔb, zambɨ yeʼe əsɨ na ə Jopà.”

Ɨ̀fàʼì 9:42

Ənû zɔ̂ ə nyaʼa jàŋ ɨŋga Jopà jìm, əne bə̂d mɨ̀nɔnɔʼ nyaʼa ben Ə̀nùŋɨ̀sɨg.

2 Kɔrèn 8:21

ɨmbə̀ʼ ɨghəm nɨ tɨ̀ wɨə kə̀b ghɨ ɨnû nɨ kuʼnɨ ɨfě Ŋwiə̀ fɔrɨ ɨfě bə̂d.

Mə̀Hibrù 13:2

Tɨ mbə̀ waʼ ə ənû nɨ nɨŋ bə̂d rɨ̀sɔ̀ʼɔ̀ əkwɨ nən, ɨmbə̀ʼ ɨghəm nɨ bə̂d mɔʼɔ nyaʼa ghɨ̀ əne nɨŋ mbɨ̀aŋgɨrə̀ əkwɨ nən zɨ rɨ kyerɨ.

1 Pità 4:9

Mbə̀ nɨŋ mbə bɔŋgɔb ɨŋga tə nəb. Àyɨə mbə mɨ nɨŋ, tɨ mbə dumbɨ ə.