Ɨ̀fàʼì 10:1 - Meta’

¹ Mbaŋə̀ mɔʼɔ zɨə nyaʼə Kàisàriyà nɨ ɨkum məd nyaʼə Kɔneliùs. Wɨ̀ yɨə nyaʼə ətu ɨgwɨ mɨ̀sɔgyɨ̀ ɨkɨ fibɨ̀ rəbɔʼ mɨ̀sɔgyɨ̀ mbe nɨ nyaʼa rɨ ə Italì.

Ikan feg

¹ Mbaŋà mɔ̀ʼɔ ya yaʼ a Kàserìyà ne ikum məd ya Kònilìyùs. Məd ya atog wə̀d igun mə̀sogyì iki ifibì ane ifeti mə̀sogyì mbe ne nɔʼi a Italì.

Ɨ̀fàʼì 10:1 교차 참조

Matìyò 27:27

Mɨ̀sɔgyɨ̀ Pailèt nɨ nyaʼə gɔmnà nyaʼa nɨŋ ə Yeso mbɨ wò ɨŋga tɔʼ gɔmnà. Mbɨ nyaʼa pè fetɨ mɨ̀sɔgyɨ̀ jìm, mbɨ kad əməd.

Matìyò 27:54

Ənɨ ətu ɨgwɨ mɨ̀sɔgyɨ̀ mbɨ mɨ̀sɔgyɨ̀ mbe nɨ nyaʼə nə̀ŋgɨ ə Yeso, nyaʼa zə ɨchî nɨ si nyaʼa wùrɨ bə̀ zə ɨnû jìm mbe nɨ nyaʼa ghɨ̌, mbɨ nyaʼa bɔ kwàʼ rɨŋgəʼ, əne ghà ni, “À yɨ rəsìʼ ni mbaŋə̀ zɔ̂ yɨ kə̀ʼ ə Wan Ŋwìə̀!”

Mk 15:16

Mɨ̀sɔgyɨ̀ nyaʼa nɨŋ ə Yeso wò ɨŋga tɔʼ. Tɔʼ ze yɨə nyaʼə tisɔ̀ŋ gɔmnà. Mbɨ nyaʼa pè tɔŋ mɨ̀sɔgyɨ̀ mɨ̀jìm mbɨ wò fetɨ.

Lk 7:2

Ətu ɨgwɨ mɨ̀sɔgyɨ̀ ɨkɨ fibɨ̀ nyaʼa berɨ i wə̀d ə̀fàʼì nɨ nyaʼə wɔ̀nə̀ sɨə wo kwɨ. Wɨ̀ nyaʼa ghaʼ wə̀d ə̀fàʼì we kwàʼ rɨŋgəʼ.

Jn 18:12

Mɨ̀sɔgyɨ̀ mbe mbɨ ətu mbe nɨ nyaʼa ɨgwɨ mɨ̀mə̌d fɔrɨ bə̂d mbe nɨ nyaʼə nəŋgɨ ə mbàn Ŋwìə̀ nyaʼa gywɨ̀ ə Yeso kod.

Jn 18:3

Judàs nyaʼa kyerɨ əne, wò əŋgu mbɨ ɨnɔ̂n mɨ̀sɔgyɨ̀ fɔrɨ mbɨ ə bə̂d mbe nɨ nyaʼə nəŋgɨə mbàn Ŋwìə̀. À yɨə bə̂d kyeŋ mbe rɨ ə mbàn Ŋwìə̀ mbɨ mɨ̀Farisiî nyaʼa tom mɨ̀mə̌d. Mbɨ nyaʼa wò əŋgu mbɨ ɨnam, mbɨ əkaʼi fɔrɨ mbɨ ɨghɨ bid.

Ɨ̀fàʼì 10:24

Mbɨ nyaʼa wò nyɨ ə Kàisàriyà əni ze nɨ beenɨ. Kɔneliùs wɨə nyaʼə wòmə̀ mɨ̀mə̌d. Wɨ̀ nyaʼa tɔŋ i ɨnəbɨ bə̀ tɔŋ mbi mɨ̀sə̀ʼ mbɨ wò fetɨ ɨŋga nəb məd.

Ɨ̀fàʼì 21:31

Ənɨ mbɨ nyaʼa kə̀b zwiirɨ ə Pɔ̂l, ɨŋgam nyaʼa wò pè əmbɨ ətu ə kyeŋ ɨgwɨ mɨ̀sɔgyɨ̀ məRom ni əchɔb ə fə gù ɨŋga Jèrusalèm jìm.

Ɨ̀fàʼì 21:8

À nyaʼa əni ze nɨ beenɨ, tɨ̀ nyaʼa nɔ̀ʼ rəŋgu wò ə Kàisàriyà. Tɨ̀ nyaʼa pè chubɨ mbɨ Filip we nɨ nyaʼə ghà Ɨkə̂n chɔ̀m. Məd yɨə nyaʼə rəbɔʼ mbaŋə̀ te sambe nɨ Əzwî ə Zeŋɨ ə nyaʼa chɔʼ ni mbɨ ghapɨ ɨghɨjɨg.

Ɨ̀fàʼì 22:25

Àyɨə ənɨ mbɨ nyaʼa kod əməd ənɨ mɨniʼ, wɨ̀ nyaʼa ghà əmbɨ ətu ɨgwɨ mɨ̀sɔgyɨ̀ ɨkɨ fibɨ̀ nɨ nyaʼa təm ɨban ni, “Tɨkə ə wa chwiə ni mbə̀ te wə̀d Rom ənɨ ə ŋgwad nɨ chəi mbɨ sob ɨsaʼi ni wɨ̀ fə gù ə?”

Ɨ̀fàʼì 23:23

Ətu ə kyeŋ ɨgwɨ mɨ̀sɔgyɨ̀ nyaʼa tɔŋ ɨtu be ɨgwɨ mɨ̀sɔgyɨ̀ ɨkɨ fibɨ̀, ghà əmbɨ mɨ̀mə̌d ni, “Mbə̀ nɨŋ mɨ̀sɔgyɨ̀ əkɨ ə be, nɨŋ mbe nɨə kɔʼə ngyi ɨwum sambe, bə̀ nɨŋ mbe nɨə bèʼ ɨwɔŋ əkɨ ə be. Mbə̀ bɨrɨ nɔ̀ʼ ɨzimɨ ənɨ mɨ̀nyùmə̀ əbuə wò ə Kàisàriyà.

Ɨ̀fàʼì 23:33

Ənɨ mbɨ nyaʼa pè ə Kàisàriyà, mbɨ nyaʼa nàʼ ə̀ŋwàʼnɨ̀ ze əmbɨ gɔmnà we, bə̀ nàʼ ə Pɔ̂l ɨ bɔ.

Ɨ̀fàʼì 25:1

Ənɨ ɨni nyaʼa chè ɨtad nɨ Festùs nyaʼa pè ɨŋga əbà əbeŋ ze nɨ wɨ̀ nyaʼa wo tùmbɨ̀, wɨ̀ nyaʼa nɔ̀ʼ rɨ ə Kàisàriyà kɔʼ wò ə Jèrusalèm.

Ɨ̀fàʼì 25:13

Ənɨ ɨni mɔʼɔ nyaʼa chě, ɨfɔ̂n Agripà mbɨ Benis nyaʼa wo chaʼrɨ ə Festùs ə Kàisàriyà.

Ɨ̀fàʼì 27:1

Ənɨ Festùs nyaʼa ben ni tɨ̀ nyɨ əbaŋ ɨgyɨ̀ wò ə Italì, wɨ̀ nyaʼa nàʼ ə Pɔ̂l mbɨ ə bə̂d ndəŋ cherə əmbɨ ə mbaŋə̀ mɔʼɔ nɨ ɨkum məd nyaʼə Juliùs. Juliùs we yɨə nyaʼə ətu ɨgwɨ mɨ̀sɔgyɨ̀ ɨkɨ fibɨ̀ rɨŋga Ɨnɔ̂n Mɨ̀sɔgyɨ̀ Kaisà.

Ɨ̀fàʼì 27:31

Pɔ̂l nyaʼa ghà əmbɨ ətu ɨgwɨ mɨ̀sɔgyɨ̀ ɨkɨ fibɨ̀ bə̀ ghà əmbɨ mɨ̀sɔgyɨ̀ mbe ni, “Mbaŋə̀ tɔ̂ mɨ ton chub ə ɨŋga əbaŋ zɔ̂, chəi ənɨ tɨ̀ mbə jwɨ̀ rəŋgəʼ.”

Ɨ̀fàʼì 27:43

Àyɨə ətu ɨgwɨ mɨ̀sɔgyɨ̀ we nyaʼa kə̀b ni njɨ tə chɨ ə Pɔ̂l rəŋgəʼ, əne wɨ̀ nyaʼa sob ni tɨ mbɨ zwiirɨ ə bə̂d ndəŋ mbe. Wɨ̀ nyaʼa ghà əmbɨ ə mbaŋə̀ te nɨ nyaʼa kyerɨ ɨchî nɨ zɔʼ ɨgyɨ̀ ni mbɨ be tòm ɨŋga rɨ̀bàà we zɔʼ wo jwɨ̀ əsaŋ.

Ɨ̀fàʼì 8:40

Àyɨə mbɨ nyaʼa zə ə Filip ə Azotùs. Ɨ wɨə nyaʼə yènə̀ ghà ɨkə̂n chɔ̀m ɨŋga ɨsɨ jìm. Ɨ wɨə nyaʼə yènə̀ ghà əne wò pè ə Kàisàriyà.