Ɨ̀fàʼì 1:22 - Meta’

²² kɔ rɨ ənɨ Jɔ̌n we nɨ nyaʼə nàʼ mɨnib wò pè əni ze nɨ Ŋwìə̀ nyaʼa nɨŋ ə Yeso rəkaʼ na. Mbaŋə̀ mɔʼ rəbɔʼ tɔ̂ berɨ fɔtɨ əbɔʼ na yènə̀ ghà ɨnû ɨmbə̀ʼ ɨchî nɨ Ə̀nùŋɨ̀sɨg nyaʼa zwemə.”

Ikan feg

²² ni ko ane nyùmə̀ we abə Jɔn we ne yaya nàʼà mənib ghò pè ane aneg ze ne Ŋwiye ya niŋi Yeso ikaŋ àbɔ̀ŋɔ. Ze bɔ̀ŋ gha wə̀d mɔ̀ʼɔ abɔ̀ʼ bəd mbo̰ fɔti abɔ̀ʼ ina si yaʼ wə̀d ne ghà inug imbə̀ʼ icheg ne Yeso zweme ane iwu.”

Ɨ̀fàʼì 1:22 교차 참조

Mk 1:9

À nyaʼa ənɨ ə nyùmə̀ we, Yeso nyaʼa nɔ̀ʼ rɨ ə Nazàret ə Galiliî wò əsɨ Jɔ̌n, əne Jɔ̌n nyaʼa nàʼ mɨnib ɨ bɔ ɨŋga ɨgyɨ̂ Jodàn.

Mk 16:19

Ənɨ Ə̀nùŋɨ̀sɨg Yeso nyaʼa fə ghàm əmbɨ mə̀mə̀ə̀nɨ̀-ɨnû mbe, Ŋwìə̀ nyaʼa nɨŋ əməd ɨkaŋ, wɨ̀ pè chub əbà əbɔ ə jɨgɨ ə Ŋwiə̀.

Lk 24:48

Mbə yɨ mɨ̀zərɨmbin ənɨ ɨnû mbɔ̂, əne mbə̀ bɨrɨ bə̀ sɨə ghà əmbɨ ə bə̂d cherə.

Lk 3:21

Ənɨ Jɔ̌n nyaʼa fə naʼ mɨnib əmbɨ ə bə̂d mbe mɨjìm, wɨ̀ nyaʼa bə̀ naʼ əmbɨ Yeso. Ənɨ Yeso nyaʼə kɔŋgɨ ə Ŋwiə̀, ɨkaŋ nyaʼa fìʼə̀,

Jn 15:27

Mbə̀n bə̂ bɨrɨ bɨ gha ɨnû ɨmbə̀ʼ əmɨ, ɨmbə̀ʼ ɨghəm nɨ mbə̀ mbɨə nyaʼa mbɨ num tɨ ənɨ mə̀ nyaʼa kɔ chwi ɨnû.

Ɨ̀fàʼì 1:11

Mbaŋə̀ te nyaʼa ghà ni, “Mbaŋə̀ tɨ rɨ ə Galiliî, mbə təm əgha ɨ neŋ ɨkaŋ ɨmbə̀ʼ ə yè ə? Yeso wɔ̂, nɨ Ŋwìə̀ fə nɨŋ rəkaʼ nən ɨkaŋ, bɨrɨ bəndɨ yeʼe àmei ɨchî nɨ mbə̀ zə ənɨ wɨə wò ɨkaŋ.”

Ɨ̀fàʼì 1:2

wò pè əni ze nɨ Ŋwìə̀ nyaʼa nɨŋ əməd ɨkaŋ. Bɔŋ wɨ̀ nyaʼə sɨə wò ɨkaŋ, wɨ̀ nyaʼa chè ənjìm Əzwî ə Zeŋɨ nàʼ rɨkə əmbɨ ə bə̂d tom mbe nɨ wɨ̀ nyaʼa fə chɔʼɔ.

Ɨ̀fàʼì 2:32

Ŋwìə̀ nyaʼa zwemnɨ ə Yeso wɔ̂. Mba mɨjìm yɨ mɨ̀zərɨmbin ənɨ ənû rəŋgu.

Ɨ̀fàʼì 4:33

Bə̂d tom Kristo mbe mbɨə nyaʼə ghà ɨmbə̀ʼ ɨchî nɨ Ə̀nùŋɨ̀sɨg Yeso nyaʼa zwemə. Ɨ mbɨə nyaʼə ghà əne ənɨ ɨnə̂njɨ̀ nɨ kaanɨ. Ɨ̀chɔ̀m Ŋwiə̀ wɨə nyaʼa ɨgwɨ mɨ̀mə̌d mɨjìm.

Mə̀Hibrù 2:3

Tɨ̀ kɨə wò nod ɨchə we rɨ ye ənɨ chəi tɨ̀ zɨ ətu ənɨ ənû ə kyeŋ ze ni Ŋwìə̀ bɨrɨ chɨ̀ əwa rəŋgəʼ ə? À yɨ Ə̀nùŋɨ̀sɨg ziə nyaʼa bè ghà ɨmbə̀ʼ əzɨ əwən. Bə̂d mbe nɨ nyaʼa zu nyaʼa bə̀ ghɨ̀ tɨ̀ kyerɨ ni à yɨ rəsìʼ ni Ŋwìə̀ bɨrɨ chɨ̀ əwa rəŋgəʼ.