Gàlesìyà 6:3 - Meta’

³ Wə̀d mɔʼɔ mɨ kɔndɨ ni tə yɨ əghɨ ə mɔʼɔ, nɨ ka məd yɨ i əghɨ ə mɔʼɔ, njɨ ɨ wɨə tambɨ i ɨnyod.

Ikan feg

³ Wə̀d mɔ̀ʼɔ abɔ̀ʼ inən mə̀ niŋ ìwi nyɔd gha zìye ya ijiʼi wə̀d ne kayi ane, ane ya gha, tengàŋ ya tàmba ìwi nyɔd.

Gàlesìyà 6:3 교차 참조

Lk 18:11

Ənɨ mbɨ nyaʼa wò əne, Farisiî we nyaʼa nɔʼ təm kɔ̀ŋgɨ̀ ə Ŋwiə̀ ɨmbə̀ʼ i ɨnyod ghà ni, 'Ŋwìə̀, məben-əwe ni chəi əmɨ ɨghabɨ ə bə̂d cherə mbe nɨə fè ɨghɨ bə̂d ənɨ ɨka, kɨ̀ ɨghabɨ mbe nɨ chəi mbɨə ghɨ̀ ɨnû nɨ kuʼnɨ, kɨ̀ ɨghabɨ mbe nɨə ni məyi bə̂d cherə, kɨ̀ be ɨghabɨ əfetɨ mɨ̀tagsɨ̀ wɔ̂.

Ɨ̀fàʼì 5:36

À nyaʼa ənɨ ə nyùmə̀ mɔʼɔ, mbaŋə̀ mɔʼɔ ze nɨ mbɨ nyaʼə tɔŋ ənɨ ə Tìodàs nyaʼa nɔ̀ʼ ghà ni tə yɨ ədabɨ ə wə̀d. Bə̂d ɨghabɨ əkɨ əkwè nyaʼa fɔtɨ əbɔʼ məd. Àyɨə mbɨ nyaʼa zwiirɨ əməd, əne bə̂d mbe nɨ nyaʼə beenɨ əbɔʼ məd nyaʼa jàŋə̀. Ənû əməd ze ə nyaʼa nim.

Rm 12:16

Mbə̀ chub ənɨ ənû ə mɔʼ mbɨ mbə bɔŋgɔb. Tɨ mbə̀ nɔ ə ɨnyod, àyɨə mbə̀ jɨgnɨ mbɨ ə bə̂d kwa kwa. Tɨ mbə̀ kɔndɨ ə ni mbə berɨ ɨwe chè bə̂d mɨ̀jìm.

Rm 12:3

Ɨchî nɨ Ŋwìə̀ fə ghɨ ɨ̀chɔ̀m ənɨ ə num, mə wɨə ghà əmbɨ wə̀d jìm əkaʼ nən ni tɨ wɨ̀ kɔndɨ i ni tə chè ɨchî nɨ tə yeʼ ə, àyɨə wə̀d jìm kɔndɨ ənû ɨmbə̀ʼ i ɨnyod ɨchî nɨ kuʼnɨ. Wə̀d mɔʼ mɔʼ kɔndɨ beenɨ əbɔʼ ɨchî nɨ Ŋwìə̀ naʼ ɨbenɨ ɨ bɔ.

1 Kɔrèn 13:2

Mə mɨ berɨ ɨneʼe nɨ gha ɨkə̂n Ŋwiə̀, bə̀ kyerɨ ɨnû jìm mbe nɨ yeʼ ənə̀mə bə̀ berɨ ɨwe jìm, mə mɨ berɨ ɨbenɨ nɨ tɨ̀ mə ghàm tɨwum mə̀nə̀, àyɨə chəi mə ghaʼ bə̂d, mə yɨ əghɨ əko.

1 Kɔrèn 3:18

Tɨ wə̀d mɔʼɔ tambɨ i i ɨnyod. Wə̀d mɔʼɔ rəbɔʼ nən mɨ kɔndɨ ni tə yɨə wə̀d ɨwe, ɨchî nɨ bə̂d rɨŋga ɨsɨg kyerɨ bə̂d ɨwe, wɨ̀ beŋ ənɨ əneŋ ɨmbə̀ʼ wɨ̀ berɨ ɨwe we nɨ Ŋwìə̀ ə nàʼə̀,

1 Kɔrèn 8:2

Chəi wə̀d mɔʼɔ we nɨ kɔndɨ ni tə kyerɨ ənû kɨrɨ kyerɨ ɨchî nɨ tɨ̀ wɨ̀ kə̀ʼ kyerɨ.

2 Kɔrèn 12:11

Mə fə bèŋ ənɨ əneŋ! À yɨə mbə̀nə nyem əmɨ ni mə̀ ghɨ əne. Njɨ à yɨə mbə̀nə nyaʼa berɨ gha ni mə wɨə fàʼ ɨchî nɨ kuʼnɨ. Ka à bè yeʼi ni mə yɨ əghɨ əko, àyɨə chəi mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

2 Kɔrèn 3:5

Tɨ̀ rɨka kùʼ a nɨ gha ni ɨnû mbɔ̂ yɨ rɨ na. À yɨə Ŋwìə̀ ghɨ ni tɨ̀ kuʼ ə.

Gàlesìyà 2:6

Chəi bə̂d mbɔ̂ nɨ bə̂d nyaʼə nèŋə̀ ni mbɨ yɨə bə̂d kyeŋ nyaʼa yi ənû ə mɔʼɔ əbɔʼ ɨkə̂n chɔ̀m we nɨ mə nyaʼə ghàə̀. (Kɨ̀ bə̂d mbɔ̂ nyaʼa yim mbɨ̀rɨmbin mbi, ka əze yɨ i ənû ə mɔʼɔ ɨ num. Ənû nɨ mə̀ kyerɨ yɨ ni chəi Ŋwìə̀ ə nèŋə̀ bə̂d yeʼ ənɨ mbɨ̀rimbin mbe nɨ mbɨ yimɨ).

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.

2 Timotì 3:13

Àyɨə bə̂d mbe nɨə ghɨ̀ ɨnû rɨbɔ̀ŋ mbɨ mbe nɨə nɨŋ rɨkum bə̂d cherə tambɨə bə̂d əŋgu bɨrɨ rəbə ghɨ̀ ə ɨnû rɨbɔ̀ŋ ghɨ̌ wò ɨmbì. Mbɨ bɨrɨ mɨə tambɨ ə bə̂d, bə̂d bə tambɨ ə mɨ̀mə̌d.

Jems 1:22

Tɨ mbə̀ yeʼ ə bə̂d nɨə zu ɨŋgam Ŋwiə̀ zu, əne tambɨ ə ɨnyod. Mbə̀ ghɨ ɨnû mbe nɨ ɨŋgam we gha ni mbə̀ ghɨ̀ ə.

Jems 1:26

Wə̀d mɔʼɔ rəbɔʼ nən wa kɔndɨ ni tə kàànɨ̀ ɨŋga ənû ə Ŋwìə̀ ə? Wɨ̀ mɨ ton yimbɨ i i ɨchû, ɨ wɨə tambɨ i ɨnyod, əne ənû ə Ŋwìə̀ əməd ze yɨ ətu ə̀kǒ.

1 Jɔn 1:8

Tɨ̀ mɨ ghà ni chəi ənû rɨbɔ̀ŋ ə mɔʼɔ ɨŋga na, njɨ tɨ̀ wɨə tambɨ a ɨnyod, əne chəi rəsìʼ ɨŋga ɨnû mbe nɨ tɨə ghàə̀.