Gàlesìyà 6:12 - Meta’

¹² Bə̂d mbe nɨə kə̀b nyeŋ ni mbɨ ne əwən mbɨə kə̀b chwi əsaŋ əsaŋ ni mbə bɔ̀ŋ. Ɨ mbɨə ghɨ̀ əne ɨmbə̀ʼ tɨ bə̂d nwendɨ ə tɨkyerɨ-ɨwu mɨ̀mə̌d ɨchî nɨ mbɨə ghàə̀ ni àmei ənjìm ɨchî nɨ Kristo nyaʼa kwɨ əzed ə baʼnɨ nɨ tɨ̀ bə̂d jwɨ̀ rəŋgəʼ.

Ikan feg

¹² Bəd mbe ne kə̀bə̀ gha mbi mənyìʼ ŋwed bəd ya bəd ne kə̀bə̀ ni chwi asaŋ asaŋ gha mbɔb bɔ̀ŋ. Mbɔb ya ghìyə̀ ane məyi imbə̀ʼ icheg ne chəyi mbi kəbi gha bəd chɔʼ ìmbɔb ibɔʼì ighog anjìm icheg ne mbɔb bḛ gha à ya məyi iwu Kristo igun azed abaʼri we ghìyə̀ bəd pumə̀.

Gàlesìyà 6:12 교차 참조

Matìyò 23:27

“Ŋgəʼ kyeŋ bɨrɨ nyɨ ɨgwɨ nən mbə̀nə məchwiə̀ rɨ̀kə̌ bə̀ nyɨ ɨgwɨ nən mbə̀nə mɨ̀Farisiî. Mbə̀ yɨ ɨbekɨ bə̂d! Zɨ̀ bɨrɨ nyɨ ɨmbə̀ʼ ɨghəm nɨ mbə yɨ ɨghabɨ ɨtu ɨsì nɨ mbɨ zɔʼ ənɨ ə mbǒm, mbɨ bɔ̀ŋ əbà rɨ ə sàŋ, àyɨə əbà rɨŋga, mbɨ swi mbɨ ɨwu ɨvɨ bə̂d fɔrɨ ɨbɔb ɨghɨ cherə.

Matìyò 23:28

Əbà rɨ əsaŋ, mbə yɨ ɨghabɨ ə bə̂d nɨə ghɨ̀ ɨnû nɨ kuʼnɨ, àyɨə əbà rɨŋga, ɨbekɨ fɔrɨ ɨnû rɨbɔ̀ŋ swi ɨŋga nən.”

Matìyò 23:5

Ɨ mbɨə ghɨ̀ ɨnû jìm ɨmbə̀ʼ bə̂d zə mɨ̀mə̌d. Ɨ mbɨə tekɨə mbə mbɨ̀rɨkub gôb nɨ mbɨ zɨ ɨŋgam Ŋwiə̀ ɨŋga ni mbɨ kaŋ faŋ. Ɨ mbɨə nyaʼə taə tə ngywɨ̌ ghɨ̀ rɨtɔŋ jeŋgɨ sà.

Matìyò 5:10

Ŋwìə̀ zɨ əbɔrəbɔd ɨgun ə bə̂d mbe nɨ bə̂d ə nwèndɨ̀ tɨkyerɨ-ɨwu mɨ̀mə̌d ɨmbə̀ʼ ɨghəm nɨ mbɨə ghɨ̀ ɨnû nɨ kuʼnɨ, ɨmbə̀ʼ ɨghəm nɨ mbɨ bɨrɨ jɨg ənû ɨfɔ̀n rɨkaŋ.

Matìyò 6:16

“Ənɨ mbə̀ chub rɨ jɨg, tɨ mbə̀ ghɨ ə ɨghabɨ ə bə̂d nɨə kə̀nə̀, ɨchî nɨ ɨbekɨ bə̂d ə ghɨ̀ə̀. Ɨ mbɨə ŋgɨ̀ndɨ̀ tə rɨfě ɨmbə̀ʼ bə̂d zə ni ɨ mbɨə chubə rɨ jɨg. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 6:2

“Əne ənɨ àwɔ̀ ə nàʼ ɨghɨ əmbɨ wə̀d ŋgəʼ, tɨrə̀ fə e tàŋ ɨchî nɨ ɨbekɨ bə̂d ə ghɨ̀ ɨŋga nəb tɨ ə̀kàtɨ̀ bə̀ ghɨ̀ ɨtu ɨzib. Ɨ mbɨə ghɨ̀ əne ɨmbə̀ʼ bə̂d yiirɨ mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 6:5

“Ənɨ mbə̀ə kɔ̀ŋgɨ̀ ə Ŋwiə̀, tɨ mbə̀ ghɨ ə ɨghabɨ ɨbekɨ bə̂d. Ɨ mbɨə ghaʼə nɨ təm ɨŋga nəb tɨ ə̀kàtɨ̀ bə̀ fɔrɨ ɨban ɨnə̂njɨ̀ bɔŋ kɔŋgɨ ə Ŋwiə̀. Ɨ mbɨə ghɨ̀ əne àmei ɨmbə̀ʼ bə̂d zə mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Lk 16:15

Àyɨə Yeso nyaʼa ghà əmbɨ mɨ̀mə̌d ni, “Mbə yɨə bə̂d mbe nɨə chwi ɨfě bə̂d ni mbə̀ mbɨə ghɨ̀ ɨnû nɨ kuʼnɨ, àyɨə Ŋwìə̀ ə kyerɨ tə fîŋ. Mbə̀ zə rəŋgu ni ɨnû mbe nɨ Ŋwiə̀ ə bànə̀ yɨ mbe nɨ bə̂d ə kɔndɨə ni mbɨ yɨ ɨnû kyeŋ.

Lk 20:47

Ɨ mbɨə tambɨə mɨku əyi ɨmbə̀ʼ fe ɨghɨ mɨ̀mə̌d. Mbɨ mɨ nɨə ghɨ̀ əne, mbɨ sɨ bègrɨ̀ kɔ̀ŋgɨ̀ ə Ŋwiə̀ ənɨ əgha ə se. Ŋwìə̀ bɨrɨ zɨ ɨsaʼi nɨ che əbɔ ɨgwɨ mɨ̀mə̌d.”

Jn 7:18

Wə̀d we nɨə ghà ɨnû ənɨ i ɨka wɨə kə̀bə̀ ni bə̂d wumnɨ əməd. Àyɨə we nɨə kə̀bə̀ ni bə̂d wumnɨ wə̀d we nɨ tom əməd wɨə ghàə̀ rəsìʼ. Kaʼ məd yɨ i wə̀d mɨghab.

Ɨ̀fàʼì 15:1

Bə̂d mɔʼɔ nyaʼa swiʼi rɨ ə Jùdeyà wò ə Antiɔ̀k. Mbɨ nyaʼa pè kɔ chwi ɨnû əmbɨ ə bə̂d Kristo mbe rəŋgu ghàə̀ ni, “Chəi mbə̀ bɨrɨ jwɨ rəŋgəʼ əwù ze nɨ chəi mbɨ ne əwən ɨchî nɨ zɨə yeʼ ɨŋga tɨkə rɨ Mose.”

Ɨ̀fàʼì 15:5

Àyɨə bə̂d mɔʼɔ mbe nɨ nyaʼa ben ə Kristo, nɨ nyaʼa rɨŋga ɨfɔtɨ mɨ̀Farisiî, nyaʼa təm rətiə ghà ni, “Zɨə kùʼ ni mbɨ ne bə̂d mbe nɨ kaʼi mɨ̀Jû bə̀ ghà əmbɨ mɨ̀mə̌d ni mbɨ nuŋ tɨkə rɨ Mose.”

2 Kɔrèn 10:12

Chəi tɨ̀ bɨrɨ tɔ mɨg ta rɨtəb kɨ̀ bè mɨ̀g à ɨnyod mbɨ mɨ̀mə̌d mɔʼɔ mbe nɨə goŋ ɨgɔ̂ ni mbə mbɨə fàʼə̀ chè bə̂d cherə. Mbɨ yɨ ɨneŋ, ɨmbə̀ʼ ɨghəm nɨ ɨ mbɨə mɨ̀g ə ɨnyod mbənə mbənə. Ɨ mbɨə bə̀ mɨ̀g tə rɨtəb mbənə mbənə.

2 Kɔrèn 11:13

Tɨkwɨrɨ bə̂d tɔ̂ yɨə bə̂d tom mɨghab. Ɨ mbɨə tambɨ ə bə̂d ənɨ ɨnû mbe nɨ mbɨə ghɨ̀ə̀. Ɨ mbɨə bə̀ bègrə̀ ɨghabɨ ni mbə yɨə bə̂d tom Kristo rəsìʼ.

Gàlesìyà 2:14

Ənɨ mə̀ nyaʼa zə ni chəi mbɨ nyaʼə beenɨ əbɔʼ rəsìʼ we nɨ yeʼ ɨŋga ɨkə̂n chɔ̀m, mə nyaʼa ghà əmbɨ Pità ɨfě mɨ̀mə̌d mɨjìm ni, “Àwɔ̀ yɨə Jû, əne à mɨ yeʼə ghɨ̀ ɨnû ɨghabɨ ə wə̀d nɨ kaʼi Jû, ne àwɔ̀ yɨə Jû, njɨ àwɔ̀ kɨə wò nyeŋ bə̂d mbe nɨ kaʼi mɨ̀Jû ni mbɨ ghɨ ɨnû ɨghabɨ mɨ̀Jû rɨ ye ə?”

Gàlesìyà 2:3

Chəi mbɨ nyaʼa be nyèŋ ni mbɨ ne ə Taitùs nɨ nyaʼa mbɨ num, ka à be yeʼi ni məd yɨə nyaʼə rɨ ə Gris.

Gàlesìyà 5:11

Mbɨ bɔŋgɔb, mə mɨ yeʼə ghàə̀ ni mbɨ ne bə̂d, njɨ əton nɨ bə̂d ə kɨrɨ nwendɨ tum rɨkyerɨ-ɨwu kɨ ɨmbə̀ʼ ə yè ə? À mɨ yeʼ nɨ mə̀ kaŋ gha əne, njɨ chəi ənû ze nɨ mɨə ghà ɨmbə̀ʼ ɨchî nɨ Kristo nyaʼa kwɨ əzed ə baʼnɨ ə wɨrɨ berɨ ənû ə mɔʼɔ nɨ ghɨ̀.

Gàlesìyà 6:13

Ka àbei bə̂d mbe nɨə ghàə̀ ni mbɨ ne bə̂d, chəi mɨ̀mə̌d ə nùŋ rɨ̀kə. Àyɨə ɨ mbɨə kə̀bə̀ ni mbɨ ne əwən ɨmbə̀ʼ mbɨ goŋ ɨgɔ̂ ni mbə fə ghɨ̀ mbɨ nè əwən.

Fìlipì 1:15

À yɨ rəsìʼ ni bə̂d mɔʼɔ mbɨə ghà ɨkə̂n chɔ̀m ɨmbə̀ʼ ə Kristo ənjìm ə̀dìì bə̀ fɔrɨ ənjìm əwindɨ, àyɨə mbɨ mɔʼɔ mbɨə ghàə̀ mbɨ fîŋ chɔ̀m.

Fìlipì 2:4

Tɨ mbə̀ neŋ ə àmei ɨnû mbe nɨ de əwən. Mbə̀ neŋə mbɨ mbe nɨ de bə̂d cherə.

Fìlipì 3:18

Mə nyaʼa fə ghà ɨ nən ɨghəm nɔnɔʼ, əne mə wɨə bə̀ yɨə ghà ɨ nən tɨ̀nîn mbɨ mɨsɨ əghə ni bə̂d mɨ̀nɔnɔʼ mbɨ əŋgu nɨə chub ɨghabɨ ə bə̂d pə̀n Kristo ɨchî nɨ chəi mbɨə ben nɨ zu əton nɨ wɨ̀ nyaʼa kwɨ əzed ə baʼnɨ.

Kòlosè 2:23

Tɨkə tɔ tɨ ɨghabɨ ni tɨ̀ berɨ ɨwe ɨŋga ɨchî nɨ tɨə nyèŋə̀ bə̂d ni mbɨ wumnɨ ə Ŋwiə̀, swi ɨnyod bə̀ chə ɨnyod, àyɨə chəi tɨ berɨ ɨka nɨ yim bə̂d ni mbɨ ton ɨnû mbe nɨ nyamnyod ə kə̀bə̀.