Gàlesìyà 6:10 - Meta’

¹⁰ Əne, tɨ̀ mɨ berɨ əpan, tɨ̀ ghɨ ɨ̀chɔ̀m ənɨ ə wə̀d jìm, màànɨ̀ ənɨ mbe nɨ ben ə Kristo.

Ikan feg

¹⁰ Ane, tì mə bèrì apan, tì ghiyə inug chɔm abə bəd məjìm. Tè taŋ zì atog ni ghì ane yaʼi abə ìmba bəd Kristo.

Gàlesìyà 6:10 교차 참조

Mə̀Hibrù 13:16

Tɨ̀ mbə̀ waʼ ə ənû nɨ ghɨ ɨ̀chɔ̀m. Tɨ mbə̀ bɨ waʼ ə ənû nɨ ghapɨ ɨghɨ mbe nɨ mbə̀ berɨ, ɨmbə̀ʼ ɨghəm nɨ tɨkwɨrɨ ɨghɨ ə̀fà tɔ̂ ə bɔ̀ŋ əmbɨ ə Ŋwiə̀.

1 Tèsàlonikà 5:15

Mbə̀ zə ni tɨ wə̀d mɔʼɔ rəbɔʼ nən wi i ɨbə ɨgwɨ ɨbə, àyɨə mbə kywɨ ənywɨ ghɨ̀ ɨ̀chɔ̀m ənɨ wə̀d mɔʼ mɔʼ bə̀ ghɨ̀ ənɨ ə wə̀d jìm.

Tayitùs 3:8

Ɨnû mbɔ̂ jìm nɨ mə̀ fə gha ɨ nən yɨ ɨnû rəsìʼ. Mə kə̀b ni à gha ɨnû mbɔ̂ kòmbɨ̀, ɨmbə̀ʼ bə̂d mbe nɨ ben ə Ŋwìə̀ we əwən bə̀ ghɨ̀ ɨnû chɔ̀m. Ɨnû mbɔ̂ yɨ ɨnû chɔ̀m. Mbɨ bɨrɨ bɨ wèèrɨ̀ wə̀d jìm.

Matìyò 25:40

Ɨfɔ̂n we bɨrɨ wììrɨ̀ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ mbə̀ nyaʼə ghɨ̀ ɨnû mbɔ̂ ənɨ wɨ kwa mɔʼɔ rəbɔʼ bɔŋgɔb mbɔ̂ num, əne mbə̀ nyaʼa ghɨ yeʼ ənɨ ə num.'

Mə̀Hibrù 6:10

Ŋwìə̀ wɨə ghɨ̀ àmei ɨnû nɨ kuʼnɨ. Kaʼ məd bɨrɨ neb i ɨnû mbe nɨ mbə̀ fə ghɨ. Kaʼ məd bɨrɨ bɨ neb i ɨghaʼi we nɨ mbɨə chwi ɨ bɔ ənɨ mbə̀ nyaʼə weerɨ bə̂d məd bə̀ kɨrɨ wò ɨmbì wèèrɨ̀ə̀.

Efesùs 2:19

Əne ka mbə yɨə wɨrɨ əwən bə̂d rɨ̀sɔ̀ʼɔ̀ mbɨ ɨ̀nɔ̀ʼɔ̀. Mbə yɨə sɨə bə̂d əbeŋ ə mɔʼ mbɨ ə bə̂d Ŋwiə̀. Mbə yɨə bə̀ ə bə̂d ɨŋga ɨnəbɨ Ŋwiə̀,

Jn 12:35

Yeso nyaʼa ghà əmbɨ mɨ̀mə̌d ni, “Ɨzeŋɨ zeŋɨ wɨə kɨrɨ əkaʼ nən ənɨ ɨkə nyumə̀. Mbə̀ yen ənɨ ɨsɨ ə kɨrɨ zeŋə, ɨmbə̀ʼ tɨ əfub ə kən i əwən. Chəi wə̀d we nɨə yèn əkaʼ əfub kyerɨ əsɨ ze nɨ wɨə wò əŋgu.

Lk 6:35

Àyɨə mbə ghaʼ mbə bə̂d pə̀n bə̀ ghɨ̀ ɨ̀chɔ̀m ənɨ mɨ̀mə̌d. Mbə̀ bə chɔʼ ɨkab nàʼ əmbɨ bə̂d mbe nɨ chəi mbɨə wòmə̀ ni mbɨ bɨrɨ wi ɨ nən. Mbə mɨ ghɨ̀ əne, mbə bɨrɨ berɨ ɨchɔʼ ə̀fàʼì kyeŋ bə̀ yeʼ bɔn Ə̀chè-ɨsɨg, ɨmbə̀ʼ ɨghəm nɨ məd wɨə ghɨ̀ ɨ̀chɔ̀m ənɨ ə bə̂d mbe nɨ chəi mbɨə nàʼ məben-əwe ɨ bɔ. Ɨ wɨə bə̀ ghɨ̀ ɨ̀chɔ̀m ənɨ mbe nɨə ghɨ̀ ɨzɨg.

Jn 9:4

Tɨ̀ berɨ faʼ ə̀fàʼì ze nɨ wə̀d we nɨ nyaʼa tom əmɨ naʼ ɨ na. Àyɨə tɨ̀ berɨ fàʼ ənɨ ɨsɨ ə kɨrɨ zeŋə. Ɨzɨmɨ wɨə yeʼe nɨ chəi ənɨ tɨ̀ bə̂d wɨrɨ fàʼ.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Fìlipì 4:10

Ɨghaʼi kyeŋ wɨ ɨŋga mɨ fîŋ ɨchî nɨ mə yeʼ ənɨ ɨfɔtɨ mbɨ Ə̀nùŋɨ̀sɨg, ɨmbə̀ʼ ɨghəm nɨ əgha ə fə kàŋ sà nɨ chəi mbə̀ weerɨ əmɨ. Mbə nyaʼa kàŋ ghaʼ nɨ weerɨ, àyɨə chəi mbə̀ nyaʼa berɨ əpan.

Matìyò 12:50

Wə̀d mɔʼɔ we nɨə ghɨ ɨnû mbe nɨ mɨ Mbǎʼ rɨkaŋ kə̀bɨ yɨ wum aŋgɔb, yɨ mɨ njàbɨ, bə̀ fɔrɨ mɨ nɨŋ.”

3 Jɔn 1:11

Wum aŋgɔb nɨ mə̀ ghaʼi kwàʼ rɨŋgəʼ, tɨrə̀ mɨ̀g e ənû rɨbɔ̀ŋ. Mɨg yeʼ ənû ə chɔ̀m. Wə̀d we nɨə ghɨ̀ ɨ̀chɔ̀m yɨə wə̀d Ŋwiə̀. Chəi wə̀d we nɨə ghɨ̀ ɨnû rɨbɔ̀ŋ kweʼ zə ə Ŋwiə̀.

Kòlosè 4:5

Mbə̀ we əwən ɨchî nɨ mbə̀ə ghɨ̀ə̀ mbɨ ə bə̂d mbe nɨ kaʼi bə̂d Kristo. Mbə̀ nɨŋ əpan ze nɨ mbə̀ berɨ fàʼ mbɨ mɨ̀mə̌d ɨchî chɔ̀m.

Efesùs 5:16

Tɨ mbə ben ə ni əpan ə mɔʼɔ ze nɨ mbə berɨ nɨ ghɨ ɨnû nɨ kuʼnɨ ə chè ətu ə̀kǒ, ɨmbə̀ʼ ɨghəm nɨ bə̂d mbɨə ghɨ̀ ɨnû rɨbɔ̀ŋ nɔnɔʼ ənɨ ə nyùmə̀ wɔ̂.

1 Jɔn 5:1

Wə̀d we nɨ ben ni Yeso yɨə Wə̀d we nɨ Ŋwìə̀ zɔʼɔ yɨə wə̀d Ŋwìə̀. Wə̀d we nɨ ghaʼ mbǎʼ wan, ə bə̀ ghaʼ wan məd.

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Mk 3:4

Ənɨ wɨ̀ nyaʼa ghà əne, wɨ̀ nyaʼa biirɨ əmbɨ ə bə̂d mbe ni, “Tɨkə ə wa chwiə ni tɨ̀ ghɨ ɨ̀chɔ̀m əni əkwɨ kɨ̀ ni tɨ̀ ghɨ ɨbə ə? Tɨ wa chwiə ni tɨ̀ zwemnɨ wə̀d kɨ̀ ni tɨ̀ zwiirɨ wə̀d ə?” Bə̂d mbe nyaʼa kəm rəziə.

Efesùs 3:15

we nɨ ɨnəbɨ jìm we nɨ yeʼ ɨkaŋ mbɨ we nɨ yeʼ ɨgwɨ ə si nɨŋ ɨkum rɨ ɨbɔ.

Matìyò 5:43

“Mbə nyaʼa fə zu ni mbɨ nyaʼa ghà ni, 'Ghaʼ we aŋgɔb, bàn e wə̀d pə̀n.'

Matìyò 10:25

Zɨə kùʼ əmbɨ ə̀mə̀ə̀nɨ̀-ɨnû ni wɨ̀ yeʼ ɨghabɨ wə̀d we nɨə chwi ɨnû ɨ bɔ, bə̀ kùʼ ni wan ə̀fàʼì bə yeʼ ɨghabɨ i mbǎʼ ə̀fàʼì. Mbɨ mɨ fə tɔŋ mbǎʼ əkwɨ ənɨ ə Belzebùl, njɨ mbɨ bɨrɨ tɔŋ bə̂d rɨŋga nəb məd ənɨ rɨkum nɨ bə̌ chè.

Ɨ̀fàʼì 6:7

Ɨŋgam Ŋwiə̀ wɨə nyaʼə jàŋə̀ wò ɨmbì. Ɨnun bə̂d mbe nɨ nyaʼa ben ə Kristo ə Jèrusalèm wɨə nyaʼə bə̀ nɔʼrɨə wò ɨmbì ənɨ ə bid. Bə̂d mbàn Ŋwìə̀ nɔnɔʼ nyaʼa bə̀ ben ə Kristo.

Gàlesìyà 1:23

Mbɨ nyaʼa zu àmei ənɨ nɨ bə̂d nyaʼə ghàə̀ ni, “Mbaŋə̀ ze nɨ nyaʼə nwèndɨ̀ ta rɨkyerɨ-ɨwu wɨə sɨə ghà ɨnû ɨmbə̀ʼ ɨbenɨ we nɨ wɨ̀ nyaʼə kəb nimnɨ.”

Efesùs 4:28

Tɨ wə̀d we nɨə jɨə rəbə jɨ i. Wɨ̀ kɔ faʼ ənɨ mbi ɨbɔ, berɨ ɨghɨ ɨchî nɨ kuʼnɨ, ɨmbə̀ʼ bɨ weerɨ bə̂d ɨkwaŋ.

1 Tèsàlonikà 5:21

àyɨə mbə̀ zweʼrɨ mɨkə̂n mbe jìm, yim mbe nɨ bɔŋɨ,

1 Pità 2:5

Mbə yeʼe ɨghabɨ əti nɨ yeʼ ɨka ɨmbə̀ʼ mbɨ nɨŋ əwən bɔm nəb əzwî əŋgu. Mbə mɨ ghɨ̀ əne, mbə bɨrɨ yeʼ bə̂d mbàn Ŋwìə̀ zeŋɨ, əne chè ənjìm ə Yeso Kristo naʼ ɨghɨ ə̀fà əzwî mbe nɨ Ŋwiə̀ benɨ.

1 Pità 4:17

Nyùmə̀ fə kuʼ nɨ Ŋwìə̀ bɨrɨ kɔ saʼ bə̂d. Wɨ̀ bɨrɨ kɔ mbɨ ɨnəbɨ Ŋwiə̀. Wɨ̀ mɨ nɨə kɔ mbɨ na, njɨ ɨnwǐ bə̂d mbe nɨ chəi mbɨə zuunɨ ɨkə̂n chɔ̀m ɨmbə̀ʼ ə Ŋwiə̀ kɨə wo yeʼ rɨ ye ə?

3 Jɔn 1:3

Mə nyaʼa kàŋ ghaʼ əku ənɨ bɔŋgɔb mɔʼɔ nyaʼa yeʼe pè ghà ɨ num ɨmbə̀ʼ ɨchî nɨ àwɔ̀ ə beenɨ əbɔʼ rəsìʼ. Mə kyerɨ ni àwɔ̀ wɨə kàŋə̀ beenɨ əbɔʼ rəsìʼ we ɨghəm jìm.

3 Jɔn 1:10

Ənɨ mə̀ yeʼe, mə bɨrɨ ghɨ mbə̀ kyerɨ ɨnû jìm mbe nɨ wɨ̀ fə ghɨ̌, əne yɨ ɨnû rɨbɔ̀ŋ mbe nɨ wɨə ghà ɨmbə̀ʼ əwa. Ɨghabɨ ni chəi əze ə kɨrɨ kuʼ, chəi məd ə nɨŋə bɔŋgɔb əkwɨ ni əwù ze nɨ mbɨ yeʼe. Ɨ wɨə bə̀ təmnɨə bə̂d mbe nɨə kəb nɨŋ bɔŋgɔb mbɔ̂ əkwɨ nən. Mbɨ mɨ tɔ nɨŋ, wɨ̀ chɨ̀ mɨ̀mə̌d rɨŋga ɨfetɨ bə̂d Kristo.

2 Kɔrèn 2:8

Əne mə wɨə buʼ ɨbɔ ɨ nən ni mbə̀ chwi ɨ bɔ ni mbə kɨrɨ ghaʼ əməd.