Gàlesìyà 5:6 - Meta’

⁶ Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Ikan feg

⁶ Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Gàlesìyà 5:6 교차 참조

Lk 7:5

ɨmbə̀ʼ ɨghəm nɨ məd ə ghaʼ əbeŋ zɔ̂ ɨ na. Wɨ̀ fə bə̀ vɨ nəb ə̀kàtɨ̀ ɨ na.”

1 Kɔrèn 13:13

Əne ɨnû mbɔ̂ tad fə ten i koŋ. Ɨnû mbe yɨ ənû nɨ nuŋ fîŋ ɨgun ə Kristo, ənû nɨ nuŋ ɨkɔndɨ wòm ɨnû jìm mbe nɨ tɨ̀ benɨ mbɨ ənû nɨ ghaʼ aŋgɔb. Àyɨə əze nɨ che mbɨ cherə yɨ ənû nɨ ghaʼ aŋgɔb.

1 Kɔrèn 7:19

Mbɨ mɨ fə nè wə̀d kɨ̀ chəi mbɨ kɨrɨ ne əməd, ka əze yɨ i ənû ə mɔʼɔ. Ənû nɨ kuʼnɨ yɨ ni mbɨ nuŋ tɨkə rɨ Ŋwiə̀.

2 Kɔrèn 5:14

Əghɨ ze nɨə tin əwa yɨ ɨghaʼi we nɨ Kristo ghaʼ əwa. Tɨ̀ kyerɨ əne ɨmbə̀ʼ ɨghəm nɨ wə̀d mɔʼ nyaʼa kwɨ ɨgwɨ ətu ə bə̂d mɨjìm, əne bə̂d mɨjìm fə bə̀ kwɨ.

Gàlesìyà 3:26

Mbə̀n mɨjìm yɨə bɔn Ŋwiə̀ ənjìm ɨchî nɨ mbə̀ nuŋ fîŋ ɨgun ə Kristo Yeso.

Gàlesìyà 3:28

Əne chə wɨrɨ i Jû kɨ̀ wə̀d nɨ kaʼi Jû, chə wɨrɨ i ə̀bòʼò kɨ̀ wə̀d nɨ yeʼ ənɨ i ɨghəm, chə wɨrɨ i mbaŋə̀ kɨ əyi, ɨmbə̀ʼ ɨghəm nɨ mbə̀n mɨ̀jìm fə sɨə wə̀d mɔʼ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Gàlesìyà 6:15

Kɨ̀ mbɨ nè wə̀d, kɨ̀ chəi mbɨ ne wə̀d, chəi əze ə berɨ ənû ə mɔʼɔ nɨ ghɨ̀. Ənû ə kyeŋ nɨ yeʼ əŋgu yɨ ni tɨ̀ yɨə sɨə bə̂d fi.

Efesùs 6:23

Ŋwiə̀ Mbǎʼ, mbɨ Ə̀nùŋɨ̀sɨg Yeso Kristo naʼ əbɔrəbɔd, nàʼ ɨghaʼi bə̀ nàʼ ɨbenɨ əmbɨ ə bɔŋgɔb mɨjìm.

Kòlosè 1:4

Tɨ̀ wɨə nàʼ ɨmbə̀ʼ ɨghəm nɨ tɨ̀ fə zu ɨchî nɨ mbə̀ nuŋ fîŋ ɨgun ə Kristo Yeso bə̀ zu ɨchî nɨ mbə̀ə ghaʼə bə̂d Ŋwiə̀ mɨ̀jìm.

Kòlosè 3:11

Əne chəi wɨrɨ i ɨkwepɨ əkaʼ bə̂d nɨ kaʼi mɨ̀Jû mbɨ mɨ̀Jû, chəi wɨrɨ i ɨkwepɨ əkaʼ bə̂d mbe nɨ mbɨ ne mbɨ mbe nɨ chəi mbɨ ne mɨ̀mə̌d, chəi wɨrɨ i ɨkwepɨ əkaʼ bə̂d əgyeŋ nɨ kɨrɨ ɨŋga ɨzimɨ, chəi wɨrɨ i ɨkwepɨ əkaʼ ɨ̀bòʼò mbɨ ə bə̂d nɨ yeʼ ənɨ ə ɨghəm. Kristo yɨ ɨnû jìm. Məd wɨ ɨŋga bə̂d mɨjìm mbe nɨ yeʼ ənɨ ənû ə mɔʼ mbɨ məd.

1 Tèsàlonikà 1:3

Ənɨ tɨə kɔŋgɨ Ŋwiə̀ a Mbǎʼ, tɨ̀ wɨə kɔndɨ ɨnû mbe nɨ mbə̀ə ghɨ̀ə̀ ɨchî nɨ mbə̀ nuŋ fîŋ ɨgun ə Yeso. Tɨ̀ wɨə bə̀ kɔndɨ ɨchî nɨ mbə̀ə fàʼə̀ rɨ̀kǎ ɨmbə̀ʼ weerɨ bə̂d ɨmbə̀ʼ ɨghəm nɨ mbə ghaʼ mɨ̀mə̌d. Tɨ̀ wɨə bə̀ kɔndɨ ɨchî nɨ mbə̀ə nyìʼə̀ fîŋ wòm ɨchî nɨ a Ə̀nùŋɨ̀sɨg Yeso Kristo bɨrɨ chɨ əwən rəŋgəʼ.

Mə̀Hibrù 11:8

À yɨ ɨbenɨ nyaʼa ghɨ ni Abràham zuunɨ ə Ŋwiə̀ ənɨ wɨ̀ nyaʼa tɔŋ əməd ni wɨ̀ jwɨ ə wò əsɨ ze nɨ wɨ̀ nyaʼa wo naʼ ɨ bɔ. Wɨ̀ nyaʼa jwɨ̀ wò, ka à bè yeʼi ni chəi wɨ̀ nyaʼa kyerɨ əsɨ ze nɨ wɨ̀ nyaʼə wò əŋgu.

1 Pità 1:8

Mbə ghaʼ əməd, ka à be yeʼi ni chəi mbə kɨrɨ zə əməd. Mbə nuŋ fîŋ ɨgwɨ məd, ka à be yeʼi ni chəi mbə̀ə zə əməd. Mbə̀ kàŋ ghaʼrɨ mbɨ ɨkwɨ ɨghaʼi we nɨ chəi ənɨ tɨ wə̀d ghà ənɨ ɨchù.