Gàlesìyà 4:18 - Meta’

¹⁸ Zɨə bɔ̀ŋ ni mbə̀ ben ɨnû mbe nɨ mbɨə ghàə̀ əwu ze nɨ mbɨə ghɨ̀ ɨnû mbe nɨ bɨrɨ weerɨ əwən. Mbɨ ghɨ əne ənɨ mɨ̀nyùmə̀ jìm kaʼ àmei ənɨ mə̀ yeʼ əkaʼ nən.

Ikan feg

¹⁸ Wə̀d mə̀ ya kɔ̀ndɔ ni fàʼ yaʼ anug chɔm, ze bɔ̀ŋ ni taŋ bèrì fìŋ igun tengàŋ. Ze kòʼ ni yaʼ ane mà nyumə̀ ijìm, kayi məyi anyumə̀ ne mə̀ yaʼi abɔ̀ʼ inən.

Gàlesìyà 4:18 교차 참조

Jn 2:17

Mə̀mə̀ə̀nɨ̀-ɨnû ɨməd nyaʼa kɔndɨ ni ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨchî nɨ mə zɨ ətu ənɨ e nəb, kyɨə Ŋwìə̀, ə bɨrɨ ghɨ ni bə̂d zwiirɨ əmɨ.”

1 Kɔrèn 15:58

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ̀. Tɨ mbə̀ ben ə ni əghɨ ə mɔʼɔ chiʼ əwən. Mbə̀ faʼ ə̀fàʼì ze nɨ Ə̀nùŋɨ̀sɨg zɨ ɨŋga tə rɨkyerɨ-ɨbɔ. Mbə̀ faʼ əne wò ɨmbì. Mbə mɨ yeʼe ghɨ̀ əne, mbə̀ kyerɨ ni chəi ənû ə mɔʼɔ ze nɨ mbə̀ ghɨ əmbɨ Ə̀nùŋɨ̀sɨg ə bɨrɨ che ətu ə̀kǒ.

Gàlesìyà 4:13

Mbə̀ kàŋ kyerɨ ə ni à yɨ ɨmbə̀ʼ əwɔn nɨ mə̀ nyaʼa be ghà ɨkə̂n chɔ̀m ɨ nən.

Gàlesìyà 4:17

Bə̂d mbe nɨə kə̀b beŋ ɨkə̂n chɔ̀m mbɨə kə̀bə̀ ni mbə ben ɨnû mbe nɨ mbɨə ghàə̀, àyɨə chəi əze ə bɨrɨ weerɨ əwən. Ɨ mbɨə kə̀b ghabrɨ əwən tɨ ənɨ ə num ɨmbə̀ʼ mbə̀ ben ɨnû mbe nɨ mbɨə ghàə̀.

Gàlesìyà 4:20

Mə kàŋ kə̀b ni njɨ mə wɨ mbɨ nən tɨ̀nîn ɨmbə̀ʼ mə̀ kwepɨ ɨchî nɨ mɨə ghàmə̀, ɨmbə̀ʼ ɨghəm nɨ mɨ fîŋ zɨə kàŋə̀ tɔb əmɨ ɨmbə̀ʼ əwən!

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

Fìlipì 2:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbə̀ nyaʼə zuunɨ ə Ŋwiə̀ ɨghəm jìm ənɨ mə̀ nyaʼa mbɨ nən, əne tɨ̀nîn nɨ chəi əmɨ mbɨ nən, mbə̀ jeŋgɨ zuunɨ əməd. Ŋwiə̀ fə chɨ̀ əwən rəŋgəʼ, əne mbə̀ kywɨ ənywɨ màànɨ̀ ɨchî nɨ wɨ̀ chɨ̀ əwən rəŋgəʼ ɨchî nɨ mbə̀ə bɔ əməd bə̀ wumnɨ əməd.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Ɨnû 3:19

Mə wɨə ghàm əbɔʼ bə̂d mbe nɨ mə ghaʼi. Mə wɨə bə̀ chəə mbe nɨ mə ghaʼi. Əne, zə ni à zɨ ətu nɨ nòm, bə̀ zə ni à bèŋ e fîŋ.