13 Mbə̀ kàŋ kyerɨ ə ni à yɨ ɨmbə̀ʼ əwɔn nɨ mə̀ nyaʼa be ghà ɨkə̂n chɔ̀m ɨ nən.
13 Mbə kyèri gha à ya imbə̀ʼ aghɔn ne mə̀ ya bi ghà ikən chɔm gho̰ inən.
Yeso nyaʼa ghanə yènə̀ ɨŋga Galiliî jìm. Wɨ̀ nyaʼə yènə̀ chwi ɨnû ɨŋga nəb tɨ ə̀kàtɨ̀ te rɨŋga ɨsɨ mbe, bə̀ yènə̀ ghà ɨkə̂n chɔ̀m ɨmbə̀ʼ ənû ɨfɔ̀n rɨkaŋ. Wɨ̀ nyaʼə bə̀ yènə̀ vɨ̀ə̀ tɨkwɨrɨ əwɔn jìm bə̀ vɨ̀ə̀ tɨkwɨrɨ ɨnɔʼɔ jìm.
Pɔ̂l mbɨ Sailàs fɔrɨ ə Timotì nyaʼa wò chè ə Frigìà nɨ nyaʼa ɨŋga əbà əbeŋ ze rɨ ə Gàlesià. Chəi Əzwî ə Zeŋɨ ə nyaʼa ben ni mbɨ ghà ɨŋgam Ŋwiə̀ ə Esià.
Ənɨ mə̀ nyaʼa yeʼe əsɨ nən, mə nyaʼa bɔd, əne ɨbɔɔ nyaʼa ghɨ̀ mə bindɨ ni chəi mə̀ bɨrɨ faʼ ɨchî chɔ̀m.
ɨmbə̀ʼ ɨghəm nɨ bə̂d mɔʼɔ mbɨə ghàə̀ ni, “Ɨ̀ŋwàʼnɨ̀ mbe nɨ wɨ̀ ŋwaʼnɨ mbɨə kà əku bə̀ tɔə, àyɨə ənɨ wɨ̀ yeʼ əkaʼ na, ɨ wɨə bɔrə, chəi ɨŋgam məd ə bə̀ yim mɨnib.”
À mɨ kàŋ yeʼ ni mə berɨ goŋ ɨgɔ̂, njɨ mə bɨrɨ goŋ ɨmbə̀ʼ ɨnû mbe nɨ chwiə ni mə bɔd.
Chəi mə̀ kyerɨ ɨchî nɨ ghàm ɨchî chɔ̀m, àyɨə mə berɨ ɨwe. Tɨ̀ fə nɨŋ tɨkwɨrɨ ɨnə̂njɨ̀ jìm ɨ ghɨ ni ɨnû mbɔ̂ zeŋ ɨ nən.
Mbɨ nyaʼa kombɨ əməd əzed ə baʼnɨ ənɨ ə nyùmə̀ we nɨ wɨ̀ nyaʼa bɔrɨ, àyɨə ɨ wɨ ɨkǎ ənɨ ɨka Ŋwiə̀. Ɨchî nɨ tɨ̀ yeʼ ənɨ ɨfɔtɨ mbɨ məd, tɨ̀ bə̀ bɔd, àyɨə ɨchî nɨ tɨə fàʼ ɨ nən, tɨ̀ bɨrɨ chubɨ mbɨ məd ənjìm ɨka Ŋwiə̀.
Zɨə chè əmɨ ni mbə mbɨə kɨə zàmbɨ̀ə̀ waʼ əməd we nɨ nyaʼa tɔŋ əwən ni mbə̀ yeʼ mbi bə̂d ənjìm ɨ̀chɔ̀m we nɨ Kristo ə ghɨ̀ə̀, sɨə beenɨə yeʼ əbɔʼ ɨkə̂n chɔ̀m cherə.
Mbɨ bɔŋgɔb, mə wɨə buʼ ɨbɔ ɨ nən ni mbə̀ yeʼ ɨghabɨ ə mɔ̌, ɨmbə̀ʼ ɨghəm nɨ mə fə bə̀ sɨ ɨghabɨ ə mbə̀nə. Chəi mbə̀ nyaʼa gu ənû ə mɔʼɔ ɨ num.
Ka à bè yeʼi ni mɨ əwɔn yɨə nyaʼa ə̀kwàʼnɨ̀ ɨ nən, chəi mbə̀ nyaʼa təənɨ əmɨ kɨ̀ bè ton əmɨ. Àyɨə mbə nyaʼa nɨŋ əmɨ ɨghabɨ ni mɔ̌ yɨə aŋgɨrə̀ Ŋwìə̀, kɨ̀ ɨghabɨ ni mɔ̌ yɨə Kristo Yeso ziə.
Zɨə bɔ̀ŋ ni mbə̀ ben ɨnû mbe nɨ mbɨə ghàə̀ əwu ze nɨ mbɨə ghɨ̀ ɨnû mbe nɨ bɨrɨ weerɨ əwən. Mbɨ ghɨ əne ənɨ mɨ̀nyùmə̀ jìm kaʼ àmei ənɨ mə̀ yeʼ əkaʼ nən.
