Gàlesìyà 3:23 - Meta’

²³ Bɔŋ ənû nɨ nuŋ fîŋ ɨgun ə Kristo nyaʼa sɨə yeʼe, tɨkə nyaʼa wùb əwa ɨghabɨ ni tɨ̀ yɨə bə̂d ndəŋ. Tɨ̀ nyaʼa wùb əne pè ənɨ Ŋwìə̀ nyaʼa chwi ənû nɨ nuŋ fîŋ ɨgun ə Kristo.

Ikan feg

²³ Anug ne angu ya gha, bɔŋ anug ni nɔ̀ŋì ibḛfiŋ igun Yeso Kristo ya se yèʼe, mə̀nɔ̀ʼɔ̀ ya fə bì kɔd awa icheg bəd ndəŋ ghò pè ane nyùmə̀ ne Ŋwiye ya ghi gha bəd kyeri Yeso Kristo bə̀ nɔ̀ŋì ibḛfiŋ igun məd.

Gàlesìyà 3:23 교차 참조

Jn 3:34

Ɨŋgam we nɨ wə̀d we nɨ Ŋwìə̀ tom ə ghàə̀ yɨ rɨ əmbɨ ə Ŋwiə̀, ɨmbə̀ʼ ɨghəm nɨ Əzwî ə Ŋwìə̀ ə zɨ ɨgwɨ məd nɨ chəi ənɨ tɨ̀ mbɨ mɨ̀g.

Rm 11:32

Ŋwìə̀ fə zɨ̀ bə̂d mɨ̀jìm ə ndəŋ ɨmbə̀ʼ ɨchî nɨ mbɨ nyaʼa ghɨ rɨ̀zuə̀. Wɨ̀ nyaʼa ghɨ̀ əne ɨmbə̀ʼ wɨrɨ diirɨ mɨ̀mə̌d mɨjìm.

Rm 3:19

Tɨ̀nîn tɨ̀ fə kyerɨ ni ɨnû mbe nɨ tɨkə ə ghàə̀, ɨ tɨə ghàə̀ yeʼ əmbɨ ə bə̂d mbe nɨ yeʼ əton rɨkə, ɨmbə̀ʼ tɨ mbɨ berɨ ə ənû nɨ wɨrɨ ghà. Əne Ŋwìə̀ bɨrɨ saʼ bə̂d mɨ̀jìm mbe nɨ yeʼ ɨŋga ɨsɨg.

Gàlesìyà 3:19

Ŋwìə̀ nyaʼa nàʼ rɨkə ɨmbə̀ʼ ə yè ə? Wɨ nyaʼa yì rɨkə əbɔʼ fɨso ɨmbə̀ʼ ɨghəm nɨ bə̂d mbɨə nyaʼə gù ɨnû. Tɨkə nyaʼa berɨ yeʼ əŋgu pè ənɨ ə wan we nɨ Ŋwìə̀ nyaʼa kaʼi ɨnû mbe ɨ bɔ yeʼe. Ŋwìə̀ nyaʼa chè ənjìm mbɨ̀aŋgɨrə̀ nàʼ rɨkə te əmbɨ Mose ni wɨ̀ naʼ əmbɨ ə bə̂d. Əne wə̀d wɨ ɨŋga mɨgharə̀ Ŋwìə̀ mbɨ ə bə̂d.

Gàlesìyà 4:21

Mbə̀n mbe nɨə kə̀b chub əton rɨkə, mbə̀ gha ɨ num: chəi mbə̀ kyerɨ ənû ze nɨ yeʼ ɨŋga rɨkə ə?

Gàlesìyà 5:18

Àyɨə mbə mɨ yeʼə ghɨ̀ àmei ɨnû mbe nɨ Əzwî ə kəbɨ, njɨ chəi rɨkə wɨrɨ berɨ ɨka ɨgwɨ nən.

Mə̀Hibrù 11:13

Mɨ̀mə̌d mbɔ̂ mɨjìm nyaʼa nùŋ ɨbenɨ ɨgun ə Ŋwiə̀ pè ənɨ mbɨ nyaʼa kwɨ. Mbɨ nyaʼa kwɨ nɨ chəi mbɨ nyaʼa kɨrɨ berɨ ɨghɨ mbe nɨ Ŋwìə̀ nyaʼa kaʼ əmbɨ mɨ̀mə̌d. Mbɨ nyaʼa zə ɨghɨ mbe nɨ Ŋwìə̀ nyaʼa kaʼi rɨ əsa əgha, əne mbɨ nyaʼa ghaʼ kwàʼ rɨŋgəʼ. Mbɨ nyaʼa zə əne, kyerɨ ni mbə yɨə bə̂d rɨ̀sɔ̀ʼɔ̀ nɨə che ə che ɨŋga ɨsɨg wɔ̂.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.