Gàlesìyà 3:22 - Meta’

²² Àyɨə ə zɨ ɨŋga Ə̀ŋwàʼnɨ̀ ə Ŋwiə̀ ni ɨsɨg jìm wɨ əton ɨnû rɨbɔ̀ŋ. Əne ɨnû mbe nɨ Ŋwìə̀ nyaʼa kaʼi ənjìm ɨchî nɨ bə̂d nuŋ fîŋ ɨgun ə Yeso Kristo, ɨ we tɨ̀ wɨ̀ nàʼ əmbɨ ə bə̂d mbe nɨ benɨ.

Ikan feg

²² Si ya gha, Ìngam Ŋwiye ghà gha, inug tibɔ̀ŋ mbe kɔ̀rɔ bəd məjìm inga isəg. Ìngam Ŋwiye ghà ane ni ghì gha bəd kyeri gha, aghi ze ne mbi ya kàʼi ni nàʼ abə bəd anjìm ìwɔb ibḛfiŋ igun Ŋwiye ze tì mbi nàʼ məyi abə bəd mbe ne bḛ Yeso Kristo.

Gàlesìyà 3:22 교차 참조

Mk 16:16

We nɨ benɨ, nɨŋ mɨnib, bɨrɨ jwɨ̀ rəŋgəʼ. Àyɨə Ŋwìə̀ bɨrɨ zɨ ɨsaʼi ɨgwɨ we nɨ chəi wɨ̀ benɨ.

Jn 12:46

Mə fə yeʼe ɨŋga ɨsɨg ɨghabɨ ɨzeŋɨ zeŋɨ, ɨmbə̀ʼ tɨ wə̀d mɔʼɔ we nɨ ben əmɨ wɨrɨ chub i ɨŋga ɨsɨ firɨ.

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Jn 3:36

Wə̀d we nɨ ben Wan Ŋwìə̀ fə jɨg ɨ̀tènɨ̀ rɨ mì. Ka wə̀d we nɨ chəi wɨə zuunɨ ə Wan Ŋwìə̀ bɨrɨ jɨg i ɨ̀tènɨ̀, àyɨə Ŋwiə̀ bɨrɨ sə ɨtəm əbɔʼ məd.”

Jn 5:24

“Mə ghà rəsìʼ ɨ nən ni wə̀d we nɨ zu mɨ ɨŋgam, əne ben wə̀d we nɨ nyaʼa tom əmɨ, fə jɨg ɨ̀tènɨ̀ rɨ mì. Chəi mbɨ bɨrɨ saʼ əməd, àyɨə wɨ̀ fə jwɨ̀ rɨ ɨchû ɨvɨ, jɨg ɨ̀tènɨ̀.

Jn 6:40

Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”

Ɨ̀fàʼì 16:31

Mbɨ nyaʼa wììrɨ̀ ni, “Nuŋ e fîŋ ɨgun ə Ə̀nùŋɨ̀sɨg Yeso, əne à bɨrɨ jwɨ rəŋgəʼ, əne yɨ àwɔ̀ mbɨ ə bə̂d mɨjìm mbe nɨ yeʼ ɨŋga e nəb.”

Rm 10:9

À mɨ ghà ənɨ e ɨchû ni Yeso yɨ Ə̀nùŋɨ̀sɨg bə̀ ben ɨŋga e fîŋ ni Ŋwìə̀ nyaʼa zwemnɨ əməd, à bɨrɨ jwɨ rəŋgəʼ.

Rm 11:32

Ŋwìə̀ fə zɨ̀ bə̂d mɨ̀jìm ə ndəŋ ɨmbə̀ʼ ɨchî nɨ mbɨ nyaʼa ghɨ rɨ̀zuə̀. Wɨ̀ nyaʼa ghɨ̀ əne ɨmbə̀ʼ wɨrɨ diirɨ mɨ̀mə̌d mɨjìm.

Rm 3:22

Ŋwiə̀ fə ghɨ̀ ni bə̂d mɨ̀jìm mbe nɨ benɨ təm kùʼnɨ̀ ɨfě məd ənjìm ɨchî nɨ mbɨ ben ə Yeso Kristo. Chəi ɨkwepɨ əkaʼ bə̂d,

Rm 3:23

ɨmbə̀ʼ ɨghəm nɨ bə̂d mɨ̀jìm fə ghɨ̀ ɨnû rɨbɔ̀ŋ əne chəi wɨrɨ i ɨzeŋɨ zeŋɨ Ŋwiə̀ ɨŋga mɨ̀mə̌d.

Rm 5:12

Ɨchî nɨ ɨnû rɨbɔ̀ŋ nyaʼa yeʼe ɨŋga ɨsɨg ənjìm wə̀d mɔʼ, ɨvɨ bə̀ yeʼe ənjìm ɨnû rɨbɔ̀ŋ, əne ɨvɨ nyaʼa yeʼe əmbɨ ə bə̂d mɨjìm ɨmbə̀ʼ ɨghəm nɨ bə̂d mɨjìm nyaʼa ghɨ ɨnû rɨbɔ̀ŋ.

Gàlesìyà 3:14

Kristo Yeso nyaʼa ghɨ̀ əne ɨmbə̀ʼ əbɔrəbɔd ze nɨ Ŋwìə̀ nyaʼa kaʼi əmbɨ Abràham ə nyɨ ɨgun ə bə̂d mbe nɨ kaʼi mɨ̀Jû. Ɨchî nɨ zɨə yeʼ əne, Əzwî ə Zeŋɨ ze nɨ Ŋwìə̀ nyaʼa kaʼi ə bɨrɨ nyɨ ɨgwɨ na ənjìm ɨchî nɨ tɨ̀ nuŋ fîŋ ɨgwɨ məd.

Gàlesìyà 3:17

Ənû nɨ mə̀ gha yɨ ni, “Ŋwìə̀ nyaʼa san fɨso mbɨ Abràham kàʼ ni tə bɨrɨ nuŋ fɨso fe. Əne ka rɨkə te nɨ sɨ yeʼe ənɨ ɨghəm ɨwu fə che əkɨ əkwè mbɨ ɨwum tad bɨrɨ nimnɨ i fɨso fe nɨ Ŋwìə̀ nyaʼa fə be san, əne ghɨ̀ ni ənû ze nɨ Ŋwìə̀ nyaʼa kaʼi ə che ətu ə̀kǒ.”

Gàlesìyà 3:23

Bɔŋ ənû nɨ nuŋ fîŋ ɨgun ə Kristo nyaʼa sɨə yeʼe, tɨkə nyaʼa wùb əwa ɨghabɨ ni tɨ̀ yɨə bə̂d ndəŋ. Tɨ̀ nyaʼa wùb əne pè ənɨ Ŋwìə̀ nyaʼa chwi ənû nɨ nuŋ fîŋ ɨgun ə Kristo.

Gàlesìyà 3:29

Mbə mɨ yeʼ bə̂d Kristo, əne yɨ ni mbə yɨə bɔn tɨ ənɨ əghaŋ ə Abràham. Ɨchî nɨ mbə̀ yeʼ bɔn tɨ ənɨ əghaŋ ə Abràham, əne yɨ ni mbə bɨrɨ jɨg ɨghɨ mbe nɨ Ŋwìə̀ kaʼi.

2 Timotì 1:1

À yɨə mɔ̌ Pɔ̂l, nɨ mə yeʼ wə̀d tom Kristo Yeso ɨchî nɨ Ŋwìə̀ nyaʼa kəbɨ, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tom əmɨ ni mə̀ gha ɨmbə̀ʼ ɨ̀tènɨ̀ we nɨ wɨ̀ nyaʼa kaʼi ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

Mə̀Hibrù 9:15

Məd wɨ ɨŋga mɨgharə̀ Ŋwìə̀ mbɨ ə bə̂d ənɨ fɨso fi fe nɨ mbɨ sanɨ, ɨmbə̀ʼ bə̂d mbe nɨ Ŋwìə̀ nyaʼa tɔŋ ənɨ mbi jɨg ɨghɨ mbe nɨ wɨ̀ nyaʼa kaʼ əmbɨ mɨ̀mə̌d koŋ. Kristo nyaʼa kwɨ ɨmbə̀ʼ choʼ ɨtu mɨ̀mə̌d tɨ ənɨ ɨnû rɨbɔ̀ŋ mbe nɨ mbɨ nyaʼə ghɨ̀ əton fɨso rɨtu.

2 Pità 1:4

Wɨ̀ nyaʼa chè ənjìm ɨka we naʼ mɨneʼe mbe nɨ wɨ̀ nyaʼa kaʼ ni tə bɨrɨ naʼ ɨ na, nɨ chəi ənɨ tɨ̀ wə̀d taŋ ɨnun. Wɨ̀ nyaʼa ghɨ̀ əne ɨmbə̀ʼ ənjìm mɨneʼe mbɔ̂, mbə mbe tɨ̀ mbə nòd ɨnû rɨbɔ̀ŋ mbe nɨ bə̂d rɨŋga ɨsɨg ə feenɨə, sɨ bèŋ yeʼ ɨghabɨ ə Ŋwiə̀.

2 Pità 3:13

À yeʼ ɨmbə̀ʼ əwa, tɨ̀ wɨə wòm ɨkaŋ fi mbɨ si fi ze nɨ Ŋwìə̀ kaʼ ɨ na, nɨ yeʼ əsɨ ze nɨ wə̀d jìm bɨrɨ chub ɨchî nɨ kuʼnɨ.

1 Jɔn 2:25

Ənû ze nɨ Wan fə kaʼ ni tə bɨrɨ naʼ ɨ na yɨ ɨ̀tènɨ̀ rɨ mì.