Gàlesìyà 3:10 - Meta’

¹⁰ Ndɔ̀n zɨ ɨgun ə bə̂d mɨ̀jìm mbe nɨ zɨ ətu àmei nɨ ghɨ ɨnû mbe nɨ yeʼ ɨŋga rɨ̀kə̌. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ndɔ̀n zɨ ɨgun ə wə̀d jìm we nɨ chəi wɨə nùŋ ɨnû jìm mbe nɨ yeʼ ɨŋga Ə̀ŋwàʼnɨ̀ rɨkə fɔrɨ ɨgwɨ we nɨ chəi wɨə bə̀ ghɨ̀ə̀.”

Ikan feg

¹⁰ Tesiʼ ya gha, bəd mbe ne nɔŋi ìtɔb fìŋ ni təm kòʼ imbìghè abə Ŋwiye məyi anjìm mə̀nɔ̀ʼɔ̀, ndɔ̀n ze igun inɔb. À ya ane imbə̀ʼ icheg ne, mbi ya fə bì ŋwàʼrì inga Àŋwàʼrì Ŋwiye gha, “Wə̀d ne chəyi wì nɔŋi inug ijìm mbe ne yaʼi inga mə̀nɔ̀ʼɔ̀ Muse, Ŋwiye biri zì ndɔ̀n igun məd.”

Gàlesìyà 3:10 교차 참조

Matìyò 25:41

“Wɨ̀ bɨrɨ gha əmbɨ ə mbe nɨ yeʼ əbɔ ə tweŋ əməd ni, 'Mbə̀n bə̂d ndɔ̀n, mbə̀ nɔʼ rɨ ɨban num wò nyɨ ɨŋga ɨwid rɨ nìmə nɨ mɨ Mbǎʼ nyaʼa fə tekɨ əmbɨ Debɨ̀rə̀ mbɨ mbɨ̀aŋgɨrə̀ məd.

Rm 4:15

ɨmbə̀ʼ ɨghəm nɨ tɨkə tɨə ghɨ̀ ni Ŋwìə̀ sə ɨtəm. Mbə̀ kyerɨ ə ni əsɨ ze nɨ chəi rɨkə əŋgu, chə bə̀ i ɨgu-ənû əŋgu.

Rm 6:23

ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

Rm 8:7

Fîŋ ze nɨə feenɨ ɨghɨ mbe nɨ nyamnyod ə kəbə zɨə ghɨ̀ ɨnû mbe nɨ chəi Ŋwìə̀ kəbɨ. Chəi zɨə nùŋ tɨkə rɨ Ŋwiə̀. À yɨ rəsìʼ ni chəi zɨ bɨrɨ nɔ nùŋ.

2 Kɔrèn 3:7

Tɨkə te nɨ mbɨ nyaʼa chəb ɨgun əbapɨ əti tɨə nyaʼə yeʼe mbɨ ɨvɨ. Tɨ nyaʼa kɔ mbɨ ɨzeŋɨ zeŋɨ ghɨ̀ ni tɨ mɨ̀Izre neŋ ə ɨfě Mose ɨchî nɨ wɨ nyaʼə teə. Ɨzeŋɨ zeŋɨ we wɨə nyaʼə sɨ̀grə̀ nimə.

Gàlesìyà 2:16

Ənû nɨ tɨ̀ kyerɨ yɨ ni chəi wə̀d təm kùʼnɨ̀ ɨfě Ŋwiə̀ ɨchî nɨ wɨə nùŋə̀ tɨkə rɨ Mose. Wɨ̀ təm kùʼnɨ̀ àmei ɨchî nɨ wɨ̀ nuŋ fîŋ ɨgun ə Yeso Kristo. Mba bə̂ fə nuŋ fîŋ ɨgun ə Kristo Yeso, əne tɨ̀ fə təm kùʼnɨ̀ ənjìm ɨchî nɨ tɨ̀ nuŋ fîŋ ɨgun ə Kristo, kaʼi ɨmbə̀ʼ ɨchî nɨ tɨ̀ nuŋ tɨkə rɨ Mose. Chəi wə̀d bɨrɨ təm kùʼnɨ̀ ɨchî nɨ wɨə nùŋə̀ rɨkə.