Gàlesìyà 3:1 - Meta’

¹ Wəi, mbə̀n məGàlesià yɨ ɨneŋ! À kɨə we nùʼ əwən ə? Ɨmbə̀ʼ mbɨ nyaʼa fə kàŋ chwi ɨ nən zɨə zeŋ ni mbɨ nyaʼa kòmbɨ̀ ə Yeso Kristo əzed ə baʼnɨ ə?

Ikan feg

¹ Mə ya anìŋ ghà inən gha, mbə̰ məGàlesìyà ya kwàʼ inen. Wə̀d ne nùʼi awən àkə we? Mbi ya tòʼrì inən ze dù zen gha Yeso Kristo ya mbi ya kɔ̀mbi igun azed abaʼri!

Gàlesìyà 3:1 교차 참조

Matìyò 24:24

Mə wɨə ghà əne ɨmbə̀ʼ ɨghəm nɨ bə̂d mbe nɨ Ŋwìə̀ zɔʼɔ mɨ̀ghab mbɨ ə bə̂d ɨ̀kə̀n Ŋwiə̀ mɨ̀ghab bɨrɨ nɨ jwɨ̀, əne ghɨ̀ ɨnweenɨ-ɨnû ka ka bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ fə chɔʼɔ.

Matìyò 7:26

Àyɨə wə̀d jìm we nɨ zu ɨnû mbɔ̂ nɨ mə ghamɨ əne chəi wɨ̀ ghɨ ɨnû mbe nɨ mə̀ ghǎ yɨ ɨghabɨ əneŋ nɨ nyaʼa bɔm i nəb ɨgwɨ rɨsi.

Lk 24:25

Yeso nyaʼa zu əne ghà əmbɨ mɨ̀mə̌d ni, “Mbə yɨ ɨneŋ, mbə mbɨə jìŋgɨ̀ə̀ nɨ ben ɨnû jìm mbe nɨ bə̂d ɨ̀kə̀n Ŋwiə̀ nyaʼa fə ghǎ!

Ɨ̀fàʼì 16:6

Pɔ̂l mbɨ Sailàs fɔrɨ ə Timotì nyaʼa wò chè ə Frigìà nɨ nyaʼa ɨŋga əbà əbeŋ ze rɨ ə Gàlesià. Chəi Əzwî ə Zeŋɨ ə nyaʼa ben ni mbɨ ghà ɨŋgam Ŋwiə̀ ə Esià.

Ɨ̀fàʼì 6:7

Ɨŋgam Ŋwiə̀ wɨə nyaʼə jàŋə̀ wò ɨmbì. Ɨnun bə̂d mbe nɨ nyaʼa ben ə Kristo ə Jèrusalèm wɨə nyaʼə bə̀ nɔʼrɨə wò ɨmbì ənɨ ə bid. Bə̂d mbàn Ŋwìə̀ nɔnɔʼ nyaʼa bə̀ ben ə Kristo.

Rm 10:16

Àyɨə kaʼi bə̂d mɨjìm kɨrɨ ben ɨkə̂n chɔ̀m we. Wə̀d ɨ̀kə̀n Ŋwìə̀ Aizayà nyaʼa ghà ni, “Ə̀nùŋɨ̀sɨg, à kɨə we fə ben ɨkə̂n we nɨ tɨə ghà ə?”

Rm 2:8

Ŋwìə̀ bɨrɨ sə ɨtəm bə̀ chə mbe nɨə kə̀b ɨghɨ àmei əmbɨ tə nyamnyod, nɨ mbɨə bə̀ ton ɨnû mbe nɨ yeʼ mbɨ rəsìʼ ɨmbə̀ʼ sɨə ghɨ̀ yeʼ ɨnû ɨzɨg.

Rm 6:17

Àyɨə mə wɨə nàʼə̀ məben-əwe əmbɨ ə Ŋwiə̀ ni mbə̀n mbe nɨ nyaʼa kweʼ ben ɨ̀bòʼò əmbɨ ɨnû rɨbɔ̀ŋ, fə bèŋ tə fîŋ rɨjìm sɨə zuunɨ ɨnû mbe nɨ Ŋwìə̀ ə chwi ɨ nən.

1 Kɔrèn 11:26

Əne yɨ ni ənɨ mɨ̀nyùmə̀ jìm mbe nɨ mbə̀ə jɨgə ŋgə̀ŋ zɔ̂ bə̀ nɔə rɨŋga toʼ zɔ̂, mbə mbɨə ghà ɨmbə̀ʼ ɨvɨ Ə̀nùŋɨ̀sɨg. Mbə bɨrɨ gha əne pè ənɨ wɨ̀ wɨrɨ yeʼe.

1 Kɔrèn 2:2

ɨmbə̀ʼ ɨghəm nɨ ənɨ mə̀ nyaʼa mbɨ nən, mə nyaʼa nùŋ ɨŋga mɨ fîŋ ni chəi mə bɨrɨ gha ənû ə cherə chè rɨ ənɨ ənû ɨmbə̀ʼ ə Yeso Kristo fɔrɨ ənû ɨmbə̀ʼ ɨchî nɨ mbɨ nyaʼa kombɨ əməd əzed ə baʼnɨ.

2 Kɔrèn 10:5

Tɨ̀ wɨə nɨŋ ɨghɨ bid mbe nimnɨ ɨnû mɔʼɔ mbe nɨ bə̂d ə tàŋ ɨmbə̀ʼ mbɨwən. Tɨ̀ wɨə bə̀ nɨŋə nimnɨ ɨnû jìm mɔʼɔ mbe nɨ mbɨ nɔ nɨ kən ni tɨ bə̂d kyerɨ ə Ŋwiə̀. Tɨ̀ wɨə nɨŋ ɨghɨ bid mbe baŋə tɨkɔndɨ rɨjìm, sɨ ghɨ̀ ni tɨ zuunɨ ə Kristo.

2 Kɔrèn 11:3

Àyɨə mə wɨə bɔə ni ɨchî nɨ jɔ nyaʼa nɨŋ ɨwe tambɨ ə Efà, ɨ mbe tɨ mbɨ bə̀ fèbrɨ̀ tə rɨkɔndɨ tɨ ənɨ ɨchî nɨ mbə̀ə fàʼ əmbɨ Kristo ənɨ ə fîŋ jìm bə̀ fɔrɨ ənɨ ə fîŋ nɨ zeŋɨ.

Gàlesìyà 1:2

Bə̂d Kristo mɨ̀jìm mbe nɨ yeʼ əgha fə fɔtɨ mbɨ num chà ə̀chàʼrɨ̀ əmbɨ mbə̀n mbe nɨ yeʼ ɨŋga rɨfetɨ bə̂d Kristo te rɨ ə Gàlesià.

Gàlesìyà 1:6

Zɨə chè əmɨ ni mbə mbɨə kɨə zàmbɨ̀ə̀ waʼ əməd we nɨ nyaʼa tɔŋ əwən ni mbə̀ yeʼ mbi bə̂d ənjìm ɨ̀chɔ̀m we nɨ Kristo ə ghɨ̀ə̀, sɨə beenɨə yeʼ əbɔʼ ɨkə̂n chɔ̀m cherə.

Gàlesìyà 2:14

Ənɨ mə̀ nyaʼa zə ni chəi mbɨ nyaʼə beenɨ əbɔʼ rəsìʼ we nɨ yeʼ ɨŋga ɨkə̂n chɔ̀m, mə nyaʼa ghà əmbɨ Pità ɨfě mɨ̀mə̌d mɨjìm ni, “Àwɔ̀ yɨə Jû, əne à mɨ yeʼə ghɨ̀ ɨnû ɨghabɨ ə wə̀d nɨ kaʼi Jû, ne àwɔ̀ yɨə Jû, njɨ àwɔ̀ kɨə wò nyeŋ bə̂d mbe nɨ kaʼi mɨ̀Jû ni mbɨ ghɨ ɨnû ɨghabɨ mɨ̀Jû rɨ ye ə?”

Gàlesìyà 3:3

Mbə̀ kɨə kàŋ ɨneŋ əni ɨmbə̀ʼ ə yè ə? Mbə nyaʼa kɔ mbɨ Əzwî ə Ŋwiə̀, əne mbə kɨə kəb màànɨ̀ ənɨ ə ɨka ə?

Gàlesìyà 4:9

Àyɨə rɨ̀nîn nɨ mbə fə kyerɨ ə Ŋwìə̀, kɨ̀ mə we tɨ̀ mə ghà ni nɨ Ŋwìə̀ fə kyerɨ əwən, mbə̀ kɨə kəb wɨrɨ beŋ əbɔʼ ɨzwî mbe nɨə tùmbɨ̀ ɨsɨg, nɨ bɔrɨ, nɨ chəi əghɨ əmbɨ mɨ̀mə̌d ɨmbə̀ʼ ə yè ə?

Gàlesìyà 5:11

Mbɨ bɔŋgɔb, mə mɨ yeʼə ghàə̀ ni mbɨ ne bə̂d, njɨ əton nɨ bə̂d ə kɨrɨ nwendɨ tum rɨkyerɨ-ɨwu kɨ ɨmbə̀ʼ ə yè ə? À mɨ yeʼ nɨ mə̀ kaŋ gha əne, njɨ chəi ənû ze nɨ mɨə ghà ɨmbə̀ʼ ɨchî nɨ Kristo nyaʼa kwɨ əzed ə baʼnɨ ə wɨrɨ berɨ ənû ə mɔʼɔ nɨ ghɨ̀.

Efesùs 3:8

Ka à bè yeʼi ni mə kə chè wɨ kwa rəbɔʼ bə̂d Ŋwiə̀ mɨ̀jìm, àyɨə Ŋwiə̀ nyaʼa ghɨ̀ ɨ̀chɔ̀m ənɨ ə num ni mə̀ gha əmbɨ ə bə̂d mbe nɨ kaʼi mɨ̀Jû ɨmbə̀ʼ mbɔ̂n ze nɨ chəi zɨ̀ bɨrɨ nɔ mì, nɨ tɨ̀ berɨ àmei ɨchî nɨ mbɨ kyerɨ ə Kristo.

Efesùs 4:14

Əne tɨ rɨ̀ yeʼ a ɨghabɨ ə bɔn kwa nɨə ben ɨnû jìm mbe nɨ bə̂d mɨghab ə chwi əmbɨ mɨ̀mə̌d. Bə̂d mɨghab mbɔ̂ mbɨə tiə mɨghab tambɨə bə̂d ɨmbə̀ʼ mbɨ febə.

Efesùs 5:15

Əne mbə we ɨchî nɨ mbə̀ə chubə. Tɨ mbə̀ chub ə ɨghabɨ ɨneŋ. Mbə̀ chub ɨghabɨ ə bə̂d ɨwe.

2 Tès 1:8

Wɨ̀ bɨrɨ swiʼi mbɨ ɨwid nɨə berɨə, pè zɨ̀ ŋgəʼ ɨgun ə bə̂d mbe nɨ chəi mbɨ kyerɨ ə Ŋwiə̀, zɨ̀ ɨgun mbe nɨ ton nɨ wumnɨ əməd bə̀ zɨ̀ ɨgun mbe nɨ chəi mbɨə ghɨ̀ ɨnû mbe nɨ yeʼ ɨŋga ɨkə̂n chɔ̀m a Ə̀nùŋɨ̀sɨg Yeso.

1 Timotì 6:4

wɨə nɔ̀ ɨnyod. Chəi wɨ̀ kyerɨ ənû ə mɔʼɔ. Wɨ̀ berɨ fîŋ rɨbɔ̀ŋ. Fîŋ ze zɨə ghɨ̀ ni wɨ̀ ghanə chɔbə bə̀ tàŋ ɨmbə̀ʼ əton ənɨ mɨŋgam əko mɔʼɔ. Əchɔb mbɨ ə tàŋ mbɨə yeʼe mbɨ ə̀dìì, mbɨə yeʼe mbɨ ɨnû nɨ ghabrɨ bə̂d, mbɨə yeʼe mbɨ ənû nɨ gham ɨnû rɨbɔ̀ŋ ɨmbə̀ʼ bə̂d cherə, mbɨə yeʼe mbɨ ɨnû nɨ kɔndɨ ɨnû rɨbɔ̀ŋ ɨmbə̀ʼ bə̂d cherə,

Mə̀Hibrù 11:8

À yɨ ɨbenɨ nyaʼa ghɨ ni Abràham zuunɨ ə Ŋwiə̀ ənɨ wɨ̀ nyaʼa tɔŋ əməd ni wɨ̀ jwɨ ə wò əsɨ ze nɨ wɨ̀ nyaʼa wo naʼ ɨ bɔ. Wɨ̀ nyaʼa jwɨ̀ wò, ka à bè yeʼi ni chəi wɨ̀ nyaʼa kyerɨ əsɨ ze nɨ wɨ̀ nyaʼə wò əŋgu.

Mə̀Hibrù 5:9

Ənɨ Ŋwiə̀ nyaʼa fə ghɨ̌ wɨ̀ bɔ̀ŋ màànɨ̀, wɨ̀ nyaʼa bèŋ sɨə ghɨ̀ə̀ ni bə̂d mɨjìm mbe nɨə zuunɨ əməd jwɨ̀ rəŋgəʼ koŋ.

1 Pità 1:22

Mbə fə ghɨ tə fîŋ zeŋ ɨchî nɨ mbə̀ə ghɨ̀ ɨnû mbe nɨ yeʼ mbɨ rəsìʼ. Mbə mbɨə kàŋə̀ ghaʼə mbə bɔŋgɔb kwàʼ ɨchî chɔ̀m. Əne mbə̀ ghaʼ mɨ̀mə̌d kwàʼ rɨŋga fîŋ.

1 Pità 4:17

Nyùmə̀ fə kuʼ nɨ Ŋwìə̀ bɨrɨ kɔ saʼ bə̂d. Wɨ̀ bɨrɨ kɔ mbɨ ɨnəbɨ Ŋwiə̀. Wɨ̀ mɨ nɨə kɔ mbɨ na, njɨ ɨnwǐ bə̂d mbe nɨ chəi mbɨə zuunɨ ɨkə̂n chɔ̀m ɨmbə̀ʼ ə Ŋwiə̀ kɨə wo yeʼ rɨ ye ə?

2 Pità 2:18

Ɨ mbɨə ghàm mɨŋgam əneŋ goŋ ɨgɔ̂. Ɨ mbɨə nɨŋə ɨnyamnɨ-ɨnû mbe nɨ nyamnyod ə feenɨə tambɨə bə̂d mbe nɨ fə cherə jwɨ̀ rəbɔʼ mbe nɨə chub ɨŋga ɨfebrɨ-ɨnû.

Ɨnû 18:3

Bə̂d rɨŋga ɨbeŋ jìm fə nɔ mɨnoʼ kǎ kǎ tɨ ənɨ ɨchî nɨ wɨə ghɨ̀ ɨfabrɨ ɨnû. Mɨfɔ̂n rɨ ɨgwɨ ə si fə niirɨ əməd əbəŋ əbəŋ. Bə̂d ɨwin mɨjìm ɨgwɨ ə si fə berɨ ɨkab tɨ ənɨ ɨchî nɨ məd ə tad ɨnyod ɨŋga mbɔ̂n.”

Ɨnû 2:20

Àyɨə mə berɨ ənû ə mɔʼɔ ɨmbə̀ʼ əwe. Ənû ze yɨ ni, chəi à təmnɨ əyi we nɨ mbɨə tɔŋ ənɨ ə Jesebèl. Ɨ wɨə ghàə̀ ni tə yɨə wə̀d ɨ̀kə̀n əyi. Ɨ wɨə chwi ɨnû ɨmbə̀ʼ febrɨ mbɨ bə̂d ə̀fàʼì ni mbɨ ghɨ ɨfabrɨ-ɨnû fɔrɨ ni mbɨ jɨg tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ.