Gàlesìyà 2:11 - Meta’

¹¹ Ənɨ Pità nyaʼa yeʼe ə Antiɔ̀k, mə nyaʼa ghàm əbɔʼ əməd ɨfě bə̂d. Mə nyaʼa ghàm əbɔʼ əməd ɨmbə̀ʼ ɨghəm nɨ wɨ̀ nyaʼa ghɨ̀ ənû nɨ rɨ kuʼ i.

Ikan feg

¹¹ Anyumə̀ ne Pità ya yeʼe a Antìyɔ̀g, mə̀ ya ghàm ibo, kyen məd kwàʼ imbìghè abə bəd məjìm. Mə ya ghàm kyen məd ane imbə̀ʼ icheg ne məd ya ghì anug ne chəyi ze koʼi.

Gàlesìyà 2:11 교차 참조

Matìyò 16:23

Àyɨə wɨ̀ nyaʼa bèŋ ghà əmbɨ Pità ni, “Àwɔ̀ Satàn, nɔʼ e rɨ ɨban num! À wɨə kən ɨnə̂njɨ̀ ɨ num, ɨmbə̀ʼ ɨghəm nɨ chəi à nuŋ e ɨkɔndɨ ɨgun ɨghɨ mbe nɨ Ŋwìə̀ kəbɨ. À nùŋ yeʼ ɨgun mbe nɨ bə̂d mɨ̀sɔŋɨchù kəbɨ.”

Jn 1:42

Wɨ̀ nyaʼa ghà əne nɨŋ ə Saimòn mbɨ wò əsɨ Yeso. Yeso nyaʼa nèŋ ə Saimòn ghà ni, “Àwɔ̀ yɨə Saimòn wan Jɔ̌n. Bə̂d bɨrɨ sɨə tɔŋ əwe ni Sefàs.” Ɨkum wɔ̂ ənɨ ɨŋgam Grik yɨ ni Pità.

Ɨ̀fàʼì 11:19

Mə̀saʼ əbeŋ nyaʼa zwiirɨ ə Stɨfɨ̀n, əne kɔ nwendɨ tɨkyerɨ-ɨwu bə̂d mbe nɨ nyaʼa ben ə Kristo. Bə̂d mbe nɨ nyaʼa ben ə Kristo nyaʼa jàŋ wò ə Fonesià, wò ə Saiprùs bə̀ wò ə Antiɔ̀k. Ənɨ mbɨ nyaʼə wòə̀, ɨ mbɨə nyaʼə yènə̀ ghà ɨŋgam Ŋwiə̀ àmei əmbɨ mɨ̀Jû.

Ɨ̀fàʼì 11:20

Àyɨə bə̂d cherə nɨ nyaʼa rɨ ə Saiprùs bə̀ fɔrɨ rɨ ə Sìrin, nyaʼa wò ə Antiɔ̀k kɔ ghà ɨkə̂n chɔ̀m ɨmbə̀ʼ Ə̀nùŋɨ̀sɨg Yeso əmbɨ ə bə̂d mbe nɨ kaʼi mɨ̀Jû.

Ɨ̀fàʼì 11:22

Ɨfetɨ bə̂d Kristo we rɨ ə Jèrusalèm nyaʼa zu ənû ze, əne mbɨ nyaʼa tom ə Banabàs ə Antiɔ̀k.

Ɨ̀fàʼì 11:27

À nyaʼa ənɨ ə nyùmə̀ we, bə̂d ɨ̀kə̀n Ŋwiə̀ mɔʼɔ nyaʼa nɔ̀ʼ rɨ ə Jèrusalèm swiʼi wò ə Antiɔ̀k.

Ɨ̀fàʼì 15:1

Bə̂d mɔʼɔ nyaʼa swiʼi rɨ ə Jùdeyà wò ə Antiɔ̀k. Mbɨ nyaʼa pè kɔ chwi ɨnû əmbɨ ə bə̂d Kristo mbe rəŋgu ghàə̀ ni, “Chəi mbə̀ bɨrɨ jwɨ rəŋgəʼ əwù ze nɨ chəi mbɨ ne əwən ɨchî nɨ zɨə yeʼ ɨŋga tɨkə rɨ Mose.”

Ɨ̀fàʼì 15:5

Àyɨə bə̂d mɔʼɔ mbe nɨ nyaʼa ben ə Kristo, nɨ nyaʼa rɨŋga ɨfɔtɨ mɨ̀Farisiî, nyaʼa təm rətiə ghà ni, “Zɨə kùʼ ni mbɨ ne bə̂d mbe nɨ kaʼi mɨ̀Jû bə̀ ghà əmbɨ mɨ̀mə̌d ni mbɨ nuŋ tɨkə rɨ Mose.”

2 Kɔrèn 11:5

Chəi mə̀ kɔndɨ ni mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

2 Kɔrèn 12:11

Mə fə bèŋ ənɨ əneŋ! À yɨə mbə̀nə nyem əmɨ ni mə̀ ghɨ əne. Njɨ à yɨə mbə̀nə nyaʼa berɨ gha ni mə wɨə fàʼ ɨchî nɨ kuʼnɨ. Ka à bè yeʼi ni mə yɨ əghɨ əko, àyɨə chəi mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

2 Kɔrèn 5:16

Əne, ɨ kɔ rɨ̀nîn chəi tɨə wɨrɨə neŋə wə̀d ɨchî nɨ wə̀d mɨ̀sɔŋɨchù ə nèŋə̀. Ka à bè yeʼi ni tɨ̀ nyaʼa kweʼ nèŋ ə Kristo ɨchî nɨ bə̂d mɨ̀sɔŋɨchù ə nèŋə̀, àyɨə chəi tɨə wɨrɨə nèŋ əməd əne.

Gàlesìyà 1:18

Ənɨ ɨghəm ɨwu nyaʼa chè ɨtad, mə nyaʼa kɔʼ wò ə Jèrusalèm ɨ wò zə ə Pità. Mə nyaʼa pè chubɨ mbɨ məd ɨni wum chɔ̀b rɨ̀tân.

Gàlesìyà 2:14

Ənɨ mə̀ nyaʼa zə ni chəi mbɨ nyaʼə beenɨ əbɔʼ rəsìʼ we nɨ yeʼ ɨŋga ɨkə̂n chɔ̀m, mə nyaʼa ghà əmbɨ Pità ɨfě mɨ̀mə̌d mɨjìm ni, “Àwɔ̀ yɨə Jû, əne à mɨ yeʼə ghɨ̀ ɨnû ɨghabɨ ə wə̀d nɨ kaʼi Jû, ne àwɔ̀ yɨə Jû, njɨ àwɔ̀ kɨə wò nyeŋ bə̂d mbe nɨ kaʼi mɨ̀Jû ni mbɨ ghɨ ɨnû ɨghabɨ mɨ̀Jû rɨ ye ə?”

Gàlesìyà 2:5

Chəi tɨ̀ nyaʼa ben ənû ze nɨ mbɨ nyaʼa ghǎ, ka àbei ənɨ ɨkə nyùmə̀, ɨmbə̀ʼ mbə̀ wo ɨmbì ben ɨkə̂n chɔ̀m rəsìʼ we nɨ tɨ̀ nyaʼa gha ɨ nən.

Gàlesìyà 2:7

Àyɨə mbɨ nyaʼa zə ni Ŋwìə̀ fə zɨ̀ ənû nɨ gha ɨkə̂n chɔ̀m əmbɨ ə bə̂d mbe nɨ kaʼi mɨ̀Jû ɨŋga tum rɨkyerɨ-ɨbɔ, àmei ɨchî nɨ wɨ̀ nyaʼa zɨ ənû nɨ gha ɨkə̂n chɔ̀m əmbɨ mɨ̀Jû ɨŋga rɨkyerɨ-ɨbɔ Pità.

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.

1 Timotì 5:20

Bə̂d mɔʼɔ mɨ yeʼə ghɨ̀ ɨnû rɨbɔ̀ŋ nɨ chəi mbɨ ben nɨ beŋ tə fîŋ, ghàm əbɔʼ mɨ̀mə̌d ɨfě bə̂d Kristo mɨ̀jìm, ɨmbə̀ʼ ə̀bùʼ ə bə̂d bɔ nɨ wɨrɨ ghɨ ɨnû rɨbɔ̀ŋ.

Jems 3:2

Mba mɨjìm mbɨə fàn ɨnû ənɨ mɨnə̂njɨ̀ nɔnɔʼ. Wə̀d mɔʼɔ mɨ yeʼ əŋgu nɨ chəi wɨə fàn ənɨ ɨnû mbe nɨ wɨə ghàə̀, njɨ məd ə bɔŋ màànɨ̀, bə̀ kyerɨ ɨchî nɨ yimbɨ i ɨnyod jìm.

Jûd 1:3

Mbɨ bɔŋgɔb nɨ mə̀ ghaʼi kwàʼ rɨŋgəʼ, mə wɨə nyaʼə kàŋə̀ kə̀b nɨ ŋwaʼnɨ ɨ nən ɨmbə̀ʼ ɨchî nɨ mba mɨjìm fɔtɨ jwɨ̀ rəŋgəʼ, àyɨə mə nyaʼa zə ni zɨə bɔ̀ŋ ni mə̀ ŋwaʼnɨ tìmbɨ̀ əwən ni mbə̀ zɔŋə wò ɨmbì ɨmbə̀ʼ ɨbenɨ we nɨ Ŋwìə̀ nyaʼa fə zɨ ɨŋga rɨkyerɨ-ɨbɔ mbi bə̂d fən ɨghəm mɔʼ.