Gàlesìyà 1:7 - Meta’

⁷ Kaʼi ni ɨkə̂n chɔ̀m cherə wɨ əŋgu, àyɨə bə̂d mɔʼɔ mbɨə bùùrɨ̀ mbə ɨtu. Ɨ mbɨə bə̀ kə̀b beŋ ɨkə̂n chɔ̀m ɨmbə̀ʼ ə Kristo.

Ikan feg

⁷ Tesiʼ ya gha, chəyi bèyi ikən chɔm ndəŋ angu. À ya gha, bəd mɔ̀ʼɔ mbe kə̀bə̀ ni bùrì ìmbən itog bə̀ kə̀bə̀ ni kɔpi ikən chɔm imbə̀ʼ Kristo ne ya ikən tesiʼ.

Gàlesìyà 1:7 교차 참조

Matìyò 24:24

Mə wɨə ghà əne ɨmbə̀ʼ ɨghəm nɨ bə̂d mbe nɨ Ŋwìə̀ zɔʼɔ mɨ̀ghab mbɨ ə bə̂d ɨ̀kə̀n Ŋwiə̀ mɨ̀ghab bɨrɨ nɨ jwɨ̀, əne ghɨ̀ ɨnweenɨ-ɨnû ka ka bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ fə chɔʼɔ.

Ɨ̀fàʼì 13:10

“Àwɔ̀, wan Debɨ̀rə̀! À bàn ɨnû jìm mbe nɨ kùʼnɨ̀. À berɨ mɨnə̂njɨ̀ jìm nɨ tambɨ bə̂d. Ɨnû rɨbɔ̀ŋ bə̀ swi ɨŋga e fîŋ. Ka à wa bɨrɨ sob e nɨ beŋ ɨnû chɔ̀m mbe nɨ Ə̀nùŋɨ̀sɨg ə ghɨ̀ə̀ ə?

Ɨ̀fàʼì 15:24

Tɨ̀ fə zu ni bə̂d mɔʼɔ fə nɔ̀ʼ rəkaʼ na yeʼe əwɔ ghanə chə əwən mbɨ mɨŋgam bə̀ tɔbə tə fîŋ, nɨ chəi tɨ̀ nyaʼa gha ni mbɨ ghɨ əne.

Ɨ̀fàʼì 20:30

Bə̂d bɨrɨ jwɨ rəkaʼ nən nɨ bɨrɨ gha mɨghab ɨmbə̀ʼ suŋ bə̂d mbe nɨ ben ə Kristo ni mbɨ beenɨ əbɔʼ mɨ̀mə̌d.

2 Kɔrèn 11:13

Tɨkwɨrɨ bə̂d tɔ̂ yɨə bə̂d tom mɨghab. Ɨ mbɨə tambɨ ə bə̂d ənɨ ɨnû mbe nɨ mbɨə ghɨ̀ə̀. Ɨ mbɨə bə̀ bègrə̀ ɨghabɨ ni mbə yɨə bə̂d tom Kristo rəsìʼ.

2 Kɔrèn 2:17

Ka tɨ̀ yɨ a ɨghabɨ ə bə̂d mɨ̀nɔnɔʼ mbe nɨə nɨŋ ɨŋgam Ŋwiə̀ beʼrɨ ɨwin əŋgu ɨmbə̀ʼ jɨg njìm. Tɨ̀ wɨə ghà rəsìʼ ənɨ ta fîŋ rɨjìm ɨfě Ŋwiə̀ ɨchî nɨ tɨ̀ yeʼ ənɨ ɨfɔtɨ mbɨ Kristo. À yɨə Ŋwìə̀ ziə tom əwa ni tɨ̀ ghamə.

2 Kɔrèn 4:2

Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

Gàlesìyà 1:6

Zɨə chè əmɨ ni mbə mbɨə kɨə zàmbɨ̀ə̀ waʼ əməd we nɨ nyaʼa tɔŋ əwən ni mbə̀ yeʼ mbi bə̂d ənjìm ɨ̀chɔ̀m we nɨ Kristo ə ghɨ̀ə̀, sɨə beenɨə yeʼ əbɔʼ ɨkə̂n chɔ̀m cherə.

Gàlesìyà 2:4

Ənû zɔ̂ ə nyaʼa kɔ ɨchî nɨ bɔŋgɔb mɨ̀ghab mɔʼɔ nyaʼa nyaʼrɨ yeʼe nyɨ əkaʼ na kə̀b kyerɨ ɨchî nɨ tɨ̀ nyaʼa chubɨ ənɨ a ɨghəm ɨchî nɨ tɨ̀ ɨfɔtɨ mbɨ Kristo Yeso. Mbɨ nyaʼa kə̀b yeʼ ni tɨ̀ ben ə̀bòʼò əton tɨkə rɨ Mose.

Gàlesìyà 4:17

Bə̂d mbe nɨə kə̀b beŋ ɨkə̂n chɔ̀m mbɨə kə̀bə̀ ni mbə ben ɨnû mbe nɨ mbɨə ghàə̀, àyɨə chəi əze ə bɨrɨ weerɨ əwən. Ɨ mbɨə kə̀b ghabrɨ əwən tɨ ənɨ ə num ɨmbə̀ʼ mbə̀ ben ɨnû mbe nɨ mbɨə ghàə̀.

Gàlesìyà 5:10

Mə wɨə nùŋ mɨ fîŋ ɨgwɨ nən ɨchî nɨ tɨ̀ yeʼ ənɨ ɨfɔtɨ mbɨ Ə̀nùŋɨ̀sɨg ni chəi mbə̀ bɨrɨ nɨŋ ɨkɔndɨ cherə chè rɨ ənɨ we nɨ mə̀ naʼ ɨ nən. Ŋwìə̀ bɨrɨ saʼ wə̀d we nɨə chə əwən, kɨ̀ à kɨə we njiʼ.

Gàlesìyà 5:12

À yeʼ ɨmbə̀ʼ bə̂d mbe nɨə tɔb əwən, mə kə̀b ni mbɨ wo ɨmbì zaʼ ə ɨnyod mbənə mbənə!

Gàlesìyà 6:17

Nɔ̀ʼ tɨ rə̀chɔ̀ŋ, tɨ wə̀d mɔʼɔ wɨrɨ chə i əmɨ, ɨmbə̀ʼ ɨghəm nɨ ɨnweenɨ mbɨ ɨgwɨ num nɨ chwi ni mɔ̌ yɨə sɨə wə̀d Kristo.

2 Timotì 2:18

Mbɨ fə kàŋ waʼ ɨnû rəsìʼ. Ɨ mbɨə ghàə̀ ni ənû nɨ zwemə ə nyaʼa fə che i. Ɨ mbɨə bə̀ chə̀kɨ̀ ɨbenɨ bə̂d mɔʼɔ.

1 Jɔn 2:26

Mə wɨə ŋwàʼnɨ̀ ənû zɔ̂ ɨ nən ɨmbə̀ʼ bə̂d mbe nɨə kə̀b tambɨ əwən.

1 Jɔn 4:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ ben ə wə̀d jìm we nɨ gha ni Əzwî ə Ŋwiə̀ ə zɨ ɨŋga məd, àyɨə mbə̀ zweʼrɨ ɨzwî jìm ɨmbə̀ʼ zə ni mbɨ yɨ rɨ əmbɨ ə Ŋwiə̀ kɨ̀ chə, ɨmbə̀ʼ ɨghəm nɨ bə̂d ɨ̀kə̀n mɨghab nɔnɔʼ fə jàŋ ɨŋga ɨsɨg.

2 Jɔn 1:10

Wə̀d mɔʼɔ mɨ yeʼe əsɨ nən nɨ chəi wɨə chwi ɨkə wɔ̂, tɨ mbə̀ nɨŋ ə məd əkwɨ nən kɨ̀ bè chàʼrɨ̀ əməd.

2 Jɔn 1:7

Mətambɨ-bə̂d mɨ̀nɔnɔʼ fə jàŋ ɨŋga ɨsɨg. Chəi mbɨ ben ni Yeso Kristo nyaʼa yeʼe ɨŋga ɨsɨg ɨŋga nyamnyod wə̀d mɨ̀sɔŋɨchù. Ɨkwɨ wə̀d ɨghabɨ wɔ̂ yɨ ətambɨ-bə̂d fɔrɨ wə̀d pə̀n Kristo.

Jûd 1:4

Mə wɨə ghà əne ɨmbə̀ʼ ɨghəm nɨ bə̂d mɔʼɔ nɨ chəi mbɨə wumnɨ ə Ŋwiə̀ fə nyaʼrɨ yeʼe nyɨ əkaʼ nən. Ɨ mbɨə bèŋ ɨ̀chɔ̀m a Ŋwìə̀ ɨmbə̀ʼ ghɨ ɨnyamnɨ-ɨnû. Ɨ mbɨə bə̀ ton ə Yeso Kristo nɨ àmei məd yeʼ a Mbǎʼ ə̀fàʼì bə̀ yeʼ a Ə̀nùŋɨ̀sɨg we mɔʼ. Ə̀ŋwàʼnɨ̀ ə Ŋwìə̀ ə nyaʼa fə ghà rəŋwe ni Ŋwìə̀ bɨrɨ zɨ ɨsaʼi ɨgwɨ mɨ̀mə̌d.

Ɨnû 12:9

Mbɨ nyaʼa màʼ tɨ̀sɔ̀ʼɔ̀ jɔ ze ɨgwɨ ə si, nɨ yeʼ jɔ ze nɨ nyaʼa rəŋwe, nɨ mbɨə tɔŋ ənɨ ə Debɨ̀rə̀ kɨ ə Satàn. Jɔ ze zɨə nyaʼə tambɨ ɨsɨg jìm. Mbɨ nyaʼa màʼ əməd mbɨ mbɨ̀aŋgɨrə̀ məd mɨjìm ɨgwɨ ə si.

Ɨnû 13:14

Mbɨ nyaʼa sàŋ ni zɨ̀ ghɨ ɨnû yiirɨ ɨfě nyam rɨtu ze ɨmbə̀ʼ tambɨ bə̂d mɨ̀jìm mbe nɨ yeʼ ɨgwɨ ə si. Ɨ zɨə nyaʼə ghàə̀ ni mbɨ bɔm anèŋ ɨmbə̀ʼ wumnɨ nyam kyeŋ rɨtu ze nɨ mbɨ nyaʼa wad ənɨ ɨbi bid, àyɨə ɨ zɨə kɨrɨ ɨkǎ.

Ɨnû 19:20

Mbɨ nyaʼa gywɨ̀ nyam kyeŋ ze bə̀ gywɨ̀ wə̀d ɨ̀kə̀n mɨghab we nɨ nyaʼə ghɨ̀ ɨnû yiirɨ ənɨ ɨkum məd. Wɨ̀ nyaʼa chè ənjìm ɨnû yiirɨ mbe tambɨ bə̂d mbe nɨ mbɨ nyaʼa zɨ ənweenɨ ə nyam kyeŋ ze ɨgun mɨ̀mə̌d bə̀ tambɨ mbe nɨ nyaʼə wumnɨ anèŋ məd. Mbɨ nyaʼa màʼ nyam kyeŋ ze bə̀ màʼ wə̀d ɨ̀kə̀n mɨghab we ɨkǎ ɨŋga əsɨ nɨ sɔlfò ə ghɨ̀ ɨwid kyeŋ berɨə.

Ɨnû 2:2

Mə kyerɨ ɨnû mbe nɨ àwɔ̀ ə ghɨ̀ə̀. Mə kyerɨ ɨchî nɨ à fə fàʼi rɨkǎ bə̀ kyerɨ ɨchî nɨ à fə nyiʼ əton ə ŋgəʼ. Mə kyerɨ ni chəi à ghaʼ nɨ zə bə̂d mbe nɨə ghɨ̀ ɨnû rɨbɔ̀ŋ bə̀ kyerɨ ni à fə kwàʼnɨ̀ bə̂d mbe nɨə ghàə̀ ni mbə̀ yɨə bə̂d tom àyɨə kaʼi mbɨwən, əne zə ni mbɨ yɨə bə̂d mɨghab.

Ɨnû 2:20

Àyɨə mə berɨ ənû ə mɔʼɔ ɨmbə̀ʼ əwe. Ənû ze yɨ ni, chəi à təmnɨ əyi we nɨ mbɨə tɔŋ ənɨ ə Jesebèl. Ɨ wɨə ghàə̀ ni tə yɨə wə̀d ɨ̀kə̀n əyi. Ɨ wɨə chwi ɨnû ɨmbə̀ʼ febrɨ mbɨ bə̂d ə̀fàʼì ni mbɨ ghɨ ɨfabrɨ-ɨnû fɔrɨ ni mbɨ jɨg tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ.

Ɨnû 2:6

Àyɨə ənû ə chɔ̀m ze nɨ à ghɨ̌ yɨ ni: à bàn ɨnû mbe nɨ bə̂d mbe nɨə beenɨ əbɔʼ Nikolaùs ə ghɨ̀ə̀, àmei ɨchî nɨ mə̀ bə bàn.

Ɨnû 20:3

Wɨ̀ nyaʼa kod əne, màʼ ɨŋga ɨbɨgɨ we, kubrɨ ɨchû ɨbɨgɨ we ɨgwɨ məd bə̀ zɨ̀ ənweenɨ ɨgwɨ ɨchû we ɨmbə̀ʼ tɨ wɨ̀ wɨrɨ tambɨ i ɨbeŋ, pè ənɨ ɨghəm ɨwu mbe chuʼ fibɨ̀ fə mi. Ənɨ ɨghəm ɨwu mbe fə mi, mbɨ berɨ za əməd sàŋ ənɨ ɨkə nyumə̀.