Fìlipì 4:1 - Meta’

¹ Mbɨ bɔŋgɔb, mə ghaʼ əwən bə̀ kàŋ kə̀b nɨ zə əwən. Mbə mbɨə ghɨ̀ ni mɨ fîŋ bɔŋ ə. Mbə yɨə bə̀ ɨchɔʼ ə̀fàʼì ənɨ ə̀fàʼì ze nɨ mə faʼi. Əne kyɨə bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ ɨchî nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg.

Ikan feg

¹ Ìmbum məfi fɔrɔ ìtum njàbi, mə kɔ̀ŋ awən. Mə bə̀ kə̀b ni bàd awən. Mbə̰ mbe ghìyə̀ ìmə fìŋ bɔŋɔ̀. Mbə̰ ya icheg àmə ichɔʼ àfàʼì ane àfàʼì ze ne mə fàʼà. Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaʼi ane ifɔti tì Anɔŋisəg, mbə kòʼ ni təm kà.

Fìlipì 4:1 교차 참조

Matìyò 10:22

Bə̂d mɨ̀jìm bɨrɨ ban əwən ɨmbə̀ʼ əmɨ, àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.

Jn 8:31

Yeso nyaʼa ghà əmbɨ mɨ̀Jû mbe nɨ nyaʼa ben əməd ni, “Mbə mɨ yim mɨ ɨŋgam, əne mbə yɨə kàŋ mbɨ mə̀mə̀ə̀nɨ̀-ɨnû rəsìʼ.

Ɨ̀fàʼì 11:23

Ənɨ wɨ̀ nyaʼa wò pè zə ɨchî nɨ Ŋwìə̀ nyaʼa ghɨ ɨ̀chɔ̀m ənɨ ə bə̂d mbe, wɨ̀ nyaʼa ghaʼ, əne tìmbɨ̀ mɨ̀mə̌d mɨjìm ni mbɨ təm kàànɨ̀ ɨŋga ənû ə Ŋwiə̀, bə̀ fàʼ əmbɨ Ə̀nùŋɨ̀sɨg ənɨ tə fîŋ rɨjìm.

Ɨ̀fàʼì 14:22

Ɨ mbɨə nyaʼə yènə̀ tìmbɨ̀ ə bə̂d mbe nɨ nyaʼa ben ə Kristo, bə̀ yènə̀ ghàə̀ ni mbɨ yim ɨbenɨ wɨ kaanə wo ɨmbì. Mbɨ nyaʼa bə̀ ghà əmbɨ mɨ̀mə̌d ni, “Tɨ̀ berɨ zə ŋgəʼ nɔnɔʼ bɔŋ nyɨ ɨŋga ənû ɨfɔ̀n ə Ŋwiə̀.”

Ɨ̀fàʼì 2:42

Mbɨ nyaʼa zɨ ətu ənɨ ɨnû mbe nɨ bə̂d tom Kristo nyaʼə chwiə. Ɨ mbɨə nyaʼa ənɨ ɨfɔtɨ, əne ɨ mbɨə nyaʼə bəʼrɨə ŋgə̀ŋ jɨg ɨnɔ̂n bə̀ kɔŋgɨ ə Ŋwiə̀ ɨnɔ̂n.

Rm 2:7

Wɨ̀ bɨrɨ naʼ ɨ̀tènɨ̀ rɨ mì əmbɨ ə bə̂d mbe nɨə yimə fîŋ ghɨ̀ ɨ̀chɔ̀m, nɨə kə̀b ɨzeŋɨ zeŋɨ mbɨ ɨwumnɨ fɔrɨ ənû nɨ chəi bə̂d bɨrɨ nɔ kwɨ.

1 Kɔrèn 15:58

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ̀. Tɨ mbə̀ ben ə ni əghɨ ə mɔʼɔ chiʼ əwən. Mbə̀ faʼ ə̀fàʼì ze nɨ Ə̀nùŋɨ̀sɨg zɨ ɨŋga tə rɨkyerɨ-ɨbɔ. Mbə̀ faʼ əne wò ɨmbì. Mbə mɨ yeʼe ghɨ̀ əne, mbə̀ kyerɨ ni chəi ənû ə mɔʼɔ ze nɨ mbə̀ ghɨ əmbɨ Ə̀nùŋɨ̀sɨg ə bɨrɨ che ətu ə̀kǒ.

1 Kɔrèn 16:13

Mbə̀ we əwən. Mbə̀ nùŋ fîŋ nɨ kaanɨ ɨgun ə Kristo. Tɨ mbə̀ bɔ ə. Mbə̀ təm kàànɨ̀.

2 Kɔrèn 1:14

Chəi mbə̀ kɨrɨ jeŋgɨ kyerɨ əwa. Mbə bɨrɨ jeŋgɨ kyerɨ mbə ɨtu zeŋ əni ze nɨ Ə̀nùŋɨ̀sɨg Yeso bɨrɨ wɨrɨ yeʼe, ɨmbə̀ʼ mbə̀ goŋ ɨgɔ̂ ɨmbə̀ʼ əwa ɨchî nɨ tɨə bə̀ goŋ ɨmbə̀ʼ əwən.

Gàlesìyà 5:1

Kristo fə chɨ̀ əwa rɨ əton ə̀bòʼò, ɨmbə̀ʼ tɨ rɨ̀ wɨrɨ chub a əton ə̀bòʼò. Mbə̀ təm kàànɨ̀, ɨmbə̀ʼ tɨ wə̀d mɔʼɔ ghɨ̀ i ni mbə̀ wɨrɨ ben ə̀bòʼò əmbɨ rɨkə.

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

Fìlipì 1:8

Ŋwìə̀ ə kyerɨ ni mə ghaʼ əwən fɔrɨ ni mə wɨə bə̀ kàŋ kəb zə mbə̀n mɨjìm. Mə wɨə ghɨ əne àmei ɨchî nɨ Kristo Yeso ziə ghaʼ əwən.

Fìlipì 2:16

Mbə̀ yim ɨŋgam we nɨə nàʼ ɨ̀tènɨ̀, ɨmbə̀ʼ mə̀ goŋ ɨgɔ̂ əni ze nɨ Kristo bɨrɨ wɨrɨ yeʼe ni chəi mə̀ nyaʼa notɨ ətu ə̀kǒ kɨ̀ bə̀ fàʼ ətu ə̀kǒ.

Fìlipì 2:26

Ɨ wɨə kə̀bə̀ ni njɨ tə zə əwən mbə̀n mɨjìm. Fîŋ zɨə tɔb əməd ɨmbə̀ʼ ɨchî nɨ mbə̀ nyaʼa zu ni wɨ̀ nyaʼa wɔ̀n.

Kòlosè 4:12

Epafràs, nɨ yeʼ wə̀d ə̀fàʼì Kristo, nɨ bə̀ yeʼ wə̀d rəbɔʼ nən wɨə chàʼrɨ̀ əwən. Ɨ wɨə kɔ̀ŋgɨ̀ ə Ŋwiə̀ kwàʼ rɨka ɨghəm jìm kɔndɨ əwən ni mbə̀ təm kàànɨ̀ bə̀ jeŋgɨ kyerɨ ɨnû jìm mbe nɨ Ŋwìə̀ kə̀bɨ.

1 Tèsàlonikà 3:13

Tɨ̀ wɨə kɔ̀ŋgɨ̀ə̀ ni wɨ̀ ghɨ tə fîŋ kaanɨ ɨmbə̀ʼ chəi ənɨ tɨ wə̀d mɔʼɔ zɨ ənû ɨgwɨ nən fɔrɨ ɨmbə̀ʼ mbə̀ chub ɨzeŋɨ zeŋɨ ɨfě Ŋwiə̀ a Mbǎʼ ənɨ a Ə̀nùŋɨ̀sɨg Yeso wɨrɨ yeʼe mbɨ mbi bə̂d.

2 Tès 2:15

Əne kyɨə bɔŋgɔb, mbə̀ təm kàànɨ̀, yim ɨnû mbe nɨ tɨ̀ nyaʼa chwi ɨ nən kɨ̀ à kɨ ənɨ mɨŋgam mbe nɨ tɨ̀ nyaʼə ghàə̀ kɨ̀ ɨŋga ə̀ŋwàʼnɨ̀ ze nɨ tɨ̀ ŋwaʼnɨ ɨ nən.

2 Timotì 2:1

À yeʼ ɨmbə̀ʼ əwe, àwɔ̀ Timotì mɨ wan, à berɨ təm kaanɨ ɨŋga ɨ̀chɔ̀m we nɨ Ŋwiə̀ ghɨ ənɨ ə na ənjìm ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

Mə̀Hibrù 10:23

Tɨ̀ jeŋgɨ yim ɨnû mbe nɨ tɨ̀ benɨ bə̀ nùŋ ɨkɔndɨ wòm, ɨmbə̀ʼ ɨghəm nɨ Ŋwìə̀ bɨrɨ ghɨ ɨnû mbe nɨ wɨ̀ kaʼi.

Mə̀Hibrù 3:14

Tɨ̀ bɨrɨ yeʼ ənɨ ənû ə mɔʼ mbɨ Kristo ənɨ tɨ̀ yim ənû ze nɨ tɨ̀ nyaʼa be benɨ wò pè ənɨ ɨnwǐ.

Mə̀Hibrù 4:14

Tɨ̀ berɨ ətu ɨgwɨ ə bə̂d mbàn Ŋwìə̀ nɨ dabə. Məd yɨə Yeso Wan Ŋwìə̀ we nɨ nyaʼa wò ɨkaŋ. Əne tɨ̀ yim ənû ze nɨ tɨ̀ benɨ zɨə kaanə.

2 Pità 3:17

Əne mbə̀nə mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ fə bè kyerɨ ə ənû zɔ̂. Mbə̀ we əwən ɨmbə̀ʼ ɨchî nɨ bə̂d mbe nɨ chəi mbɨ kyerɨ tɨkə ə kəb febrɨ əwən, njɨ mbə bɨrɨ nim ɨnə̂njɨ̀, əne feŋ rɨ əsɨ ze nɨ mbə kəʼ fə təm ɨgun kàànɨ̀.