Fìlipì 3:18 - Meta’

¹⁸ Mə nyaʼa fə ghà ɨ nən ɨghəm nɔnɔʼ, əne mə wɨə bə̀ yɨə ghà ɨ nən tɨ̀nîn mbɨ mɨsɨ əghə ni bə̂d mɨ̀nɔnɔʼ mbɨ əŋgu nɨə chub ɨghabɨ ə bə̂d pə̀n Kristo ɨchî nɨ chəi mbɨə ben nɨ zu əton nɨ wɨ̀ nyaʼa kwɨ əzed ə baʼnɨ.

Ikan feg

¹⁸ Icheg ne mə̀ yaya ghà inən, mə̀ ya anìŋ ywìrè ghà tì məsi inum inga aghə gha, bəd nɔʼ nɔʼ abɔ̀ʼ inən mbe ghìyə̀ inug icheg bəd ìpàb Kristo. Àze chwi gha chəyi mbɔb kə̀bi ni niŋ aton ze ne wì ya ku igun azed abaʼri ane anug.

Fìlipì 3:18 교차 참조

Lk 19:41

Ənɨ wɨ̀ nyaʼa pe ɨban ə Jèrusalèm, wɨ̀ nyaʼa zə əsɨ ze, əne chweŋ mɨsɨ ɨmbə̀ʼ əzɨ əwən,

Ɨ̀fàʼì 20:19

Mə nyaʼa kàŋ swi ɨnyod, fàʼ əmbɨ Ə̀nùŋɨ̀sɨg mbɨ mɨsɨ əghə, ka à bè yeʼi ni mə wɨə nyaʼə zə ŋgəʼ ɨchî nɨ mɨ̀Jû mɔʼɔ nyaʼa taŋ mɨnaŋ ɨmbə̀ʼ zwiirɨ əmɨ.

Rm 9:2

Ə̀kə̀nɨ̀ mbɨ ə ŋgəʼ nɨ chəi ɨnwǐ fə swi ɨŋga mɨ fîŋ.

1 Kɔrèn 1:18

Ɨŋgam ɨmbə̀ʼ ɨchî nɨ Yeso nyaʼa kwɨ əzed ə baʼnɨ yɨ ənû əneŋ əmbɨ ə bə̂d mbe nɨə nimə, àyɨə əmbɨ mbà mbe nɨə jwɨ̀ rəŋgəʼ, ɨŋgam we ə chwi ɨchî nɨ Ŋwìə̀ berɨ ɨka.

1 Kɔrèn 6:9

Chəi mbə̀ kyerɨ ni chəi bə̂d mbe nɨə ghɨ̀ ɨnû rɨbɔ̀ŋ bɨrɨ jɨg ənû ɨfɔ̀n ə Ŋwiə̀ ə? Tɨ wə̀d mɔʼɔ tambɨ i əwən: chəi bə̂d mbe nɨə ghɨ̀ ɨfabrɨ-ɨnû bɨrɨ nɔ jɨg ənû ɨfɔ̀n ə Ŋwiə̀, kɨ̀ mbe nɨə wumnɨ mbɨ̀anèŋ, kɨ̀ mbe nɨə niirɨə məyi kɨ̀ mbaŋə̀, kɨ̀ mbaŋə̀ nɨə niə tɨ cherə,

2 Kɔrèn 11:13

Tɨkwɨrɨ bə̂d tɔ̂ yɨə bə̂d tom mɨghab. Ɨ mbɨə tambɨ ə bə̂d ənɨ ɨnû mbe nɨ mbɨə ghɨ̀ə̀. Ɨ mbɨə bə̀ bègrə̀ ɨghabɨ ni mbə yɨə bə̂d tom Kristo rəsìʼ.

2 Kɔrèn 11:29

À kɨə we nɨ bɔrɨ, nɨ chəi mə̀ bə bɔd ə? À kɨə we nɨ mbɨ ghɨ ni wɨ̀ ghɨ̌ ənû rɨbɔ̀ŋ, nɨ chəi mɨ fîŋ tɔb əmɨ ə?

2 Kɔrèn 2:4

Ənɨ mə nyaʼa ŋwaʼnɨ ə̀ŋwàʼnɨ̀ ze ɨ nən, mə nyaʼa kàŋ kə̀n əku, mɨ fîŋ bə̀ tɔb əmɨ, əne mə nyaʼa zə̀ʼ. Chəi mə̀ nyaʼa ŋwaʼnɨ ɨmbə̀ʼ tɔɔnɨ tə fîŋ. Mə nyaʼa ŋwàʼnɨ̀ ɨmbə̀ʼ mbə̀ kyerɨ ni mə kàŋ ghaʼ əwən kwàʼ rɨŋgəʼ.

Gàlesìyà 1:7

Kaʼi ni ɨkə̂n chɔ̀m cherə wɨ əŋgu, àyɨə bə̂d mɔʼɔ mbɨə bùùrɨ̀ mbə ɨtu. Ɨ mbɨə bə̀ kə̀b beŋ ɨkə̂n chɔ̀m ɨmbə̀ʼ ə Kristo.

Gàlesìyà 2:14

Ənɨ mə̀ nyaʼa zə ni chəi mbɨ nyaʼə beenɨ əbɔʼ rəsìʼ we nɨ yeʼ ɨŋga ɨkə̂n chɔ̀m, mə nyaʼa ghà əmbɨ Pità ɨfě mɨ̀mə̌d mɨjìm ni, “Àwɔ̀ yɨə Jû, əne à mɨ yeʼə ghɨ̀ ɨnû ɨghabɨ ə wə̀d nɨ kaʼi Jû, ne àwɔ̀ yɨə Jû, njɨ àwɔ̀ kɨə wò nyeŋ bə̂d mbe nɨ kaʼi mɨ̀Jû ni mbɨ ghɨ ɨnû ɨghabɨ mɨ̀Jû rɨ ye ə?”

Gàlesìyà 2:21

Chəi mə̀ ton ni Ŋwìə̀ wɨə ghɨ ɨ̀chɔ̀m. Àyɨə wə̀d mɨ berɨ təm kùʼnɨ̀ ɨchî nɨ wɨə nùŋə̀ rɨkə, njɨ Kristo nyaʼa kwɨ ətu ə̀kǒ.

Gàlesìyà 5:21

ənû nɨ feenɨ ɨghɨ bə̂d, ənû nɨ nɔ be, ənû nɨ nɔ bùùrɨ̀ mbɨ ɨnû cherə ɨghabɨ mbe. Mə wɨə patɨ əwən rɨ̀nîn, ɨchî nɨ mə̀ nyaʼa be patɨ ni, chəi bə̂d mbe nɨə ghɨ̀ tɨkwɨrɨ ɨnû tɔ̂ bɨrɨ jɨg ənû ɨfɔ̀n ə Ŋwiə̀.

Gàlesìyà 6:12

Bə̂d mbe nɨə kə̀b nyeŋ ni mbɨ ne əwən mbɨə kə̀b chwi əsaŋ əsaŋ ni mbə bɔ̀ŋ. Ɨ mbɨə ghɨ̀ əne ɨmbə̀ʼ tɨ bə̂d nwendɨ ə tɨkyerɨ-ɨwu mɨ̀mə̌d ɨchî nɨ mbɨə ghàə̀ ni àmei ənjìm ɨchî nɨ Kristo nyaʼa kwɨ əzed ə baʼnɨ nɨ tɨ̀ bə̂d jwɨ̀ rəŋgəʼ.

Gàlesìyà 6:14

À yeʼ ɨmbə̀ʼ əmɨ, chəi mə̀ bɨrɨ nɔ goŋ ɨgɔ̂, kɨrɨ ənɨ mə goŋ ɨgɔ̂ ɨmbə̀ʼ ənû ze nɨ ɨvɨ à Ə̀nùŋɨ̀sɨg Yeso Kristo əzed ə baʼnɨ ə nyaʼa ghɨ̌. Ɨchî nɨ Yeso Kristo nyaʼa kwɨ əzed ə baʼnɨ, əne chəi ɨghɨ rɨŋga ɨsɨg wɨrɨ berɨ ənû ə mɔʼɔ nɨ ghɨ̀ mbɨ num. Chəi mə̀ bə berɨ ənû ə mɔʼɔ nɨ ghɨ̀ mbɨ ɨghɨ rɨŋga ɨsɨg.

Efesùs 4:17

Mə wɨə ghà ɨ nən kwàʼ rɨkǎ ənɨ ɨkum Ə̀nùŋɨ̀sɨg ni tɨ mbɨ rəbə chub ə ɨchî nɨ bə̂d mbe nɨ kaʼi mɨ̀Jû ə chubə. Tɨkɔndɨ tɨ mɨ̀mə̌d yɨ ətu ə̀kǒ.

Fìlipì 1:4

Ənɨ mɨ̀nyùmə̀ jìm mbe nɨ mɨə kɔ̀ŋgɨ̀ ə Ŋwiə̀ ɨmbə̀ʼ mbə̀n mɨjìm, mə̀ wɨə kɔ̀ŋgɨ̀ə̀ mbɨ ɨghaʼi ɨŋga mɨ fîŋ,

1 Tèsàlonikà 4:6

Tɨ̀ wə̀d mɔʼɔ rəbɔʼ nən chəkɨ i fîŋ wi aŋgɔb ənɨ ənû zɔ̂. Tɨ wɨ̀ nɨŋ i ɨwi wi aŋgɔb. Ə̀nùŋɨ̀sɨg bɨrɨ chə bə̂d mbe nɨə ghɨ̀ tɨkwɨrɨ ɨnû rɨbɔ̀ŋ tɔ̂ rɨjìm, àmei ɨchî nɨ tɨ̀ nyaʼa fə gha ɨ nən bə̀ patɨ əwən.

2 Tès 3:11

Tɨ̀ wɨə ghà əne ɨmbə̀ʼ ɨghəm nɨ mbɨ fə ghà ɨ na ni bə̂d mɔʼɔ rəbɔʼ nən yɨ mɨgwed. Mbɨ yɨ mbɨ-aŋganyiʼ, nɨ chəi mbɨə fàʼ əghɨ ə mɔʼɔ.

2 Pità 2:10

màànɨ̀ mbe nɨə beenɨ əbɔʼ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨ mbɨə bə̀ tonə ni chəi Ŋwìə̀ berɨ ɨka nɨ tumbɨ əwən. Məchwiə̀-ɨnû mɨghab mbɔ̂ mbɨə seenɨə bə̀ berɨ ɨka fîŋ. Chəi mbɨə bɔə nɨ zɔm ɨghɨ mbe nɨ mbɨə wumnɨ ɨkaŋ.

Jûd 1:13

Mbɨ yɨ ɨghabɨ rɨ̀bàà nɨə kɔʼə swiʼə kwàʼ rɨ̀kǎ ghɨ̀ əjo. Əjo ze yɨ tɨ̀nìd ətu əmbɨ mɨ̀mə̌d. Mbɨ yɨ ɨghabɨ rɨtəmɨ te nɨə yènɨ̀ yenɨ, nɨ Ŋwìə̀ fə nuŋ əsɨ əmbɨ mɨ̀mə̌d ɨŋga ɨsɨ mbe nɨə finə kììm. Mbɨ bɨrɨ chub əŋgu koŋ.