Fìlipì 3:13 - Meta’

¹³ Mbɨ bɔŋgɔb, chəi mə̀ gha ni mə fə berɨ mbɨwən, àyɨə ənû ə mɔʼ nɨ mə ghɨ yɨ ni: mə fə neb ɨnû mbe nɨ fə che, əne mə wɨə kywɨ ənywɨ ɨmbə̀ʼ beenɨ əbɔʼ mbe nɨ yeʼ ɨmbì.

Ikan feg

¹³ Ìmbum məfi fɔrɔ ìtum njàbi, chəyi mə̀ kiri niŋi àmə nyɔd icheg wə̀d ne fə beri ighi mbo̰. Aghi afibì ne mə ghìyə̀ ya ni nèbì inug mbe ne fə che, se nɔ̀ŋɔ̀ ìmə fìŋ yaʼ igun inug mbe ne kiri yeʼe.

Fìlipì 3:13 교차 참조

Lk 10:42

Əghɨ nɨ mbɨə kə̀bə̀ mei ze ə mɔʼ. Mèri fə chɨ̀ əba ə chɔ̀m ni chəi mbɨ bɨrɨ nɨŋ rɨ bɔ.”

Lk 9:62

Yeso nyaʼa wììrɨ̀ ɨ bɔ ni, “Chəi wə̀d we nɨ yim əsɔ kɔ faʼi, wɨrɨ bèŋ nèŋ rəbɔʼɔ, kùʼ nɨ nyɨ ɨŋga ənû ɨfɔ̀n ə Ŋwiə̀.”

2 Kɔrèn 5:16

Əne, ɨ kɔ rɨ̀nîn chəi tɨə wɨrɨə neŋə wə̀d ɨchî nɨ wə̀d mɨ̀sɔŋɨchù ə nèŋə̀. Ka à bè yeʼi ni tɨ̀ nyaʼa kweʼ nèŋ ə Kristo ɨchî nɨ bə̂d mɨ̀sɔŋɨchù ə nèŋə̀, àyɨə chəi tɨə wɨrɨə nèŋ əməd əne.

Fìlipì 2:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbə̀ nyaʼə zuunɨ ə Ŋwiə̀ ɨghəm jìm ənɨ mə̀ nyaʼa mbɨ nən, əne tɨ̀nîn nɨ chəi əmɨ mbɨ nən, mbə̀ jeŋgɨ zuunɨ əməd. Ŋwiə̀ fə chɨ̀ əwən rəŋgəʼ, əne mbə̀ kywɨ ənywɨ màànɨ̀ ɨchî nɨ wɨ̀ chɨ̀ əwən rəŋgəʼ ɨchî nɨ mbə̀ə bɔ əməd bə̀ wumnɨ əməd.

Fìlipì 3:12

Chəi mə̀ gha ni mə fə berɨ ɨnû mbɔ̂ jìm, kɨ̀ ni mə fə bɔ̀ŋ màànɨ̀, àyɨə mə wɨə kywɨ ənywɨ ɨmbə̀ʼ berɨ mbɨwən. Kristo Yeso nyaʼa ghɨ ni mə̀ yeʼ wə̀d məd ɨmbə̀ʼ berɨ ɨnû mbɔ̂ jìm.

Fìlipì 3:8

Təsìʼ nɨ yeʼ əŋgu yɨ ni ɨnû jìm yɨ ɨnimɨ ənɨ mə mɨg mbɨ ənû ə kyeŋ ze nɨ bɔŋɨ chè. Ənû ə kyeŋ ze yɨ nɨ kyerɨ ə Kristo Yeso wum Ə̀nùŋɨ̀sɨg. Mə fə nim ɨnû mbe jìm ɨmbə̀ʼ ə Kristo Yeso. Mə fə zə ni ɨnû mbe jìm yɨ ɨnyɔrɨ, ɨmbə̀ʼ mə chubɨ mbɨ Kristo

Mə̀Hibrù 6:1

Tɨ̀ saŋ ɨnû mbe nɨ tɨ̀ nyaʼa be kwembɨ ɨmbə̀ʼ ə Kristo, əne wò ɨmbì kwembɨ mbe nɨ fə kaanɨ. Tɨ rɨ wɨrɨ gha a ɨnû rɨtu mbe ni bə̂d beŋ tə fîŋ tɨ ənɨ ɨnû mbe nɨə zwiirɨə bə̂d mbɨ ni bə̂d nuŋ fîŋ ɨgun ə Ŋwiə̀.

2 Pità 3:8

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ təənɨ ə ənû zɔ̂ ə mɔʼ. Ənû rəŋgu yɨ ni əmbɨ Ə̀nùŋɨ̀sɨg əni ə mɔʼ yɨ ɨghabɨ ɨghəm ɨwu chuʼ fibɨ̀, mbɨ ni ɨghəm ɨwu chuʼ fibɨ̀ yɨ ɨghabɨ əni ə mɔʼ.