Fìlipì 2:8 - Meta’

⁸ Ɨchî nɨ wɨ̀ yɨə nyaʼə wə̀d mɨ̀sɔŋɨchù əne, wɨ̀ nyaʼa swi i ɨnyod, zuunɨ wò pè ənɨ wɨ̀ nyaʼa benɨ nɨ kwɨ. Wɨ̀ nyaʼa kwɨ əzed ə baʼnɨ.

Ikan feg

⁸ Məd we ne ya niŋi nyàmnyɔd si yaʼ wə̀d-aku, wì ya swi ìwi nyɔd aseg, zùgrə Ŋwiye ghò pè ane wì ya bḛ ni ku. Wì ya ku ane yaʼi igun azed abaʼri.

Fìlipì 2:8 교차 참조

Matìyò 17:2

Ənɨ mbɨ nyaʼa pe əŋgu, ɨnyod məd nyaʼa kwepə ɨfě mɨ̀mə̌d. Ɨfě məd nyaʼə te ɨghabɨ ə nyumə̀, ngywɨ̌ rɨ məd bə̀ fuə teenɨə.

Matìyò 26:39

Ənɨ wɨ̀ nyaʼa ghà əne, wɨ̀ nyaʼa yèndɨ̀ wò ɨmbì rɨpiî, pè kub ɨfě ə si, kɔ̀ŋgɨ̀ ə Ŋwiə̀ ghà ni, “Mɨ Mbǎʼ, ɨchî mɨ chwiə, à ghɨ̀ ŋgəʼ zɔ̂ chè rɨ ɨgwɨ num. Àyɨə ghɨ yeʼ ənû ze nɨ à kə̀bɨ, kaʼi əze nɨ mə̀ kəbɨ.”

Matìyò 26:42

Ənɨ Yeso nyaʼa ghà əne, wɨ̀ nyaʼa yì wò kɔ̀ŋgɨ̀ ə Ŋwiə̀ ənɨ ɨghəm nɨ pe be ghà ni, “Mɨ Mbǎʼ, à mɨ yeʼ ni chəi ɨchî cherə nɨ tɨ̀ à ghɨ̀ ni ŋgəʼ zɔ̂ chè rɨ ɨgwɨ num, njɨ ghɨ ɨchî nɨ à kə̀bɨ.”

Lk 9:29

Ənɨ wɨ̀ nyaʼə kɔ̀ngɨ̀ə̀, ɨfě məd nyaʼa kwepə, ngywɨ̌ rɨ məd nyaʼa sɨə fuə teenɨə.

Jn 10:18

Chəi wə̀d mɔʼɔ bɨrɨ nɨŋ mɨ ɨ̀tènɨ̀ rɨ num. À yɨə mɔ̌ kaŋ ben ni mə bɨrɨ kwɨ. Mə berɨ ɨka nɨ kwɨ, bə̀ berɨ ɨka nɨ wɨrɨ chub ɨka. À yɨ mɨ Mbǎʼ gha ni mə ghɨ əne.”

Jn 14:31

àyɨə mə wɨə ghɨ̀ àmei ɨchî nɨ Mbǎʼ gha ɨ num, ɨmbə̀ʼ ɨsɨg kyerɨ ni mə ghaʼ ə Mbǎʼ. Mbə̀ nɔʼ tɨ̀ kɔ wo a.”

Jn 15:10

Mbə mɨ nùŋ tum rɨkə, mə bɨrɨ ghaʼ əwən, ɨchî nɨ mə̀ fə bə nùŋ tɨkə tɨ mɨ Mbǎʼ, əne məd ə bə̀ ghaʼ əmɨ.

Jn 4:34

Àyɨə Yeso nyaʼa ghà əmbɨ mɨ̀mə̌d ni, “Mɨ əghɨjɨg yɨ nɨ ghɨ ɨnû mbe nɨ wə̀d we nɨ tom əmɨ kə̀bɨ, bə̀ fɔrɨ nɨ maanɨ ɨnû mbe nɨ wɨ̀ nyaʼa naʼ ɨ num.

Ɨ̀fàʼì 8:33

Mbɨ nyaʼa naʼ tɨ̀nìd ətu ɨ bɔ. Chəi mbɨ nyaʼa saʼ ɨsaʼi məd ɨchî nɨ kuʼnɨ. À kɨə we nɨ tɨ̀ wɨ̀ ghà ənû ɨmbə̀ʼ bə̂d tɨ ənɨ əghaŋ əməd ə? Ɨ̀tènɨ̀ məd ɨgwɨ ə si fə mì i.”

Rm 5:19

Ɨchî nɨ ənjìm rɨ̀zuə̀ wə̀d mɔʼ, bə̂d mɨ̀nɔnɔʼ mbɨə nyaʼə sɨə ghɨ̀ ɨnû rɨbɔ̀ŋ, əne bə̂ ənjìm ɨchî nɨ wə̀d mɔʼ nyaʼa zuunɨ, bə̂d mɨ̀nɔnɔʼ bɨrɨ təm kùʼnɨ̀.

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

Gàlesìyà 3:13

Kristo nyaʼa choʼ mba ɨtu tɨ ənɨ ə ndɔ̀n ze nɨ rɨkə nyaʼa zɨ ɨgwɨ na. Wɨ̀ nyaʼa ghɨ̀ əne ɨchî nɨ wɨ̀ nyaʼa beʼ ndɔ̀n ɨmbə̀ʼ əwa. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ndɔ̀n zɨ ɨgun ə wə̀d jìm we nɨ mbɨ tiŋ əməd ɨkaŋ əzed.”

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Mə̀Hibrù 12:4

Mbə mbɨə màʼə̀ bid mbɨ ɨnû rɨbɔ̀ŋ, àyɨə chəi mbə̀ kɨrɨ maʼ wò pè əsɨ ze nɨ tɨ̀ mbɨ zwiirɨ əwən.

1 Pità 2:24

Kristo ziə nyaʼa beʼ mba ɨnû rɨbɔ̀ŋ ɨŋga i ɨnyod ənɨ wɨ̀ nyaʼa əzed ə baʼnɨ. Wɨ̀ nyaʼa ghɨ əne ɨmbə̀ʼ tɨ rɨ̀ wɨrɨ ghɨ a ɨnû rɨbɔ̀ŋ. Tɨ̀ sɨə chub àmei ɨchî nɨ kuʼnɨ. Ɨna mbe nɨ nyaʼa ɨgwɨ məd fə ghɨ mbə bɔtɨ.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.