Fìlipì 2:22 - Meta’

²² Mbə kyerɨ ə ni Timotì nyaʼa chwi nɨ tə yɨə wə̀d ə̀fàʼì chɔ̀m. Ɨghabɨ ə wan mbɨ i mbǎʼ, wɨ̀ fə fàʼ mbɨ num nɨ gha ɨkə̂n chɔ̀m.

Ikan feg

²² Àsi Timotì, mbə̰ kyeri àzən aghi gha, məd fə chwi gha zìye ya wə̀d àfàʼì chɔ̀m. Wè fàʼ tì inum ni chètì ikən chɔm imbə̀ʼ Kristo. Wè fàʼ kwàʼ icheg ŋwan we fàʼà tì ìwi mbaʼ.

Fìlipì 2:22 교차 참조

Ɨ̀fàʼì 16:2

Bə̂d mbe nɨ nyaʼa ben ə Kristo ə Listrà fɔrɨ ə Ikoniùm mbɨə nyaʼə ghà ɨnû chɔ̀m ɨmbə̀ʼ ə Timotì.

Rm 5:4

ɨnyiʼ fîŋ wɨə ghɨ̀ ni bə̂d berɨ mɨchî chɔ̀m, mɨchî chɔ̀m mbɨə ghɨ̀ ni bə̂d berɨ ɨkɔndɨ ni Ŋwìə̀ bɨrɨ ghɨ ənû ze nɨ wɨ̀ kaʼi.

1 Kɔrèn 16:10

Timotì mɨ yeʼe, mbə̀ zə ni wɨ̀ chub ɨchî chɔ̀m əkaʼ nən. Məd wɨə fàʼ əmbɨ Ə̀nùŋɨ̀sɨg ɨchî nɨ mɔ̌ ə bə̀ fàʼə̀.

1 Kɔrèn 4:17

Əzɔ̂ yɨ əton nɨ mɨə tom ə Timotì əsɨ nən. Məd yɨ mɨ wan nɨ mə̀ ghaʼi kwàʼ rɨŋgəʼ. Məd wɨə fàʼ əmbɨ Ə̀nùŋɨ̀sɨg ənɨ i fîŋ jìm. Məd bɨrɨ nɔɔrɨ mbə ɨtu ɨmbə̀ʼ ɨnû mbe nɨ mə̀ nyaʼə ghɨ̀ ənɨ mə̀ nyaʼa ben ə Kristo Yeso, nɨ yeʼ ɨnû mbe nɨ mɨə chwi ɨsɨ jìm ɨŋga rɨfetɨ bə̂d Kristo rɨjìm.

2 Kɔrèn 2:9

Mə nyaʼa ŋwaʼnɨ ə̀ŋwàʼnɨ̀ ze ɨmbə̀ʼ zweʼrɨ əwən ɨ zə ni mbə mbɨə zuunɨ əmɨ ənɨ ɨnû jìm ə.

2 Kɔrèn 8:22

Əne tɨ̀ wɨə bə̀ chà wa aŋgɔb mbɨ mɨ̀mə̌d. Aŋgɔb wɔ̂ yɨ we nɨ tɨ̀ fə zweʼrɨ əməd ɨghəm nɔnɔʼ zə ni wɨə kaŋ ghaʼ ənû nɨ weerɨ ənɨ ɨnû nɔnɔʼ. Wɨ̀ ghaʼ ənû nɨ wèèrɨ̀ tɨ̀nîn chè ɨchî nɨ wɨ̀ nyaʼə bèə̀ ghɨ̀ə̀. Ɨ wɨə ghɨ̀ əne ɨmbə̀ʼ ɨghəm nɨ wɨ̀ fə nuŋ i fîŋ ɨgwɨ nən.

2 Kɔrèn 8:24

Əne mbə̀ chwi ənweenɨ əmbɨ ə bə̂d mbɔ̂ ni mbə ghaʼ mɨ̀mə̌d, bə̀ chwi əton nɨ tɨə goŋ ɨgɔ̂ ɨmbə̀ʼ əwən, ɨmbə̀ʼ tɨfetɨ bə̂d Kristo te zə.

2 Kɔrèn 8:8

Chəi mə ghà ənû zɔ̂ ɨ nən ɨghabɨ ni à yɨ mə sobɨ sobɨ. Mə wɨə kəb mɨg yeʼ ɨchî nɨ mbə̀ ghaʼ bə̂d ənɨ tə fîŋ rɨ̀jìm mbɨ ɨchî nɨ bə̂d cherə ghaʼ ənû nɨ wèèrɨ̀.

Fìlipì 1:12

Mbɨ bɔŋgɔb, mə kə̀b ni mbə̀ kyerɨ ni ənû ze nɨ nyaʼa ghɨ̌ ənɨ ə num ə nyaʼa wèèrɨ̀ nɨ ghɨ̀ ni ɨkə̂n chɔ̀m wo ɨmbì.

Fìlipì 1:16

Mbe nɨə ghàə̀ mbɨ ə fîŋ chɔ̀m mbɨə ghɨ̀ əne mbɨ ɨghaʼi, ɨmbə̀ʼ ɨghəm nɨ mbɨ kyerɨ ni mə wɨ̀ əgha ɨmbə̀ʼ ɨchî nɨ Ŋwìə̀ naʼ ə̀fàʼì ɨ num ni mə̀ chwi ni ɨkə̂n chɔ̀m yɨ ənû rəsìʼ kaʼi mɨghab.

Fìlipì 1:5

ɨmbə̀ʼ ɨghəm nɨ mbə mbɨə wèèrɨ̀ əmɨ nɨ jaŋ ɨkə̂n chɔ̀m ɨmbə̀ʼ ə Kristo. Mbə nyaʼa kɔ ghɨ əne tɨ ənɨ mbə̀ nyaʼa zu ɨkə̂n we benɨ. Mbə mbɨə bə̀ kɨrɨ ghɨ əne yeʼe pè rɨ̀nîn.

Fìlipì 1:7

Zɨə kàŋ kùʼ ni mə̀ kɔndɨ əne ɨmbə̀ʼ mbə̀n mɨjìm, ɨmbə̀ʼ ɨghəm nɨ mə kàŋ ghaʼ əwən əku. Ŋwìə̀ wɨə ghɨ̀ ɨ̀chɔ̀m ənɨ mba mɨjìm ɨchî nɨ tɨə fàʼ ɨ bɔ. Ɨ wɨə ghɨ̀ əne ənɨ mə̀ yeʼ ə nəb ndəŋ, ənɨ mɨə ghà ni ɨkə̂n chɔ̀m yɨ ənû rəsìʼ kaʼi mɨghab bə̀ fɔrɨ ənɨ mə nyaʼə ghɨ̀ə̀ ni bə̂d ben ɨnû mbe nɨ yeʼ ɨŋga ɨkə̂n chɔ̀m.

Fìlipì 2:20

Chəi mə̀ wɨrɨ berɨ wə̀d mɔʼɔ ɨghabɨ əməd nɨə kàŋə̀ kə̀bə̀ ni mbə̀ chub ɨchî chɔ̀m.

1 Timotì 1:18

Mə ghà ɨ ne, àwɔ̀ Timotì mɨ wan, ni à ghɨ ɨnû mbɔ̂ beenɨ əbɔʼ mbe nɨ wə̀d ɨ̀kə̀n Ŋwìə̀ nyaʼa ghǎ ɨmbə̀ʼ əwe. À mɨ beenɨ əbɔʼ ɨnû mbe, à we tɨ̀ à zɔ̀ŋ ɨchî nɨ kuʼnɨ ɨmbə̀ʼ ɨkə̂n chɔ̀m we nɨ yeʼ wɨ rəsìʼ.

1 Timotì 1:2

Mə wɨə ŋwàʼnɨ̀ ɨ ne àwɔ̀ Timotì, nɨ à yeʼ mɨ wan rəsìʼ ɨchî nɨ tɨ̀ ben ə Kristo. Ŋwìə̀ Mbǎʼ mbɨ Kristo Yeso a Ə̀nùŋɨ̀sɨg ghɨ ɨ̀chɔ̀m ənɨ ə ne, dììrɨ̀ əwe bə̀ nàʼ əbɔrəbɔd ɨ ne.

1 Timotì 4:6

À mɨ ghà ɨnû mbɔ̂ nɨ mə gha ɨ ne əmbɨ ə bə̂d Kristo bə̀ beenɨ əbɔʼ mɨŋgam mbe nɨə ghɨ̀ ni ɨbenɨ kaanə bə̀ beenɨ əbɔʼ rəsìʼ we nɨ à nyaʼa fə zu, njɨ à bɨrɨ kaŋ yeʼ wə̀d ə̀fàʼì Kristo Yeso chɔ̀m.

2 Timotì 1:2

Mə wɨə ŋwàʼnɨ̀ ɨ ne, àwɔ̀ Timotì, nɨ yeʼ mɨ wan nɨ mə̀ ghaʼi kwàʼ rɨŋgəʼ. Ŋwìə̀ Mbǎʼ mbɨ ə Kristo Yeso a Ə̀nùŋɨ̀sɨg ghɨ ɨ̀chɔ̀m ənɨ ə ne, dììrɨ̀ əwe bə̀ nàʼ əbɔrəbɔd ɨ ne.

2 Timotì 3:10

À yeʼ ɨmbə̀ʼ əwe, àwɔ̀ Timotì, à fə kyerɨ e ɨnû mbe nɨ mə̀ nyaʼə chwiə, à fə kyerɨ e ɨchî nɨ mə̀ nyaʼə ghɨ̀ ɨnû, à fə kyerɨ e ɨnû mbe nɨ mə̀ nyaʼə kəb nɨ ghɨ. À fə kyerɨ e ɨchî nɨ mə̀ nyaʼa nuŋ fîŋ ɨgun ə Ŋwìə̀. À fə kyerɨ e ɨchî nɨ mə̀ nyaʼə yimə fîŋ. À fə kyerɨ e ɨchî nɨ mə̀ nyaʼə ghaʼ ə bə̂d. À fə kyerɨ e ɨchî nɨ mə nyaʼə nyìʼ əton ə ŋgəʼ.

Tayitùs 1:4

Mə wɨə ŋwàʼnɨ̀ ɨ ne, àwɔ̀ Taitùs, nɨ yeʼ mɨ wan rəsìʼ ɨchî nɨ mɔ̌ mbɨ ne tɨ̀ ben ə Kristo. Ŋwìə̀ Mbǎʼ mbɨ Kristo Yeso nɨə chɨ̀ əwa rəŋgəʼ, ghɨ ɨ̀chɔ̀m ənɨ ə ne bə̀ nàʼ əbɔrəbɔd ɨ ne.