Fìlipì 2:1 - Meta’

¹ Ɨchî nɨ mbə̀ yeʼ ənɨ ɨfɔtɨ mbɨ Kristo zɨə tìmbɨ̀ əwən. Ɨchî nɨ wɨ̀ ghaʼ əwən wɨə nəərɨ əwən. Mbə mbɨ ənɨ ɨfɔtɨ mbɨ Əzwî ə Ŋwìə̀. Mbə mbɨə ghɨ̀ ɨ̀chɔ̀m ənɨ mbə bɔŋgɔb. Mbɨ mbɨə kə̀n ənɨ wə̀d mɔʼɔ we rəbɔʼ nən nɨə zəə ŋgəʼ.

Ikan feg

¹ Ŋwiye we nə̀rə ìtən fìŋ icheg ne mbə̀ yaʼi ane ifɔti tì Kristo. Icheg ne Kristo kɔ̀ŋi awən, a ze ghìyə̀ ìtən fìŋ zùtə̀. Mbə̰ mbe ane ifɔti tì Azwighi Ŋwiye. Mbə̰ mbe ghìyə̀ ìchɔ̀mì abə ìmbən məfi fɔrɔ ìtən njàbi. Mbə̰ mbe chwìye àsɔ̀mnəfiŋ igun bəd.

Fìlipì 2:1 교차 참조

Lk 2:25

Mbaŋə̀ mɔʼɔ zɨə nyaʼa ə Jèrusalèm nɨ ɨkum məd nyaʼə Simiòn. Ɨ wɨə nyaʼə ghɨ̀ ɨnû nɨ kuʼnɨ. Ɨ wɨə nyaʼə nùŋ i fîŋ ɨgun ə Ŋwiə̀. Ɨ wɨə nyaʼə bə̀ wòmə̀ nyùmə̀ we nɨ Ŋwìə̀ bɨrɨ chɨ mɨ̀Izre rəŋgəʼ. Əzwî ə Zeŋɨ ə nyaʼa ɨgwɨ məd.

Jn 14:18

“Chəi mə bɨrɨ saŋ əwən ɨghabɨ ni mbə yɨ mɨchɨ, àyɨə mə bɨrɨ wɨrɨ yeʼe əsɨ nən.

Jn 14:27

“Mə sàŋ əbɔrəbɔd ɨ nən. Mə bə̀ nàʼ mɨ əbɔrəbɔd ɨ nən. Chəi mə naʼ ɨchî nɨ ɨsɨg ə nàʼə̀. Tɨ tə fîŋ tɔb i əwən. Tɨ mbə̀ bɔ ə.

Jn 17:13

“Tɨ̀nîn mə wɨə yeʼe əsɨ ne. Mə wɨə ghà ɨnû mbɔ̂ ənɨ mə̀ kɨrɨ ɨŋga ɨsɨg ɨmbə̀ʼ ɨghaʼi swi ɨŋga fîŋ tɨ mɨ̀mə̌d, ɨchî nɨ wɨ bə swi ɨŋga mɨ fîŋ.

Ɨ̀fàʼì 2:46

Ɨ mbɨə nyaʼə fɔtɨə wò ə mbàn Ŋwìə̀ ɨni jìm ɨnɔ̂n. Ɨ mbɨə nyaʼə bəʼrɨə ŋgə̀ŋ ɨŋga mbə ɨkwɨ bə̀ fɔtɨə jɨgə mbɨ ɨghaʼi fɔrɨ mbɨ ə fîŋ chɔ̀m.

Ɨ̀fàʼì 4:32

Bə̂d mɨ̀jìm mbe nɨ nyaʼa ben ə Kristo nyaʼa mbɨ ə fîŋ mɔʼ fɔrɨ mbɨ əzwî ə mɔʼ. Chəi wə̀d mɔʼɔ nyaʼa gha ni ɨghɨ mbe nɨ tə berɨ yɨ mbi. Mbɨ nyaʼa berɨ ɨghɨjìm ənɨ mbɨ mɔʼ.

Rm 5:5

Ka ɨchî nɨ tɨ̀ nuŋ ɨkɔndɨ wɨə tam i əwa, ɨmbə̀ʼ ɨghəm nɨ Ŋwìə̀ fə chwi ni tə ghaʼ əwa, əne wɨ̀ fə zɨ̀ ɨghaʼi ɨŋga ta fîŋ ənjìm Əzwî ə Zeŋɨ ze nɨ wɨ̀ naʼ ɨ na.

Rm 8:26

À yɨə bə̀ əndəŋ əndəŋ ni Əzwî ə zɨə wèèrɨ̀ əwa ɨchî nɨ tɨ̀ bɔrɨ, ɨmbə̀ʼ ɨghəm nɨ chəi tɨ̀ kyerɨ ɨchî nɨ kɔŋgɨ ə Ŋwiə̀ ɨchî nɨ tɨ̀ berɨ nɨ kɔ̀ŋgɨ̀. Àyɨə ənɨ chəi tɨ̀ berɨ ɨŋgam nɨ ghàm, Əzwî ziə ə zɨə kɔ̀ŋgɨ̀ ə Ŋwiə̀ ənɨ a ɨghəm.

1 Kɔrèn 12:13

Tɨ̀ nyaʼa nɨŋ mɨnib ənjìm Əzwî ze ə mɔʼ. Əne tɨ̀ fə fɔtɨ sɨə nyamnyod mɔʼ. Ŋwìə̀ nyaʼa zɨ̀ Əzwî ze ə mɔʼ ɨŋga ta fîŋ, kɨ̀ tɨ̀ yɨ mɨ̀Jû kɨ̀ bə̂d nɨ kaʼi mɨ̀Jû, kɨ̀ tɨ̀ yɨ ɨ̀bòʼò kɨ̀ bə̂d nɨ yeʼ ənɨ ə ɨghəm.

1 Kɔrèn 15:31

Mbɨ bɔŋgɔb, mə wɨ ɨchû ɨvɨ ɨni jìm! Əne yɨ ɨmbə̀ʼ ɨghəm nɨ mə wɨə goŋ ɨgɔ̂ ɨmbə̀ʼ əwən ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

1 Kɔrèn 3:16

Chəi mbə̀ kyerɨ ni mbə yɨə mbàn Ŋwìə̀ mbɨ ni Əzwî ə Ŋwiə̀ ə zɨ ɨŋga nən ə?

2 Kɔrèn 13:14

Ɨ̀chɔ̀m Ə̀nùŋɨ̀sɨg Yeso Kristo, ɨghaʼi Ŋwiə̀ mbɨ ɨfɔtɨ we nɨ tɨ̀ berɨ mbɨ Əzwî ə Zeŋɨ yeʼ mbɨ mbə̀n mɨjìm.

2 Kɔrèn 2:14

Tɨ̀ naʼ məben-əwe əmbɨ ə Ŋwiə̀ ni, ənjìm ɨchî nɨ tɨ̀ yeʼ ənɨ ɨfɔtɨ mbɨ Kristo, ɨ wɨə che ɨmbì na ɨghəm jìm ghɨ̀ə̀ ni tɨ̀ yèn ɨghabɨ ə bə̂d nɨ che bid. Ɨ wɨə ghɨ̀ə̀ ni tɨ̀ jaŋ ɨnû mbe nɨ tɨ̀ kyerɨ ɨmbə̀ʼ ə Kristo ɨsɨ jìm. Ɨnû mbe yɨ ɨghabɨ ɨfɔ chɔ̀m.

Gàlesìyà 4:6

Ɨchî nɨ mbə̀ yeʼ bɔn, Ŋwìə̀ fə chà Əzwî ə Wan məd ɨŋga ta fîŋ. Əzwî ze ə zɨə kyeŋə ghàə̀ ni, “Mbǎʼ, mɨ Mbǎʼ!”

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

Efesùs 4:4

Nyamnyod ze mɔʼ, Əzwî ə bə̀ ə mɔʼ. Ənû ze nɨ Ŋwiə̀ nyaʼa tɔŋ əwən ni mbə̀ nuŋ ɨkɔndɨ ɨ wòm mɨə bə̀ mei ə mɔʼ.

Fìlipì 1:8

Ŋwìə̀ ə kyerɨ ni mə ghaʼ əwən fɔrɨ ni mə wɨə bə̀ kàŋ kəb zə mbə̀n mɨjìm. Mə wɨə ghɨ əne àmei ɨchî nɨ Kristo Yeso ziə ghaʼ əwən.

Fìlipì 3:3

À yɨə mbǎ nɨ mbɨ ne ɨchî rəsìʼ. Əzwî ə zɨə wèèrɨ̀ əwa ni tɨ wumnɨ ə Ŋwiə̀. Tɨ̀ wɨə ghaʼ ɨchî nɨ tɨ̀ yeʼ ənɨ ɨfɔtɨ mbɨ Kristo Yeso əne chəi tɨə zɨ̀ ta fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀,

Kòlosè 2:2

Əton yɨ ni mə wɨə kəb nəərɨ fîŋ tɨ mɨ̀mə̌d ni mbɨ ghaʼ mbə bɔŋgɔb əne chub ənɨ ənû mɔʼ, ɨmbə̀ʼ mbɨ berɨ mbɔ̂n ze nɨ bɨrɨ ghɨ ni mbɨ berɨ ɨwe bə̀ jeŋgɨ kyerɨ ɨnû mbe nɨ yeʼ ənə̀mə ɨmbə̀ʼ ə Ŋwiə̀. Ɨnû mbe nɨ yeʼ ənə̀mə yɨə Kristo ziə.

Kòlosè 3:12

Əne mbə̀n mbe nɨ Ŋwìə̀ fə chɔʼ ni mbə̀ yeʼ mbi bə̂d berɨ yeʼ bə̂d zeŋɨ nɨ wɨ̀ ghaʼi kwàʼ rɨŋgəʼ. Mbə berɨ diirɨ bə̂d cherə. Mbə berɨ berɨ ɨbɔŋ fîŋ. Mbə berɨ berɨ bɔtɨ ɨnyod. Mbə berɨ berɨ ɨbɔtɨ fîŋ bə̀ berɨ ɨyim fîŋ.

Mə̀Hibrù 6:18

Ɨnû nɨ chəi ənɨ tɨ mbɨ kwepɨ mbɨ ɨbe nɨ chəi Ŋwìə̀ bɨrɨ nɔ gha mɨghab ɨmbə̀ʼ mbɨwən. Əne mbà mbe nɨ fə norɨ wo nə̀mbɨ̀ əton məd mbe tɨ rɨ̀ yim fîŋ ɨmbə̀ʼ berɨ ənû ze nɨ tɨə nùŋ rɨkɔndɨ wòmə̀.

1 Pità 1:2

Ŋwìə̀ Mbǎʼ nyaʼa chɔʼ əwən ni mbə̀ yeʼ mbi bə̂d ɨchî nɨ wɨ̀ nyaʼa fə nuŋɨ. Əzwî əməd ə fə ghɨ̀ mbə zeŋ, ɨmbə̀ʼ mbə̀ zuunɨ ə Yeso Kristo bə̀ ghɨ̀ ni ənəm əməd ze nɨ wɨ̀ nyaʼa chəmnɨ ə zeŋnɨ əwən. Ɨ̀chɔ̀m Ŋwiə̀ mbɨ əbɔrəbɔd əməd yeʼe ɨgwɨ nən ɨ ə̀bù ə̀bù.

1 Jɔn 3:24

Bə̂d mɨ̀jìm mbe nɨ nuŋ tɨkə rɨ Ŋwiə̀ mbɨ ənɨ ɨfɔtɨ mbɨ məd. Məd ziə wɨ̀ bə̀ ənɨ ɨfɔtɨ mbɨ mɨ̀mə̌d. Tɨ̀ ə kyerɨ ni məd wɨ ənɨ ənû ə mɔʼ mbɨ na ənjìm Əzwî ze nɨ wɨ̀ naʼ ɨ na.

1 Jɔn 4:12

Chəi wə̀d mɔʼɔ kweʼ zə ə Ŋwìə̀, àyɨə tɨ̀ mɨ ghaʼ a ɨnyod mbǎ mbǎ, Ŋwìə̀ bɨrɨ yeʼ ənɨ ənû ə mɔʼ mbɨ na. Wɨ̀ nɨə ghɨ əne, ɨghaʼi bɨrɨ swi ɨŋga ta fîŋ.

1 Jɔn 4:16

Əne tɨ̀ fə kyerɨ bə̀ ben ni Ŋwìə̀ ə ghaʼ əwa. Ŋwìə̀ wɨə ghaʼə bə̂d, əne wə̀d we nɨ ghaʼ wi aŋgɔb wɨ ənɨ ənû ə mɔʼ mbɨ ə Ŋwìə̀, Ŋwìə̀ ziə wɨə bə̀ ənɨ ənû ə mɔʼ mbɨ məd.