Fìlipì 1:5 - Meta’

⁵ ɨmbə̀ʼ ɨghəm nɨ mbə mbɨə wèèrɨ̀ əmɨ nɨ jaŋ ɨkə̂n chɔ̀m ɨmbə̀ʼ ə Kristo. Mbə nyaʼa kɔ ghɨ əne tɨ ənɨ mbə̀ nyaʼa zu ɨkə̂n we benɨ. Mbə mbɨə bə̀ kɨrɨ ghɨ əne yeʼe pè rɨ̀nîn.

Ikan feg

⁵ Mə ya gyènde imbə̀ʼ icheg ne mbə̀ fɔti abo abɔ̀ʼ inum ni chètì ikən chɔm imbə̀ʼ Yeso Kristo nɔ̀ʼ ane aneg mbègtog ne mbə̀ ya bḛ Kristo pè tèchɔ̀ŋ.

Fìlipì 1:5 교차 참조

Ɨ̀fàʼì 2:42

Mbɨ nyaʼa zɨ ətu ənɨ ɨnû mbe nɨ bə̂d tom Kristo nyaʼə chwiə. Ɨ mbɨə nyaʼa ənɨ ɨfɔtɨ, əne ɨ mbɨə nyaʼə bəʼrɨə ŋgə̀ŋ jɨg ɨnɔ̂n bə̀ kɔŋgɨ ə Ŋwiə̀ ɨnɔ̂n.

Rm 11:17

Mbɨ nyaʼa sopɨ rɨtəb mɔʼɔ rɨ ənɨ əzed olìf chɔ̀m, əne nɨŋ ɨghə rɨ ənɨ əzed ə olìf bǔʼ wò ban ənɨ əzed ə olìf chɔ̀m ze, ɨmbə̀ʼ wɨ sɔ mɨnib rɨ ənɨ əghaŋ əzed ə olìf chɔ̀m. Mbə̀n bə̂d nɨ kaʼi mɨ̀Jû yɨ ɨghabɨ ɨghə rɨ ənɨ əzed ə olìf bǔʼ nɨ mbɨ nɨŋ ban ənɨ əzed ə olìf chɔ̀m.

Rm 12:13

Bə̂d Ŋwiə̀ mɔʼɔ mɨ kwaŋ ɨghɨ, mbə̀ naʼ ɨghɨ mbe əmbɨ mɨ̀mə̌d. Mbə̀ nɨŋ bə̂d rɨ̀sɔ̀ʼɔ̀ ɨŋga tə nəb.

Rm 15:26

Ɨfetɨ bə̂d Kristo we rɨ ə Màsèdonià mbɨ we rɨ ə Àkàiyà nyaʼa zə ni zɨə bɔ̀ŋ ni mbɨ chob ɨkab ənɨ ə ɨghəm nàʼ əmbɨ ə bə̂d ɨkwaŋ mbe nɨ yeʼ əkaʼ bə̂d Ŋwiə̀ mbe nɨ yeʼ ə Jèrusalèm.

1 Kɔrèn 1:9

Ŋwìə̀ we nɨə ghɨ̀ ənû ze nɨ wɨ̀ kaʼi nyaʼa tɔŋ əwən ni mbə̀ chub ənɨ ɨfɔtɨ mbɨ Wan məd Yeso Kristo a Ə̀nùŋɨ̀sɨg.

2 Kɔrèn 8:1

Mba bɔŋgɔb, tɨ̀ kə̀b ni mbə̀ kyerɨ ɨ̀chɔ̀m we nɨ Ŋwiə̀ nyaʼa ghɨ ənɨ rɨfetɨ bə̂d Kristo te rɨ əbà əbeŋ ze rɨ ə Màsèdonià.

Efesùs 3:6

Ənû zɔ̂ nɨ yeʼ ənə̀mə yɨ ni, ənjìm ɨkə̂n chɔ̀m, bə̂d mbe nɨ kaʼi mɨ̀Jû fə sɨ mə̀jɨnəb mbɨ mɨ̀Jû. Mbɨ fə sɨ ɨsɨ ɨnyod tɨ ənɨ ə nyamnyod mɔʼ. Mbɨ fə bə̀ berɨ əbà ənɨ ənû ze nɨ Ŋwìə̀ nyaʼa che ənjìm ə Kristo Yeso kàʼ.

Fìlipì 1:12

Mbɨ bɔŋgɔb, mə kə̀b ni mbə̀ kyerɨ ni ənû ze nɨ nyaʼa ghɨ̌ ənɨ ə num ə nyaʼa wèèrɨ̀ nɨ ghɨ̀ ni ɨkə̂n chɔ̀m wo ɨmbì.

Fìlipì 1:16

Mbe nɨə ghàə̀ mbɨ ə fîŋ chɔ̀m mbɨə ghɨ̀ əne mbɨ ɨghaʼi, ɨmbə̀ʼ ɨghəm nɨ mbɨ kyerɨ ni mə wɨ̀ əgha ɨmbə̀ʼ ɨchî nɨ Ŋwìə̀ naʼ ə̀fàʼì ɨ num ni mə̀ chwi ni ɨkə̂n chɔ̀m yɨ ənû rəsìʼ kaʼi mɨghab.

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

Fìlipì 1:7

Zɨə kàŋ kùʼ ni mə̀ kɔndɨ əne ɨmbə̀ʼ mbə̀n mɨjìm, ɨmbə̀ʼ ɨghəm nɨ mə kàŋ ghaʼ əwən əku. Ŋwìə̀ wɨə ghɨ̀ ɨ̀chɔ̀m ənɨ mba mɨjìm ɨchî nɨ tɨə fàʼ ɨ bɔ. Ɨ wɨə ghɨ̀ əne ənɨ mə̀ yeʼ ə nəb ndəŋ, ənɨ mɨə ghà ni ɨkə̂n chɔ̀m yɨ ənû rəsìʼ kaʼi mɨghab bə̀ fɔrɨ ənɨ mə nyaʼə ghɨ̀ə̀ ni bə̂d ben ɨnû mbe nɨ yeʼ ɨŋga ɨkə̂n chɔ̀m.

Fìlipì 2:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbə̀ nyaʼə zuunɨ ə Ŋwiə̀ ɨghəm jìm ənɨ mə̀ nyaʼa mbɨ nən, əne tɨ̀nîn nɨ chəi əmɨ mbɨ nən, mbə̀ jeŋgɨ zuunɨ əməd. Ŋwiə̀ fə chɨ̀ əwən rəŋgəʼ, əne mbə̀ kywɨ ənywɨ màànɨ̀ ɨchî nɨ wɨ̀ chɨ̀ əwən rəŋgəʼ ɨchî nɨ mbə̀ə bɔ əməd bə̀ wumnɨ əməd.

Fìlipì 2:22

Mbə kyerɨ ə ni Timotì nyaʼa chwi nɨ tə yɨə wə̀d ə̀fàʼì chɔ̀m. Ɨghabɨ ə wan mbɨ i mbǎʼ, wɨ̀ fə fàʼ mbɨ num nɨ gha ɨkə̂n chɔ̀m.

Fìlipì 4:3

Mə wɨə bə̀ gha ɨ ne, àwɔ̀ nɨə fàʼə̀ mbɨ num ənɨ e fîŋ jìm, ni à weerɨ məyi mbɔ̂ ghɨ̀ mbɨ chub ənɨ əbɔrəbɔd, ɨmbə̀ʼ ɨghəm nɨ mɨ̀mə̌d, Klemèn mbɨ ə bə̂d cherə fə fàʼ rɨkǎ mbɨ num nɨ ghà ɨkə̂n chɔ̀m. Tɨkum tɨ mɨ̀mə̌d tɨ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀.

Filemɔ̀n 1:17

Əne à mɨ kɔndɨ ni mɔ̌ yɨə wə̀d nɨə fàʼə̀ mbɨ ne, nɨŋ əməd ɨchî nɨ tɨ̀ à nɨŋ əmɨ.

Mə̀Hibrù 3:14

Tɨ̀ bɨrɨ yeʼ ənɨ ənû ə mɔʼ mbɨ Kristo ənɨ tɨ̀ yim ənû ze nɨ tɨ̀ nyaʼa be benɨ wò pè ənɨ ɨnwǐ.

2 Pità 1:1

À yɨə mɔ̌ Saimon Pità, nɨ mə yeʼ wə̀d ə̀fàʼì fɔrɨ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mbe nɨ ə ɨbenɨ yeʼ əndəŋ əndəŋ mbɨ wa ənjìm a Ŋwìə̀ Yeso Kristo nɨə chɨ̀ə̀ bə̂d rəŋgəʼ. Məd wɨə ghɨ̀ ɨnû nɨ kùʼnɨ̀.

1 Jɔn 1:3

Ɨnû mbe nɨ tɨ̀ nyaʼa zə bə̀ zu yɨ mbɔ̂ tɨə ghà ɨ nən. Əne yɨ ɨmbə̀ʼ mbə̀ fɔtɨ mbɨ na ənɨ ɨfɔtɨ we nɨ tɨ̀ berɨ mbɨ Mbǎʼ bə̀ berɨ mbɨ Wan məd Yeso Kristo.

1 Jɔn 1:7

Tɨ̀ mɨ yeʼ ɨŋga ɨzeŋɨ zeŋɨ, ɨchî nɨ məd ziə bə yeʼ ɨŋga ɨzeŋɨ zeŋɨ, njɨ tɨ̀ wɨ ənɨ ɨfɔtɨ mbǎ mbǎ, əne ənəm ə Yeso, Wan məd, ə zɨə sò mba ɨnû rɨbɔ̀ŋ jìm.