Fìlipì 1:27 - Meta’

²⁷ Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

Ikan feg

²⁷ Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Fìlipì 1:27 교차 참조

Matìyò 12:25

Yeso nyaʼa kyerɨ tɨkɔndɨ tɨ mɨ̀mə̌d, əne wɨ̀ nyaʼa ghà əmbɨ mɨ̀mə̌d ni, “Əbeŋ ə mɨ ghàbrə̀ əkəmɨ kəmɨ, kɔ zɔŋɨ mbənə mbənə, əbeŋ ze ə bɨrɨ beŋ ənɨ rɨ̀fùm. Əsɨ mɔʼɔ kɨ̀ əkwɨ mɔʼɔ ə mɨ ghàbrə̀ əkəmɨ kəmɨ kɔ zɔŋɨ, ka əsɨ ze kɨ̀ əkwɨ ze ə bɨrɨ təm i.

Ɨ̀fàʼì 2:46

Ɨ mbɨə nyaʼə fɔtɨə wò ə mbàn Ŋwìə̀ ɨni jìm ɨnɔ̂n. Ɨ mbɨə nyaʼə bəʼrɨə ŋgə̀ŋ ɨŋga mbə ɨkwɨ bə̀ fɔtɨə jɨgə mbɨ ɨghaʼi fɔrɨ mbɨ ə fîŋ chɔ̀m.

Ɨ̀fàʼì 24:24

Ənɨ ɨni mɔʼɔ nyaʼa chě, Felìz nyaʼa yeʼe mbɨ i ɨwi nɨ ɨkum məd nyaʼə Drùsilà. Ɨwi məd yɨə nyaʼə Jû. Wɨ̀ nyaʼa yeʼe əne, chà mbɨ tɔŋ ə Pɔ̂l, əne zu ɨnû mbe nɨ wɨ̀ nyaʼə ghà ɨmbə̀ʼ ɨchî nɨ tɨ̀ wə̀d nùŋ fîŋ ɨgun ə Kristo Yeso.

Ɨ̀fàʼì 4:32

Bə̂d mɨ̀jìm mbe nɨ nyaʼa ben ə Kristo nyaʼa mbɨ ə fîŋ mɔʼ fɔrɨ mbɨ əzwî ə mɔʼ. Chəi wə̀d mɔʼɔ nyaʼa gha ni ɨghɨ mbe nɨ tə berɨ yɨ mbi. Mbɨ nyaʼa berɨ ɨghɨjìm ənɨ mbɨ mɔʼ.

Rm 1:16

Chəi mɨ ətu ə nìd ɨmbə̀ʼ ɨkə̂n chɔ̀m, ɨmbə̀ʼ ɨghəm nɨ ɨkə̂n chɔ̀m yɨ ɨka Ŋwiə̀ nɨə chɨ̀ə̀ wə̀d jìm we nɨ benɨ rəŋgəʼ. Wɨ̀ bɨrɨ be chɨ mɨ̀Jû, beenɨ chɨ̀ bə̂d mbe nɨ kaʼi mɨ̀Jû.

Rm 1:5

Ŋwiə̀ wɨə ghɨ̀ ɨ̀chɔ̀m ənɨ ə na ənjìm ə Wan məd we. Tɨ̀ yɨə bə̀ ə bə̂d tom ɨmbə̀ʼ jaŋ ɨkum məd əkaʼ bə̂d mɨ̀jìm mbe nɨ kaʼi mɨ̀Jû, ɨmbə̀ʼ mbɨ zɨ̀ tə fîŋ ɨgwɨ məd bə̀ zuunɨ əməd.

Rm 1:9

Ŋwìə̀ we nɨ mɨə fàʼ ɨ bɔ ənɨ mɨ fîŋ jìm, ɨchî nɨ mɨə ghà ɨkə̂n chɔ̀m ɨmbə̀ʼ Wan məd, yɨə zərɨmbin ɨ num ni ənɨ mɨ̀nyùmə̀ jìm mbe nɨ mɨə kɔ̀ŋgɨ̀ əməd, mə wɨə kɔndɨ əwən.

Rm 10:8

Ə̀ŋwàʼnɨ̀ ə Ŋwiə̀ kɨə ghàə̀ ni yè ə? Ə zɨə ghàə̀ ni, “Ɨŋgam we wɨ ɨban ne, ɨ wɨ ɨŋga e ɨchû bə̀ fɔrɨ ɨŋga e fîŋ” (əne yɨ ɨŋgam ɨmbə̀ʼ ɨbenɨ we nɨ tɨə ghà ɨmbə̀ʼ wɨwən).

Rm 15:16

ni mə yeʼ wə̀d ə̀fàʼì Kristo Yeso əmbɨ ə bə̂d mbe nɨ kaʼi mɨ̀Jû. Mə wɨə fàʼ ɨghabɨ ə wə̀d mbàn Ŋwìə̀ ɨchî nɨ mɨə ghà ɨkə̂n chɔ̀m ɨmbə̀ʼ ə Ŋwiə̀. Əne yɨ ɨmbə̀ʼ bə̂d mbe nɨ kaʼi mɨ̀Jû yeʼ ɨghɨ ə̀fà nɨ Ŋwìə̀ benɨ, nɨ Əzwî ə Zeŋɨ fə bə̀ ghɨ̀ ni mbɨ zeŋ.

Rm 15:29

Mə kyerɨ ni ənɨ mə yeʼe əsɨ nən, əbɔrəbɔd ze nɨ Kristo ə nàʼ əbu əbu ə bɨrɨ swi ɨgwɨ nən.

1 Kɔrèn 1:10

Mbɨ bɔŋgɔb, mə wɨə buʼ ɨbɔ ɨ nən ənɨ ɨkum a Ə̀nùŋɨ̀sɨg Yeso Kristo ni mbə̀n mɨjìm chub ənɨ ənû ə mɔʼ, mbɨ ni tɨ ə̀ghàbrɨ̀ ə nyɨ i əkaʼ nən, àyɨə mbə̀ nuŋ tə fîŋ ənɨ zɨ mɔʼ bə̀ nùŋ tə rɨkɔndɨ ənɨ wɨ mɔʼ.

1 Kɔrèn 15:58

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ̀. Tɨ mbə̀ ben ə ni əghɨ ə mɔʼɔ chiʼ əwən. Mbə̀ faʼ ə̀fàʼì ze nɨ Ə̀nùŋɨ̀sɨg zɨ ɨŋga tə rɨkyerɨ-ɨbɔ. Mbə̀ faʼ əne wò ɨmbì. Mbə mɨ yeʼe ghɨ̀ əne, mbə̀ kyerɨ ni chəi ənû ə mɔʼɔ ze nɨ mbə̀ ghɨ əmbɨ Ə̀nùŋɨ̀sɨg ə bɨrɨ che ətu ə̀kǒ.

2 Kɔrèn 13:11

Mbɨ bɔŋgɔb, ɨ màànɨ̀, tɨ̀ bɨrɨ wɨrɨ zəənɨ. Mbə̀ kywɨ ənywɨ zə ni mbə̀ ghɨ mbə mɨchî bɔŋ ə. Mbə̀ zu ɨnû mbe nɨ mə buʼ ɨbɔ gha ɨ nən. Mbə̀ fɔtɨ mbə mɨchû ənɨ wɨ mɔʼ bə̀ chub ənɨ əbɔrəbɔd. Mbə mɨ ghɨ̀ əne Ŋwìə̀ we nɨ ɨghaʼi mbɨ əbɔrəbɔd yeʼ rɨ bɔ bɨrɨ yeʼ mbɨ nən.

2 Kɔrèn 4:4

Mbə̀ zə ni ŋwìə̀ we rɨŋga ɨsɨg wɔ̂ fə kən fîŋ bə̂d mbe nɨ chəi mbɨ ben ə Kristo, ɨmbə̀ʼ tɨ mbɨ zə ə ɨzeŋɨ zeŋɨ rɨ ənɨ ɨkə̂n chɔ̀m ɨmbə̀ʼ Kristo. Kristo wɨ ɨghabɨ ə Ŋwiə̀.

2 Kɔrèn 9:13

Mbə mɨ yeʼə ghɨ̀ ɨnû ɨghabɨ mbɔ̂, njɨ mbə fə chwi ɨkwɨ bə̂d mbe nɨ mbə̀ yeʼ mbɨwən. Əne bə̂d mɨ̀nɔnɔʼ bɨrɨ yiirɨ ə Ŋwiə̀ ɨmbə̀ʼ ɨchî nɨ mbə̀ beenɨ əbɔʼ ɨkə̂n chɔ̀m we nɨ mbə̀ nyaʼa ben ɨmbə̀ʼ ə Kristo. Mbɨ bɨrɨ bɨ naʼ məben-əwe əmbɨ ə Ŋwiə̀ ɨmbə̀ʼ ɨghɨ mbe nɨ mbə̀ naʼ əmbɨ mɨ̀mə̌d fɔrɨ ɨmbə̀ʼ mbe nɨ mbə̀ naʼ əmbɨ ə bə̂d cherə.

Gàlesìyà 1:7

Kaʼi ni ɨkə̂n chɔ̀m cherə wɨ əŋgu, àyɨə bə̂d mɔʼɔ mbɨə bùùrɨ̀ mbə ɨtu. Ɨ mbɨə bə̀ kə̀b beŋ ɨkə̂n chɔ̀m ɨmbə̀ʼ ə Kristo.

Efesùs 1:13

Mbə̀n bə̂ mbɨə nyaʼa ənɨ ɨfɔtɨ mbɨ Kristo, ənɨ mbə̀ nyaʼa zu ɨŋgam we nɨ yeʼ wɨ rəsìʼ, nɨ yeʼ ɨkə̂n chɔ̀m ɨmbə̀ʼ ɨchî nɨ Ŋwìə̀ bɨrɨ chɨ əwən rəŋgəʼ. Mbə nyaʼa zu benɨ, əne Ŋwiə̀ nyaʼa zɨ̀ ənweenɨ ɨgwɨ nən nɨ yeʼ Əzwî ə Zeŋɨ ze nɨ wɨ̀ nyaʼa kaʼi.

Efesùs 1:15

Tɨ ənɨ mə̀ nyaʼa zu ɨmbə̀ʼ ɨbenɨ we nɨ mbə̀ berɨ ɨgwɨ Ə̀nùŋɨ̀sɨg Yeso bə̀ zu ɨchî nɨ mbə̀ ghaʼ bə̂d Ŋwiə̀ mɨjìm,

Efesùs 4:1

Mɔ̌, nɨ mə̀ yeʼ wə̀d ndəŋ ɨmbə̀ʼ ɨchî nɨ mɨə fàʼ əmbɨ Ə̀nùŋɨ̀sɨg, wɨə buʼ ɨbɔ ɨ nən ni mbə̀ chub ɨchî nɨ kuʼnɨ, nɨ yeʼ ɨchî we nɨ Ŋwiə̀ tɔŋ əwən ni mbə̀ chubɨ.

Fìlipì 1:5

ɨmbə̀ʼ ɨghəm nɨ mbə mbɨə wèèrɨ̀ əmɨ nɨ jaŋ ɨkə̂n chɔ̀m ɨmbə̀ʼ ə Kristo. Mbə nyaʼa kɔ ghɨ əne tɨ ənɨ mbə̀ nyaʼa zu ɨkə̂n we benɨ. Mbə mbɨə bə̀ kɨrɨ ghɨ əne yeʼe pè rɨ̀nîn.

Fìlipì 2:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbə̀ nyaʼə zuunɨ ə Ŋwiə̀ ɨghəm jìm ənɨ mə̀ nyaʼa mbɨ nən, əne tɨ̀nîn nɨ chəi əmɨ mbɨ nən, mbə̀ jeŋgɨ zuunɨ əməd. Ŋwiə̀ fə chɨ̀ əwən rəŋgəʼ, əne mbə̀ kywɨ ənywɨ màànɨ̀ ɨchî nɨ wɨ̀ chɨ̀ əwən rəŋgəʼ ɨchî nɨ mbə̀ə bɔ əməd bə̀ wumnɨ əməd.

Fìlipì 2:24

Mə kyerɨ ni Ə̀nùŋɨ̀sɨg mɨ benɨ, mə bɨrɨ zambɨ yeʼe əsɨ nən mɔ̌ mɔ̌.

Fìlipì 3:18

Mə nyaʼa fə ghà ɨ nən ɨghəm nɔnɔʼ, əne mə wɨə bə̀ yɨə ghà ɨ nən tɨ̀nîn mbɨ mɨsɨ əghə ni bə̂d mɨ̀nɔnɔʼ mbɨ əŋgu nɨə chub ɨghabɨ ə bə̂d pə̀n Kristo ɨchî nɨ chəi mbɨə ben nɨ zu əton nɨ wɨ̀ nyaʼa kwɨ əzed ə baʼnɨ.

Fìlipì 3:20

À yeʼ ɨmbə̀ʼ əwa, a əbeŋ yɨ ɨkaŋ. Tɨ̀ wɨə wòmə̀ ni Ə̀nùŋɨ̀sɨg Yeso Kristo, nɨ bɨrɨ chɨ̀ əwa rəŋgəʼ, bɨrɨ yeʼe rəŋgu.

Fìlipì 4:1

Mbɨ bɔŋgɔb, mə ghaʼ əwən bə̀ kàŋ kə̀b nɨ zə əwən. Mbə mbɨə ghɨ̀ ni mɨ fîŋ bɔŋ ə. Mbə yɨə bə̀ ɨchɔʼ ə̀fàʼì ənɨ ə̀fàʼì ze nɨ mə faʼi. Əne kyɨə bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ ɨchî nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg.

Kòlosè 1:10

Tɨ̀ wɨə kɔ̀ŋgɨ̀ əməd ɨmbə̀ʼ wɨ̀ ghɨ ni mbə̀ chub ɨchî nɨ Ə̀nùŋɨ̀sɨg kəbɨ. Tɨ̀ wɨə bə̀ kɔ̀ŋgɨ̀ə̀ ni mbə̀ sɨə ghɨ̀ ɨnû jìm mbe nɨ bɨrɨ ghɨ ni fîŋ məd bɔŋ ə. Ɨchî nɨ mbə̀ə chubə bɨrɨ ghɨ ni mbə ghɨ ɨ̀chɔ̀m ənɨ tɨkwɨrɨ ɨnə̂njɨ̀ nɔnɔʼ bə̀ ghɨ̀ ni mbə sɨə jeŋgɨə kyerɨ ə Ŋwiə̀ wò ɨmbì.

Kòlosè 1:4

Tɨ̀ wɨə nàʼ ɨmbə̀ʼ ɨghəm nɨ tɨ̀ fə zu ɨchî nɨ mbə̀ nuŋ fîŋ ɨgun ə Kristo Yeso bə̀ zu ɨchî nɨ mbə̀ə ghaʼə bə̂d Ŋwiə̀ mɨ̀jìm.

1 Tèsàlonikà 3:6

Tɨ̀nîn Timotì fə bə̀ndɨ̀ yeʼe əsɨ na mbɨ ɨkə̂n chɔ̀m ɨmbə̀ʼ ɨchî nɨ mbə̀ nuŋ fîŋ ɨgun ə Kristo fɔrɨ ɨmbə̀ʼ ɨchî ni mbə̀ ghaʼ mbə bɔŋgɔb. Wɨ̀ fə ghà ɨ na ni mbə mbɨə kɔndɨ əwa ɨghəm jìm ənɨ ə fîŋ chɔ̀m bə fɔrɨ ni mbə mbɨə kəb zə əwa àmei ɨchî nɨ tɨə bə̀ kəb zə əwən.

1 Tèsàlonikà 4:1

Mba bɔŋgɔb, ɨ wo ɨmbì, tɨ̀ nyaʼa fə chwi ɨchî nɨ tɨ̀ mbə̀ chubɨ ɨmbə̀ʼ ghɨ ni fîŋ Ŋwìə̀ bɔŋ ə. À yɨ rəsìʼ ni mbə mbɨə chub əne. Tɨ̀nîn tɨ̀ wɨə buʼ ɨbɔ bə̀ ghà ɨ nən ənɨ ɨkum Ə̀nùŋɨ̀sɨg Yeso ni mbə̀ wo ɨmbì ghɨ əne chè ɨchî nɨ mbə̀ nyaʼə bèə̀ ghɨ̀ə̀.

1 Timotì 1:11

Tɨ̀ we tɨ̀ rɨ̀ zə ɨnû mbɔ̂ ɨŋga ɨkə̂n chɔ̀m we nɨ Ŋwiə̀ zɨ ɨŋga tum rɨkyerɨ-ɨbɔ. Məd yɨə Ŋwìə̀ we nɨ bə̂d ə yiirɨə bə̀ wumnɨə.

1 Timotì 1:19

Ənɨ àwɔ̀ ə ghɨ̀ə̀ əne, à berɨ yim e ɨbenɨ wɨ kaanə bə̀ berɨ fîŋ nɨ zeŋɨ. Ɨchî nɨ chəi bə̂d mɔʼɔ ə zwetɨ ɨnû mbe nɨ fîŋ tɨ mɨ̀mə̌d ə ghàə̀, mbɨ fə nimnɨ ɨbenɨ we nɨ mbɨ nyaʼa berɨ.

2 Timotì 4:7

Mə fə kàŋ zɔ̀ŋ ɨchî chɔ̀m ɨchî nɨ mɨə fàʼ əmbɨ Kristo. Mə fə nòtɨ̀ wò pè ənɨ ɨnwǐ. Mə fə nùŋ mɨ fîŋ ɨgun ə Kristo wò pè ənɨ ɨnwǐ.

Tayitùs 2:10

kɨ̀ bè jɨ əghɨ ə mɔʼɔ. Mbɨ berɨ chwi ni mbə yɨə bə̂d chɔ̀m bə̀ chwi ni mbə mbɨə fàʼ ənɨ tə fîŋ rɨjìm. Mbɨ berɨ ghɨ əne ɨmbə̀ʼ chwi ni ənɨ ɨnû jìm ni ɨ mbe tɨ mbɨ ghɨ̀ bə̂d ghaʼ nɨ zu ɨŋgam Ŋwìə̀ we nɨə chɨ̀ əwa rəŋgəʼ.

Filemɔ̀n 1:5

Mə wɨə ghɨ̀ əne ɨmbə̀ʼ ɨghəm nɨ mə zu ɨchî nɨ à ghaʼ bə̂d Ŋwiə̀ mɨ̀jìm, bə̀ zu ɨchî nɨ à ben Ə̀nùŋɨ̀sɨg Yeso.

Jems 3:18

Bə̂d mbe nɨə ghɨ̀ə̀ ni bə̂d chub ənɨ əbɔrəbɔd mɨ kon əbɔrəbɔd ɨŋga bə̂d, mbɨ bɨrɨ kwəŋ ɨnû chɔ̀m.

2 Pità 3:11

Ɨchî nɨ Ŋwìə̀ bɨrɨ nimnɨ ɨghɨ mbɔ̂ jìm ɨchî wɔ̂, mbə̀ kɨə wo yeʼ ɨkwɨ bə̂d mbi ə? Mbə berɨ chub ɨzeŋɨ zeŋɨ bə̀ sweŋ ə ɨnyod əmbɨ ə Ŋwiə̀

2 Pità 3:14

Əne kyɨə bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbɨə wòm ɨnû mbɔ̂, mbə̀ kywɨ ənywɨ zə ni mbə̀ chub ɨzeŋɨ zeŋɨ ɨmbə̀ʼ tɨ Ŋwìə̀ zə i ɨgu ənû mɔʼɔ ɨgwɨ nən. Mbə̀ bə zə ni mbə̀ chub ənɨ əbɔrəbɔd mbɨ ə Ŋwiə̀.

Jûd 1:3

Mbɨ bɔŋgɔb nɨ mə̀ ghaʼi kwàʼ rɨŋgəʼ, mə wɨə nyaʼə kàŋə̀ kə̀b nɨ ŋwaʼnɨ ɨ nən ɨmbə̀ʼ ɨchî nɨ mba mɨjìm fɔtɨ jwɨ̀ rəŋgəʼ, àyɨə mə nyaʼa zə ni zɨə bɔ̀ŋ ni mə̀ ŋwaʼnɨ tìmbɨ̀ əwən ni mbə̀ zɔŋə wò ɨmbì ɨmbə̀ʼ ɨbenɨ we nɨ Ŋwìə̀ nyaʼa fə zɨ ɨŋga rɨkyerɨ-ɨbɔ mbi bə̂d fən ɨghəm mɔʼ.