Fìlipì 1:15 - Meta’

¹⁵ À yɨ rəsìʼ ni bə̂d mɔʼɔ mbɨə ghà ɨkə̂n chɔ̀m ɨmbə̀ʼ ə Kristo ənjìm ə̀dìì bə̀ fɔrɨ ənjìm əwindɨ, àyɨə mbɨ mɔʼɔ mbɨə ghàə̀ mbɨ fîŋ chɔ̀m.

Ikan feg

¹⁵ À ya tesiʼ gha, bəd mɔ̀ʼɔ mbe ghàmà ikən chɔm imbə̀ʼ Kristo anjìm àdeg fɔrɔ anjìm icheg ne mbe zɔ̀ŋɔ̀ ati. Si ya gha, bəd mɔ̀ʼɔ mbe ghàmà ikən chɔm we ane fìŋ chɔm.

Fìlipì 1:15 교차 참조

Matìyò 23:5

Ɨ mbɨə ghɨ̀ ɨnû jìm ɨmbə̀ʼ bə̂d zə mɨ̀mə̌d. Ɨ mbɨə tekɨə mbə mbɨ̀rɨkub gôb nɨ mbɨ zɨ ɨŋgam Ŋwiə̀ ɨŋga ni mbɨ kaŋ faŋ. Ɨ mbɨə nyaʼə taə tə ngywɨ̌ ghɨ̀ rɨtɔŋ jeŋgɨ sà.

Ɨ̀fàʼì 10:36

Mbə kyerɨ ɨŋgam we nɨ wɨ̀ nyaʼa tom əmbɨ mɨ̀Izre. Ɨŋgam we wɨə ghà ɨkə̂n chɔ̀m ɨmbə̀ʼ əbɔrəbɔd ze nɨ tɨ̀ chè ənjìm ə Yeso Kristo berɨ mbɨ ə Ŋwiə̀. Yeso Kristo yɨ Ə̀nùŋɨ̀sɨg ɨgwɨ ə bə̂d mɨ̀jìm.

Ɨ̀fàʼì 11:20

Àyɨə bə̂d cherə nɨ nyaʼa rɨ ə Saiprùs bə̀ fɔrɨ rɨ ə Sìrin, nyaʼa wò ə Antiɔ̀k kɔ ghà ɨkə̂n chɔ̀m ɨmbə̀ʼ Ə̀nùŋɨ̀sɨg Yeso əmbɨ ə bə̂d mbe nɨ kaʼi mɨ̀Jû.

Ɨ̀fàʼì 5:42

Mbɨ nyaʼa wò ɨmbì ɨni jìm nɨ chwi ɨnû bə̀ fɔrɨ nɨ ghà ɨkə̂n chɔ̀m ɨŋga mbàn Ŋwìə̀ bə̀ fɔrɨ ɨŋga tə nəb ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 8:35

Filip nyaʼa kɔ mbɨ əsɨ ə̀ŋwàʼnɨ̀ zɔ̂, ghà ɨkə̂n chɔ̀m ɨmbə̀ʼ ə Yeso ɨ bɔ.

Ɨ̀fàʼì 8:5

Filip nyaʼa swiʼi wò ɨŋga əsɨ ə mɔʼɔ əbà əbeŋ ze rɨ ə Sàmàriyà. Wɨ̀ nyaʼa pè kɔ ghà ənû ɨmbə̀ʼ Wə̀d we nɨ Ŋwiə̀ zɔʼɔ əmbɨ ə bə̂d mbe nɨ nyaʼa əsɨ ze.

Ɨ̀fàʼì 9:20

Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”

Rm 2:8

Ŋwìə̀ bɨrɨ sə ɨtəm bə̀ chə mbe nɨə kə̀b ɨghɨ àmei əmbɨ tə nyamnyod, nɨ mbɨə bə̀ ton ɨnû mbe nɨ yeʼ mbɨ rəsìʼ ɨmbə̀ʼ sɨə ghɨ̀ yeʼ ɨnû ɨzɨg.

1 Kɔrèn 1:23

àyɨə tɨ̀ wɨə ghà ɨmbə̀ʼ ə Kristo nɨ mbɨ nyaʼa kombɨ əzed ə baʼnɨ. Chəi mɨ̀Jû ghaʼ nɨ zu ənû zɔ̂. À yɨə bə̀ ənû əneŋ əmbɨ ə bə̂d mbe nɨ kaʼi mɨ̀Jû.

1 Kɔrèn 13:3

Mə mɨ nàʼ ɨghɨjìm mbe nɨ mə̀ berɨ əmbɨ ə bə̂d ɨkwaŋ, bə̀ nàʼ ka àbei mɨ ɨnyod ni mbɨ tɔn ə, àyɨə chəi mə̀ ghaʼ bə̂d, chəi mə̀ bɨrɨ jɨg əghɨ ə mɔʼɔ rəŋgu.

2 Kɔrèn 1:19

ɨmbə̀ʼ ɨghəm nɨ ka Yeso Kristo nɨ yeʼ Wan Ŋwìə̀ we nɨ mɔ̌, Sɨlvanùs mbɨ Timotì nyaʼə ghà ɨmbə̀ʼ əməd əkaʼ nən wɨə ghà i ni “Ee” bə̀ wɨrɨ beŋ ghà ni “Chə̂” àmei əwu əwən. Məd wɨə ghà àmei ni “Ee.”

2 Kɔrèn 11:13

Tɨkwɨrɨ bə̂d tɔ̂ yɨə bə̂d tom mɨghab. Ɨ mbɨə tambɨ ə bə̂d ənɨ ɨnû mbe nɨ mbɨə ghɨ̀ə̀. Ɨ mbɨə bə̀ bègrə̀ ɨghabɨ ni mbə yɨə bə̂d tom Kristo rəsìʼ.

2 Kɔrèn 12:20

Mə wɨə bɔə ni mə mɨ yeʼe, chəi mə bɨrɨ zə əwən ɨchî nɨ mə̀ kəb ni mbə̀ yeʼ ə. Mə wɨə bə̀ bɔə ni chəi mbə bɨrɨ zə əmɨ ɨchî nɨ mbə̀ kəb ni mə yeʼ ə. Mə wɨə bɔə ni ɨghə̀m mə bɨrɨ zə bə̂d nɨə tàŋə̀, zə mbe nɨə ghɨ̀ ə̀dìì, zə mbe nɨə sə ɨtəm, zə mbe nɨə siə, zə mbe nɨə chəkɨ rɨkum mbɨ cherə, zə mbe nɨə ghɨ̀ mɨniə, zə mbe nɨə tərə bə̀ zə mbe nɨə bùùrɨ̀ ɨsɨ.

2 Kɔrèn 4:5

Chəi tɨə ghà ɨmbə̀ʼ a ɨnyod. Tɨ̀ wɨə ghàə̀ yeʼ ni Yeso Kristo yɨ Ə̀nùŋɨ̀sɨg. Tɨ̀ wɨə bə̀ ghàə̀ ni tɨ̀ yɨ ɨ̀bòʼò ɨ nən ɨmbə̀ʼ ə Yeso.

Gàlesìyà 2:4

Ənû zɔ̂ ə nyaʼa kɔ ɨchî nɨ bɔŋgɔb mɨ̀ghab mɔʼɔ nyaʼa nyaʼrɨ yeʼe nyɨ əkaʼ na kə̀b kyerɨ ɨchî nɨ tɨ̀ nyaʼa chubɨ ənɨ a ɨghəm ɨchî nɨ tɨ̀ ɨfɔtɨ mbɨ Kristo Yeso. Mbɨ nyaʼa kə̀b yeʼ ni tɨ̀ ben ə̀bòʼò əton tɨkə rɨ Mose.

Fìlipì 2:3

Tɨ mbə̀ ghɨ ə ɨghabɨ ni àmei mbə̀nə berɨ ɨghɨ. Tɨ mbə̀ bɨ ghɨ ə ɨnû nɨ chwi ni mbə mbɨə nɔ̀ ɨnyod, àyɨə mbə swi ɨnyod kɔndɨ ni bə̂d cherə ə chè əwən.

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.