Fìlipì 1:1 - Meta’

¹ À yɨə mɔ̌ Pɔ̂l mbɨ Timotì, nɨ tɨ̀ yeʼ bə̂d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ əmbɨ mbə̀n bə̂d Ŋwiə̀ mɨ̀jìm mbe nɨ yeʼ ə Filipì, nɨ yeʼ ənɨ ɨfɔtɨ mbɨ Kristo. Tɨ̀ wɨə ŋwàʼnɨ̀ əmbɨ mbə̀n mbe nɨ yeʼ ɨtu nɨə chà ɨfetɨ bə̂d Kristo. Tɨ̀ wɨə bə̀ ŋwàʼnɨ̀ əmbɨ mbə̀n mbe nɨə wèèrɨ̀ mɨ̀mə̌d.

Ikan feg

¹ À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.

Fìlipì 1:1 교차 참조

Mk 13:34

Ə zɨ ɨghabɨ ɨchî nɨ wə̀d ə wò ɨghanɨ. Bɔŋ wɨ̀ sɨə jwɨ̀ rɨ ə nəb, wɨ̀ bɨrɨ fə nàʼ ə̀fàʼì əmbɨ mbi bə̂d ə̀fàʼì, wə̀d mɔʼ mbɨ e ə̀fàʼì, wɨ cherə mbɨ əzi. Wɨ̀ bɨrɨ bɨ ghà əmbɨ wə̀d we nɨə nəŋgɨ ɨchû nəb ni wɨ̀ chub ɨkyèʼe.

Jn 12:26

Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

Ɨ̀fàʼì 1:20

“Ə zɨ ɨŋga Ə̀ŋwàʼnɨ̀ ə mɨ̀Sâm ni, 'Nəb məd chubɨ zɨ zobɨ, tɨ wə̀d mɔʼɔ chub i ɨŋga,' mbɨ ni, 'Wə̀d cherə nɨŋ tɨmbin ə̀fàʼì əməd.'

Ɨ̀fàʼì 20:28

Əne mbə̀ nəŋgɨ ə ɨnyod mbənə mbənə, bə̀ nəŋgɨ bə̂d Kristo mɨ̀jìm mbe nɨ Əzwî ə Zeŋɨ ə fə nuŋ əwən ni mbə̀ nəŋgɨ. Mbə̀ nəŋgɨ ɨfetɨ bə̂d Ŋwiə̀ we nɨ wɨ̀ fə ghɨ̌ ənɨ wi ənjìm ənəm ze nɨ Wan məd nyaʼa chəmnɨ.

Ɨ̀fàʼì 9:13

Ànàniàs nyaʼa wììrɨ̀ ni, “Ə̀nùŋɨ̀sɨg, bə̂d mɨ̀nɔnɔʼ fə ghà ɨ num ɨmbə̀ʼ mbaŋə̀ zɔ̂. Mbɨ fə ghà ɨmbə̀ʼ ɨchî nɨ wɨ̀ fə zɨ ŋgəʼ nɔnɔʼ ɨgwɨ mbe bə̂d ə Jèrusalèm.

Rm 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tɔŋ əmɨ ni mə̀ yeʼ wə̀d tom Kristo. Wɨ̀ nyaʼa bə̀ chɔʼ əmɨ ni mə̀ gha ɨkə̂n chɔ̀m.

Rm 1:7

Mə wɨə ŋwàʼnɨ̀ əmbɨ ə bə̂d mɨjìm mbe nɨ yeʼ ə Rom. Ŋwìə̀ ə ghaʼ əwən kwàʼ rɨŋgəʼ, əne wɨ̀ fə tɔŋ əwən ni mbɨ yeʼ mbi bə̂d. Ŋwìə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

1 Kɔrèn 16:10

Timotì mɨ yeʼe, mbə̀ zə ni wɨ̀ chub ɨchî chɔ̀m əkaʼ nən. Məd wɨə fàʼ əmbɨ Ə̀nùŋɨ̀sɨg ɨchî nɨ mɔ̌ ə bə̀ fàʼə̀.

2 Kɔrèn 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso ɨchî nɨ Ŋwìə̀ kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ɨfetɨ bə̂d Ŋwiə̀ we nɨ yeʼ ə Kɔrèn. Mə wɨə bə̀ ŋwàʼnɨ̀ əmbɨ ə bə̂d Ŋwiə̀ mɨjìm mbe nɨ yeʼ əbà əbeŋ ze rɨ ə Àkàiyà. Mɔ̌ mbɨ Timotì nɨ yeʼ wa aŋgɔb chàʼrɨ̀ əwən.

Gàlesìyà 1:10

Mə̀ kɨə kə̀bə̀ ni bə̂d gha ni mə bɔ̀ŋ, kɨ̀ ni Ŋwìə̀ gha ni mə bɔ̀ŋ ə? Kɨ̀ mə̀ kɨə kə̀b ghɨ ni fîŋ rɨ bə̂d bɔŋ ə? Mə mɨ yeʼə kɨrɨ kəb nɨ ghɨ ni bə̂d gha ni mə bɔ̀ŋ, njɨ ka mɔ̌ yɨ əmɨ wə̀d ə̀fàʼì Kristo.

Gàlesìyà 3:26

Mbə̀n mɨjìm yɨə bɔn Ŋwiə̀ ənjìm ɨchî nɨ mbə̀ nuŋ fîŋ ɨgun ə Kristo Yeso.

Gàlesìyà 3:28

Əne chə wɨrɨ i Jû kɨ̀ wə̀d nɨ kaʼi Jû, chə wɨrɨ i ə̀bòʼò kɨ̀ wə̀d nɨ yeʼ ənɨ i ɨghəm, chə wɨrɨ i mbaŋə̀ kɨ əyi, ɨmbə̀ʼ ɨghəm nɨ mbə̀n mɨ̀jìm fə sɨə wə̀d mɔʼ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Efesùs 1:1

À yɨə mɔ̌ Pɔ̂l, nɨ mə yeʼ wə̀d tom Kristo Yeso ənjìm ɨchî nɨ Ŋwiə̀ nyaʼa kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n bə̂d Ŋwiə̀ mbe nɨ yeʼ ə Efesùs nɨ berɨ ɨbenɨ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Efesùs 1:15

Tɨ ənɨ mə̀ nyaʼa zu ɨmbə̀ʼ ɨbenɨ we nɨ mbə̀ berɨ ɨgwɨ Ə̀nùŋɨ̀sɨg Yeso bə̀ zu ɨchî nɨ mbə̀ ghaʼ bə̂d Ŋwiə̀ mɨjìm,

Efesùs 6:24

Ŋwìə̀ ghɨ ɨ̀chɔ̀m ənɨ ə bə̂d mɨjìm mbe nɨ ghaʼ a Ə̀nùŋɨ̀sɨg Yeso Kristo mbɨ ɨkwɨ ɨghaʼi we nɨ ka wɨ bɨrɨ nɔ mi i.

Fìlipì 2:19

Ə̀nùŋɨ̀sɨg Yeso mɨ benɨ, mə bɨrɨ tom ə Timotì əsɨ nən, ɨmbə̀ʼ ɨghaʼi swi ɨŋga mɨ fîŋ ənɨ wɨ̀ wɨrɨ yeʼe pe gha ɨnû ɨ num ɨmbə̀ʼ əwən.

Fìlipì 2:5

Mbə̀ ghɨ ɨnû ɨchî nɨ Kristo Yeso nyaʼə ghɨ̀ə̀.

Fìlipì 3:12

Chəi mə̀ gha ni mə fə berɨ ɨnû mbɔ̂ jìm, kɨ̀ ni mə fə bɔ̀ŋ màànɨ̀, àyɨə mə wɨə kywɨ ənywɨ ɨmbə̀ʼ berɨ mbɨwən. Kristo Yeso nyaʼa ghɨ ni mə̀ yeʼ wə̀d məd ɨmbə̀ʼ berɨ ɨnû mbɔ̂ jìm.

Fìlipì 3:3

À yɨə mbǎ nɨ mbɨ ne ɨchî rəsìʼ. Əzwî ə zɨə wèèrɨ̀ əwa ni tɨ wumnɨ ə Ŋwiə̀. Tɨ̀ wɨə ghaʼ ɨchî nɨ tɨ̀ yeʼ ənɨ ɨfɔtɨ mbɨ Kristo Yeso əne chəi tɨə zɨ̀ ta fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀,

Fìlipì 3:8

Təsìʼ nɨ yeʼ əŋgu yɨ ni ɨnû jìm yɨ ɨnimɨ ənɨ mə mɨg mbɨ ənû ə kyeŋ ze nɨ bɔŋɨ chè. Ənû ə kyeŋ ze yɨ nɨ kyerɨ ə Kristo Yeso wum Ə̀nùŋɨ̀sɨg. Mə fə nim ɨnû mbe jìm ɨmbə̀ʼ ə Kristo Yeso. Mə fə zə ni ɨnû mbe jìm yɨ ɨnyɔrɨ, ɨmbə̀ʼ mə chubɨ mbɨ Kristo

1 Tèsàlonikà 1:1

À yɨə mɔ̌ Pɔ̂l mbɨ Sailàs fɔrɨ ə Timotì ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən mbə̀n bə̂d Kristo mbe nɨ yeʼ ɨŋga ɨfetɨ we rɨ ə Tèsàlonikà, nɨ mbə̀ yeʼ bə̂d Ŋwiə̀ Mbǎʼ fɔrɨ bə̂d Ə̀nùŋɨ̀sɨg Yeso Kristo. Ŋwìə̀ ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

1 Tèsàlonikà 2:2

Bə̂d mbe rɨ ə Filipì nyaʼa ghɨ̀ tɨ̀ zə ŋgəʼ. Mbɨ nyaʼa bə̀ naʼ tɨ̀nìd ətu na ɨchî nɨ mbə̀ kyerɨ. Àyɨə Ŋwìə̀ nyaʼa nàʼ ɨka ɨ na ni tɨ̀ gha ɨkə̂n chɔ̀m ɨ nən, ka à bè yeʼi ni chəi bə̂d mɨ̀nɔnɔʼ nyaʼa kəb ni tɨ̀ gha ɨkə̂n we.

2 Tès 1:1

À yɨə mɔ̌ Pɔ̂l mbɨ Sailàs fɔrɨ ə Timotì ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən mbə̀n bə̂d Kristo mbe nɨ yeʼ ɨŋga ɨfetɨ we rɨ ə Tèsàlonikà, nɨ mbə̀ bə yeʼ bə̂d Ŋwiə̀ a Mbǎʼ fɔrɨ bə̂d Ə̀nùŋɨ̀sɨg Yeso Kristo.

2 Tès 1:10

Ɨgwɨ əni ze nɨ wɨ̀ bɨrɨ yeʼe, bə̂d məd bɨrɨ yiirɨ, bə̂d mɨjìm mbe nɨ ben əməd bə̀ nàʼ ɨwumnɨ ɨ bɔ. Mbə̀n bə bɨrɨ yeʼ əbɔʼ mɨ̀mə̌d, ɨmbə̀ʼ ɨghəm nɨ mbə̀ ben ənû ze nɨ tɨ̀ nyaʼə ghà ɨ nən.

1 Timotì 1:2

Mə wɨə ŋwàʼnɨ̀ ɨ ne àwɔ̀ Timotì, nɨ à yeʼ mɨ wan rəsìʼ ɨchî nɨ tɨ̀ ben ə Kristo. Ŋwìə̀ Mbǎʼ mbɨ Kristo Yeso a Ə̀nùŋɨ̀sɨg ghɨ ɨ̀chɔ̀m ənɨ ə ne, dììrɨ̀ əwe bə̀ nàʼ əbɔrəbɔd ɨ ne.

1 Timotì 3:8

Bə̂d mbe nɨə weerɨ ɨŋga ɨfetɨ bə̂d Kristo berɨ bɨ yeʼ bə̂d nɨ bə̂d cherə ə wumnɨ ə. Mbɨ berɨ yeʼ bə̂d nɨ təm ɨgun rəsìʼ. Tɨ mbɨ yeʼ ə bə̂d nɨə ghàm ɨŋgam be be. Tɨ mbɨ yeʼ ə bə̂d nɨə zɨ ətu ənɨ mɨnoʼ. Tɨ mbɨ yeʼ ə bə̂d mbe nɨə ghɨ̀ ədɔʼ ənɨ ɨkab.

Tayitùs 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Ŋwìə̀ bə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa chɔʼ əmɨ ni mə ghɨ̀ ni ɨbenɨ bə̂d mbe nɨ wɨ̀ chɔʼɔ wɨ kaanə, bə̀ ghɨ̀ ni mbɨ kyerɨ rəsìʼ we nɨ bɨrɨ ghɨ ni mbɨ chub ɨchî nɨ Ŋwìə̀ kə̀bɨ.

Tayitùs 1:7

Ətu ɨgwɨ ɨfetɨ bə̂d Kristo yɨə wə̀d nɨə nəŋgɨ ə̀fàʼì ə Ŋwiə̀. Wɨ̀ berɨ yeʼ wə̀d nɨ chəi ɨgu ənû ɨgwɨ məd. Tɨ wɨ̀ yeʼi wə̀d nɨə seenɨə, kɨ̀ wə̀d nɨə kɨə sə ɨtəm, kɨ̀ wə̀d nɨə nɔə beə, kɨ̀ wə̀d nɨə zɔ̀ŋə̀, kɨ̀ wə̀d nɨə ghɨ̀ ədɔʼ ənɨ ɨkab.

Filemɔ̀n 1:1

À yɨə mɔ̌ Pɔ̂l, nɨ mə̀ yeʼ wə̀d ndəŋ ɨmbə̀ʼ ə Kristo Yeso mbɨ Timotì nɨ yeʼ wa aŋgɔb, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ ne, àwɔ̀ Filemòn, nɨ yeʼ aŋgɔb nɨə fàʼə̀ mbɨ na. Tɨ̀ ghaʼ əwe kwàʼ rɨŋgəʼ.

Mə̀Hibrù 13:23

Mbə̀ kyerɨ ni mbɨ fə chɨ̀ wa aŋgɔb Timotì rɨ ə ndəŋ. Wɨ̀ mɨ zàmbɨ̀ pè əgha, mə bɨrɨ yeʼe zə əwən mbɨ məd.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

1 Pità 2:25

Mbə mbɨə nyaʼa ɨghabɨ ə njɨ̀g te nɨ nyaʼa febə, àyɨə tɨ̀nîn mbə fə wɨrɨ bə̀ndɨ̀ wo əsɨ Ənə̂ŋgɨ̀-njɨ̀g, nɨ yeʼ Wə̀d we nɨə nə̀m əwən.

2 Pità 1:1

À yɨə mɔ̌ Saimon Pità, nɨ mə yeʼ wə̀d ə̀fàʼì fɔrɨ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mbe nɨ ə ɨbenɨ yeʼ əndəŋ əndəŋ mbɨ wa ənjìm a Ŋwìə̀ Yeso Kristo nɨə chɨ̀ə̀ bə̂d rəŋgəʼ. Məd wɨə ghɨ̀ ɨnû nɨ kùʼnɨ̀.

Jûd 1:1

À yɨə mɔ̌ Jûd, nɨ mə̀ yeʼ wə̀d ə̀fàʼì Yeso Kristo bə̀ yeʼ aŋgɔb Jems, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwìə̀ Mbǎʼ nyaʼa ghaʼi kwàʼ rɨŋgəʼ, əne tɔŋ mɨ̀mə̌d ni mbɨ yeʼ mbi bə̂d, bə̀ nùŋ mɨ̀mə̌d wòm nyùmə̀ we nɨ Yeso Kristo bɨrɨ wɨrɨ yeʼe.

Ɨnû 1:1

Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.

Ɨnû 1:20

Ənû ze nɨ yeʼ ənə̀mə ɨmbə̀ʼ rɨtəmɨ te sambe nɨ à zə ɨŋga mɨ əbɔ ə jɨgɨ bə̀ fɔrɨ ɨmbə̀ʼ ɨghɨ mbe sambe nɨ mbɨə te ɨnam ɨgun yɨ ni: rɨtəmɨ te sambe yɨ mbɨ̀aŋgɨrə̀ mbe nɨə nəŋgɨ rɨfetɨ bə̂d Kristo te sambe, ɨghɨ mbe sambe nɨ mbɨə te ɨnam ɨgun, nɨ mbɨ nyaʼa tekɨ ənɨ ə gôl yɨ rɨfetɨ bə̂d Kristo te sambe.”

Ɨnû 19:10

Mə nyaʼa zu əne gundɨ ə si ɨfě bɔ ɨmbə̀ʼ wumnɨ əməd, àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì mbɨ ne bə̀ fɔrɨ mbɨ mbe bɔŋgɔb mbe nɨə ghà rəsìʼ ɨmbə̀ʼ ə Yeso. Wumnɨ ə Ŋwiə̀!” Mə wɨə ghà əne ɨmbə̀ʼ ɨghəm nɨ rəsìʼ ɨmbə̀ʼ ə Yeso yɨ əghɨ ze nɨə ghɨ̀ ni bə̂d ɨ̀kə̀n ghà ɨkə̂n Ŋwiə̀.

Ɨnû 2:12

Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Pegamùm ni, 'Ɨŋgam wɔ̂ yɨ rɨ əmbɨ wə̀d we nɨ berɨ ɨbi bid we nɨə tɔ ɨba jìm.

Ɨnû 2:8

Ə̀nùŋɨ̀sɨg nyaʼa bə̀ ghà ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Smainà ni, 'Ɨŋgam wɔ̂ yɨ rɨ əmbɨ wɨ rɨtu nɨ bə̀ yeʼ we nɨ sɨ nwìə̀, nɨ nyaʼa kwɨ wɨrɨ zwemə.

Ɨnû 22:9

Àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì ɨghabɨ àwɔ̀. Mə yɨə bə ɨghabɨ mbe bɔŋgɔb mbe nɨ yeʼ bə̂d ɨ̀kə̀n Ŋwiə̀ bə̀ fɔrɨ ɨghabɨ mbe nɨə ghɨ̀ ɨnû mbe nɨ yeʼ ɨŋga ə̀ŋwàʼnɨ̀ zɔ̂. Wumnɨ ə Ŋwiə̀!”