3 Ŋwiə̀ nyaʼa ghɨ̀ mə kyerɨ ɨnû mbe nɨ yeʼ ənə̀mə, ɨchî nɨ mə fə kəʼ ŋwàʼnɨ̀ ənɨ akə ɨŋgam.
3 Ŋwiye ya ghì mə kyeri inug mbe ne yaʼi inə̀mbi icheg ne mə̀ ya fə ŋwàʼri məyi iki ìngam chà inən.
“Mə nyaʼa bə̀ndɨ̀ wo ə Jèrusalèm. Ənɨ mə̀ nyaʼə kɔ̀ŋgɨ̀ ə Ŋwiə̀ ɨŋga mbàn Ŋwìə̀, tɨ̀taanɨ njə̀m nyaʼa chè əmɨ
Ə̀nùŋɨ̀sɨg nyaʼa ghà ɨ num ni, 'Ndə̀, ɨmbə̀ʼ ɨghəm nɨ mə bɨrɨ cha əwe əsa əgha əsɨ ə bə̂d mbe nɨ kaʼi mɨ̀Jû.'”
Mbaŋə̀ te nyaʼa wɨrɨ kɔ kyeŋ rɨkǎ, əne məchwiə̀ rɨ̀kə̌ mɔʼɔ rɨŋga ɨfɔtɨ mɨ̀Farisiî nyaʼa nɔ̀ʼ təm rətiə ghà ni, “Chəi mbaŋə̀ zɔ̂ ghɨ ənû rɨbɔ̀ŋ ə mɔʼɔ. Ɨghə̀m əzwî kɨ̀ aŋgɨrə̀ fə ghàm ɨ bɔ.”
Mbɨ bɔŋgɔb, mə kə̀b ni mbə̀ kyerɨ ənû ze nɨ yeʼ ənə̀mə, ɨmbə̀ʼ tɨ mbə̀ kɔndɨ ə ni mbə we əku. Ənû ze yɨ ni: Ŋwiə̀ fə ghɨ̀ ni fîŋ tɨ mɨ̀Izre tu. Tɨ bɨrɨ tu wò pè ənɨ ɨnun bə̂d mbe nɨ kaʼi mɨ̀Jû nɨ berɨ yeʼe əmbɨ ə Ŋwiə̀ fə kuʼu.
Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.
Mə berɨ goŋ ɨgɔ̂. Ka à bè yeʼi ni chəi njìm əŋgu, àyɨə mə bɨrɨ wo ɨmbì ghà ɨghɨ mbe nɨ mə nyaʼa zə ɨŋga tɨ̀taanɨ njə̀m bə̀ ghà mbe nɨ Ə̀nùŋɨ̀sɨg nyaʼa chwi ɨ num.
Kaʼi wə̀d mɨ̀sɔŋɨchù mɔʼɔ nyaʼa gha ɨkə̂n chɔ̀m wɔ̂ ɨ num, kɨ̀ ni à yɨə wə̀d mɔʼɔ nyaʼa chwi ɨ num. À yɨə Yeso Kristo ziə nyaʼa chwi ɨ num.
Mə wɨə kɔ̀ŋgɨ̀ ə Ŋwiə̀ nɨ yeʼ Mbǎʼ a Ə̀nùŋɨ̀sɨg Yeso Kristo, nɨ yeʼ Mbǎʼ nɨ ɨwumnɨ jìm yeʼ wɨ məd, ni wɨ̀ naʼ e Əzwî ɨ nən ɨmbə̀ʼ mbə̀ berɨ ɨwe. Mə wɨə bə̀ kɔ̀ŋgɨ̀ə̀ ni wɨ̀ chwi wi rəsìʼ ɨ nən ɨmbə̀ʼ mbə̀ jeŋgɨ kyerɨ əməd.
Mbə mɨ foŋ, mbə ɨtu bɨrɨ zeŋ ɨmbə̀ʼ ənû ze nɨ mə̀ kyerɨ dè ənû zɔ̂ nɨ yeʼ ənə̀mə ɨmbə̀ʼ ə Kristo.
Ənû zɔ̂ nɨ yeʼ ənə̀mə yɨ ni, ənjìm ɨkə̂n chɔ̀m, bə̂d mbe nɨ kaʼi mɨ̀Jû fə sɨ mə̀jɨnəb mbɨ mɨ̀Jû. Mbɨ fə sɨ ɨsɨ ɨnyod tɨ ənɨ ə nyamnyod mɔʼ. Mbɨ fə bə̀ berɨ əbà ənɨ ənû ze nɨ Ŋwìə̀ nyaʼa che ənjìm ə Kristo Yeso kàʼ.
Wɨ̀ nyaʼa bə̀ chɔʼ əmɨ ni mə̀ ghɨ wə̀d jìm kyerɨ ənû zɔ̂ nɨ yeʼ ənə̀mə, nɨ Ŋwìə̀ we nɨ nyaʼa tekɨ ɨghɨjìm, nyaʼa nə̀m ɨŋga i fîŋ tɨ ənɨ wɨ̀ nyaʼa tekɨ ɨsɨg.
Mbə̀ kɔŋgɨ ə Ŋwiə̀ ɨgwɨ num bə, ni Ŋwìə̀ naʼ ɨŋgam ɨ num ənɨ mɨə ghàmə̀, ɨmbə̀ʼ mə̀ ghàm mbɨ fîŋ nɨ kaanɨ əne ghɨ̀ bə̂d kyerɨ ənû ze nɨ yeʼ ənə̀mə ɨmbə̀ʼ ɨkə̂n chɔ̀m.
Əton yɨ ni mə wɨə kəb nəərɨ fîŋ tɨ mɨ̀mə̌d ni mbɨ ghaʼ mbə bɔŋgɔb əne chub ənɨ ənû mɔʼ, ɨmbə̀ʼ mbɨ berɨ mbɔ̂n ze nɨ bɨrɨ ghɨ ni mbɨ berɨ ɨwe bə̀ jeŋgɨ kyerɨ ɨnû mbe nɨ yeʼ ənə̀mə ɨmbə̀ʼ ə Ŋwiə̀. Ɨnû mbe nɨ yeʼ ənə̀mə yɨə Kristo ziə.
Mbə̀ bə kɔŋgɨ ə Ŋwiə̀ ə ɨgwɨ na, ɨmbə̀ʼ wɨ̀ naʼ əpan ni tɨ̀ gha ɨnû mbe nɨ yeʼ ənə̀mə ɨmbə̀ʼ ə Kristo. À yɨ ɨnû mbe ghɨ ni mə̀ yeʼ ə nəb ndəŋ.
Mbɨ bɔŋgɔb, mə wɨə buʼ ɨbɔ ɨ nən ni mbə̀ nɨŋ ɨŋgam wɔ̂ nɨ mɨə tìmbɨ̀ əwən əŋgu ənɨ ə fîŋ chɔ̀m, ɨmbə̀ʼ ɨghəm nɨ chəi ə̀ŋwàʼnɨ̀ zɔ̂ nɨ mə ŋwaʼnɨ ɨ nən ə jeŋgɨ sà.
À yɨə Sailàs weerɨ əmɨ ni mə ŋwaʼnɨ akə ə̀ŋwàʼnɨ̀ wɔ̂ ɨ nən. Məd yɨ aŋgɔb nɨ mə̀ kyerɨ ni wɨ̀ nuŋ fîŋ ɨgun ə Kristo. Mə ŋwàʼnɨ̀ ə̀ŋwàʼnɨ̀ zɔ̂ ɨmbə̀ʼ timbɨ əwən fɔrɨ nɨ ghɨ mbə̀ kyerɨ ni Ŋwìə̀ wɨə kàŋə̀ ghɨ̀ ɨ̀chɔ̀m ənɨ ə nən. Mbə təm kàànɨ ɨŋga ɨ̀chɔ̀m we.
Mbə̀ neŋ ɨchî nɨ Ŋwìə̀ ə yimə fîŋ mbɨ nən, əne nɨŋ əze ɨghabɨ əpan nɨ wɨ̀ naʼ ɨ nən ni mbə̀ jwɨ rəŋgəʼ. Wa aŋgɔb Pɔ̂l, nɨ tɨ̀ ghaʼi kwàʼ rɨŋgəʼ, nyaʼa bə̀ ŋwàʼnɨ̀ ənû zɔ̂ ɨ nən ɨchî nɨ Ŋwìə̀ nyaʼa naʼ ɨwe ɨ bɔ ni wɨ̀ ghɨ əne.
