Efesùs 2:3 - Meta’

³ Mba mɨjìm kweʼ yeʼ ɨghabɨ mɨ̀mə̌d ɨchî nɨ tɨ̀ nyaʼə feenɨ ɨghɨ mbe nɨ ta nyamnyod nyaʼə kə̀bə̀. Tɨ̀ wɨə nyaʼə bə̀ beenɨ əbɔʼ ɨghɨ mbe nɨ ta nyamnyod fɔrɨ ta rɨkɔndɨ nyaʼə bə̀ kə̀bə̀. Ɨ beenɨ əbɔʼ mba mɨchî, Ŋwìə̀ nyaʼa sə ɨtəm əbɔʼ na ɨchî nɨ wɨ̀ nyaʼa sə əbɔʼ wə̀d jìm.

Ikan feg

³ Mba məjìm ya kweʼì yaʼ icheg inɔb icheg ne tì yaya fànà bə̀ ghìyə̀ inug mbe ne ìta nyàmnyɔd te ghə̀ʼrə̀. Tì yaya bə̀ bène abɔ̀ʼ ighi mbe ne ìta nyàmnyɔd fɔrɔ ìta tikɔndi te kə̀bə̀. Ane, Ŋwiye ya fə nɔ̀ŋì ni gaŋ tì ina icheg ne wì ya bə gaŋ tì inɔb.

Efesùs 2:3 교차 참조

Mk 4:19

ənû nɨ nwiʼ ɨnyod ɨmbə̀ʼ ɨghɨ rɨŋga ɨsɨg, ənû nɨ berɨ mbɔ̂n, fɔrɨ ənû nɨ feenɨ ɨghɨ nɔnɔʼ, mbɨ fumnɨ ɨŋgam we, chəi wɨ kɔ rɨtam.

Jn 1:13

Chəi mbɨ nyaʼa yeʼ bɔn Ŋwiə̀ ɨchî nɨ wə̀d mɨ̀sɔŋɨchù nyaʼa gywɨ mɨ̀mə̌d, kɨ̀ ɨchî nɨ wə̀d mɨ̀sɔŋɨchù nyaʼa taŋ nùŋɨ̀, kɨ̀ ɨchî nɨ wə̀d mɨ̀sɔŋɨchù nyaʼa kəbɨ. Àyɨə Ŋwìə̀ ziə nyaʼa ghɨ̀ ni mbɨ yeʼ mbi bɔn.

Jn 8:44

Mbə yɨə bɔn Debɨ̀rə̀ we nɨ yeʼ ə mbǎʼ. Mbə mbɨə kə̀b ghɨ àmei ɨnû mbe nɨ ə mbǎʼ kəbɨ. Məd yɨə nyaʼə ə̀zwììrɨ̀-bə̂d tɨ ənɨ ɨsɨg nyaʼa kɔ. Chəi wɨ̀ berɨ ənû ə mɔʼɔ nɨ ghɨ̀ mbɨ rəsìʼ, ɨmbə̀ʼ ɨghəm nɨ chəi məd ə ghà rəsìʼ. Ənɨ wɨ̀ gha mɨghab, ɨ wɨə ghɨ̀ àmei ənû ze nɨ yeʼ ɨŋga fîŋ məd, ɨmbə̀ʼ ɨghəm nɨ məd yɨə wə̀d mɨghab fɔrɨ mbǎʼ mɨghab.

Ɨ̀fàʼì 14:16

À nyaʼa ɨŋga tɨ̀ghə̀m rɨ bə̂d te nɨ nyaʼa fə chě, Ŋwìə̀ nyaʼa sàŋ bə̂d ɨŋga ɨbeŋ jìm ni mbɨ chub ɨchî nɨ mbɨ ghaʼi.

Rm 1:24

Ɨchî nɨ mbɨ nyaʼa ghɨ əne, Ŋwìə̀ nyaʼa nàʼ mɨ̀mə̌d əmbɨ tɨfeenɨ te nɨ nyaʼa ɨŋga fîŋ tɨ mɨ̀mə̌d, nɨ nyaʼə tɨfeenɨ nɨ ghɨ ɨnyɔɔnɨ-ɨnû, tɨfeenɨ nɨ ghɨ ɨfabrɨ-ɨnû mbɨ tɨfeenɨ nɨ ghɨ ɨnû mbe nɨə bèènɨ̀ ɨnyod mɨ̀mə̌d.

Rm 11:30

Ɨchî nɨ mbə̀ nyaʼa kweʼ ghɨ̀ rɨ̀zuə̀ əmbɨ ə Ŋwiə̀, əne tɨ̀nîn wɨ̀ fə dììrɨ̀ əwən ɨmbə̀ʼ ɨghəm nɨ mɨ̀Jû nyaʼa bə̀ ghɨ rɨ̀zuə̀.

Rm 13:14

Àyɨə mbə̀ ghɨ ni Ə̀nùŋɨ̀sɨg Yeso Kristo kubrɨ əwən ɨchî nɨ ngywɨ̌ ə kubrə bə̂d. Əne tɨ mbə̀ naʼ ə əpan əmbɨ tə nyamnyod ni tɨ ghɨ ɨnû rɨbɔ̀ŋ mbe nɨ nyamnyod ə feenɨə.

Rm 2:14

Ənɨ bə̂d mbe nɨ kaʼi mɨ̀Jû, nɨ chəi mbɨ kyerɨ tɨkə rɨ Mose, ghɨ ɨnû mbe nɨ yeʼ ɨŋga rɨ̀kə̌ ɨchî nɨ zɨə nɔʼ rɨŋga fîŋ tɨ mɨ̀mə̌d, əne mbɨ fə chwi ni tɨkə te tɨ ɨŋga fîŋ tɨ mɨ̀mə̌d, ka à be yeʼi ni chəi mbɨ kyerɨ tɨkə rɨ Mose.

Rm 5:10

ɨmbə̀ʼ ɨghəm nɨ ənɨ tɨ̀ nyaʼa kɨrɨ bə̂d pə̀n Ŋwiə̀, wɨ̀ nyaʼa màànɨ̀ taŋ mbɨ na ənjìm ɨvɨ Wan məd. Tɨ̀nîn nɨ tɨ̀ fə maanɨ taŋ, ɨ̀tènɨ̀ Kristo bɨrɨ ghɨ ni tɨ̀ jwɨ rəŋgəʼ.

Rm 5:9

Tɨ̀nîn nɨ tɨ̀ fə təm kùʼnɨ̀ ənjìm ənəm ze nɨ Kristo nyaʼa chəmnɨ, wɨ̀ bɨrɨ kaŋ ghɨ ni tɨ Ŋwìə̀ wɨrɨ sə i ɨtəm mbɨ na,

Rm 6:12

Əne tɨ mbə̀ ben ə ni ɨnû rɨbɔ̀ŋ tumbɨ tə nyamnyod te nɨə kwɨə, əne ghɨ̀ mbə̀ zuunɨ ɨnû rɨbɔ̀ŋ mbe nɨ tə nyamnyod ə feenɨə.

Rm 7:18

Mə kyerɨ ni chəi ənû ə chɔ̀m ə mɔʼɔ ɨŋga num, əne yɨ ɨŋga mɨ ɨnyod. Mə wɨə kàŋə̀ kə̀b nɨ ghɨ ɨ̀chɔ̀m, àyɨə chəi ənɨ tɨ̀ mə ghɨ̀.

Rm 9:22

Ŋwìə̀ nyaʼa kə̀b chwi i ɨsə ɨtəm bə̀ ghɨ̀ ni bə̂d kyerɨ ɨka məd. Àyɨə wɨ̀ nyaʼa kaŋ yim fîŋ mbɨ ə bə̂d mbe nɨ nyaʼa ghɨ ni wɨ̀ sə ɨtəm. Bə̂d mbe nɨ nyaʼa ghɨ ni wɨ̀ sə ɨtəm yɨ mbe nɨ nyaʼa berɨ kwɨ.

1 Kɔrèn 4:7

À kɨə ye nɨ mbə̀ berɨ nɨ chwi ni mbə̀ chè bə̂d cherə ə? À kɨə ye nɨ mbə̀ berɨ nɨ kaʼi Ŋwìə̀ naʼ ɨ nən ə? Wɨ̀ mɨ nyaʼa nàʼ ɨghɨ ɨ nən, njɨ əton nɨ mbə̀ə goŋ ɨgɔ̂ ɨghabɨ ni chəi wɨ̀ nyaʼa naʼ ɨghɨ ɨ nən kɨ ɨmbə̀ʼ ə yè ə?

2 Kɔrèn 7:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ Ŋwìə̀ kaʼ ɨnû mbɔ̂ ɨ na, əne tɨ̀ ton ɨnû rɨbɔ̀ŋ mbe nɨə ghɨ̀ ni nyamnyod mbɨ əzwî chubɨ rɨ zeŋ. Tɨ̀ kywɨ ənywɨ zə ni tɨ̀ zeŋ màànɨ̀ ɨchî nɨ tɨə wumnɨ ə Ŋwiə̀.

Gàlesìyà 3:22

Àyɨə ə zɨ ɨŋga Ə̀ŋwàʼnɨ̀ ə Ŋwiə̀ ni ɨsɨg jìm wɨ əton ɨnû rɨbɔ̀ŋ. Əne ɨnû mbe nɨ Ŋwìə̀ nyaʼa kaʼi ənjìm ɨchî nɨ bə̂d nuŋ fîŋ ɨgun ə Yeso Kristo, ɨ we tɨ̀ wɨ̀ nàʼ əmbɨ ə bə̂d mbe nɨ benɨ.

Efesùs 2:2

Mbə mbɨə nyaʼə ghɨ̀ ɨnû rɨbɔ̀ŋ mbe ɨchî nɨ mbə̀ nyaʼə beenɨ əbɔʼ ɨnû rɨŋga ɨsɨg, bə̀ beenɨ əbɔʼ wə̀d we nɨə tùmbɨ̀ ɨzwî mbe nɨ yeʼ ɨŋga ɨfə, nɨ yeʼ ɨzwî mbe nɨə fàʼ rɨ̀nîn ɨŋga bə̂d mbe nɨ ghɨ̀ rɨ̀zuə̀ əmbɨ ə Ŋwiə̀.

Efesùs 4:22

Mbɨ nyaʼa chwi ɨ nən ni mbə̀ waʼ nyamnyod ənun, əne yɨ ɨnû ənun mbe nɨ mbə̀ nyaʼə ghɨ̀ə̀. Ɨnû ənun mbe yɨ tɨfeenɨ rɨbɔ̀ŋ te nɨ nyaʼə tambɨ əwən bə̀ chəkɨ əwən.

Kòlosè 1:21

À nyaʼa ənɨ ə nyùmə̀ mɔʼɔ, mbə mbɨə nyaʼa əsa əgha rɨ ənɨ ə Ŋwiə̀. Mbə mbɨə nyaʼa ənɨ ə pə̀n mbɨ məd ɨmbə̀ʼ ɨchî nɨ mbə mbɨə nyaʼə kɔndɨ ɨnû rɨbɔ̀ŋ bə̀ ghɨ̀ə̀.

1 Tèsàlonikà 4:13

Mba bɔŋgɔb, tɨ̀ kə̀b ni mbə̀ kyerɨ rəsìʼ ɨmbə̀ʼ bə̂d mbe nɨ fə kwɨ, ɨmbə̀ʼ tɨ mbə kən ə ɨghabɨ ə bə̂d nɨ chəi mbɨ nuŋ ɨkɔndɨ ni mbə bɨrɨ chubɨ mbɨ ə Ŋwiə̀.

1 Tèsàlonikà 5:6

Əne tɨ rɨ̀ gwenɨ a ɨchî nɨ bə̂d cherə ə gwenə nɨ chəi mbɨ kyerɨ ɨnû nɨə chèə̀, àyɨə tɨ chub ɨkyèʼe kyerɨ ɨnû nɨə cheə bə̀ yimbɨ a ɨnyod.

1 Timotì 6:9

Àyɨə bə̂d mbe nɨə kəb berɨ ɨkab bɨrɨ nyɨ ɨŋga ə̀kwàʼnɨ̀ əne feŋ ɨŋga ətam ze nɨ bɨrɨ ghɨ ni mbɨ ghɨ ɨnû ɨneŋ nɔnɔʼ bə̀ ghɨ̀ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨnû rɨbɔ̀ŋ rəŋgu mbe tɨ mbɨ chəkɨ mɨ̀mə̌d bə̀ nimnɨ mɨ̀mə̌d,

Tayitùs 3:3

Mba bə, tɨ̀ nyaʼa kweʼ ghɨ̀ ɨnû ɨneŋ bə̀ kweʼ ghɨ̀ rɨ̀zuə̀. Mbɨ nyaʼa kweʼ tambɨ əwa tɨ̀ febə. Mbɨ nyaʼa kweʼ ghɨ tɨ̀ ben ɨ̀bòʼò əmbɨ tɨkwɨrɨ ɨnû jìm mbe nɨ nyamnyod ə feenɨə bə̀ ghaʼə. Tɨ̀ wɨə nyaʼə ghɨ̀ ɨzɨg ənɨ ə bə̂d. Tɨ̀ wɨə nyaʼə bə̀ ghɨ̀ ə̀dìì. Bə̂d mbɨə nyaʼə bàn əwa. Tɨ̀ wɨə nyaʼə bə̀ bàn à ɨnyod mbǎ mbǎ.

1 Pità 1:14

Ɨchî nɨ mbə yeʼ bɔn nɨə zuunɨə, tɨ mbə wɨrɨ beenɨ ə əbɔʼ ɨnû rɨbɔ̀ŋ mbe nɨ tə nyamnyod nyaʼə feenɨə ənɨ ə nyùmə̀ we nɨ chəi mbə̀ nyaʼa kɨrɨ kyerɨ ə Ŋwiə̀.

2 Pità 2:14

Ɨ mbɨə kɨə nèŋə̀ məyi mbe nɨə niirɨə mbaŋə̀ ɨmbə̀ʼ ni mɨ̀mə̌d. Chəi mbɨə bɔrə nɨ ghɨ ɨnû rɨbɔ̀ŋ. Ɨ mbɨə tambɨ ə bə̂d mbe nɨ chəi fîŋ tɨ mɨ̀mə̌d kɨrɨ kaanɨ. Mbɨ fə kwembɨ ənû nɨ kɨə ghɨ̀ əjə. Ŋwìə̀ bɨrɨ zɨ ndɔ̀n ɨgwɨ mɨ̀mə̌d.

2 Pità 2:18

Ɨ mbɨə ghàm mɨŋgam əneŋ goŋ ɨgɔ̂. Ɨ mbɨə nɨŋə ɨnyamnɨ-ɨnû mbe nɨ nyamnyod ə feenɨə tambɨə bə̂d mbe nɨ fə cherə jwɨ̀ rəbɔʼ mbe nɨə chub ɨŋga ɨfebrɨ-ɨnû.

1 Jɔn 2:16

ɨmbə̀ʼ ɨghəm nɨ kaʼ ɨghɨjìm mbe nɨ yeʼ ɨŋga ɨsɨg, əne yɨ ɨghɨ mbe nɨ nyamnyod ə feenɨə, mbe nɨ əghə ə nèŋə̀ feenɨə mbɨ mbe nɨ bə̂d ə nɔ̀ ɨnyod ɨmbə̀ʼ mbɨwən, yɨ i rɨ əmbɨ ə Mbǎʼ. Mbɨ yɨ rɨŋga ɨsɨg.

1 Jɔn 2:8

Àyɨə ɨkə wɔ̂ nɨ mɨə ŋwàʼnɨ̀ ɨ nən yɨə kàŋ wɨ fi. Bə̂d mbɨə zə rəsìʼ we nɨ yeʼ ɨŋga ɨkə wɔ̂ rɨ ənɨ ɨchî nɨ Kristo nyaʼə ghɨ̀ ɨnû bə̀ fɔrɨ tɨ ənɨ ɨchî nɨ mbə̀n ə bə̀ ghɨ̀ ɨnû, ɨmbə̀ʼ ɨghəm nɨ ɨsɨ firɨ fə sɨə che i, əne ɨzeŋɨ zeŋɨ rəsìʼ fə sɨə teə.