3 Jɔn 1:5 - Meta’

⁵ Wum aŋgɔb nɨ mə̀ ghaʼi kwàʼ rɨŋgəʼ, à wɨə kàŋə̀ fàʼ ənɨ e fîŋ jìm ənɨ àwɔ̀ ə ghɨ̀ ɨnû əmbɨ ə bə̂d Kristo, màànɨ̀ əmbɨ mbe nɨ yeʼ bə̂d rɨ̀sɔ̀ʼɔ̀.

Ikan feg

⁵ Ìmə ifi ne mə̀ taŋ kɔ̀ŋ, àghò we taŋ fàʼà ane ìze fìŋ ijìm icheg ne àghò we taŋ ghìyə̀ inug chɔm abə bəd Kristo fɔrɔ abə mbe ne chəyi àghò bi kyèri awɔb.

3 Jɔn 1:5 교차 참조

Matìyò 24:45

“Wə̀d ə̀fàʼì we nɨə fàʼ ənɨ i fîŋ jìm bə̀ berɨ ɨwe, nɨ mbǎʼ ə̀fàʼì məd nuŋ ni wɨ̀ nəŋgɨ bə̂d ə̀fàʼì ɨŋga i nəb, bə̀ nàʼ ɨghɨjɨg əmbɨ mɨ̀mə̌d ənɨ ə nyùmə̀ nɨ kuʼu kɨ wi ə?

Matìyò 25:16

Wə̀d ə̀fàʼì we nɨ nyaʼa nɨŋ ɨ̀bàm ɨkab gôl tân nyaʼa wò ghɨ̀ ɨwin, jɨg njìm ɨ̀bàm cherə tân.

Lk 12:42

Ə̀nùŋɨ̀sɨg nyaʼa wììrɨ̀ ni, “Wə̀d ə̀fàʼì we nɨə fàʼ ənɨ i fîŋ jìm bə̀ berɨ ɨwe, nɨ mbǎʼ ə̀fàʼì məd nuŋ ni wɨ̀ nəŋgɨ mbi bə̂d ə̀fàʼì, bə̀ nàʼ ɨghɨjɨg əmbɨ mɨ̀mə̌d ənɨ ə nyùmə̀ kuʼu kɨ wi ə?

Ɨ̀fàʼì 1:15

À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

Rm 12:13

Bə̂d Ŋwiə̀ mɔʼɔ mɨ kwaŋ ɨghɨ, mbə̀ naʼ ɨghɨ mbe əmbɨ mɨ̀mə̌d. Mbə̀ nɨŋ bə̂d rɨ̀sɔ̀ʼɔ̀ ɨŋga tə nəb.

Gàlesìyà 6:10

Əne, tɨ̀ mɨ berɨ əpan, tɨ̀ ghɨ ɨ̀chɔ̀m ənɨ ə wə̀d jìm, màànɨ̀ ənɨ mbe nɨ ben ə Kristo.

Kòlosè 3:17

Əne ɨnû jìm mbe nɨ mbə̀ə ghɨ̀ə̀, kɨ̀ ənɨ mbe nɨ mbə̀ə ghàə̀, mbə ghɨ ənɨ ɨkum Ə̀nùŋɨ̀sɨg Yeso. Mbə mɨə ghɨ̀ə̀ əne, mbə bɨrɨ yeʼə chè ənjìm məd nàʼə̀ məben-əwe əmbɨ Ŋwiə̀ Mbǎʼ.

Mə̀Hibrù 13:2

Tɨ mbə̀ waʼ ə ənû nɨ nɨŋ bə̂d rɨ̀sɔ̀ʼɔ̀ əkwɨ nən, ɨmbə̀ʼ ɨghəm nɨ bə̂d mɔʼɔ nyaʼa ghɨ̀ əne nɨŋ mbɨ̀aŋgɨrə̀ əkwɨ nən zɨ rɨ kyerɨ.

3 Jɔn 1:10

Ənɨ mə̀ yeʼe, mə bɨrɨ ghɨ mbə̀ kyerɨ ɨnû jìm mbe nɨ wɨ̀ fə ghɨ̌, əne yɨ ɨnû rɨbɔ̀ŋ mbe nɨ wɨə ghà ɨmbə̀ʼ əwa. Ɨghabɨ ni chəi əze ə kɨrɨ kuʼ, chəi məd ə nɨŋə bɔŋgɔb əkwɨ ni əwù ze nɨ mbɨ yeʼe. Ɨ wɨə bə̀ təmnɨə bə̂d mbe nɨə kəb nɨŋ bɔŋgɔb mbɔ̂ əkwɨ nən. Mbɨ mɨ tɔ nɨŋ, wɨ̀ chɨ̀ mɨ̀mə̌d rɨŋga ɨfetɨ bə̂d Kristo.

3 Jɔn 1:3

Mə nyaʼa kàŋ ghaʼ əku ənɨ bɔŋgɔb mɔʼɔ nyaʼa yeʼe pè ghà ɨ num ɨmbə̀ʼ ɨchî nɨ àwɔ̀ ə beenɨ əbɔʼ rəsìʼ. Mə kyerɨ ni àwɔ̀ wɨə kàŋə̀ beenɨ əbɔʼ rəsìʼ we ɨghəm jìm.