3 Jɔn 1:3 - Meta’

³ Mə nyaʼa kàŋ ghaʼ əku ənɨ bɔŋgɔb mɔʼɔ nyaʼa yeʼe pè ghà ɨ num ɨmbə̀ʼ ɨchî nɨ àwɔ̀ ə beenɨ əbɔʼ rəsìʼ. Mə kyerɨ ni àwɔ̀ wɨə kàŋə̀ beenɨ əbɔʼ rəsìʼ we ɨghəm jìm.

Ikan feg

³ Mə ya taŋ gyen ane nyùmə̀ ne məfi mɔ̀ʼɔ ya yeʼe pè ghà inug inum imbə̀ʼ icheg ne àghò we bène abɔ̀ʼ tesiʼ. Mə kyèri gha àghò we taŋ bène abɔ̀ʼ tesiʼ we aghəm ajìm.

3 Jɔn 1:3 교차 참조

Ɨ̀fàʼì 1:15

À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

1 Kɔrèn 13:6

Chəi ɨghaʼi ghaʼ nɨ zə ni bə̂d ghɨ ɨnû rɨbɔ̀ŋ. Wɨ kə̀b yeʼ ni bə̂d ghɨ ɨnû nɨ kuʼnɨ.

Gàlesìyà 6:10

Əne, tɨ̀ mɨ berɨ əpan, tɨ̀ ghɨ ɨ̀chɔ̀m ənɨ ə wə̀d jìm, màànɨ̀ ənɨ mbe nɨ ben ə Kristo.

Fìlipì 1:4

Ənɨ mɨ̀nyùmə̀ jìm mbe nɨ mɨə kɔ̀ŋgɨ̀ ə Ŋwiə̀ ɨmbə̀ʼ mbə̀n mɨjìm, mə̀ wɨə kɔ̀ŋgɨ̀ə̀ mbɨ ɨghaʼi ɨŋga mɨ fîŋ,

2 Jɔn 1:2

Mə ghaʼ əwən ɨmbə̀ʼ ɨghəm nɨ tɨ̀ kyerɨ rəsìʼ, əne rəsìʼ we bɨrɨ ten i ɨŋga na koŋ.

2 Jɔn 1:4

Mə nyaʼa kàŋ ghaʼ əku nɨ zə ni mbe bɔn mɔʼɔ mbɨə beenɨ əbɔʼ rəsìʼ àmei ɨchî nɨ Mbǎʼ nyaʼa gha ɨ na.

3 Jɔn 1:10

Ənɨ mə̀ yeʼe, mə bɨrɨ ghɨ mbə̀ kyerɨ ɨnû jìm mbe nɨ wɨ̀ fə ghɨ̌, əne yɨ ɨnû rɨbɔ̀ŋ mbe nɨ wɨə ghà ɨmbə̀ʼ əwa. Ɨghabɨ ni chəi əze ə kɨrɨ kuʼ, chəi məd ə nɨŋə bɔŋgɔb əkwɨ ni əwù ze nɨ mbɨ yeʼe. Ɨ wɨə bə̀ təmnɨə bə̂d mbe nɨə kəb nɨŋ bɔŋgɔb mbɔ̂ əkwɨ nən. Mbɨ mɨ tɔ nɨŋ, wɨ̀ chɨ̀ mɨ̀mə̌d rɨŋga ɨfetɨ bə̂d Kristo.

3 Jɔn 1:2

Wum aŋgɔb nɨ mə̀ ghaʼi kwàʼ rɨŋgəʼ, mə wɨə kɔ̀ŋgɨ̀ ə Ŋwiə̀ ni ɨnû jìm yen mbɨ ne kwàʼ ɨchî chɔ̀m. Mə wɨə bə̀ kɔ̀ŋgɨ̀ə̀ ni e ɨnyod kaanə ɨchî nɨ e fîŋ bə̀ kàànɨ̀.

3 Jɔn 1:4

Chəi ɨghaʼi cherə ɨŋga mɨ fîŋ nɨ che rɨ ənɨ ɨchî nɨ mə̀ zu ni mbɨ bɔn mbɨə beenɨ əbɔʼ rəsìʼ.

3 Jɔn 1:5

Wum aŋgɔb nɨ mə̀ ghaʼi kwàʼ rɨŋgəʼ, à wɨə kàŋə̀ fàʼ ənɨ e fîŋ jìm ənɨ àwɔ̀ ə ghɨ̀ ɨnû əmbɨ ə bə̂d Kristo, màànɨ̀ əmbɨ mbe nɨ yeʼ bə̂d rɨ̀sɔ̀ʼɔ̀.