3 Jɔn 1:11 - Meta’

¹¹ Wum aŋgɔb nɨ mə̀ ghaʼi kwàʼ rɨŋgəʼ, tɨrə̀ mɨ̀g e ənû rɨbɔ̀ŋ. Mɨg yeʼ ənû ə chɔ̀m. Wə̀d we nɨə ghɨ̀ ɨ̀chɔ̀m yɨə wə̀d Ŋwiə̀. Chəi wə̀d we nɨə ghɨ̀ ɨnû rɨbɔ̀ŋ kweʼ zə ə Ŋwiə̀.

Ikan feg

¹¹ Ìmə ìsə̀ʼ ne mə̀ taŋ kɔ̀ŋ, imbə̀ʼ àghò niŋ awe ikuchèg tibɔ̀ŋ we. Àghò ya ghìyə̀ yaʼ inug chɔm. Àghò wendi gha, mbi ya kyere wə̀d Ŋwiye chɔm ane inug chɔm ne we ghìyə̀. Àghò bə wèndi gha, bəd ne ghìyə̀ inug tibɔ̀ŋ, ze ya chwìye gha chəyi mbɔb yaʼi ane anug amɔʼ tì Ŋwiye.

3 Jɔn 1:11 교차 참조

Jn 10:27

Tɨ njɨ̀g tɨə zu ənû ze nɨ mɨə ghàə̀. Mə kyerɨ tɨ njɨ̀g. Ɨ tɨə beenɨ əbɔʼ num.

Jn 12:26

Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

Jn 3:20

Wə̀d jìm we nɨə ghɨ̀ ɨnû rɨbɔ̀ŋ wɨə bàn ɨzeŋɨ zeŋɨ. Chəi wɨə yeʼe ɨŋga ɨzeŋɨ zeŋɨ ɨmbə̀ʼ tɨ bə̂d zə ə ɨnû rɨbɔ̀ŋ məd.

1 Kɔrèn 11:1

Mbə̀ beenɨ əbɔʼ mɨ əwu yènɨ̀, ɨchî nɨ mɨə beenɨ əbɔʼ əzɨ ə Kristo.

1 Kɔrèn 4:16

Əne mə wɨə buʼ ɨbɔ ɨ nən ni mbə̀ beenɨ əbɔʼ mə əwu yènɨ̀.

Efesùs 5:1

Mbə yɨə bɔn Ŋwiə̀ nɨ wɨ̀ ghaʼi kwàʼ rɨŋgəʼ, əne mbə̀ kywɨ ənywɨ nɨ yeʼ ɨghabɨ ə məd.

Fìlipì 3:17

Mbɨ bɔŋgɔb, mbə̀ mɨg əmɨ ənɨ ɨnû mbe nɨ mɨə ghɨ̀ə̀. Mbə nɨŋ ənweenɨ rɨ ənɨ bə̂d mbe nɨə ghɨ̀ ɨnû mbe nɨ tɨ̀ nyaʼə ghɨ̀ə̀.

1 Tèsàlonikà 1:6

Mbə mbɨə nyaʼə ghɨ̀ ɨnû mbe nɨ tɨ̀ nyaʼə ghɨ̀ə̀ bə̀ ghɨ̀ə̀ mbe nɨ Ə̀nùŋɨ̀sɨg nyaʼə ghɨ̀ə̀. Ka à bè yeʼi ni mbə mbɨə nyaʼə zəə ŋgəʼ, Əzwî ə Zeŋɨ ə nyaʼa ghɨ̀ mbə̀ nɨŋ ɨŋgam we mbɨ ɨghaʼi.

1 Tèsàlonikà 2:14

Mba bɔŋgɔb, mbə mbɨə nyaʼə ghɨ̀ ɨnû mbe nɨ bə̂d mbe nɨ nyaʼa ɨŋga rɨfetɨ bə̂d Ŋwiə̀ te rɨ ə Jùdeyà nɨ yeʼ ənɨ ɨfɔtɨ mbɨ Kristo Yeso nyaʼə ghɨ̀ə̀. Mbə mbɨə nyaʼə zəə ŋgəʼ rɨ əmbɨ mbə bə̂d əbeŋ àmei ɨchî nɨ mbɨ nyaʼə zəə rɨ əmbɨ mɨ̀Jû.

2 Timotì 3:10

À yeʼ ɨmbə̀ʼ əwe, àwɔ̀ Timotì, à fə kyerɨ e ɨnû mbe nɨ mə̀ nyaʼə chwiə, à fə kyerɨ e ɨchî nɨ mə̀ nyaʼə ghɨ̀ ɨnû, à fə kyerɨ e ɨnû mbe nɨ mə̀ nyaʼə kəb nɨ ghɨ. À fə kyerɨ e ɨchî nɨ mə̀ nyaʼa nuŋ fîŋ ɨgun ə Ŋwìə̀. À fə kyerɨ e ɨchî nɨ mə̀ nyaʼə yimə fîŋ. À fə kyerɨ e ɨchî nɨ mə̀ nyaʼə ghaʼ ə bə̂d. À fə kyerɨ e ɨchî nɨ mə nyaʼə nyìʼ əton ə ŋgəʼ.

Mə̀Hibrù 6:12

Chəi tɨ̀ kəb ni mbə̀ ghɨ ɨgwed. Mbə̀ ghɨ yeʼ ɨnû mbe nɨ bə̂d mbe nɨ ənjìm ɨbenɨ fɔrɨ ənjìm ɨyim fîŋ nyaʼə ghɨ̀ə̀. Mbɨ nyaʼə ghɨ̀ əne ɨmbə̀ʼ jɨg ɨghɨ mbe nɨ Ŋwìə̀ nyaʼa kaʼi.

1 Pità 3:11

Wɨ̀ berɨ waʼ ɨnû rɨbɔ̀ŋ əne bèŋ sɨə ghɨ̀ yeʼ ɨnû chɔ̀m. Wɨ̀ berɨ kywɨ ənywɨ ɨmbə̀ʼ chub ənɨ əbɔrəbɔd mbɨ wə̀d jìm.

1 Pità 3:13

À kɨə we nɨ tɨ̀ wɨ̀ ghɨ̀ əghəm ənɨ ə nən əwù ze nɨ mbə̀ zɨ ətu nɨ ghɨ ɨnû nɨ kuʼnɨ ə?

1 Jɔn 2:29

Mbə mɨ kyerɨ ni Kristo wɨə ghɨ̀ ɨnû nɨ kuʼnɨ, njɨ mbə bɨrɨ bɨ kyerɨ ni wə̀d jìm we nɨə ghɨ̀ ɨnû nɨ kuʼnɨ yɨə wə̀d Ŋwìə̀.

1 Jɔn 3:10

Ɨchî nɨ tɨ̀ rɨ̀ kyerɨ bə̂d mbe nɨ yeʼ bɔn Ŋwiə̀ mbɨ mbe nɨ yeʼ bɔn Debɨ̀rə̀ yɨ ni: Kaʼ wə̀d we nɨ chəi wɨə ghɨ̀ ɨnû nɨ kuʼnɨ, kɨ̀ we nɨ chəi wɨ̀ ghaʼ wi aŋgɔb yɨ i wə̀d Ŋwìə̀.

1 Jɔn 4:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ ben ə wə̀d jìm we nɨ gha ni Əzwî ə Ŋwiə̀ ə zɨ ɨŋga məd, àyɨə mbə̀ zweʼrɨ ɨzwî jìm ɨmbə̀ʼ zə ni mbɨ yɨ rɨ əmbɨ ə Ŋwiə̀ kɨ̀ chə, ɨmbə̀ʼ ɨghəm nɨ bə̂d ɨ̀kə̀n mɨghab nɔnɔʼ fə jàŋ ɨŋga ɨsɨg.