2 Timotì 4:16 - Meta’

¹⁶ Ənɨ ə nyùmə̀ rɨtu we nɨ mə nyaʼa təm ni mbɨ saʼ əmɨ, chəi wə̀d mɔʼɔ nyaʼa yeʼe ɨ kəŋgɨ əmɨ. Wə̀d jìm nyaʼa waʼ əmɨ. Tɨ Ŋwìə̀ ŋwaʼnɨ i ɨnû mbe nɨ mbɨ ghɨ ənɨ rɨkum tɨ mɨ̀mə̌d.

Ikan feg

¹⁶ Ane, ighəm mbègtog ne mə̀ ya gho təm gha mbe saʼ amə, chəyi wə̀d mɔ̀ʼɔ ne ya yeʼe ni kə̀ŋì amə. Wə̀d ijìm ya waʼ amə. Imbə̀ʼ Ŋwiye niŋ yi inug mbo̰ zì isaʼi igun inɔb.

2 Timotì 4:16 교차 참조

Mk 14:50

Ənɨ wɨ̀ nyaʼa ghà əne, mə̀mə̀ə̀nɨ̀-ɨnû mbe mɨ̀jìm nyaʼa sàŋ əməd nòd əwən.

Lk 12:11

“Ənɨ mbɨ nɨŋ əwən wò ɨŋga nəb tɨ ə̀kàtɨ̀, kɨ̀ ɨfě mə̀tùmbɨ̀ əbeŋ kɨ̀ ɨfě mɨ̀mbǎʼ əbeŋ, tɨ mbə̀ nwìʼ ə ɨnyod ɨmbə̀ʼ ɨchî nɨ tɨ̀ mbə bɨrɨ chɨ ɨnû rɨ ɨgwɨ nən, kɨ̀ ɨmbə̀ʼ ənû ze nɨ mbə̀ bɨrɨ ghà,

Jn 16:32

Nyùmə̀ wɨə yeʼe, təsìʼ yɨ ni nyùmə̀ we fə yeʼe i nɨ mbə̀ bɨrɨ jàŋə̀. Wə̀d mɔʼ mɔʼ bɨrɨ wo əkwɨ ni, əne mbə̀n mɨjìm bɨrɨ saŋ əmɨ rə̀zìʼ. Àyɨə chəi əmɨ rə̀zìʼ, ɨmbə̀ʼ ɨghəm nɨ Mbǎʼ wɨ i mbɨ num.

Ɨ̀fàʼì 22:1

“Mbɨ bɔŋgɔb mbɨ mbɨ mɨ̀mbǎʼ, mbə̀ zwetɨ ənû ze nɨ mə̀ bɨrɨ gha ɨfě nən ɨmbə̀ʼ chɨ ɨnû rɨ ɨgwɨ num.”

Ɨ̀fàʼì 25:16

Mə nyaʼa wììrɨ̀ əmbɨ mɨ̀mə̌d ni kaʼi ɨchî əbeŋ məRom nɨ yim wə̀d nàʼ əmbɨ ə bə̂d mbe nɨ zɨ ɨsaʼi ɨgwɨ məd, bɔŋ wɨ̀ sɨə bòmnɨ̀ə̀ mbɨ mɨ̀mə̌d. Mbɨ berɨ nàʼ əpan ɨ bɔ ni wɨ̀ chɨ ɨnû rɨ ɨgwɨ ni.

Ɨ̀fàʼì 7:60

Ənɨ wɨ̀ nyaʼa ghà əne, wɨ̀ nyaʼa chìndɨ̀ ɨtu ɨnywɨ ə si, kyeŋ rɨ̀kǎ ghà ni, “Ə̀nùŋɨ̀sɨg, tɨrə̀ yim e mɨ̀mə̌d ɨŋga fîŋ ɨmbə̀ʼ ənû rɨbɔ̀ŋ zɔ̂ nɨ mbɨ ghɨ.” Ənɨ wɨ̀ nyaʼa ghà əne, wɨ̀ nyaʼa mèndɨ̀.

1 Kɔrèn 13:5

Ka ɨghaʼi wɨə ghɨ̀ i ni wə̀d seenɨ, kɨ̀ ni wə̀d kəb əghɨ àmei əmbɨ i nyamnyod, kɨ̀ ni wə̀d kɨə sə ɨtəm, kɨ̀ ni wə̀d nuŋ ɨnû rɨbɔ̀ŋ jìm mbe nɨ mbɨ ghɨ ənɨ məd.

1 Kɔrèn 9:3

Ənɨ bə̂d ə biirɨ ɨ num ni mə kɨə ghàə̀ ni mə yɨə wə̀d tom Kristo ɨmbə̀ʼ ə ye ə? Mə bɨrɨ wiirɨ ni:

2 Kɔrèn 7:11

Mbə̀ zə əghɨ ze nɨ ɨkwɨ ə̀kə̀nɨ̀ we nɨ Ŋwiə̀ kəb ə fə ghɨ ɨŋga nən. Mbə̀ fə ghɨ̀ ɨka nɨ chɨ mbə ɨbɔ rɨŋga ɨnû mɔʼɔ mbe nɨ mbɨ nyaʼa chuʼ əwən ɨmbə̀ʼ mbɨwən. Mbə̀ nyaʼa sə ɨtəm əbɔʼ wə̀d we nɨ nyaʼa gu ənû. Mbə̀ nyaʼa bɔ ni Ŋwìə̀ bɨrɨ chə əwən. Mbə̀ nyaʼa kə̀b ni mə yeʼe mò əwən. Mbə̀ fə zɨ ɨka nɨ ghɨ ɨnû nɨ kuʼnɨ. Mbə̀ nyaʼa bə̀ chə wə̀d we nɨ nyaʼa gu ənû! Ənɨ ɨnû jìm, mbə fə chwiə ni chəi mbə̀ gu ənû ə mɔʼɔ.

Fìlipì 1:17

Chəi bə̂d mbe nɨə ghɨ̀ ə̀dìì ə ghà ɨkə̂n chɔ̀m mbɨ ə fîŋ nɨ zeŋɨ. Ɨ mbɨə ghàə̀ yeʼ ɨmbə̀ʼ ɨghəm nɨ mbɨ kəb ni bə̂d mɨ̀nɔnɔʼ beenɨ əbɔʼ mɨ̀mə̌d. Ɨ mbɨə kɔndɨə ni ɨnû mbe nɨ mbɨə ghɨ̀ə̀ bɨrɨ ghɨ mə̀ jeŋgɨ nyɨ ŋgəʼ ɨchî nɨ mə̀ yeʼ ə nəb ndəŋ.

Fìlipì 1:7

Zɨə kàŋ kùʼ ni mə̀ kɔndɨ əne ɨmbə̀ʼ mbə̀n mɨjìm, ɨmbə̀ʼ ɨghəm nɨ mə kàŋ ghaʼ əwən əku. Ŋwìə̀ wɨə ghɨ̀ ɨ̀chɔ̀m ənɨ mba mɨjìm ɨchî nɨ tɨə fàʼ ɨ bɔ. Ɨ wɨə ghɨ̀ əne ənɨ mə̀ yeʼ ə nəb ndəŋ, ənɨ mɨə ghà ni ɨkə̂n chɔ̀m yɨ ənû rəsìʼ kaʼi mɨghab bə̀ fɔrɨ ənɨ mə nyaʼə ghɨ̀ə̀ ni bə̂d ben ɨnû mbe nɨ yeʼ ɨŋga ɨkə̂n chɔ̀m.

2 Timotì 1:15

Kyerɨ ni bə̂d Kristo nɔnɔʼ rɨ əbà əbeŋ ze rɨ ə Esià fə fìd njìm ənɨ ə num. Ka àbei Faigelùs mbɨ Hemogenès, mbɨ fə bə̀ fìd njìm ənɨ num.

2 Timotì 4:10

ɨmbə̀ʼ ɨghəm nɨ Demàs fə waʼ əmɨ wo əwi ə Tèsàlonikà. Wɨ̀ fə wò əŋgu ɨmbə̀ʼ ɨghəm nɨ wɨ̀ ghaʼ ɨnû rɨŋga ɨsɨg wɔ̂. Kresèn fə wò ə Gàlesià. Taitùs fə bə̀ wò ə Dalmatià.

2 Timotì 4:15

Àwɔ̀ we əwe ɨmbə̀ʼ əməd, ɨmbə̀ʼ ɨghəm nɨ wɨ̀ fə ton ɨnû mbe nɨ tɨ̀ nyaʼə ghàə̀. Wɨ̀ nyaʼa ton kwàʼ rɨ̀kǎ.

1 Pità 3:15

Àyɨə mbə wumnɨ ə Kristo ɨŋga tə fîŋ ni məd yɨ Ə̀nùŋɨ̀sɨg. Mbə̀ tekɨ ɨnyod ənɨ mɨ̀nyùmə̀ jìm nɨ wiirɨ ɨŋgam əmbɨ ə wə̀d jìm we nɨ biirɨ əton ɨmbə̀ʼ ɨkɔndɨ we nɨ mbə berɨ. Mbə̀ ghɨ əne mbɨ ɨbɔtɨ fîŋ fɔrɨ mbɨ ɨwumnɨ.