2 Timotì 3:16 - Meta’

¹⁶ À yɨə Ŋwìə̀ nyaʼa fe bə̂d ni mbɨ ŋwàʼnɨ̀ Ɨŋgam Ŋwiə̀ jìm. Ɨŋgam Ŋwiə̀ ə bɔŋ ni mbɨ nɨŋ chwi ɨnû, ni mbɨ nɨŋ gham əbɔʼ ə bə̂d, ni mbɨ nɨŋ ghà ənû rɨbɔ̀ŋ ze nɨ wə̀d ghɨ̌ ɨmbə̀ʼ wɨ̀ kwepə. Wɨ bə̀ bɔ̀ŋ ni mbɨ nɨŋ chwi ɨchî nɨ tɨ bə̂d chub ɨchî nɨ kuʼnɨ,

Ikan feg

¹⁶ Ìngam Ŋwiye ijìm ya Ŋwiye ya cha àzi Azwighi gha ze ghiyə mbe ŋwaʼra. Ìngam Ŋwiye bɔ̀ŋ ni chwiti inug abə bəd inga, tì ni gaŋ bəd ne ghìyə̀ inug tibɔ̀ŋ angu. Ìngam Ŋwiye ya wètè ni sèmbì bəd ne fèbè. Wi ya bə̀ wètè ni də̀ni bəd gha mbe se ghìyə̀ inug ne təmi kòʼ.

2 Timotì 3:16 교차 참조

Matìyò 13:52

Əne wɨ̀ nyaʼa ghà əmbɨ mɨ̀mə̌d ni, “Əne yɨ ni, əchwiə̀ rɨ̀kə̌ jìm we nɨ fə kwembɨ ənû ɨmbə̀ʼ ənû ɨfɔ̀n rɨkaŋ, yɨ ɨghabɨ ə wə̀d nəb we nɨə chɨ̀ ɨghɨ fi bə̀ chɨ̀ mbɨ ənun rɨŋga i ŋgə̌n.”

Matìyò 21:42

Yeso nyaʼa ghà əmbɨ mɨ̀mə̌d ni, “Chəi mbə̀ kweʼ foŋ ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀ ə? Zɨə ghà ni, 'Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb. Ənû zɔ̂ yɨ Ə̀nùŋɨ̀sɨg ghɨ̌, əne à yɨ ənû ə yiirɨ ɨ na nɨ zə.'?

Matìyò 22:43

Yeso nyaʼa biirɨ əmbɨ mɨ̀mə̌d ni, “Zɨə nyaʼa sɨ chè rɨ ye, Əzwî ə Ŋwiə̀ ə ŋwè ə Dèvîd, wɨ̀ tɔŋ əməd ənɨ Ə̀nùŋɨ̀sɨg ə? Dèvîd nyaʼa ghà ni,

Matìyò 26:54

Àyɨə mə mɨ ghɨ̀ əne, njɨ ɨŋgam Ŋwiə̀ we nɨ gha ni ɨnû mbɔ̂ berɨ ghɨ̀, kɨə wo jwɨ ənɨ rəsìʼ rɨ ye ə?”

Matìyò 26:56

Ɨnû mbɔ̂ jìm fə ghɨ̀ ɨmbə̀ʼ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨ jwɨ ənɨ rəsìʼ.” Ənɨ wɨ̀ nyaʼa ghà əne, mə̀mə̀ə̀nɨ̀-ɨnû mbe mɨ̀jìm sàŋ əməd nòd əwən.

Mk 12:24

Yeso nyaʼa wììrɨ̀ əmbɨ mɨ̀mə̌d ni, “Əton nɨ mbə̀ febə yɨ ni chəi mbə̀ kyerɨ Ə̀ŋwàʼnɨ̀ ə Ŋwiə̀ kɨ̀ bè kyerɨ ɨka Ŋwiə̀.

Mk 12:36

Əzwî ə Zeŋɨ ə nyaʼa fe ə Dèvîd wɨ̀ ghà ziə ni, 'Ə̀nùŋɨ̀sɨg nyaʼa ghà əmbɨ mɨ Ə̀nùŋɨ̀sɨg ni, Chub ənɨ mɨ əbɔ ə jɨgɨ, pè ənɨ mə̀ nuŋ mbe bə̂d pə̀n əton mbe ɨwu.'

Jn 10:35

Ŋwìə̀ nyaʼa tɔŋ bə̂d mbe nɨ nyaʼa zu ɨŋgam məd ni mbɨ yɨ mɨ̀ŋwìə̀. Əne mbə̀ kyerɨ ni Ə̀ŋwàʼnɨ̀ ə Ŋwiə̀ ə zɨə ghà rəsìʼ.

Jn 3:20

Wə̀d jìm we nɨə ghɨ̀ ɨnû rɨbɔ̀ŋ wɨə bàn ɨzeŋɨ zeŋɨ. Chəi wɨə yeʼe ɨŋga ɨzeŋɨ zeŋɨ ɨmbə̀ʼ tɨ bə̂d zə ə ɨnû rɨbɔ̀ŋ məd.

Ɨ̀fàʼì 1:16

“Mbɨ bɔŋgɔb, ɨŋgam Ŋwiə̀ we nɨ Əzwî ə Zeŋɨ ə nyaʼa fə be ghɨ̀ ɨfɔ̂n Dèvîd ghà, ə berɨ jwɨ̀ ənɨ rəsìʼ de ə Judàs we nɨ nyaʼa chwi ɨnə̂njɨ̀ əmbɨ ə bə̂d mbe nɨ nyaʼa gywɨ ə Yeso.

Ɨ̀fàʼì 18:25

Wɨ̀ nyaʼa fə kwembɨ ɨnû ɨmbə̀ʼ Ɨnə̂njɨ̀ we nɨ Ə̀nùŋɨ̀sɨg nyaʼa chwiə. Ɨ wɨə nyaʼə ghà ɨŋgam Ŋwiə̀ bə̀ chwi ɨnû ɨmbə̀ʼ ə Yeso ɨchî nɨ kuʼnɨ, ka à be yeʼi ni wɨ̀ nyaʼa kyerɨ àmei ənû ɨmbə̀ʼ ɨchî nɨ Jɔ̌n nyaʼə nàʼ mɨnib.

Ɨ̀fàʼì 20:20

Mbə kàŋ kyerɨ ni chəi mə̀ nyaʼa nyiʼnɨ ɨnyod nɨ gha ənû ə mɔʼɔ ze nɨ tɨ̀ zɨə nyaʼa wèèrɨ̀ əwən. Mə wɨə nyaʼə chwi ɨnû ɨ nən ɨfě bə̂d bə̀ chwi ənəb ənəb.

Ɨ̀fàʼì 20:27

ɨmbə̀ʼ ɨghəm nɨ chəi mə̀ nyaʼa nuŋ ənû ə mɔʼɔ ze nɨ Ŋwìə̀ nyaʼa taŋ nùŋ ɨmbə̀ʼ əwən nɨ chəi mə̀ gha ɨ nən.

Ɨ̀fàʼì 28:25

Ɨchî nɨ chə nyaʼa i mɨ̀mə̌d ənɨ ɨchû mɔʼ, mbɨ nyaʼa jwɨ̀ rɨŋga nəb Pɔ̂l, ənɨ wɨ̀ nyaʼa fə ghǎ ənû zɔ̂ ə mɔʼ ni, “Əzwî ə Zeŋɨ ə nyaʼa kùʼ ɨchî nɨ zɨə nyaʼa chè ənjìm wə̀d ɨ̀kə̀n Ŋwìə̀ Aizayà ghà əmbɨ mbə mɨ̀mbǎʼ rəŋwe ni,

Rm 15:4

Ɨŋgam wɔ̂ yɨ ɨmbə̀ʼ ɨghəm nɨ ɨnû mbe nɨ mbɨ nyaʼa ŋwaʼnɨ rəŋwe, mbɨ nyaʼa ŋwàʼnɨ̀ ɨmbə̀ʼ kəərɨ əwa. Mbɨ nyaʼa ŋwaʼnɨ ɨmbə̀ʼ ɨghəm nɨ ənjìm ɨnyiʼ fîŋ bə̀ fɔrɨ ənjìm ɨka we nɨ Ə̀ŋwàʼnɨ̀ ə Ŋwiə̀ ə nàʼ ɨ na, tɨ̀ we tɨ̀ rɨ̀ wòm ɨnû mbe nɨ Ŋwiə̀ nyaʼa kaʼ ɨ na.

Rm 2:20

À wɨə ghàə̀ ni tə wɨə kəərɨ ɨneŋ. À wɨə bə̀ ghàə̀ ni tə wɨə chwi ɨnû əmbɨ ə bɔn kwa. À wɨə ghà əne ɨmbə̀ʼ ɨchî nɨ à kyerɨ ni ɨwe jìm mbɨ rəsìʼ jìm wɨ ɨŋga rɨkə.

Rm 3:2

Wɨ̀ bɨrɨ jɨg njìm nɔnɔʼ ənɨ mɨnə̂njɨ̀ jìm. Ənû rɨtu yɨ ni, Ŋwìə̀ nyaʼa bè zɨ̀ i ɨŋgam ɨŋga tɨkyerɨ-ɨbɔ mɨ̀Jû.

Rm 4:23

Chəi mbɨ nyaʼa ŋwaʼnɨ ɨŋgam we ni, “Ŋwìə̀ nyaʼa ben ni məd ə təm kùʼnɨ̀,” àmei ɨmbə̀ʼ ɨghəm məd rə̀zìʼ.

1 Kɔrèn 12:7

Ŋwìə̀ wɨə chwiə ni e Əzwî ə zɨ ɨŋga wə̀d mɔʼ mɔʼ, ɨmbə̀ʼ təŋgàŋ weerɨ bə̂d mɨ̀jìm.

Gàlesìyà 3:8

Ə̀ŋwàʼnɨ̀ ə Ŋwìə̀ ə nyaʼa fə ghà rɨmbì ni Ŋwìə̀ bɨrɨ ghɨ ni bə̂d mbe nɨ kaʼi mɨ̀Jû təm kùʼnɨ̀ ənjìm ɨchî nɨ mbɨ nuŋ fîŋ ɨgwɨ məd. Əne wɨ̀ nyaʼa fə bè ghà ɨkə̂n chɔ̀m əmbɨ ə Abràham ni, “Mə bɨrɨ che ənɨ e njìm zɨ̀ əbɔrəbɔd ɨgwɨ ɨbeŋ jìm.”

2 Timotì 2:25

Wɨ̀ chwi ɨnû ənɨ ɨbɔtɨ fîŋ əmbɨ ə mbe nɨə ton ɨnû mbe nɨ wɨə chwiə. Ɨghəm Ŋwìə̀ bɨrɨ ben ni mbɨ beŋ tə fîŋ kyerɨ rəsìʼ ɨmbə̀ʼ ə Kristo.

2 Timotì 4:2

gha ɨŋgam Ŋwiə̀. Kɨ̀ bə̂d ghaʼ nɨ zu kɨ̀ chəi mbɨ ghaʼ nɨ zu, gha e gha. Mbɨ mɨ ghɨ ənû rɨbɔ̀ŋ, à gha əmbɨ mɨ̀mə̌d. Gham əbɔʼ mbe nɨə ghɨ̀ ɨnû rɨbɔ̀ŋ. Mbɨ mɨ ghɨ̀ ɨnû nɨ kuʼnɨ, à tìmbɨ̀ mɨ̀mə̌d. À berɨ yim fîŋ ənɨ à ghɨ̀ ɨnû mbɔ̂.

Mə̀Hibrù 11:1

Ɨbenɨ yɨ nɨ kyerɨ ni tɨ̀ bɨrɨ berɨ ɨghɨ mbe nɨ tɨə wòmə̀. À yɨ bə̀ nɨ kyerɨ ni tɨ̀ bɨrɨ berɨ ɨghɨ mbe nɨ chəi tɨə zəə.

Mə̀Hibrù 3:7

Əzwî ə Ŋwìə̀ ə zɨə ghàə̀ ni, “Tə̀chɔ̀ŋ, mbə̀ mɨ nɨə zu gɨ̂ Ŋwìə̀,

Mə̀Hibrù 4:12

Ɨŋgam Ŋwiə̀ wɨ ɨkǎ. Ɨ wɨə bə̀ ghɨ̀ ənû ze nɨ Ŋwìə̀ kəbɨ. Wɨ tɔ chè ɨbi ɨba jìm. Ɨ wɨə zum ə wə̀d wò pè əsɨ ze nɨ ɨ̀tènɨ̀ mbɨ əzwî ghabrə. Ɨ wɨə bə̀ wò pè əsɨ ze nɨ tɨnaanɨ ɨnyod mbɨ rɨfɔm ghabrə. Ɨ wɨə saʼə tɨkɔndɨ bə̂d bə̀ saʼ ɨnû mbe nɨ fîŋ tɨ mɨ̀mə̌d ə kə̀bə̀.