2 Timotì 3:10 - Meta’

¹⁰ À yeʼ ɨmbə̀ʼ əwe, àwɔ̀ Timotì, à fə kyerɨ e ɨnû mbe nɨ mə̀ nyaʼə chwiə, à fə kyerɨ e ɨchî nɨ mə̀ nyaʼə ghɨ̀ ɨnû, à fə kyerɨ e ɨnû mbe nɨ mə̀ nyaʼə kəb nɨ ghɨ. À fə kyerɨ e ɨchî nɨ mə̀ nyaʼa nuŋ fîŋ ɨgun ə Ŋwìə̀. À fə kyerɨ e ɨchî nɨ mə̀ nyaʼə yimə fîŋ. À fə kyerɨ e ɨchî nɨ mə̀ nyaʼə ghaʼ ə bə̂d. À fə kyerɨ e ɨchî nɨ mə nyaʼə nyìʼ əton ə ŋgəʼ.

Ikan feg

¹⁰ Timotì, Àghò kyèri inug ijìm ne mə̀ yaya chwìte abə bəd, bə̀ kyèri icheg ne mə̀ yaya chùghə. Àghò kyèri atog anug ne mə̀ ya nɔŋi ìmə ìtḛ̀ igun, fɔrɔ icheg ne mə̀ ya nɔŋi ìmə ibḛfiŋ inga Yeso. Àghò kyèri icheg ne mə̀ ya beri inyimbifiŋ, bə̀ kyèri icheg ne mə̀ yaya kɔ̀ŋɔ̀ bəd. Àghò bə̀ kyèri icheg ne mə̀ yaya nyìʼè fìŋ inga nyùmə̀ ngəʼ.

2 Timotì 3:10 교차 참조

Lk 1:3

Wə̀d kyeŋ Tiofilùs, ɨchî nɨ mə̀ fə bə̀ nɨŋ ə nyumə̀ jeŋgɨ nwèndɨ̀ ɨnû mbɔ̂ tɨ ənɨ mbɨ nyaʼa kɔ, mə kɔndɨ ni zɨə bɔ̀ŋ ni mə̀ bə ŋwaʼnɨ ɨchî nɨ ɨnû mbe nyaʼa yenɨ, nàʼ ɨ ne.

Ɨ̀fàʼì 11:23

Ənɨ wɨ̀ nyaʼa wò pè zə ɨchî nɨ Ŋwìə̀ nyaʼa ghɨ ɨ̀chɔ̀m ənɨ ə bə̂d mbe, wɨ̀ nyaʼa ghaʼ, əne tìmbɨ̀ mɨ̀mə̌d mɨjìm ni mbɨ təm kàànɨ̀ ɨŋga ənû ə Ŋwiə̀, bə̀ fàʼ əmbɨ Ə̀nùŋɨ̀sɨg ənɨ tə fîŋ rɨjìm.

Ɨ̀fàʼì 2:42

Mbɨ nyaʼa zɨ ətu ənɨ ɨnû mbe nɨ bə̂d tom Kristo nyaʼə chwiə. Ɨ mbɨə nyaʼa ənɨ ɨfɔtɨ, əne ɨ mbɨə nyaʼə bəʼrɨə ŋgə̀ŋ jɨg ɨnɔ̂n bə̀ kɔŋgɨ ə Ŋwiə̀ ɨnɔ̂n.

Ɨ̀fàʼì 20:18

Ənɨ mbɨ nyaʼa wo əsɨ məd, wɨ̀ nyaʼa ghà əmbɨ mɨ̀mə̌d ni, “Mbə kàŋ kyerɨ ɨchî nɨ mə̀ nyaʼə chub əkaʼ nən ənɨ mɨ̀nyùmə̀ jìm mbe nɨ mə̀ nyaʼa mbɨ nən, kɔ rɨ əni rɨtu ze nɨ mə̀ nyaʼa pe ə Esià.

Ɨ̀fàʼì 26:4

“Mɨ̀Jû mɨ̀jìm kàŋ kyerɨ ɨchî nɨ mə nyaʼə chub ɨŋga mɨ əbeŋ bə̀ fɔrɨ ə Jèrusalèm tɨ ənɨ mə nyaʼə wan kwa.

Rm 16:17

Mbɨ bɔŋgɔb, mə wɨə buʼ ɨbɔ ɨ nən ni mbə̀ we əwən mbɨ ə bə̂d mbe nɨə ghɨ̀ ni bə̂d Kristo ghabrə mbɨ ni mbɨ feb ɨnə̂njɨ̀. Ɨ mbɨə ghɨ̀ əne ɨchî nɨ mbɨə ton ɨnû mbe nɨ mbə̀ nyaʼa fə be kwembɨ. Tɨ mbə̀ tiinɨ ə ɨban mɨ̀mə̌d,

2 Kɔrèn 1:17

Mə wa nyaʼa taŋ ənû zɔ̂ mbɨə fîŋ rɨ̀be ɨghabɨ ə wə̀d nɨə ferɨ ferɨ ə? Mə wɨə wa taŋ ɨnû ɨchî nɨ bə̂d mɨ̀sɔŋɨchù ə taŋ ə, nɨ tɨ̀ mə ghà ni, “Ee, ee,” bə̀ wɨrɨ beŋ ghà ni, “Chə̂, chə̂” àmei əwu əwən ə?

Efesùs 4:14

Əne tɨ rɨ̀ yeʼ a ɨghabɨ ə bɔn kwa nɨə ben ɨnû jìm mbe nɨ bə̂d mɨghab ə chwi əmbɨ mɨ̀mə̌d. Bə̂d mɨghab mbɔ̂ mbɨə tiə mɨghab tambɨə bə̂d ɨmbə̀ʼ mbɨ febə.

Fìlipì 2:20

Chəi mə̀ wɨrɨ berɨ wə̀d mɔʼɔ ɨghabɨ əməd nɨə kàŋə̀ kə̀bə̀ ni mbə̀ chub ɨchî chɔ̀m.

Fìlipì 2:22

Mbə kyerɨ ə ni Timotì nyaʼa chwi nɨ tə yɨə wə̀d ə̀fàʼì chɔ̀m. Ɨghabɨ ə wan mbɨ i mbǎʼ, wɨ̀ fə fàʼ mbɨ num nɨ gha ɨkə̂n chɔ̀m.

1 Tèsàlonikà 1:5

Tɨ̀ kyerɨ əne ɨmbə̀ʼ ɨghəm nɨ tɨ̀ nyaʼa yeʼe əsɨ nən mbɨ ɨkə̂n chɔ̀m. Chəi tɨ̀ nyaʼa yeʼe mbɨ ɨkə̂n chɔ̀m àmei ənɨ ɨŋgam. Tɨ̀ nyaʼa bə̀ ghà ɨkə̂n chɔ̀m ənɨ ɨka we nɨ Əzwî ə Zeŋɨ ə nàʼə̀. Tɨ̀ nyaʼa bə̀ kàŋ chwi ɨchî nɨ tɨ̀ ben ni ɨnû mbe nɨ yeʼ ɨŋga ɨkə̂n chɔ̀m yɨ ɨnû rəsìʼ. Mbə kyerɨ ɨnû mbe nɨ tɨ̀ nyaʼa ghɨ̌ ənɨ tɨ̀ nyaʼa əkaʼ nən. Tɨ̀ wɨə nyaʼa ghɨ ɨnû mbɔ̂ jìm ɨmbə̀ʼ weerɨ əwən.

1 Timotì 1:3

Mə yì ghà ɨ ne àmei ɨchî nɨ mə nyaʼa be ghà bɔŋ sɨə wò ə Màsèdonià ni à chub ə Efesùs. Bə̂d mɔʼɔ mbɨ əŋgu nɨə chwi ɨnû cherə, əne mə kə̀b ni à təmnɨ mɨ̀mə̌d.

1 Timotì 4:6

À mɨ ghà ɨnû mbɔ̂ nɨ mə gha ɨ ne əmbɨ ə bə̂d Kristo bə̀ beenɨ əbɔʼ mɨŋgam mbe nɨə ghɨ̀ ni ɨbenɨ kaanə bə̀ beenɨ əbɔʼ rəsìʼ we nɨ à nyaʼa fə zu, njɨ à bɨrɨ kaŋ yeʼ wə̀d ə̀fàʼì Kristo Yeso chɔ̀m.

1 Timotì 6:11

À yeʼ ɨmbə̀ʼ əwe, àwɔ̀ wə̀d Ŋwìə̀, fə ton ɨnû mbɔ̂ jìm. Ghɨ yeʼ ənû mbe nɨ kuʼnɨ bə̀ ghɨ̀ yeʼ mbe nɨ Ŋwìə̀ kəbɨ. Nuŋ fîŋ ɨgun ə Kristo, ghaʼ bə̂d, chi ɨnû bə̀ berɨ ɨbɔtɨ fîŋ.

2 Timotì 2:22

Ton ɨnû rɨbɔ̀ŋ mbe nɨ ŋgwàʼ bə̂d ə feenɨə. Beenɨ yeʼ əbɔʼ ɨnû jìm mbe nɨə ghɨ̀ ni à ghɨ ɨnû nɨ kuʼnɨ. Əne yɨ ənû nɨ nuŋ fîŋ ɨgun ə Kristo, ənû nɨ ghaʼ bə̂d cherə mbɨ ənû nɨ chub ənɨ əbɔrəbɔd. Ghɨ ɨnû mbɔ̂ fɔtɨ mbɨ ə bə̂d mbe nɨə kɔ̀ŋgɨ̀ Ə̀nùŋɨ̀sɨg ənɨ ə fîŋ nɨ zeŋɨ.

2 Timotì 4:2

gha ɨŋgam Ŋwiə̀. Kɨ̀ bə̂d ghaʼ nɨ zu kɨ̀ chəi mbɨ ghaʼ nɨ zu, gha e gha. Mbɨ mɨ ghɨ ənû rɨbɔ̀ŋ, à gha əmbɨ mɨ̀mə̌d. Gham əbɔʼ mbe nɨə ghɨ̀ ɨnû rɨbɔ̀ŋ. Mbɨ mɨ ghɨ̀ ɨnû nɨ kuʼnɨ, à tìmbɨ̀ mɨ̀mə̌d. À berɨ yim fîŋ ənɨ à ghɨ̀ ɨnû mbɔ̂.

2 Timotì 4:3

Nyùmə̀ wɨə yeʼe nɨ chəi bə̂d bɨrɨ ghaʼ nɨ zu ɨŋgam rəsìʼ. Mbɨ bɨrɨ fetɨ məchwiə̀-ɨnû ɨban mɨ̀mə̌d nɨ bɨrɨ gha ɨnû mbe nɨ ɨ̀tǒŋ mɨ̀mə̌d ə zòə̀ nɨ zu.

2 Timotì 4:7

Mə fə kàŋ zɔ̀ŋ ɨchî chɔ̀m ɨchî nɨ mɨə fàʼ əmbɨ Kristo. Mə fə nòtɨ̀ wò pè ənɨ ɨnwǐ. Mə fə nùŋ mɨ fîŋ ɨgun ə Kristo wò pè ənɨ ɨnwǐ.

Tayitùs 2:7

Chwi ənɨ ɨnû jìm ni àwɔ̀ yɨ əmɨg ɨchî nɨ àwɔ̀ ə ghɨ̀ ɨnû chɔ̀m. Chwi ɨnû ɨchî chɔ̀m ənɨ e fîŋ jìm.

Mə̀Hibrù 13:9

Tɨ mbə̀ ben əwən ni tɨkwɨrɨ ɨnû rɨ̀sɔ̀ʼ jìm mbe nɨ bə̂d ə chwiə beŋ tə fîŋ tɨ ənɨ ɨnə̂njɨ̀ rəsìʼ. À yɨ ɨ̀chɔ̀m Ŋwiə̀ bɨrɨ ghɨ ni tə fîŋ kaanə, kaʼi ənû nɨ zuunɨ rɨkə ɨmbə̀ʼ tɨjɨg. Chəi tɨkə te ə wèèrɨ̀ bə̂d mbe nɨə beenɨ əbɔʼ rɨwən.

2 Pità 3:11

Ɨchî nɨ Ŋwìə̀ bɨrɨ nimnɨ ɨghɨ mbɔ̂ jìm ɨchî wɔ̂, mbə̀ kɨə wo yeʼ ɨkwɨ bə̂d mbi ə? Mbə berɨ chub ɨzeŋɨ zeŋɨ bə̀ sweŋ ə ɨnyod əmbɨ ə Ŋwiə̀