2 Timotì 2:7 - Meta’

⁷ Kwaʼnɨ ɨnû mbɔ̂ nɨ mɨə gha ɨ ne ɨŋga e ətu, ɨmbə̀ʼ ɨghəm nɨ Ə̀nùŋɨ̀sɨg bɨrɨ ghɨ ni à kyerɨ ɨnû rəŋgu ɨjìm e ətu ə zeŋ.

Ikan feg

⁷ Àghò taŋ kɔ̀ndi inug mbo̰ ne mə ghà anìŋ. Anɔŋisəg biri fiʼì àze atog ghì àghò taŋ kyèri inug mbo̰.

2 Timotì 2:7 교차 참조

Lk 21:15

ɨmbə̀ʼ ɨghəm nɨ mə bɨrɨ naʼ ɨŋgam fɔrɨ ɨwe ɨ nən nɨ chəi wə̀d mɔʼɔ rəbɔʼ mbə bə̂d pə̀n we tɨ̀ wɨ̀ təm mbɨ nən kɨ̀ bè ton ɨŋgam we.

Lk 24:45

Ənɨ wɨ̀ nyaʼa ghà əne, wɨ̀ nyaʼa fìʼ fîŋ tɨ mɨ̀mə̌d ni mbɨ kyerɨ Ə̀ŋwàʼnɨ̀ ə Ŋwiə̀, ɨtu mɨ̀mə̌d zeŋ.

Lk 9:44

“Mbə̀ zu ɨŋgam wɔ̂ wɨ̀ jeŋgɨ nyɨ ɨŋga mbə ɨtu. Ɨŋgam rəŋgu yɨ ni mbɨ bɨrɨ fen Wan Wə̀d əmbɨ ə bə̂d.”

Jn 14:26

Mbǎʼ bɨrɨ cha Ə̀wèèrɨ̀-bə̂d we ənɨ mɨ ɨkum. Məd yɨ Əzwî ə Zeŋɨ ze nɨ bɨrɨ chwi ɨnû jìm ɨ nən bə̀ ghɨ̀ ni mbə̀ kɔndɨ ɨnû jìm mbe nɨ mə̀ fə gha ɨ nən.

Jn 16:13

Ənɨ Əzwî ze nɨə ghɨ̀ ni bə̂d kyerɨ rəsìʼ ə yeʼe, wɨ̀ bɨrɨ chwi rəsìʼ jìm ɨ nən. Ka wɨ̀ bɨrɨ gham i ənɨ i ɨghəm. Wɨ̀ bɨrɨ ghà yeʼ ənû ze nɨ wɨ̀ zǔ. Wɨ̀ bɨrɨ zeŋnɨ mbə ɨtu ɨmbə̀ʼ ɨnû mbe nɨ yeʼ ɨmbì.

Ɨ̀fàʼì 7:10

əne wɨ̀ nyaʼa chɨ̀ əməd rɨŋga ŋgəʼ jìm ze nɨ wɨ̀ nyaʼə zəə. Ŋwìə̀ nyaʼa nàʼ ɨwe ɨ bɔ bə̀ ghɨ̀ ni Ferò nɨ nyaʼa ɨfɔ̂n mɨ̀Ijìpt, ghɨ̀ ɨ̀chɔ̀m ənɨ məd. Ferò nyaʼa nùŋ əməd ənɨ ə gɔmnà ɨgwɨ ə Ijìpt bə̀ fɔrɨ ɨgwɨ i ɨnəbɨ jìm.

1 Kɔrèn 12:8

Ŋwìə̀ wɨə nàʼ Əzwî ze nɨə ghɨ̀ ni bə̂d gha ɨŋgam ɨwe əmbɨ wə̀d mɔʼ. Ɨ wɨə bə̀ chè àmei ənjìm Əzwî ze ghɨ̀ ni wɨ cherə gha ɨŋgam nɨ chwiə ni wɨ̀ kyerɨ ənû.

Fìlipì 4:8

Mbɨ bɔŋgɔb, ənû nɨ sɨ nwìə̀ yɨ ni, ənû ə mɔʼɔ mɨ bɔ̀ŋ, ənû ə mɔʼɔ mɨ yeʼ əŋgu nɨ bə̂d ə yiirɨə, mbə nuŋ tə rɨkɔndɨ ɨgun ɨnû mbe. Ənû nɨ yeʼ əzɨ rəsìʼ, ənû nɨ tɨ bə̂d wumnɨ, ənû nɨ kuʼnɨ, ənû nɨ zeŋɨ, ənû nɨ bə̂d ə ghaʼə mbɨ ənû nɨ tɨ bə̂d feenɨ, yɨ mbe nɨ tɨ̀ mbə nùŋ tə rɨkɔndɨ ɨgun.

Kòlosè 1:9

À yɨ əton nɨ tɨ əni ze nɨ tɨ̀ nyaʼa zu ɨmbə̀ʼ əwən, chəi tɨ̀ kɨrɨ sob nɨ kɔŋgɨ ə Ŋwiə̀ ɨmbə̀ʼ əwən. Tɨ̀ wɨə kɔŋgɨə ni Əzwî əməd ə ghɨ mbə̀ jeŋgɨ kyerɨ ɨnû mbe nɨ wɨ̀ kəbɨ. Mbə ɨtu bɨrɨ zeŋ mbə kyerɨ ɨnû mbe ənjìm ɨwe we nɨ Əzwî ə nàʼə̀.

1 Timotì 4:15

Ghɨ ɨnû mbɔ̂ nɨ mə̀ gha ɨ ne, bə̀ jeŋgɨ zɨ̀ e fîŋ ɨgun, ɨmbə̀ʼ bə̂d mɨ̀jìm zə ɨchî nɨ e ə̀fàʼì ə wò ɨmbì.

2 Timotì 2:6

Wə̀d mbeŋ we nɨə fàʼ rɨ̀kǎ berɨ berɨ əbà rɨtu rɨ ənɨ mbɨ kwəŋ ɨghɨ.

2 Timotì 2:8

Kɔndɨ ə Yeso Kristo, nɨ nyaʼə wan tɨ ənɨ əghaŋ ə Dèvîd. Ŋwìə̀ nyaʼa zwemnɨ məd. Wɔ̂ yɨ ɨkə̂n chɔ̀m we nɨ mɨə ghàə̀.

Mə̀Hibrù 12:3

Mbə̀ kɔndɨ ɨchî nɨ wɨ̀ nyaʼa nyiʼi mbɨ ə bə̂d ɨnû rɨbɔ̀ŋ mbe nɨ nyaʼə bàn əməd. Mbə̀ bə nyiʼ, ɨmbə̀ʼ tɨ mbə̀ bɔd əwən əne sùŋgɨ̀ rə̀bɔ̀ʼɔ̀.

Mə̀Hibrù 13:7

Mbə̀ kɔndɨ bə̂d mbe nɨ nyaʼə chà əwən. À yɨ mɨ̀mə̌d nyaʼa be gha ɨŋgam Ŋwiə̀ ɨ nən. Mbə̀ kɔndɨ ɨchî nɨ mbɨ nyaʼə chubə, əne beenɨ əbɔʼ ɨchî nɨ mbɨ nyaʼa nuŋ fîŋ ɨgun ə Ŋwiə̀.

Mə̀Hibrù 3:1

Mbɨ bɔŋgɔb zeŋɨ nɨ Ŋwìə̀ nyaʼa bə tɔŋə, mbə̀ jeŋgɨ kɔndɨ ə Yeso nɨ tɨ̀ ben ni məd yɨə wə̀d tom fɔrɨ ətu ɨgwɨ ə bə̂d mbàn Ŋwìə̀.

Mə̀Hibrù 7:4

Mbə̀ zə ɨchî nɨ Mèlkizedèk nyaʼa dabə! Abràham a mbǎʼ ɨnəbɨ mɨ̀Izre nyaʼa nàʼ əsɨ ə fibɨ̀ rəbɔʼ ɨsɨ wum tɨ ənɨ ɨghɨ mbe nɨ wɨ̀ nyaʼa nɨŋ rɨ ə bid ɨ bɔ.

Jems 1:5

Wə̀d mɔʼɔ rəbɔʼ nən mɨ kwaŋ ɨwe, wɨ̀ nɔn rɨ əmbɨ ə Ŋwiə̀. Məd wɨə nàʼ ɨghɨ əmbɨ ə bə̂d mɨ̀jìm əbu əbu. Ɨ wɨə bə̀ nàʼ ənɨ ə fîŋ chɔ̀m. Wɨ̀ bɨrɨ naʼ ɨwe ɨ bɔ.

Jems 3:15

Kaʼ ɨkwɨ ɨwe wɔ̂ yɨ i we nɨ Ŋwiə̀ ə nàʼə̀. Wɨ yɨ rɨ əmbɨ ə bə̂d rɨ ɨgwɨ ə si, kaʼi rɨ əmbɨ Əzwî ə Ŋwìə̀. Wɨ̀ yɨ rɨ əmbɨ ə Debɨ̀rə̀.

Jems 3:17

Ɨwe we nɨ Ŋwiə̀ ə nàʼə̀ wɨə ghɨ̀ə̀ ni tɨ̀ chub zeŋɨ zeŋɨ, chub ənɨ əbɔrəbɔd, berɨ ɨbɔtɨ fîŋ, zwetɨ ɨnû nɨ bə̂d ə ghàə̀, diirɨ bə̂d bə̀ ghɨ̀ ɨ̀chɔ̀m. Ɨ wɨə bə̀ ghɨ̀ ni tɨ rɨ̀ ghɨ a ɨghə mbɨ ni tɨ rɨ̀ ghɨ a ɨbekɨ ɨnû.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.