2 Timotì 2:2 - Meta’

² Nɨŋ ɨnû mbe nɨ à nyaʼa zu ənɨ mə̀ nyaʼə gha ɨfě mɨ̀zərɨmbin nɔnɔʼ, əne zɨ̀ ɨŋga rɨkyerɨ-ɨbɔ bə̂d mbe nɨ tɨ̀ wə̀d zɨ fîŋ ɨgwɨ mɨ̀mə̌d, ɨmbə̀ʼ mbɨ bə̀ chwi əmbɨ ə bə̂d cherə.

Ikan feg

² Inug mbe ne àghò ya zughi ne mə̀ yaya chwìte inga bəd, bəd nɔʼ nɔʼ bàrà, niŋ zì ikye abo abə bəd mbe ne àghò kyèri gha mbɔb mbe tì mbi chwiti abə bəd ndəŋ.

2 Timotì 2:2 교차 참조

Matìyò 13:52

Əne wɨ̀ nyaʼa ghà əmbɨ mɨ̀mə̌d ni, “Əne yɨ ni, əchwiə̀ rɨ̀kə̌ jìm we nɨ fə kwembɨ ənû ɨmbə̀ʼ ənû ɨfɔ̀n rɨkaŋ, yɨ ɨghabɨ ə wə̀d nəb we nɨə chɨ̀ ɨghɨ fi bə̀ chɨ̀ mbɨ ənun rɨŋga i ŋgə̌n.”

Matìyò 24:25

Mbə̀ zə, mə fə ghà ɨnû mbɔ̂ ɨ nən bɔŋ nyùmə̀ sɨə kùʼə̀.

Lk 12:42

Ə̀nùŋɨ̀sɨg nyaʼa wììrɨ̀ ni, “Wə̀d ə̀fàʼì we nɨə fàʼ ənɨ i fîŋ jìm bə̀ berɨ ɨwe, nɨ mbǎʼ ə̀fàʼì məd nuŋ ni wɨ̀ nəŋgɨ mbi bə̂d ə̀fàʼì, bə̀ nàʼ ɨghɨjɨg əmbɨ mɨ̀mə̌d ənɨ ə nyùmə̀ kuʼu kɨ wi ə?

1 Kɔrèn 4:2

Ənû nɨ mbɨ kəb rɨ əmbɨ ə bə̂d mbe nɨ mbɨ zɨ ɨnû ɨŋga tɨkyerɨ-ɨbɔ mɨ̀mə̌d yɨ ni mbɨ berɨ fàʼ ənɨ tə fîŋ rɨ̀jìm.

2 Kɔrèn 2:14

Tɨ̀ naʼ məben-əwe əmbɨ ə Ŋwiə̀ ni, ənjìm ɨchî nɨ tɨ̀ yeʼ ənɨ ɨfɔtɨ mbɨ Kristo, ɨ wɨə che ɨmbì na ɨghəm jìm ghɨ̀ə̀ ni tɨ̀ yèn ɨghabɨ ə bə̂d nɨ che bid. Ɨ wɨə ghɨ̀ə̀ ni tɨ̀ jaŋ ɨnû mbe nɨ tɨ̀ kyerɨ ɨmbə̀ʼ ə Kristo ɨsɨ jìm. Ɨnû mbe yɨ ɨghabɨ ɨfɔ chɔ̀m.

2 Kɔrèn 3:5

Tɨ̀ rɨka kùʼ a nɨ gha ni ɨnû mbɔ̂ yɨ rɨ na. À yɨə Ŋwìə̀ ghɨ ni tɨ̀ kuʼ ə.

Kòlosè 1:7

Mbə nyaʼa zu ənû ɨmbə̀ʼ ɨ̀chɔ̀m Ŋwiə̀ rɨ əmbɨ Epafràs nɨ yeʼ wa aŋgɔb nɨ tɨ̀ ghaʼi kwàʼ rɨŋgəʼ, nɨ tɨə bə̀ fàʼ ɨnɔ̂n mbɨ məd. Məd wɨə fàʼ əmbɨ Kristo ənɨ i fîŋ jìm ənɨ əza rɨmbin.

1 Timotì 1:12

Mə wɨə nàʼə̀ məben-əwe əmbɨ Kristo Yeso a Ə̀nùŋɨ̀sɨg. Wɨ̀ fə nàʼ ɨka ɨ num ɨmbə̀ʼ ɨghəm nɨ wɨ̀ fə neŋ əmɨ zə ni ɨ we tɨ̀ wɨ̀ zɨ̀ i fîŋ ɨgwɨ num. Əne wɨ̀ nyaʼa chɔʼ əmɨ ni mə faʼ ɨ bɔ.

1 Timotì 1:18

Mə ghà ɨ ne, àwɔ̀ Timotì mɨ wan, ni à ghɨ ɨnû mbɔ̂ beenɨ əbɔʼ mbe nɨ wə̀d ɨ̀kə̀n Ŋwìə̀ nyaʼa ghǎ ɨmbə̀ʼ əwe. À mɨ beenɨ əbɔʼ ɨnû mbe, à we tɨ̀ à zɔ̀ŋ ɨchî nɨ kuʼnɨ ɨmbə̀ʼ ɨkə̂n chɔ̀m we nɨ yeʼ wɨ rəsìʼ.

1 Timotì 4:14

Tɨrə̀ waʼ e ɨneʼe we nɨ à berɨ, nɨ Əzwî ə Zeŋɨ ə nyaʼa naʼ ɨ ne ənɨ ə nyùmə̀ we nɨ bə̂d ɨ̀kə̀n Ŋwiə̀ nyaʼa gha ɨnû ɨmbə̀ʼ əwe, bə̂d nɨə chà ɨfetɨ bə̀ zab mbə ɨbɔ ɨgwɨ ne.

1 Timotì 4:6

À mɨ ghà ɨnû mbɔ̂ nɨ mə gha ɨ ne əmbɨ ə bə̂d Kristo bə̀ beenɨ əbɔʼ mɨŋgam mbe nɨə ghɨ̀ ni ɨbenɨ kaanə bə̀ beenɨ əbɔʼ rəsìʼ we nɨ à nyaʼa fə zu, njɨ à bɨrɨ kaŋ yeʼ wə̀d ə̀fàʼì Kristo Yeso chɔ̀m.

1 Timotì 5:22

Tɨrə̀ kɨə zàmbɨ̀ə̀ zab e mbe ɨbɔ ɨgun ə bə̂d ənɨ àwɔ̀ ə zɔʼə mɨ̀mə̌d ənɨ ə bə̂d nɨə chà ɨfetɨ. Tɨrə̀ zɨ e əbɔ ɨŋga ɨnû rɨbɔ̀ŋ bə̂d cherə. Nuŋ e ɨnyod ni wɨ chub ɨzeŋɨ zeŋɨ.

1 Timotì 6:12

Kaŋ zɔ̀ŋ ɨchî chɔ̀m ɨmbə̀ʼ ɨbenɨ we nɨ à nuŋ ɨgun ə Kristo. À berɨ kywɨ ənywɨ kwàʼ rɨkǎ ɨmbə̀ʼ jɨg ɨ̀tènɨ̀ rɨ mì. Ŋwìə̀ nyaʼa tɔŋ əwe ni à jɨg ɨ̀tènɨ̀ we ənɨ à nyaʼa ben ɨfě mɨ̀zərɨmbin nɔnɔʼ ni àwɔ̀ yɨə wə̀d Kristo.

2 Timotì 3:10

À yeʼ ɨmbə̀ʼ əwe, àwɔ̀ Timotì, à fə kyerɨ e ɨnû mbe nɨ mə̀ nyaʼə chwiə, à fə kyerɨ e ɨchî nɨ mə̀ nyaʼə ghɨ̀ ɨnû, à fə kyerɨ e ɨnû mbe nɨ mə̀ nyaʼə kəb nɨ ghɨ. À fə kyerɨ e ɨchî nɨ mə̀ nyaʼa nuŋ fîŋ ɨgun ə Ŋwìə̀. À fə kyerɨ e ɨchî nɨ mə̀ nyaʼə yimə fîŋ. À fə kyerɨ e ɨchî nɨ mə̀ nyaʼə ghaʼ ə bə̂d. À fə kyerɨ e ɨchî nɨ mə nyaʼə nyìʼ əton ə ŋgəʼ.

2 Timotì 3:14

Àyɨə à yeʼ ɨmbə̀ʼ əwe, àwɔ̀ Timotì, chè ɨmbì ghɨ̀ ɨnû mbe nɨ à nyaʼa fə kwembɨ bə̀ ben ənɨ e fîŋ jìm, ɨmbə̀ʼ ɨghəm nɨ à kyerɨ bə̂d mbe nɨ à kwembɨ ɨnû mbe rɨ əmbɨ mɨ̀mə̌d.

Mə̀Hibrù 2:17

À yɨ əton nɨ wɨ̀ nyaʼa berɨ yeʼ ɨghabɨ mbi bɔŋgɔb ənɨ ɨnû jìm, ɨmbə̀ʼ wɨ̀ yeʼ ətu ɨgwɨ ə bə̂d mbàn Ŋwìə̀. Ɨ wɨə dììrɨ̀ə̀ bə̂d bə̀ fàʼ əmbɨ ə Ŋwiə̀ ənɨ i fîŋ jìm. Ɨ wɨə ghɨ̀ əne ɨmbə̀ʼ Ŋwìə̀ waʼ ɨnû rɨbɔ̀ŋ bə̂d.