2 Kɔrèn 8:12 - Meta’

¹² ɨmbə̀ʼ ɨghəm nɨ wə̀d mɨ berɨ fîŋ chɔ̀m nɨ wèèrɨ̀, Ŋwìə̀ bɨrɨ nɨŋ əghɨ ze nɨ wɨ̀ naʼa ɨchî nɨ wɨ̀ berɨ ɨghɨ, kaʼi ɨchî nɨ chəi wɨ̀ berɨ ɨghɨ.

Ikan feg

¹² Ane, wə̀d mə bèrì fìŋ chɔm ni wètì bəd bə̀ nàʼ ighi icheg ne abo məd chwi, Ŋwiye biri niŋ ighi mbe ne wì nàʼi. Chəyi Ŋwiye we kə̀bə̀ gha wə̀d naʼa ighi ane mbe ne chəyi wì bèri.

2 Kɔrèn 8:12 교차 참조

Matìyò 25:17

Əne bə̂, we nɨ nyaʼa nɨŋ ɨ̀bàm ɨkab gôl be, nyaʼa bə̀ jɨg njìm ɨ̀bàm cherə be.

Matìyò 25:22

“Wə̀d ə̀fàʼì we nɨ nyaʼa nɨŋ ɨ̀bàm ɨkab gôl mbe be nyaʼa wò nyɨ ghà ɨ bɔ ni, 'Masà, à nyaʼa nàʼ ɨ̀bàm ɨkab gôl ɨ num ɨbe. Zə, mə fə jɨg njìm ɨ̀bàm cherə be.'

Lk 16:10

Wə̀d we nɨə fàʼ ənɨ i fîŋ jìm mbɨ ɨghɨ mbe nɨ kə, ə kyerɨ ɨchî nɨ fàʼ ənɨ i fîŋ jìm mbɨ mbe nɨ nɔʼɔ. Ka we nɨ chəi wɨə fàʼ ənɨ i fîŋ jìm mbɨ ɨghɨ mbe nɨ kə bɨrɨ bɨ faʼi ənɨ i fîŋ jìm mbɨ mbe nɨ nɔʼɔ.

2 Kɔrèn 8:11

Mbə̀ maanə fetɨ ɨkab we ɨchî nɨ mbə nyaʼa be kaŋ nuŋ ɨŋga tə fîŋ ni mbə bɨrɨ wèèrɨ̀. Mbə̀ kaŋ ghɨ əne ənɨ ɨghɨ mbe nɨ mbə̀ berɨ,

2 Kɔrèn 8:13

Chəi mə̀ kəb nɨ ghɨ ni ɨnû zam ɨgwɨ ə bə̂d mɔʼɔ, sɨ nìd yeʼ ɨgwɨ nən. Mə kə̀b yeʼ ni bə̂d mɨ̀jìm yeʼ əndəŋ əndəŋ.

2 Kɔrèn 8:19

Kaʼ àmei əze, tɨfetɨ bə̂d Kristo rɨ̀jìm fə bə̀ chɔʼ əməd ni wɨ̀ yenə mbɨ na ənɨ tɨə wo naʼ ə̀wèèrɨ̀ zɔ̂. Tɨ̀ wɨə wo nàʼ ɨmbə̀ʼ wumnɨ Ə̀nùŋɨ̀sɨg fɔrɨ ɨmbə̀ʼ chwiə fîŋ chɔ̀m ze nɨ tɨ̀ berɨ.

2 Kɔrèn 9:7

Wə̀d mɔʼ mɔʼ berɨ nàʼ àmei ɨchî nɨ wɨ̀ fə tekɨ ɨŋga i fîŋ ni tə bɨrɨ nàʼ. Tɨ wɨ̀ naʼ i yènə̀ dùmbɨ̀ə̀. Tɨ wɨ̀ bɨ naʼ i ɨghabɨ ni à yɨ mbɨ nyeŋ əməd nyeŋɨ, ɨmbə̀ʼ ɨghəm nɨ Ŋwiə̀ wɨə ghaʼə wə̀d we nɨə nàʼ ɨghɨ mbɨ ɨghaʼi ɨŋga i fîŋ.

1 Pità 4:10

Mbə nɨŋ mɨneʼe mbe nɨ Ŋwìə̀ naʼ əmbɨ wə̀d mɔʼ mɔʼ rəbɔʼ nən wèèrɨ̀ mbə bɔŋgɔb əŋgu. Əne yɨ ɨchî ni Ŋwìə̀ ə chè ənɨ ə njìm ghɨ̀ə̀ tɨkwɨrɨ chɔ̀m jìm ənɨ ə bə̂d.