2 Kɔrèn 8:1 - Meta’

¹ Mba bɔŋgɔb, tɨ̀ kə̀b ni mbə̀ kyerɨ ɨ̀chɔ̀m we nɨ Ŋwiə̀ nyaʼa ghɨ ənɨ rɨfetɨ bə̂d Kristo te rɨ əbà əbeŋ ze rɨ ə Màsèdonià.

Ikan feg

¹ Ìmba məfi fɔrɔ ìta njàbi, tì kə̀b gha mbə̀ kyeri ìchɔ̀mì we ne Ŋwiye ghi abə tifeti bəd Ŋwiye te aba aben ze a Màsèdonìyà.

2 Kɔrèn 8:1 교차 참조

Matìyò 25:22

“Wə̀d ə̀fàʼì we nɨ nyaʼa nɨŋ ɨ̀bàm ɨkab gôl mbe be nyaʼa wò nyɨ ghà ɨ bɔ ni, 'Masà, à nyaʼa nàʼ ɨ̀bàm ɨkab gôl ɨ num ɨbe. Zə, mə fə jɨg njìm ɨ̀bàm cherə be.'

Ɨ̀fàʼì 11:23

Ənɨ wɨ̀ nyaʼa wò pè zə ɨchî nɨ Ŋwìə̀ nyaʼa ghɨ ɨ̀chɔ̀m ənɨ ə bə̂d mbe, wɨ̀ nyaʼa ghaʼ, əne tìmbɨ̀ mɨ̀mə̌d mɨjìm ni mbɨ təm kàànɨ̀ ɨŋga ənû ə Ŋwiə̀, bə̀ fàʼ əmbɨ Ə̀nùŋɨ̀sɨg ənɨ tə fîŋ rɨjìm.

Ɨ̀fàʼì 16:9

À nyaʼa ɨzimɨ we, tɨ̀taanɨ njə̀m nyaʼa chè ə Pɔ̂l, wɨ̀ zə mbaŋə̀ mɔʼɔ rɨ ə Màsèdonià nɨ nyaʼa təm buʼ ɨbɔ ɨ bɔ ghà ni, “Baanɨ yeʼe weerɨ əwa ə Màsèdonià.”

Ɨ̀fàʼì 24:17

“Ənɨ ɨghəm ɨwu nyaʼa fə chè nɔnɔʼ, mə nyaʼa wɨrɨ wò ə Jèrusalèm ɨmbə̀ʼ naʼ ɨkab əmbɨ ə bə̂d ɨkwaŋ mbe nɨ yeʼ ɨŋga mɨ əbeŋ bə̀ nàʼ ɨghɨ ə̀fà əmbɨ ə Ŋwiə̀.

Rm 15:26

Ɨfetɨ bə̂d Kristo we rɨ ə Màsèdonià mbɨ we rɨ ə Àkàiyà nyaʼa zə ni zɨə bɔ̀ŋ ni mbɨ chob ɨkab ənɨ ə ɨghəm nàʼ əmbɨ ə bə̂d ɨkwaŋ mbe nɨ yeʼ əkaʼ bə̂d Ŋwiə̀ mbe nɨ yeʼ ə Jèrusalèm.

1 Kɔrèn 15:10

Mə yɨə wə̀d we nɨ mə yeʼ wɨwən ənjìm ɨ̀chɔ̀m Ŋwiə̀. Chəi ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num nyaʼa che ətu ə̀kǒ. Àyɨə mə nyaʼa fàʼ rɨkǎ chè mɨ̀mə̌d mɨjìm. Ka à bè yeʼi ni kaʼi mɔ̌ nyaʼa fàʼi, àyɨə Ŋwiə̀ nyaʼa che ənjìm ɨ̀chɔ̀m məd ghɨ̀ mə fàʼ.

2 Kɔrèn 11:9

Ənɨ mə̀ nyaʼa mbɨ nən kwaŋ əghɨ ə mɔʼɔ, chəi mə̀ nyaʼa chə wə̀d mɔʼɔ rəbɔʼ nən, ɨmbə̀ʼ ɨghəm nɨ mbɨ bɔŋgɔb mbe rɨ ə Màsèdonià nyaʼa naʼ ɨghɨ mbe nɨ mə̀ nyaʼa kwaŋɨ. Mə nyaʼa ton, əne mə wɨə bə̀ kɨrɨ ton nɨ chə əwən.

2 Kɔrèn 9:12

Əne ka ənû zɔ̂ nɨ mbə̀ ghɨ bɨrɨ naʼ àmei ɨghɨ mbe nɨ bə̂d Ŋwiə̀ kəbɨ, zɨə bɨrɨ bɨ ghɨ ni bə̂d mɨ̀nɔnɔʼ naʼ məben-əwe əmbɨ ə Ŋwiə̀.

2 Kɔrèn 9:2

Mə kyerɨ ni mbə kàŋ ghaʼ nɨ wèèrɨ̀, əne mə wɨə goŋ ɨgɔ̂ ɨmbə̀ʼ əwən əmbɨ ə bə̂d Kristo mbe nɨ yeʼ ə Màsèdonià. Mə wɨə ghà əmbɨ mɨ̀mə̌d ni bə̂d Kristo mbe nɨ yeʼ ə Àkàiyà nyaʼa fə tekɨ ə ɨnyod nɨ naʼ ə̀wèèrɨ̀ ze nɔʼ tɨ rɨ əghəm əwu. Ɨchî nɨ mbə̀ ghaʼ nɨ naʼ ə̀wèèrɨ̀ ze ə fə ŋwè bə̂d mɨ̀nɔnɔʼ əkaʼ mɨ̀mə̌d ni mbɨ bə wèèrɨ̀.

2 Kɔrèn 9:4

À mɨ yeʼ nɨ chəi mbə̀ kɨrɨ tekɨ ɨnyod, njɨ bə̂d mɔʼɔ rɨ ə Màsèdonià mɨ yeʼe mbɨ num pè zə ni chəi mbə̀ kɨrɨ tekɨ ɨnyod, mba ɨtu bɨrɨ nìd. Mba ɨtu mɨ nìd, njɨ zɨə kɨə wo yeʼ rɨ ye mbɨ mbə̀n mbe nɨ tɨ̀ nuŋ ta fîŋ ɨgwɨ nən ə?

Efesùs 3:8

Ka à bè yeʼi ni mə kə chè wɨ kwa rəbɔʼ bə̂d Ŋwiə̀ mɨ̀jìm, àyɨə Ŋwiə̀ nyaʼa ghɨ̀ ɨ̀chɔ̀m ənɨ ə num ni mə̀ gha əmbɨ ə bə̂d mbe nɨ kaʼi mɨ̀Jû ɨmbə̀ʼ mbɔ̂n ze nɨ chəi zɨ̀ bɨrɨ nɔ mì, nɨ tɨ̀ berɨ àmei ɨchî nɨ mbɨ kyerɨ ə Kristo.

Kòlosè 1:29

Mə wɨə ghɨ̀ ɨnû mbɔ̂ ənɨ ɨka jìm we nɨ Kristo naʼ ɨ num.

1 Tèsàlonikà 4:10

À yɨ rəsìʼ ni mbə kàŋ ghaʼ mbə bɔŋgɔb mɨ̀jìm mbe nɨ yeʼ ɨŋga ɨsɨ jìm mbe rɨ ə Màsèdonià. Àyɨə tɨ̀ wɨə buʼ ɨbɔ ɨ nən, kyɨə bɔŋgɔb, ni mbə̀ wo ɨmbì ghɨ əne tɨ̀nîn chè ɨchî nɨ mbə̀ nyaʼə bèə̀ ghɨ̀ə̀.