2 Kɔrèn 6:4 - Meta’

⁴ Àyɨə ɨghabɨ ə bə̂d ə̀fàʼì Ŋwiə̀, tɨ wɨə chwiə ni tɨ yɨə bə̂d ə̀fàʼì chɔ̀m ənɨ tɨkwɨrɨ ɨnə̂njɨ̀ jìm. Tɨ̀ wɨə nyìʼ əton ə ŋgəʼ, tɨ wɨə zə tɨkwɨrɨ ŋgəʼ jìm, ɨnû mbɨə nyèm əwa, ɨnû rɨbɔ̀ŋ nɔnɔʼ mbɨə nyɨ ɨgwɨ na.

Ikan feg

⁴ Si ya gha, icheg bəd àfàʼì Ŋwiye, tì ya chwìye ane iku inɔnjì ijìm gha, mba ya bəd àfàʼì chɔm: kə̀ àkə inga nyùmə̀ ni nyìʼ, kə̀ nyùmə̀ tiku ngəʼ ijìm, kə̀ nyùmə̀ ne inug mbe kà, kə̀ nyùmə̀ ibəʼ,

2 Kɔrèn 6:4 교차 참조

Lk 21:19

Mbə mɨ nyìʼ, mbə bɨrɨ jɨg ɨ̀tènɨ̀ rəsìʼ.

Jn 16:33

Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”

Ɨ̀fàʼì 2:22

“Mɨ̀Izre, mbə̀ zu ɨŋgam wɔ̂: Yeso we rɨ ə Nazàret yɨə wə̀d we nɨ Ŋwìə̀ nyaʼa chɔʼɔ. Ŋwìə̀ nyaʼa chè ənjìm məd ghɨ̀ ɨnû kyeŋ kyeŋ, ghɨ̀ ɨnû yiirɨ bə̀ ghɨ̀ ɨnweenɨ-ɨnû əkaʼ nən, ɨchî nɨ mbə̀ kaŋ kyerɨ.

Ɨ̀fàʼì 20:34

Mbə̀ kàŋ kyerɨ ə ni ɨbɔ mbɔ̂ mbɨə nyaʼə fàʼə̀ bə̀ nàʼ ɨghɨ mbe nɨ mɔ̌ mbɨ ə bə̂d mbe nɨ nyaʼa mbɨ num nyaʼa kwaŋɨ.

Ɨ̀fàʼì 9:16

Mə bɨrɨ chwi ŋgəʼ jìm ze nɨ wɨ̀ berɨ zə ɨmbə̀ʼ əmɨ ɨ bɔ.”

Rm 14:18

Ənɨ wə̀d ə fàʼ əmbɨ Kristo ɨkwɨ ɨchî wɔ̂, Ŋwìə̀ wɨə ghaʼə, bə̂d bə̀ ben ni ɨ wɨə ghɨ̀ ənû nɨ kuʼnɨ.

Rm 16:10

Mbə̀ chaʼrɨ ə Apelès. Məd fə chwi ni tə yɨə kàŋ ə wə̀d Kristo. Mbə̀ chaʼrɨ bə̂d mbe nɨ yeʼ ɨŋga nəb Àrìstobulùs.

Rm 3:5

Mba ɨnû rɨbɔ̀ŋ mɨ yeʼə chwiə ni Ŋwìə̀ wɨə ghɨ̀ ɨnû nɨ kuʼnɨ, njɨ tɨ̀ kɨə wò ghà ni ye ə? Ni chəi Ŋwìə̀ ə ghɨ̀ ɨnû nɨ kuʼnɨ əwù ze nɨ wɨ̀ sə ɨtəm chə əwa ə? (Mə wɨə ghàm ɨchî nɨ bə̂d mɨ̀sɔŋɨchù ə ghàmə̀.)

Rm 5:8

Ŋwìə̀ nyaʼa chwi ni tə ghaʼ əwa əni: Ənɨ tɨ̀ nyaʼa kɨrɨ ghɨ̀ ɨnû rɨbɔ̀ŋ, Kristo nyaʼa kwɨ ɨgwɨ mba ɨtu.

1 Kɔrèn 3:5

Àpolòs kɨə we? Pɔ̂l bə̀ ə we? Tɨ̀ yɨə àmei bə̂d ə̀fàʼì mbe nɨ mbə̀ nyaʼa che ənjìm mɨ̀mə̌d ben ə Yeso Kristo. Wə̀d mɔʼ mɔʼ rəbɔʼ na wɨə fàʼ ə̀fàʼì ze nɨ Ə̀nùŋɨ̀sɨg nyaʼa naʼ ɨ bɔ.

1 Kɔrèn 4:1

Bə̂d berɨ neŋ əwa ni tɨ̀ yɨə bə̂d ə̀fàʼì Kristo fɔrɨ bə̂d nɨ Ŋwìə̀ ghɨ ni mbɨ gha ɨnû mbe nɨ yeʼ ənə̀mə ɨmbə̀ʼ əməd.

1 Kɔrèn 9:11

Tɨ̀ mɨ fə kon ɨghɨ mbe nɨ Əzwî ə naʼ ɨ na əkaʼ nən, njɨ zɨə wa nɔʼ əku əwù ze nɨ tɨ̀ biirɨ ɨghɨ mɔʼɔ rɨ nən ə?

2 Kɔrèn 11:23

Mbɨ wa kɨə bə̂d ə̀fàʼì Kristo ə? Mə wɨə ghàm ɨghabɨ ətəd. Mə chè mɨ̀mə̌d. Mə fə fàʼ rɨ̀kǎ chè mɨ̀mə̌d, mə fə nyɨ ndəŋ ɨghəm nɔnɔʼ, mbɨ fə som əmɨ ɨghəm nɨ chəi ənɨ tɨ̀ mbɨ taŋ, mə fə jwɨ̀ rɨ ɨchû ɨvɨ ɨghəm nɔnɔʼ.

2 Kɔrèn 11:27

Mə wɨə nyaʼə fàʼ rɨ̀kǎ bə̀ nwìʼ ɨnyod. Chəi mə nyaʼa gwenɨ ɨzimɨ nɔnɔʼ. Mə wɨə nyaʼa chub ə njì, ədɔʼ ə bə̀ ne əmɨ. Mə wɨə nyaʼə chub ɨghəm nɔnɔʼ nɨ chəi əghɨjɨg. Mə wɨə nyaʼə kwaŋ ngywɨ̌ əne ɨfə wɨə nyaʼə kɔ əmɨ.

2 Kɔrèn 11:9

Ənɨ mə̀ nyaʼa mbɨ nən kwaŋ əghɨ ə mɔʼɔ, chəi mə̀ nyaʼa chə wə̀d mɔʼɔ rəbɔʼ nən, ɨmbə̀ʼ ɨghəm nɨ mbɨ bɔŋgɔb mbe rɨ ə Màsèdonià nyaʼa naʼ ɨghɨ mbe nɨ mə̀ nyaʼa kwaŋɨ. Mə nyaʼa ton, əne mə wɨə bə̀ kɨrɨ ton nɨ chə əwən.

2 Kɔrèn 12:10

À yɨ əton nɨ ɨmbə̀ʼ ə Kristo, mɨ fîŋ zɨ i ɨchî chɔ̀m mbɨ ɨghɨ mbe nɨə ghɨ̀ ni mə bɔd, mbɨ mɨzɔ̂m, mbɨ ɨnû mbe nɨə nyèm əmɨ, mbɨ ɨchî nɨ bə̂d ə nwèndɨ̀ tum rɨkyerɨ-ɨwu fɔrɨ mbɨ ɨchî nɨ ŋgəʼ nɔnɔʼ ə nyɨ ə ɨgwɨ num, ɨmbə̀ʼ ɨghəm nɨ ənɨ mə bɔrɨ, mə wɨ ɨkǎ.

2 Kɔrèn 12:12

Mə nyaʼa nɨŋ ɨyim fîŋ nɨ kaanɨ ghɨ̀ ɨnweenɨ-ɨnû, ghɨ̀ ɨnû yiirɨ bə̀ ghɨ̀ ɨnû kyeŋ kyeŋ əkaʼ nən ɨ chwi ni mə yɨə wə̀d tom Kristo rəsìʼ.

2 Kɔrèn 2:17

Ka tɨ̀ yɨ a ɨghabɨ ə bə̂d mɨ̀nɔnɔʼ mbe nɨə nɨŋ ɨŋgam Ŋwiə̀ beʼrɨ ɨwin əŋgu ɨmbə̀ʼ jɨg njìm. Tɨ̀ wɨə ghà rəsìʼ ənɨ ta fîŋ rɨjìm ɨfě Ŋwiə̀ ɨchî nɨ tɨ̀ yeʼ ənɨ ɨfɔtɨ mbɨ Kristo. À yɨə Ŋwìə̀ ziə tom əwa ni tɨ̀ ghamə.

2 Kɔrèn 3:6

Wɨ̀ fə ghɨ̀ ni tɨ̀ kuʼ nɨ fàʼ əton fɨso fi. Ka fɨso fi fe yɨ i əghɨ nɨ mbɨ ŋwaʼnɨ. Fɨso fe yɨ rɨ əmbɨ ə Əzwî. Tɨkə te nɨ mbɨ ŋwaʼnɨ tɨə yeʼe mbɨ ɨvɨ, àyɨə Əzwî ə zɨə nàʼ ɨ̀tènɨ̀.

2 Kɔrèn 4:17

Ka ŋgəʼ kwa kwa zɔ̂ nɨ tɨə zəə bɨrɨ tandɨ i. Ɨ zɨə tekɨ əwa ni mbɨ naʼ ɨwumnɨ we nɨ ten i koŋ ɨ na. Ɨwumnɨ we ə chè ŋgəʼ zɔ̂ jìm.

2 Kɔrèn 4:2

Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

2 Kɔrèn 4:8

Ŋgəʼ zɨə nyɨ ɨgwɨ na ənɨ mɨnə̂njɨ̀ jìm, àyɨə chəi zɨə zwiirɨ əwa. Mba ɨtu mbɨə bùùrɨ̀ə̀, àyɨə chəi tɨ̀ kɨrɨ bɔd.

2 Kɔrèn 7:11

Mbə̀ zə əghɨ ze nɨ ɨkwɨ ə̀kə̀nɨ̀ we nɨ Ŋwiə̀ kəb ə fə ghɨ ɨŋga nən. Mbə̀ fə ghɨ̀ ɨka nɨ chɨ mbə ɨbɔ rɨŋga ɨnû mɔʼɔ mbe nɨ mbɨ nyaʼa chuʼ əwən ɨmbə̀ʼ mbɨwən. Mbə̀ nyaʼa sə ɨtəm əbɔʼ wə̀d we nɨ nyaʼa gu ənû. Mbə̀ nyaʼa bɔ ni Ŋwìə̀ bɨrɨ chə əwən. Mbə̀ nyaʼa kə̀b ni mə yeʼe mò əwən. Mbə̀ fə zɨ ɨka nɨ ghɨ ɨnû nɨ kuʼnɨ. Mbə̀ nyaʼa bə̀ chə wə̀d we nɨ nyaʼa gu ənû! Ənɨ ɨnû jìm, mbə fə chwiə ni chəi mbə̀ gu ənû ə mɔʼɔ.

Kòlosè 1:11

Ŋwiə̀ we nɨ berɨ ɨka nɨ chè ɨka jìm ghɨ ni mbə̀ jeŋgɨ təm kàànɨ̀ ɨmbə̀ʼ mbə̀ sɨə nyìʼ əton ə ŋgəʼ, sɨə yimə fîŋ, sɨə ghaʼə bɔŋgɔb,

Kòlosè 1:24

Mə wɨə ghaʼə rɨ̀nîn ɨchî nɨ mɨə zəə ŋgəʼ ɨmbə̀ʼ əwən, ɨmbə̀ʼ ɨghəm nɨ mə wɨə màànɨ̀ ɨchî nɨ Kristo nyaʼa zə ŋgəʼ ɨmbə̀ʼ i nyamnyod. Nyamnyod ze yɨ ɨfetɨ bə̂d məd.

1 Tèsàlonikà 3:7

Mbɨ bɔŋgɔb, ɨchî nɨ mbə̀ nuŋ fîŋ ɨgun ə Kristo ə zɨə nəərɨ əwa ənɨ tɨə zə ɨkwɨ ŋgəʼ jìm bə̀ fɔrɨ ənɨ mbɨə nwèndɨ̀ ta rɨkyerɨ-ɨwu.

1 Tèsàlonikà 5:14

Mba bɔŋgɔb, tɨ̀ wɨə buʼ ɨ bɔ ɨ nən ni mbə̀ patɨ mɨgwed, nɔɔrɨ ɨka mbe nɨə bɔ ɨnû, weerɨ mbe nɨə kəb ə̀wèèrɨ̀, bə nyiʼə ghàm əmbɨ ə wə̀d jìm.

1 Timotì 2:15

Àyɨə Ŋwìə̀ bɨrɨ chɨ əyi rəŋgəʼ ənjìm ɨchî nɨ wɨə gywɨə bɔn, əwù ze nɨ wɨ wò ɨmbì nùŋ i ɨbenɨ, ghaʼ bə̂d, chub ɨzeŋɨ zeŋɨ bə̀ ghɨ̀ ɨnû ɨnə̂njɨ̀ nɨ kuʼnɨ.

1 Timotì 4:6

À mɨ ghà ɨnû mbɔ̂ nɨ mə gha ɨ ne əmbɨ ə bə̂d Kristo bə̀ beenɨ əbɔʼ mɨŋgam mbe nɨə ghɨ̀ ni ɨbenɨ kaanə bə̀ beenɨ əbɔʼ rəsìʼ we nɨ à nyaʼa fə zu, njɨ à bɨrɨ kaŋ yeʼ wə̀d ə̀fàʼì Kristo Yeso chɔ̀m.

1 Timotì 6:11

À yeʼ ɨmbə̀ʼ əwe, àwɔ̀ wə̀d Ŋwìə̀, fə ton ɨnû mbɔ̂ jìm. Ghɨ yeʼ ənû mbe nɨ kuʼnɨ bə̀ ghɨ̀ yeʼ mbe nɨ Ŋwìə̀ kəbɨ. Nuŋ fîŋ ɨgun ə Kristo, ghaʼ bə̂d, chi ɨnû bə̀ berɨ ɨbɔtɨ fîŋ.

2 Timotì 1:8

Əne tɨ e ətu ə nid i nɨ gha ɨmbə̀ʼ a Ə̀nùŋɨ̀sɨg, kɨ̀ nɨ gha ɨmbə̀ʼ ɨchî nɨ mə̀ yeʼ wə̀d ndəŋ ɨmbə̀ʼ əməd. Àyɨə tekɨ ɨnyod nɨ zə ɨkwɨ ŋgəʼ we nɨ mɨə zə ɨmbə̀ʼ ɨkə̂n chɔ̀m. À bɨrɨ ghɨ əne ənjìm ɨka we nɨ Ŋwìə̀ naʼ ɨ ne.

2 Timotì 2:24

Tɨ wə̀d ə̀fàʼì Ə̀nùŋɨ̀sɨg yeʼi wə̀d nɨə tàŋə̀. Wɨ̀ berɨ yeʼ wə̀d nɨə ghɨ̀ ɨ̀chɔ̀m ənɨ ə wə̀d jìm. Wɨ̀ berɨ yeʼ wə̀d nɨ kyerɨ ɨchî nɨ chwi ɨnû. Wɨ̀ berɨ bɨ yeʼ wə̀d nɨə yimə fîŋ.

2 Timotì 4:5

À yeʼ ɨmbə̀ʼ əwe, àwɔ̀ Timotì, yimbɨ e ɨnyod ənɨ ənû jìm. Nyiʼ fîŋ ənɨ à zəə ŋgəʼ. À berɨ fàʼ ɨmbə̀ʼ zə ni bə̂d yeʼe əsɨ Kristo. Ghɨ ɨnû jìm mbe nɨ Ŋwìə̀ zɨ ɨŋga te rɨkyerɨ-ɨbɔ.

Mə̀Hibrù 12:1

Ɨchî nɨ mɨ̀zərɨmbin mbɔ̂ ɨnɔ̂n kyeŋ kaŋ kad əwa, əne tɨ̀ waʼ ɨnû jìm mbe nɨə kən ɨnə̂njɨ̀ ɨ na bə̀ waʼ ɨnû rɨbɔ̀ŋ mbe nɨ kod əwa. Tɨ̀ notɨ ə̀nòtɨ̀ ze nɨ yeʼ ɨmbì ɨ na mbɨ ɨnyiʼ fîŋ.

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

Ɨnû 3:10

Ɨchî nɨ à fə yim fîŋ nyìʼ ɨchî nɨ mə nyaʼa gha ɨ ne, mə bɨrɨ nəm əwe ənɨ ə nyùmə̀ we nɨ ŋgəʼ bɨrɨ yeʼe ɨgwɨ ɨsɨg jìm ɨmbə̀ʼ kwaʼnɨ bə̂d mbe nɨ yeʼ ɨgwɨ ə si.