2 Kɔrèn 6:16 - Meta’

¹⁶ À kɨ ənû ə ye nɨ mbàn Ŋwìə̀ berɨ mbɨ mbɨ̀anèŋ ə? Tɨ̀ yɨə mbàn Ŋwìə̀ we nɨ yeʼ ɨkǎ. Ŋwìə̀ ziə ə ghà ni: “Mə bɨrɨ chubɨ mbɨ mɨ̀mə̌d bə̀ yèn əkaʼ mɨ̀mə̌d. Mə bɨrɨ yeʼ Ŋwiə̀ mɨ̀mə̌d, mɨ̀mə̌d bə̀ yeʼ mbɨ bə̂d.”

Ikan feg

¹⁶ Àkə anug zeg ne mbàn Ŋwiye beri tì mə̀ŋwiye? Mba ya mbàn ne Ŋwiye we ne yaʼi izɔm we chùghə inga. Ŋwiye zìye fə ghà gha, “Mə biri chughi tì inɔb bə̀ yèn abɔ̀ʼ inɔb. Mə biri yaʼ ìwɔb Ŋwiye, mbɔb bə̀ yaʼ ìmbum bəd.”

2 Kɔrèn 6:16 교차 참조

Matìyò 16:16

Saimon Pità nyaʼa wììrɨ̀ ni, “Àwɔ̀ yɨə Wə̀d we nɨ Ŋwiə̀ zɔʼɔ, yeʼ Wan Ŋwìə̀ we nɨ yeʼ ɨkǎ.”

Matìyò 6:24

“Chəi wə̀d mɔʼɔ əŋgu nɨ tɨ̀ wɨ̀ fàʼ əmbɨ mɨ̀mbǎʼ ə̀fàʼì mɨbe, ɨmbə̀ʼ ɨghəm nɨ wɨ̀ bɨrɨ ban wɨ fìbɨ̀ ghaʼ wɨ fìbɨ̀, kɨ̀ wɨ̀ fàʼ əmbɨ wɨ fìbɨ̀ ənɨ i fîŋ jìm tə̀ə̀nɨ̀ wɨ fìbɨ̀. Chəi ənɨ tɨ̀ à fàʼ əmbɨ ə Ŋwiə̀ bə̀ faʼ nɨ berɨ mbɔ̂n əwu əwən.

Lk 5:36

“Ka wə̀d wɨə seerɨ i əghɨ ə ngywɨ̌ ə fi ɨmbə̀ʼ baŋgɨ ngywɨ̌ ə nun əŋgu. Wɨ̀ mɨ ghɨ̀ əne, wɨ̀ bɨrɨ seerɨ zɨ fi ze. Əne kaʼ əghɨ ə ngywɨ̌ ə fi ze ə bɨrɨ namnɨ i mbɨ əzɨ ə nun.

Jn 14:23

Yeso nyaʼa wììrɨ̀ ɨ bɔ ni, “Wə̀d mɔʼɔ mɨ ghaʼ əmɨ, wɨ̀ bɨrɨ zu mɨ ɨŋgam bə̀ nùŋ. Mɨ Mbǎʼ bɨrɨ ghaʼ əməd, əne mɔ̌ mbɨ mɨ Mbǎʼ bɨrɨ wo əsɨ məd pè chubɨ mbɨ məd.

Jn 6:56

Wə̀d jìm we nɨ kud mɨ nyamnyod bə̀ nɔ mɨ ənəm wɨ ənɨ ənû ə mɔʼ mbɨ num, mə wɨə bə̀ ənɨ ənû ə mɔʼ mbɨ məd.

Rm 8:11

À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

Rm 8:9

Àyɨə chəi mbə̀n ə ghɨ̀ ɨnû mbe nɨ nyamnyod ə feenɨə. Mbə mbɨə ghɨ̀ yeʼ mbe nɨ Əzwî ə ghà ɨ nən, əne yɨ əwù ze nɨ Əzwî ə Ŋwiə̀ ə kaŋ yeʼ ɨŋga nən. Ka wə̀d we nɨ chəi Əzwî ə Kristo ɨŋga məd yɨ i wə̀d Kristo.

Rm 9:26

Ɨŋga əsɨ ze nɨ mbɨ nyaʼa gha əmbɨ mɨ̀mə̌d ni, 'Ka mbə yɨ ə mbɨ bə̂d,' mbɨ bɨrɨ tɔŋ mɨ̀mə̌d ənɨ ə 'Bɔn Ŋwiə̀ we nɨ yeʼ ɨkǎ.'”

1 Kɔrèn 10:21

Chəi ənɨ tɨ̀ mbə nɔ rɨŋga toʼ Ə̀nùŋɨ̀sɨg bə̀ nɔ rɨŋga toʼ ɨzwî rɨbɔ̀ŋ. Chəi ənɨ tɨ̀ mbə jɨg ɨgun ə tebrə̀ Ə̀nùŋɨ̀sɨg bə̀ jɨg ɨgun ə tebrə̀ ɨzwî rɨbɔ̀ŋ.

1 Kɔrèn 6:19

Chəi mbə̀ kyerɨ ni tə nyamnyod yɨə mbàn əmbɨ Əzwî ə Zeŋɨ ze nɨ yeʼ ɨŋga nən, nɨ Ŋwìə̀ nyaʼa naʼ ɨ nən ə? Ka tə nyamnyod yɨ i tən.

Efesùs 2:20

nɨ mbɨ bɔm ɨgun əchɨ ze nɨ bə̂d tom Kristo mbɨ ə bə̂d ɨ̀kə̀n Ŋwiə̀ nyaʼa bɔmɨ. À yɨə Kristo Yeso ziə nɨ yeʼ ɨti rɨ ɨbu nəb.

Efesùs 2:22

Ənɨ ɨfɔtɨ mbɨ məd, ɨ mbɨə bə̀ bɔmə mbə̀n mbe nɨ kaʼi mɨ̀Jû ənɨ əsɨ ze nɨ Ŋwiə̀ nɨ yeʼ əzwî ə chub əŋgu.

Efesùs 3:17

Mə wɨə bə̀ kɔ̀ŋgɨ̀ə̀ ni ə ɨbenɨ ghɨ ni Kristo chub ɨŋga tə fîŋ fɔrɨ ni mbə̀ ghaʼ ə Ŋwiə̀ bə̀ ghaʼ mbə bɔŋgɔb. Mbə mɨ ghɨ əne, mbə bɨrɨ yeʼ ɨghabɨ əzed nɨ ɨghaŋ nyɨ ə si, bə̀ yeʼ ɨghabɨ ə nəb nɨ mbɨ bɔm ɨgun əchɨ.

1 Timotì 3:15

à mɨ yeʼ nɨ mə̀ tanɨ, à we tɨ à kyerɨ ɨchî nɨ tɨ̀ bə̂d ghɨ̀ ɨnû ɨŋga ɨfetɨ bə̂d Ŋwiə̀, nɨ yeʼ ɨfetɨ Ŋwìə̀ we nɨ yeʼ ɨkǎ. Bə̂d Ŋwiə̀ mbɔ̂ mbɨə yimə rəsìʼ we nɨ yeʼ ɨŋga ɨkə̂n chɔ̀m àmei ɨchî nɨ təʼ mbɨ əchɨ ə yimə nəb.

2 Timotì 1:14

Nəŋgɨ rəsìʼ we nɨ Əzwî ə Zeŋɨ ze nɨ yeʼ ɨŋga na ə zɨ ɨŋga te rɨkyerɨ-ɨbɔ.

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Mə̀Hibrù 8:10

Ə̀nùŋɨ̀sɨg ə ghà ni, fɨso fe nɨ mə̀ bɨrɨ san mbɨ mɨ̀Izre yɨ ni: ənɨ ɨni mbe fə che i, mə bɨrɨ zɨ tum rɨkə ɨŋga ɨtu mɨ̀mə̌d, bə̀ ŋwàʼnɨ̀ ɨŋga fîŋ tɨ mɨ̀mə̌d. Mə bɨrɨ yeʼ Ŋwìə̀ mɨ̀mə̌d, mɨ̀mə̌d bə̀ yeʼ mbɨ bə̂d.

Jems 4:5

Kɨ̀ mbə̀ wa kɔndɨ ni à yɨ ətu ə̀kǒ nɨ Ə̀ŋwàʼnɨ̀ ə Ŋwiə̀ ə ghà ni, “Ŋwìə̀ wɨə ghə̀ʼnɨ̀ Əzwî əməd ze nɨ wɨ̀ ghɨ ni zɨə yeʼ ɨŋga na.”

1 Pità 2:5

Mbə yeʼe ɨghabɨ əti nɨ yeʼ ɨka ɨmbə̀ʼ mbɨ nɨŋ əwən bɔm nəb əzwî əŋgu. Mbə mɨ ghɨ̀ əne, mbə bɨrɨ yeʼ bə̂d mbàn Ŋwìə̀ zeŋɨ, əne chè ənjìm ə Yeso Kristo naʼ ɨghɨ ə̀fà əzwî mbe nɨ Ŋwiə̀ benɨ.

1 Jɔn 4:12

Chəi wə̀d mɔʼɔ kweʼ zə ə Ŋwìə̀, àyɨə tɨ̀ mɨ ghaʼ a ɨnyod mbǎ mbǎ, Ŋwìə̀ bɨrɨ yeʼ ənɨ ənû ə mɔʼ mbɨ na. Wɨ̀ nɨə ghɨ əne, ɨghaʼi bɨrɨ swi ɨŋga ta fîŋ.

1 Jɔn 4:15

Wə̀d we nɨ ben ni Yeso yɨə Wan Ŋwìə̀ wɨ ənɨ ənû ə mɔʼ mbɨ ə Ŋwìə̀. Ŋwìə̀ wɨə bə̀ ənɨ ənû ə mɔʼ mbɨ məd.

Ɨnû 2:1

Ə̀nùŋɨ̀sɨg Yeso nyaʼa gha ɨ num ni, “Ŋwaʼnɨ əmbɨ aŋgɨrə̀ we nɨə nəŋgɨ ɨfetɨ bə̂d Kristo we rɨ ə Efesùs ni: “Wə̀d we nɨ yim rɨtəmɨ te sambe ɨŋga e əbɔ ə jɨgɨ, nɨə yèn əkaʼ ɨghɨ mbe sambe nɨ mbɨə te ɨnam ɨgun, nɨ mbɨ tekɨ ənɨ ə gôl, ə ghà ni,

Ɨnû 21:3

Mə nyaʼa zu gɨ̂ rɨ ənɨ ətən ɨfɔ̀n ze. Gɨ̂ ze zɨə nyaʼə ghàə̀ ni, “Mbə̀ zə, tɨ̀nîn əsɨ nɨ Ŋwìə̀ ə chubə ə zɨ əkaʼ ə bə̂d. Wɨ̀ bɨrɨ chubɨ mbɨ mɨ̀mə̌d əne mbɨ bɨrɨ yeʼ bə̂d ɨməd. Ŋwìə̀ ziə, nɨ yeʼ Ŋwìə̀ mɨ̀mə̌d, bɨrɨ chubɨ mbɨ mɨ̀mə̌d.

Ɨnû 21:7

Wə̀d we nɨ baŋ ɨnû rɨbɔ̀ŋ bɨrɨ jɨg ɨghɨ mbɔ̂ jìm. Mə bɨrɨ yeʼ Ŋwìə̀ məd, məd bə̀ yeʼ mɨ wan.