2 Kɔrèn 6:10 - Meta’

¹⁰ Bə̂d mɔʼɔ mbɨə ghɨ̀ mbɨ na ɨghabɨ ni tɨ̀ yɨə bə̂d nɨə kə̀nə̀, àyɨə tɨ̀ wɨə ghaʼrɨ əwa ɨghəm jìm. Bə̂d mɔʼɔ mbɨə ghɨ̀ mbɨ na ɨghabɨ ni tɨ yɨə bə̂d ɨkwaŋ, àyɨə tɨ wɨə ghɨ̀ ni bə̂d mɨ̀nɔnɔʼ fuʼ əwən. Bə̂d mɔʼɔ mbɨə neŋ əwa ni tɨ̀ yɨə bə̂d nɨ chəi əghɨ, àyɨə tɨ̀ berɨ ɨghɨjìm.

Ikan feg

¹⁰ Bəd mɔ̀ʼɔ ya nḛ̀ awa kɔ̀ndɔ gha tì we sɔ̀mnɔ̀, si ya gha, tì ya gyènde awa mà nyumə̀ ijìm. Bəd mɔ̀ʼɔ ya nìŋə awa ane bəd ne chəyi àzɔb, si ya gha, mba ya bəd ne ghìyə̀ bəd ndəŋ faŋà bèrè ighi. Bəd mɔ̀ʼɔ ya nìŋə awa icheg ni gha chəyi tì beri aghi, si ya gha, tè bèrì ighi ijìm.

2 Kɔrèn 6:10 교차 참조

Matìyò 5:12

Mbə̀ ghaʼrɨ bə̀ gyendɨ əwən, ɨmbə̀ʼ ɨghəm nɨ Ŋwìə̀ bɨrɨ naʼ ɨneʼe kyeŋ ɨ nən ɨkaŋ. À yɨə bə̀ ɨchî nɨ bə̂d nyaʼə nwèndɨ̀ rɨkyerɨ-ɨwu bə̂d ɨ̀kə̀n Ŋwiə̀ mbe nɨ nyaʼa ɨmbì ɨ nən.

Matìyò 5:4

Ŋwìə̀ zɨ əbɔrəbɔd ɨgun ə bə̂d mbe nɨə dìə̀, ɨmbə̀ʼ ɨghəm nɨ məd ziə bɨrɨ nəərɨ mɨ̀mə̌d.

Lk 6:21

Ŋwìə̀ zɨ əbɔrəbɔd ɨgwɨ mbə̀n mbe nɨ njì ə zaŋə rɨ̀nîn, ɨmbə̀ʼ ɨghəm nɨ mbə bɨrɨ jɨg kod. Ŋwìə̀ zɨ əbɔrəbɔd ɨgwɨ mbə̀n mbe nɨə chweŋ mɨsɨ rɨ̀nîn, ɨmbə̀ʼ ɨghəm nɨ mbə̀ bɨrɨ chəʼrɨ.

Jn 16:22

Mbə mbɨə kə̀nə̀ tɨ̀nîn, àyɨə mə bɨrɨ wɨrɨ zə əwən. Ənɨ mə̀ wɨrɨ zə əwən, ɨghaʼi bɨrɨ swi ɨŋga tə fîŋ. Chəi wə̀d mɔʼɔ əŋgu nɨ bɨrɨ nɔ̀ chɨ̀ ɨghaʼi we rɨŋga tə fîŋ.

Ɨ̀fàʼì 16:25

À nyaʼa sɨ ɨghabɨ ɨzimɨ ka, Pɔ̂l mbɨ Sailàs mbɨə nyaʼə kɔ̀ŋgɨ̀ ə Ŋwiə̀, bə̀ kwerɨ mɨkyî yiirɨ ə Ŋwiə̀. Bə̂d ndəŋ mbe nɨ nyaʼa əŋgu mbɨə nyaʼə zwetɨə.

Ɨ̀fàʼì 3:6

Àyɨə Pità nyaʼa ghà ni, “Chəi mə̀ berɨ ə sɨrɨvà kɨ̀ ə gôl, àyɨə əghɨ ze nɨ mə̀ berɨ mə bɨrɨ naʼ ɨ ne: Ənɨ ɨkum Yeso Kristo we rɨ ə Nazàret, nɔʼɔ yènɨ̀.”

Ɨ̀fàʼì 5:41

Bə̂d tom mbe nyaʼa sàŋ mə̀saʼ əbeŋ mbe yènə̀ ghaʼə ni Ŋwìə̀ fə zə əwən ni mbə kuʼ nɨ zə ŋgəʼ bə̀ berɨ tɨ̀nìd ətu ɨmbə̀ʼ ə Yeso.

Rm 11:12

À mɨ yeʼ nɨ ɨgu-ənû mɨ̀Jû nyaʼa ghɨ ni bə̂d rɨŋga ɨsɨg jɨg ɨ̀chɔ̀m, bə̀ ghɨ̀ ni ɨchî nɨ mbɨ nyaʼa ton ə Ŋwiə̀ ə nyaʼa ghɨ̀ ni bə̂d mbe nɨ kaʼi mɨ̀Jû jɨg ɨ̀chɔ̀m, njɨ à yɨ ənû nɨ bɔŋɨ ni mɨ̀Izre mɨ̀jìm fə fɔtɨ əbɔʼ mɨ̀mə̌d!

Rm 12:15

Mbə̀ ghaʼrɨ mbɨ ə bə̂d mbe nɨə ghaʼə, bə̀ zə̀ʼ mbɨ mbe nɨə zə̀ʼə̀.

Rm 15:13

Ŋwìə̀ we nɨə ghɨ̀ ni mbə̀ berɨ ɨghɨ mbe nɨ mbə̀ə wòmə̀, ghɨ ni ɨghaʼi swi ɨŋga tə fîŋ, mbə̀ bə chub ənɨ əbɔrəbɔd ɨchî nɨ mbə̀ ben əməd, ɨmbə̀ʼ Əzwî ə Zeŋɨ ə ghɨ̀ ni mbə̀ wo ɨmbì wòm ɨnû mbe nɨ Ŋwiə̀ nyaʼa kaʼi.

Rm 8:32

Məd we nɨ chəi wɨ̀ nyaʼa yim i Wan rəbɔʼɔ, àyɨə wɨ̀ nyaʼa nàʼ əməd ənɨ əghɨ ə̀fà ɨgwɨ mba ɨtu mbà mɨjìm, ka məd mbɨ i Wan wa bɨrɨ naʼ i ɨghɨjìm ɨ na ə?

Rm 9:2

Ə̀kə̀nɨ̀ mbɨ ə ŋgəʼ nɨ chəi ɨnwǐ fə swi ɨŋga mɨ fîŋ.

1 Kɔrèn 1:5

Wɨ̀ fə nàʼ mɨneʼe ɨ nən ənɨ mɨnə̂njɨ̀ jìm ɨchî nɨ mbə̀ yeʼ ənɨ ɨfɔtɨ mbɨ Kristo. Wɨ̀ fə ghɨ̀ ni mbə̀ gha ɨnû jìm mbe nɨ wɨ̀ kə̀bɨ ni mbə̀ ghǎ. Wɨ̀ nyaʼa bə̀ ghɨ̀ ni mbə̀ kyerɨ ɨnû jìm mbe nɨ wɨ̀ kəbɨ ni mbə̀ kyerɨ.

2 Kɔrèn 2:4

Ənɨ mə nyaʼa ŋwaʼnɨ ə̀ŋwàʼnɨ̀ ze ɨ nən, mə nyaʼa kàŋ kə̀n əku, mɨ fîŋ bə̀ tɔb əmɨ, əne mə nyaʼa zə̀ʼ. Chəi mə̀ nyaʼa ŋwaʼnɨ ɨmbə̀ʼ tɔɔnɨ tə fîŋ. Mə nyaʼa ŋwàʼnɨ̀ ɨmbə̀ʼ mbə̀ kyerɨ ni mə kàŋ ghaʼ əwən kwàʼ rɨŋgəʼ.

2 Kɔrèn 4:15

Ɨnû mbɔ̂ jìm yɨ ɨmbə̀ʼ weerɨ əwən, ɨmbə̀ʼ ɨ̀chɔ̀m we nɨə jàŋə̀ wò əmbɨ ə bə̂d mɨ̀nɔnɔʼ, ɨ we tɨ̀ wɨ ghɨ̀ ni bə̂d naʼ məben-əwe əmbɨ ə Ŋwiə̀, ɨmbə̀ʼ wumnɨ əməd.

2 Kɔrèn 4:7

Àyɨə tɨ̀ berɨ mbɔ̂n zɔ̂ ɨŋga rɨkyiŋ si, ɨmbə̀ʼ zɨə zeŋ ni ɨka kyeŋ wɔ̂ yɨ wɨ Ŋwiə̀, kaʼi wa.

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

Efesùs 3:16

Mə wɨə kɔ̀ŋgɨ̀ ə Ŋwiə̀ ni, ɨchî nɨ wɨ̀ berɨ mbɔ̂n ze nɨ ka zɨ bɨrɨ nɔ mi i, ɨ we tɨ wɨ̀ ghɨ̀ tə fîŋ kaanɨ ənjìm ɨka we nɨ Əzwî əməd ə nàʼə̀.

Efesùs 3:8

Ka à bè yeʼi ni mə kə chè wɨ kwa rəbɔʼ bə̂d Ŋwiə̀ mɨ̀jìm, àyɨə Ŋwiə̀ nyaʼa ghɨ̀ ɨ̀chɔ̀m ənɨ ə num ni mə̀ gha əmbɨ ə bə̂d mbe nɨ kaʼi mɨ̀Jû ɨmbə̀ʼ mbɔ̂n ze nɨ chəi zɨ̀ bɨrɨ nɔ mì, nɨ tɨ̀ berɨ àmei ɨchî nɨ mbɨ kyerɨ ə Kristo.

Fìlipì 2:17

Kɨ̀ mə be kwɨ, mɨ ənəm ə bɨrɨ yeʼ ɨghabɨ ɨchəmnɨ nɨ mbɨ zɨ ɨgun ɨghɨ ə̀fà. Ɨghɨ ə̀fà mbe yɨ ɨbenɨ we nɨ mbə̀ nuŋ ɨgun ə Ŋwiə̀. Əne mɨ ɨnyod wɨə bɔ̀ŋə̀, mə bə̀ ghaʼrɨ ɨchî nɨ mbə̀n ə bə̀ ghaʼrɨə.

Fìlipì 4:4

Mbə̀ ghaʼrɨ ɨghəm jìm ɨchî nɨ mbə̀ yeʼ ənɨ ɨfɔtɨ mbɨ Kristo. Mə yì ghà ɨ nən ni: Mbə ghaʼrɨ!

Kòlosè 1:24

Mə wɨə ghaʼə rɨ̀nîn ɨchî nɨ mɨə zəə ŋgəʼ ɨmbə̀ʼ əwən, ɨmbə̀ʼ ɨghəm nɨ mə wɨə màànɨ̀ ɨchî nɨ Kristo nyaʼa zə ŋgəʼ ɨmbə̀ʼ i nyamnyod. Nyamnyod ze yɨ ɨfetɨ bə̂d məd.

Kòlosè 3:16

Ɨŋgam ɨmbə̀ʼ ə Kristo kaŋ tèn ɨŋga tə fîŋ kwàʼ ɨchî chɔ̀m. Mbə chwi ɨnû, bə̀ kəərɨ mbə bɔŋgɔb ənɨ ɨwe jìm. Mbə̀ kwerɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî naʼ əmbɨ ə Ŋwiə̀. Mbə̀ ghɨ əne mbɨ ɨghaʼi kyeŋ ɨŋga tə fîŋ.

1 Tèsàlonikà 1:6

Mbə mbɨə nyaʼə ghɨ̀ ɨnû mbe nɨ tɨ̀ nyaʼə ghɨ̀ə̀ bə̀ ghɨ̀ə̀ mbe nɨ Ə̀nùŋɨ̀sɨg nyaʼə ghɨ̀ə̀. Ka à bè yeʼi ni mbə mbɨə nyaʼə zəə ŋgəʼ, Əzwî ə Zeŋɨ ə nyaʼa ghɨ̀ mbə̀ nɨŋ ɨŋgam we mbɨ ɨghaʼi.

1 Tèsàlonikà 5:16

Mbə̀ chub ənɨ ɨghaʼi ənɨ mɨ̀nyùmə̀ jìm,

1 Timotì 4:8

Ənû nɨ ghɨ ɨnû mbe nɨ bɨrɨ ghɨ ni ɨnyod kaanɨ ə bɔ̀ŋ, àyɨə ənû nɨ ghɨ mbe nɨ chwi ni à wɨə wumnɨ ə Ŋwiə̀ ə bɔ̀ŋ chè ənɨ ɨnû jìm, ɨmbə̀ʼ ɨghəm nɨ Ŋwìə̀ fə kàʼ ɨ̀tènɨ̀ rɨ mì ɨ ne tɨ̀nîn bə̀ fɔrɨ ənɨ ə nyùmə̀ we nɨ bɨrɨ yeʼe.

1 Timotì 6:18

Gha əmbɨ mɨ̀mə̌d ni mbɨ ghɨ̀ tɨkwɨrɨ chɔ̀m jìm bə̀ ghà ni mbɨ saŋnɨ mbɨ ni mbɨ naʼ ɨghɨ əmbɨ ə bə̂d mbe nɨ kwaŋ ɨghɨ.

Mə̀Hibrù 10:34

Mbə mbɨə nyaʼə dììrɨ̀ə̀ bə̂d mbe nɨ nyaʼa ə nəb ndəŋ. Ənɨ mbɨ nyaʼa fe mbə ɨghɨ, mbə̀ nyaʼa ben ənɨ ɨghaʼi. Mbə mbɨə nyaʼa ghɨ̀ əne ɨmbə̀ʼ ɨghəm nɨ mbə̀ nyaʼa kyerɨ ni mbə berɨ ɨghɨ nɨ bɔŋ chè mbe, nɨ yeʼ ɨghɨ nɨ bɨrɨ ten i koŋ.

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

1 Pità 4:13

Àyɨə mbə̀ ghaʼ ɨchî nɨ mbə̀ə zəə ŋgəʼ ɨchî nɨ Kristo nyaʼa bə zə. Ɨghaʼi bɨrɨ swi ɨŋga tə fîŋ ənɨ wɨ̀ wɨrɨ yeʼe ɨŋga ɨzeŋɨ zeŋɨ məd.

Ɨnû 2:9

Mə kyerɨ ɨchî nɨ àwɔ̀ ə zəə ŋgəʼ bə̀ kyerɨ ɨchî nɨ à kwaŋɨ, àyɨə àwɔ̀ yɨə wə̀d ɨkab. Mə kyerɨ ɨnû mbe nɨ bə̂d mbe nɨə ghà ni mbə yɨə mɨ̀Jû, àyɨə kaʼi mbɨwən, ə ghàə̀ ɨmbə̀ʼ chəkɨ e ɨkum. Mbɨ yɨ rɨŋga ɨfetɨ Satàn.

Ɨnû 21:7

Wə̀d we nɨ baŋ ɨnû rɨbɔ̀ŋ bɨrɨ jɨg ɨghɨ mbɔ̂ jìm. Mə bɨrɨ yeʼ Ŋwìə̀ məd, məd bə̀ yeʼ mɨ wan.