2 Kɔrèn 5:6 - Meta’

⁶ Əne tɨ̀ wɨə ben ənɨ mɨ̀nyùmə̀ jìm ni ɨnû mbɔ̂ yɨ ɨnû rəsìʼ. Tɨ̀ bə̀ kyerɨ ni tɨ̀ mɨ yeʼ ɨŋga nyamnyod zɔ̂, njɨ tɨ̀ wɨ əsa əgha rɨ əmbɨ Ə̀nùŋɨ̀sɨg.

Ikan feg

⁶ Ane, chəyi te jə̀mə̀ inug mbo̰. Tè kyèri kwàʼ tesiʼ gha, icheg ne tì yaʼi izɔm inga nyàmnyɔd igun isəg aŋa, agha ne tì yaʼi ane Anɔŋisəg ze sà.

2 Kɔrèn 5:6 교차 참조

2 Kɔrèn 5:1

Tɨ̀ kyerɨ ni mbɨ mɨ sàʼ ɨŋwenɨ we nɨ tɨə chub ɨŋga ɨgwɨ ə si, əne yɨ a nyamnyod, njɨ tɨ̀ berɨ nəb ɨkaŋ nɨ à yɨə Ŋwiə̀ ziə korɨ, nɨ kaʼi bə̂d mɨ̀sɔŋɨchù korɨ. Nəb ze bɨrɨ ten i koŋ.

2 Kɔrèn 5:8

Ee, ɨnû mbe nɨ tɨ̀ benɨ yɨ mbɨ rəsìʼ, əne tɨ̀ bɨrɨ kə̀b saŋ nyamnyod zɔ̂, ɨmbə̀ʼ chub ɨŋga nyamnyod fi mbɨ Ə̀nùŋɨ̀sɨg.

Mə̀Hibrù 10:35

Əne tɨ mbə̀ waʼ əwən ənû nɨ nuŋ fîŋ ɨgun Ə̀nùŋɨ̀sɨg, ɨmbə̀ʼ ɨghəm nɨ əze ə bɨrɨ yeʼe mbɨ ɨchɔʼ ə̀fàʼì kyeŋ.

Mə̀Hibrù 11:13

Mɨ̀mə̌d mbɔ̂ mɨjìm nyaʼa nùŋ ɨbenɨ ɨgun ə Ŋwiə̀ pè ənɨ mbɨ nyaʼa kwɨ. Mbɨ nyaʼa kwɨ nɨ chəi mbɨ nyaʼa kɨrɨ berɨ ɨghɨ mbe nɨ Ŋwìə̀ nyaʼa kaʼ əmbɨ mɨ̀mə̌d. Mbɨ nyaʼa zə ɨghɨ mbe nɨ Ŋwìə̀ nyaʼa kaʼi rɨ əsa əgha, əne mbɨ nyaʼa ghaʼ kwàʼ rɨŋgəʼ. Mbɨ nyaʼa zə əne, kyerɨ ni mbə yɨə bə̂d rɨ̀sɔ̀ʼɔ̀ nɨə che ə che ɨŋga ɨsɨg wɔ̂.

Mə̀Hibrù 13:14

Chəi tɨ̀ berɨ əsɨ ze nɨ ten ɨghəm mɔʼ. Tɨ̀ wɨə wòmə̀ yeʼ əsɨ ze nɨ bɨrɨ yeʼe.

1 Pità 5:1

Mə yɨə wə̀d nɨə chà ɨfetɨ bə̂d Kristo. Mə yɨə zərɨmbin ɨchî nɨ Kristo nyaʼa zə ŋgəʼ. Mə yɨə bə̀ wɨ mɔʼɔ rəbɔʼ bə̂d mbe nɨ bɨrɨ zə ɨzeŋɨ zeŋɨ we nɨ Ŋwiə̀ bɨrɨ chwi ənɨ Kristo wɨrɨ yeʼe. Əne mə wɨə buʼ ɨbɔ əmbɨ mbə̀n mbe nɨə chà ɨfetɨ bə̂d Kristo ni,

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.