2 Kɔrèn 5:15 - Meta’

¹⁵ Wɨ̀ nyaʼa kwɨ ɨgwɨ ətu ə bə̂d mɨ̀jìm. Wɨ̀ nyaʼa kwɨ ɨmbə̀ʼ tɨ bə̂d mbe nɨ yeʼ ɨkǎ wɨrɨ chub ənɨ ə ɨghəm, àyɨə ni mbɨ chub yeʼ ɨmbə̀ʼ məd we nɨ nyaʼa kwɨ Ŋwìə̀ zwemnɨ əməd.

Ikan feg

¹⁵ Wì ya ku igun atog abə bəd məjìm. Wì ya ku ni gha imbə̀ʼ bəd mbe ne yaʼi izɔm ywiri chùghi awɔb ane ìwɔb ighəm. Mbe si chùghi yaʼ imbə̀ʼ aməd we ne ya ku Ŋwiye zwèmni.

2 Kɔrèn 5:15 교차 참조

Lk 1:74

ni tə bɨrɨ chɨ əwa rɨŋga rɨkyerɨ-ɨbɔ mba bə̂d pə̀n, ɨmbə̀ʼ tɨ̀ faʼ ɨ bɔ nɨ chəi ɨbɔɔ,

Jn 5:24

“Mə ghà rəsìʼ ɨ nən ni wə̀d we nɨ zu mɨ ɨŋgam, əne ben wə̀d we nɨ nyaʼa tom əmɨ, fə jɨg ɨ̀tènɨ̀ rɨ mì. Chəi mbɨ bɨrɨ saʼ əməd, àyɨə wɨ̀ fə jwɨ̀ rɨ ɨchû ɨvɨ, jɨg ɨ̀tènɨ̀.

Jn 6:57

Ɨchî nɨ Mbǎʼ we nɨ yeʼ ɨkǎ nyaʼa tom əmɨ, əne mə wɨ ɨkǎ ɨmbə̀ʼ əməd. Əzɔ̂ ə chwi ni wə̀d we nɨ kud mɨ nyamnyod bɨrɨ bɨ yeʼ ɨkǎ ɨmbə̀ʼ əmɨ.

Rm 12:1

Mbɨ bɔŋgɔb, mə wɨə buʼ ɨbɔ ɨ nən ni ɨchî nɨ Ŋwìə̀ ə dììrɨ̀ əwa, mbə̀ naʼ ə ɨnyod əmbɨ ə Ŋwiə̀ ɨghabɨ əghɨ ə̀fà ze nɨ yeʼ ɨkǎ, nɨ zeŋɨ, nɨ Ŋwìə̀ bə̀ ghaʼ. Əzɔ̂ yɨ ɨchî nɨ kuʼnɨ nɨ tɨ̀ mbə wumnɨ ə Ŋwiə̀.

Rm 4:25

Ŋwiə̀ nyaʼa nàʼ əməd ni mbɨ zwiirɨ ɨmbə̀ʼ mba ɨnû rɨbɔ̀ŋ. Wɨ̀ nyaʼa bə̀ zwemnɨ əməd ɨmbə̀ʼ tɨ̀ təm kùʼnɨ̀.

Rm 6:2

Chə̂! Mba mbe nɨ fə kwɨ dè ɨnû rɨbɔ̀ŋ kɨə kɨrɨ wò ɨmbì ghɨ̀ ɨnû rɨbɔ̀ŋ ɨmbə̀ʼ ə yè ə?

Rm 6:6

Tɨ̀ kyerɨ ni mbɨ nyaʼa fə kòmbɨ̀ à nyamnyod ənun əzed ə baʼnɨ mbɨ məd, ɨmbə̀ʼ nimnɨ nyamnyod ɨnû rɨbɔ̀ŋ. Əne chəi ənɨ tɨ̀ rɨ̀ wɨrɨ chub ənɨ ɨ̀bòʼò əton ɨnû rɨbɔ̀ŋ,

Rm 8:10

Kristo mɨ yeʼ ənɨ ɨfɔtɨ mbɨ nən, ka à bè yeʼi ni tə nyamnyod fə kwɨ ɨmbə̀ʼ ɨnû rɨbɔ̀ŋ, ə əzwî ə zɨ ɨkǎ ɨmbə̀ʼ ɨghəm nɨ mbə̀ fə təm kùʼnɨ̀.

Rm 8:2

ɨmbə̀ʼ ɨghəm nɨ ɨkə Əzwî we nɨə ghɨ̀ ni bə̂d jɨg ɨ̀tènɨ̀ ɨchî nɨ mbɨ yeʼ ənɨ ɨfɔtɨ mbɨ Kristo Yeso fə chɨ̀ əmɨ rɨŋga tɨkə te nɨə ghɨ̀ wə̀d ghɨ̀ ɨnû rɨbɔ̀ŋ əne kwɨ.

Rm 8:6

Wə̀d mɨ nuŋ fîŋ ɨgwɨ ɨghɨ mbe nɨ nyamnyod ə feenɨə, wɨ̀ bɨrɨ kwɨ, àyɨə wɨ̀ mɨ nuŋ fîŋ yeʼ ɨgwɨ ɨghɨ mbe nɨ Əzwî ə nàʼə̀, wɨ̀ bɨrɨ jɨg ɨ̀tènɨ̀ bə̀ chub ənɨ əbɔrəbɔd.

1 Kɔrèn 10:33

Mbə̀ ghɨ ɨghabɨ ə mɔ̌, ɨmbə̀ʼ ɨghəm nɨ mə wɨə kəbɨ ni fîŋ rɨ bə̂d mɨjìm bɔŋ ɨchî nɨ mɨə ghɨ̀ ɨnû jìm. Chəi mə̀ kəb nɨ ghɨ àmei ɨnû mbe nɨ bɔŋ ɨ num. Mə wɨə kəb ghɨ̀ yeʼ mbe nɨ bɔŋ əmbɨ ə bə̂d mɨ̀nɔnɔʼ, ɨmbə̀ʼ ɨ mbe tɨ̀ mbɨ jwɨ̀ rəŋgəʼ.

2 Kɔrèn 12:10

À yɨ əton nɨ ɨmbə̀ʼ ə Kristo, mɨ fîŋ zɨ i ɨchî chɔ̀m mbɨ ɨghɨ mbe nɨə ghɨ̀ ni mə bɔd, mbɨ mɨzɔ̂m, mbɨ ɨnû mbe nɨə nyèm əmɨ, mbɨ ɨchî nɨ bə̂d ə nwèndɨ̀ tum rɨkyerɨ-ɨwu fɔrɨ mbɨ ɨchî nɨ ŋgəʼ nɔnɔʼ ə nyɨ ə ɨgwɨ num, ɨmbə̀ʼ ɨghəm nɨ ənɨ mə bɔrɨ, mə wɨ ɨkǎ.

2 Kɔrèn 3:6

Wɨ̀ fə ghɨ̀ ni tɨ̀ kuʼ nɨ fàʼ əton fɨso fi. Ka fɨso fi fe yɨ i əghɨ nɨ mbɨ ŋwaʼnɨ. Fɨso fe yɨ rɨ əmbɨ ə Əzwî. Tɨkə te nɨ mbɨ ŋwaʼnɨ tɨə yeʼe mbɨ ɨvɨ, àyɨə Əzwî ə zɨə nàʼ ɨ̀tènɨ̀.

2 Kɔrèn 5:16

Əne, ɨ kɔ rɨ̀nîn chəi tɨə wɨrɨə neŋə wə̀d ɨchî nɨ wə̀d mɨ̀sɔŋɨchù ə nèŋə̀. Ka à bè yeʼi ni tɨ̀ nyaʼa kweʼ nèŋ ə Kristo ɨchî nɨ bə̂d mɨ̀sɔŋɨchù ə nèŋə̀, àyɨə chəi tɨə wɨrɨə nèŋ əməd əne.

Gàlesìyà 5:25

À yɨ Əzwî ə ghɨ̀ ni tɨ̀ yeʼ ɨkǎ, əne tɨ̀ ghɨ ɨnû mbe nɨ Əzwî ə kə̀bə̀.

Efesùs 4:17

Mə wɨə ghà ɨ nən kwàʼ rɨkǎ ənɨ ɨkum Ə̀nùŋɨ̀sɨg ni tɨ mbɨ rəbə chub ə ɨchî nɨ bə̂d mbe nɨ kaʼi mɨ̀Jû ə chubə. Tɨkɔndɨ tɨ mɨ̀mə̌d yɨ ətu ə̀kǒ.

Efesùs 5:14

ɨmbə̀ʼ ɨghəm nɨ ɨghɨjìm mbe nɨ bə̂d ə zəə yɨ mbe nɨ ɨzeŋɨ zeŋɨ ə te ɨgun. À yɨ əton nɨ mbɨ ŋwaʼnɨ ni, “Wə̀d we nɨə gwenə, nɔʼ rɨ əŋgwenɨ zwemə, əne ɨzeŋɨ zeŋɨ Kristo bɨrɨ te ɨgwɨ ne.”

Kòlosè 2:12

Mbɨ nyaʼa fə tweŋ əwən mbɨ Kristo ənɨ ə nyùmə̀ we nɨ mbə̀ nyaʼa nɨŋ mɨnib. Ŋwìə̀ fə bə zwemnɨ əwən mbɨ məd ənjìm ɨchî nɨ mbə̀ ben ni məd ə berɨ ɨka nɨ ghɨ əne. À yɨə məd nyaʼa zwemnɨ ə Kristo.

Kòlosè 3:1

Ŋwìə̀ mɨ fə zwemnɨ əwən mbɨ Kristo, əne mbə̀ sɨ kɔ kəb yeʼ ɨghɨ mbe nɨ yeʼ ɨkaŋ, əsɨ ze nɨ Kristo chub əbà əbɔ ə jɨg ə Ŋwiə̀.

Kòlosè 3:17

Əne ɨnû jìm mbe nɨ mbə̀ə ghɨ̀ə̀, kɨ̀ ənɨ mbe nɨ mbə̀ə ghàə̀, mbə ghɨ ənɨ ɨkum Ə̀nùŋɨ̀sɨg Yeso. Mbə mɨə ghɨ̀ə̀ əne, mbə bɨrɨ yeʼə chè ənjìm məd nàʼə̀ məben-əwe əmbɨ Ŋwiə̀ Mbǎʼ.

Kòlosè 3:23

Kɨ̀ à kɨ ɨkwɨ ə̀fàʼì wi, mbə̀ faʼ ənɨ tə fîŋ rɨjìm, ɨghabɨ ni mbə mbɨə fàʼ yeʼ əmbɨ Ə̀nùŋɨ̀sɨg, kaʼi əmbɨ ə bə̂d.

1 Tèsàlonikà 5:10

nɨ nyaʼa kwɨ ɨgwɨ mba ɨtu ɨmbə̀ʼ kɨ̀ tɨ wɨ ɨkǎ kɨ̀ tɨ fə kwɨ, tɨ̀ we tɨ rɨ chubɨ mbɨ məd.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

1 Pità 4:6

Əzɔ̂ yɨ əton nɨ mbɨ nyaʼa gha ɨkə̂n chɔ̀m fɔrɨ əmbɨ ɨvɨ bə̂d, ka à bè yeʼi ni mbɨ nyaʼa fə saʼ mɨ̀mə̌d ɨchî nɨ mbɨə saʼə bə̂d cherə. Əne yɨ ɨmbə̀ʼ ɨzwî mɨ̀mə̌d yeʼ ɨghabɨ Əzwî ə Ŋwiə̀.

1 Jɔn 4:9

Ŋwìə̀ wɨə chwi ɨchî nɨ wɨ̀ ghaʼ əwa əni: Wɨ̀ nyaʼa tom i Wan we mɔʼ ɨŋga ɨsɨg ɨmbə̀ʼ tɨ̀ we tɨ̀ rɨ̀ chè ənjìm məd jɨg ɨ̀tènɨ̀.

Ɨnû 1:18

Mɔ̌ yɨə we nɨ yeʼ ɨkǎ. Mə nyaʼa kwɨ, àyɨə zə, mə wɨ ɨkǎ koŋ. Mə berɨ ɨka ɨgwɨ ɨvɨ bə̀ fɔrɨ ɨgwɨ əbeŋ ɨvɨ bə̂d.